شيلة هجن الأشراف 

عرضوا باللكازس عند ، حد الحرم
وجهوها مكاشيت الظفر والغبار
النواميس نكسبها بطرق الخشم
والهجن والسيادة نحتكرها احتكار
لين غاب النجم يطلع مكانه نجم
كل عامن لنا جولات حول المدار
سبق(ن) تحت صابرها الهقاوي لِزم
تنحذف قوق غاربها العقل والغتار
تدحم بروسها والروس تدحم دحم
قبل لا يعلنون الفوز ،،،، والانتصار
سِدة الفوز لا ثارت وقب ،، العزم
تحرق الأرض وتعقب رماد ودمار
للجناب المعرى والجناب الفخم
نرخص أموالنا ونبيع معها العقار
مطرق(ن) معتلي يآرد على كل جم
والحلق محتميها من ، يمين ويسار
حاكرين الجوايز تحت هاك الوسم
وسْمنا اللي يولع فالميادين نار
سمها عنجهيه ،، سمها اللي تسم
نكسب الطايلات ونختصرها اختصار
والنعم لا دعانا ،،،، بين مية نعم
والله انه يقاوينا مقاوى ،،، الكبار
بسم الاشراف واللابه وكبر الاسم
نحتمي بالفعول الاولات الجسار
آل زيد اشهر من النار فوق العلم
حن طوال الايادي وحن طوال العمار
الهرم ماتغافل بسم راس الهرم
سيرة(ن) من تحتها خط والف اعتبار
كل ما هب راسه نود عاد الفلم
يوم قص الحناجر واليدين القصار
ايه حنا مواريث الدول والحكم
وايه حنا الكبار اللي خلقنا كبار
الشاعر : بندر آل زيد