لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
يا سبحان من حط الشتاء ل البشر ترفيه
تقول الرحابه والسعد فيه مزروووعه
لا قام السمر ياخذ من البرد ويصاليه
وطقّت شليخه طقّت ابهههاام دلوعه
على جاله اللي يلحق مْع اوله تاليه
كريمٍ يمينه تظهر البخل عن طوعه
ماهو والله بـ جو اسبرسو ولا لاتييييه
هذا جو رسلانٍ على الكيف مصنوعه
وفنجالها الاول محد جاهلٍ راعييه
وبصمة بيوته مع هل الشعر مطبوعه
عسى اللي قصيده كل متذوق ايغنيه
ايجمّله ربي مثل ما جمّل ربوعه
يحطون لحساباته اليا كتب تنبيه
لو ان الضرايب من خلاياه مدفوعه
ترا الشاعر المبدع هواجيسه إتسريه
ليا قام ثقب الابره يْضاهي ضْلوعه
هنا لو تشوفه قلت جعل الله يْعافيه
لا دوّر على اللي قبل ماهي بـ مبدووعه
يشوّش بها منعورٍ اليا طرا طاااريه
وسبعين نعْم مْن المطاليق مسموعه
ابو تم وابشر بالسسعد وامر ولبيه
ليا قييل فواز انعرف وشهي طْبووعه
مقاطيٍ قْطامي و ربعه تفاخر فيه
ولا صك جواله وبابه وَلا سْموعه
من تحده ضروف القدَر والزمن مشقيه
يسنّد على ابن مسيند وينجلي روعه
يجيه ويوادع همّه اللي بحث خافيه
يخلّص لزومه قبل لا يرتكي كوووعه
على كثر ما يفعل من الجود ما يطريه
جمايلْه متبوووعه ولاهيب مجبوعه
ما يعرف يقول بْكم وكم هُم ووش مغليه
ومضيافه اشهر من كَفي ستار وفروعه
هذا ضيفٍ امغدّيه والآ خر امعشّيه
ايحط امرقة هاذي وهاذيك متبوعه
بفعل المراجل يتعب اللي يبى يْجاريه
طروبٍ لا شاف الطيب يمشي له اقطوعه
ذخاير عتيبه لا بدا لزّمان إوجيه
مداغيش نجد وسربة المجد ودروعه
يا كم راس قومٍ قدمنا يرخي اذانيه
ما والله يجابهنا ولو كثرت افزوعه
هذا شيخٍ انسرحْه والثاني انسريه
ندك الصفوف ونلطم الشيخ وجموعه
رقينا على اللي قمته مِفحمة راقيه
والافعال مرفوعه والامجاد مرفوعه
وحتى المزاين كل موسم لجينا فيه
نجي بسمنا لو المعادين مجمووعه
نحب التنافس فالميادين ونحيّيه
ما جينا نحلق كل خنبا ومجدوعه
من يناحي العتبان يبكي على ماضيه
ويهلّ الحسايف مثل مَ انهلّت دموعه
23 сен 2024
