صريح جدا : تقبلي تتزوجي بواحد ماشي قاري؟..شاهد إجابات الجزائريات 

ههههه، هههههه،المستوى الوحيد المعترف به حاليا هو المستوى المالي.

أنا زوجي مش قاري بصح طيب محترم مربي مثقف الحمد لله .

الزواج ماهوش مبني علي المستوى الدراسي مبني على التربية و الصلاة والأخلاق

دخلت نشوف لي كومنتار لقيتهم ڨاع مزوجين برجال مثقفين 😂😂😂 الله يبارك

القضية قصية وعي البصيرة هناك رجال ماعندهمش مستوى دراسي و لكنهم رجال صالحين و العكس المهم وازع الديني هو اساس نجاح الحياة

رسولنا الكريم يقول اذا جاءكم من ترضون دينه وخلقه فزوجوه لم يشترط علم ولا مال ولاغير ذلك اما اذا اجتمعت هذه الأمور في الزوج فهذا شيء جميل

الرسول صلى الله عليه وسلم، قال اذا جائكم من ترضون دينه وخلقه زوجوه، يعني أهم حاجة الخلق والدين، الله يصلح جميع شبابنا نساء ورجال أمين يارب العالمين

انا زوجي موش موصل في القرايا لكن عايشة معاه أحلى عيشة الحمد لله على هذي نعمة

متحصلة على على شهادة جامعية وزوجي نجار❤و نعم الزوج راجل وفحل و متدين و نعم الاب وفي عيني واحد ما يلحقو

ليست كل من لها مستوى دراسي عالي مثقفة والعكس الصحيح

المستوى هو في الدين والتربية والاخلاق كاين قاريين وهم لا علاقة بالدين ولا بالاخلاق وتلقاها عادي وهو قمة في التربية والاخلاق

أجمل ما قاله الرجل على رسول الله صلى الله عليه وسلم ❤❤❤❤❤

انا صديقتي طبيبة نساء تزوجت مع طبيب كيفها عامين تطلقت بسبب الاطفال بعد سنة تزوجت مع عون امن و راهي في 4 سنوات ماشاء الله ربي يرزقهم الذرية الصالحة

هدا بالنسبة لرأي الشخصي تنمر يمكن أنك تلقى شخص ما عندهش مستوى مليح ولكن مثقف أكتر من الجامعي ويكون حنين ويبغيها أكتر لدرجة الجنون

قال النبي صلى الله عليه وسلم لذالك الصحابي الذي أراد أن يزوج ابنته ، ( زوجها من تقي أن أحبها أكرمها و إن كرهها لم يظلمها)

لا علاقة بالمستوى الدراسي من اجل الزواج. المستوى الحقيقي هو التربية الحسنة للانسان مع الاخلاق والثقافة التي يتميز بها الشخص تستطيع ان تجد من له مستوى عالي في الدراسة لكنه حابس في المجالات الاخرى كما تستطيع ان تجد من له مستوى دراسي محدود لكنه يتمتع بكل الصفات المحببة ، لكن ما نلاحظه في مجتمعنا هو طغيان المادة على كل شيء ، من يملك المادة يستطيع الزواج بدون اشكال سواء إمرأة او رجل.

الحمد لله راجلي ماشي قاري بصح الحمد لله حنين معايا يخاف ربي وليد فاميلية ربي يحفظو ان شاء الله

القاري ماشي بالضرورة مثقف والمثقف ليس بالضرورة متخلق.اذل معيار اللي نقبل الشخص هو معيار الأخلاق يعني يتقي ربي فيا ويكون محترم ويحترمني واكيد مصلي وملتزم قبل كل شيء

لا يوجد مستوى دراسي في الجزائر، المستوى الحقيقي هو التمسك الدين و أخلاقياتة و أخلاقيات الحياة و شكرا

العلم نور والجهل ظلام لوكان مادرسناش الطب لوكان رانا نموتو بالالاف لوكان مادرسناش الميكانيك والهندسة وووو لوكان رانا نعيشو في الكهوف والمغارات هذي هي تقبلوا ان العلم نور وهو تطور ومايميز الانسان عن الحيوان هو العقل والعلم والابداع والعلم لا يتعارض مع الدين والاخلاق بل الامر رجعي ونسبي يرجع للشخص نفسه وليس لمادة العلم فالعلم سلاح ذو حدين ينفعنا ويضرنا على حسب نوايانا وافعالنا .

انا دكتورة وراجلي مش قاري بصح حمد لله واعي ومثقف ومتخلق ويعاملي احسن معاملة المهم في الأخلاق والوعي

البعد عن الله هو سبب فشل الحياة الزوجية

الثقافة هي الأخلاق والدين نقطة الى السطر.

