اذا عندك القصيدة تكفى نزلها السلام ورحمة الله وبركاته = واستجير الله تعالى واستعينه الراكب اللي كاملاتٍ مواصفاته = والكمال لواحدٍ ماتنام عينه لؤلوٍ مثل سكرة النباته = نافس فكس آر في حجم المكينه جكس الألفين وثمان مميزاته = ربحت مستورده وموردينه هيبته بين الجيوب منافساته = وسط صالة عرض الأنواع الثمينه هيبته اللي لوفق جابو عباته = ومابغاه يجاب قبل يقول وينه العصر متفقدين محركاته = لسفر فجر الخميس مجهزينه وقبل لا يبدأ المصلي في صلاته = الصبح من دفنو أهلها مسرحينه يطوي آميال الطريق ولآفتاته = للحضر في سايقه ومرافقينه كنه اللي لمشى يطرب أمهاته = تلفت يمه وتِشعر بالسكينه أوضح لأقفى وأخذ نصف إلتفاته = موتو عدوان أهله من الغبينه صاحبه لو قيمته سبة غناته = حالف إنه ماتفرطبه يدينه مايقول إلا اللهم لاشماته = كل ماساموه ناسٍ راغبينه حط عن سوامته طيلة حياته = في هذاي طينه وفي هاذي عجينه وش نبا بالجيب لو لا واجباته = للمشاوير المهمه مشترينه يا صباح الاندكروز ويا بياته = لا أبد لازم محنا راحمينه قبل نسناس الضحى تقضي طراته = عند بيت أبو جمال موقفينه دايمٍ في لازم صعب إدخالاته = ما تقنع فيه الأعذار السمينه غير مقبول العذر ومبرراته = عن حفل تكريم من تبطي سنينه حفل أخوي اللي ما تحرملي خواته = ياعل ما والديني والدينه صار لي مثل الأخو من طيب ذاته = بالعلوم الطيبه بيني وبينه الرفيق اللي ما أحد سوى سواته = يوم بعض الحاقدين أظهر خزينه قال عندي والردي نشفت لهاته = جعل يفدى لهاب سودان الضغينه شاعرٍ لرقب نجوم الشعر جاته = البيوت معاندت غيره بحينه يقطف من الشعر ما يرضي هواته = ورده وخوخه وزيتونه وتينه شرد بيوته وندر مفرداته = في حصون الذاكره تبطي سجينه الشعر يعرف عياله من بناته = لأبتلش في فرقه اللي ياه وينه طيب شعر وطيب راس مرافقاته = بينها وبينه علاقات متينه يستمد من أهله طيب صفاته = بالشجاعه والمراجل جاذبينه عزوتةٍ وقت البشر فيها إستماته = ورث حوض الموت ماهم هايبينه من دخل بوجيههم يضمن نجاته = ومن وقف بنحورهم ربي يعينه أهل البلهى ليا دارت رحاته = موقفٍ يقضيبه الديان دينه فرع دوحن جذعها برهن ثباته = ضد ميلات الدهر ومعاونينه يوم شعب المملكه وده وهاته = لاعبٍ فيهم إبليس وتابعينه يرحم الله روح من جمع شتاته = وطول الله عمر من قاد السفينه والسلام ورحمة الله وبركاته = نبتدي القاف فيه وخاتمينه