مكاش منها تاع واحد قاري ومثقف يدي وحدا واصلة وقارية انا avocate وتزوجت مع juge d'instruction تطلقنا متفاهمناش عاودت زواج مع واحد طاكسيور حابس في سيام وراني لاباس

الدين والأخلاق هو كل شيء

الاساتذة تاع بكري الي نعرفهم كامل زوجاتهم موش قاريات وزواجهم كان ناجح ماشاء الله الزمان برك كي تبدل ربي يهدينا

الأخلاق هي الشيء الوحيد في هذه الدنيا تحكم العلاقات مع كل الأشخاص

انا ماما عندها ليسانس وبابا عندو مستوى بكالوريا فقط لكن الحمد لله عايشين حياة سعيدة ومتفاهمين بزاف بزاف

قال رسول الله صلى الله عليه و سلم لو جأكم صاحب الدين والخلق فزوجوه ، ولم يقل صاحب المستوى او صاحب المال ربي يصلح حال هده الامة

عجبتني الطفلة الثالثة ان شاء الله ربي يرزقها الزوج الصالح عجبتني ماشي متكبرة. حلوة ربي يحفظها

مراحتش للمستوى الدراسي والثقافي راحت لشهامة والرجولة والدين و الكلمة

لواحد ما يكذبش النساء في الجزائر قراو و عندنا اكبر نسبة المهندسات في العالم

فرق بين المستوى الثقافي و المستوى الدراسي والمهم في هذا الحديث اخلاق المسلم

شفتو الشاب الناجح ما شاء الله عليه صاحب مستوى عالي من الناحية الدراسة والدين والاخلاق هذا هو الاصل في لعلم

انا زوجي ماشي قاري ويخدم فلاح والحمد لله نعمة التربية نعمة الثقافة عقلو كبير ومتفتح طايع والديه ويعرف قيمة والديه ويعرف قيمة مرتو يعرف قيمة العمل سبحان الله عاش في دوار بصح عقليتو خير من هاداك اللي عاش في أوروبا حمد الله انو ربي عوضني بيه

جيت من التيك توك😂😂 على الطفلة لي قالت منقدرش نتزوج مع واحد معندوش نيفو هههه طفلة مشاء الله تهبل عجبو بيها بالفيلتر هذا ڨاع باش يضحكو الغاشي 😢

كي يكون عندو الدراهم تتزوجو بيه يالوكان خرج مالإبتداءي😏😏

❤❤❤كاين متل يقول ....دووو القارية وجيبووولي الفااهمة.....ومعنى كبير

انا شخصيا أرفض رفضا قاطعا الجامعية أعوذ بالله من الشيطان الرجيم أعوذ بالله من غضب الله أغلبية......... مايشرفوش

حبست التاسعة متوسط سنة 2005 وحسنت فالمستوى تاعي حتى الباك مذيتش منبعد ذرت تكوين فالمعهد الفلاحي وكملت منبعد ذورتها فلاحة نكري على الناس وبذيت نطور فالضمان تاعي وليت نستثمر فالفلاحة وهبطت لصحرى لأني من الشرق وليت نصدر حتى للخارج أوروبا وإفريقيا وراهم يخدمو معايا ناس مهندسين فالفلاحة يعني إطارات وراه يسترزق معايا 175 شخص يعني منصب ذائم وسني لايتجاوز 38سنة وراني شايف وقاري لزمان عقوبة بفضل الله أولا و الحمد لله والقادم أحسن إنشاء الله

Y a une grande différence entre cultivé et instruit,y a des gens qui ont bac+5et culture générale 0

المستوى الدراسي ليس عائق المهم الواجبات الزوجية و الشرعية

المستوى الدرسي في الوقت الحالي هو الشهادة العليافي مادة المال والأ عمال.

كل شيء مسطر عند الله ، ألزواج سر من أسرار الله تعالى .

والله العظيم غير ضحكت من قلبي😂😂😂😂 تحس قلا وحدة مديرين عليها صف خطبا 😂😂

أساس نجاح العلاقة الزوجية هي التربية والثقة والاحترام وليس المستوى الثقافي وهذا عن التجربة.

يقول الرسول الكريم من ترضون دينه وخلقه فزوجوه

الدين والأخلاق والتربية هي كل شيء في حياة الرجل أو المرأة.

والدينا كانو اميين لكن رباو و كبرو اجيال بالحكمة و التدبير و راهم ضركا اطارات و دكاترة في مختلف المجالات و بالتالي ليس بشرط ان نكون قاريين باه ننجحو في حياتنا

الحمد لله أغلب الأشخاص في الفيديو فاهمين شوي الأهمية تع الثقافة و العلم في أطراف العلاقة الزوجية و نحب نزيدلها إحترام ومعاملة و مهارات تواصل هنا تولي مستوى آخر من التفاهم والتناغم، و أكثر شيئ عجبني الشخص لي رجعلو للكتاب الكريم و الحديث الشريف 👌💕 مكانش وين تزيد

أرجوا ان يكون السؤال في الحلقة القادمة هل يستطيعون الزواج الشخص حافظ القرأن 😊

المشكل في الأخلاق و ليس في المستوى الدراسي

مهما بلغ مستواك الدراسي هذا لايعني انكي فاهمة الحياة كما ينبغي. تقدري طيحي في شخص ذو بأس شديد واجتماعي وعندو تجربة في الحياة أنت من تستشرينه في كل الأمور. يعني ليس كل من تفوق في الدراسة تفوق في إدارة شؤون الحياة

انا راجلي مشي جامعي بصح رجل صالح وطيب القلب ومحترم ومتقف اخلاق حمدله وقال رسول صلى الله عليه وسلم منجاءكم على دين وخلق زوجوه مقالش العلم الوازع الديني هو اساس الحياة الزوجية

ضحكتني هذيك لي قالت ça reste point de veux 😂😂😂😂 الشعب يعرف كلش راك فاهم 😅😅

يا غي يكذبو ...هي في قلبها راهي تتمنى راجل يسترها ...يرحم باباكم شا دخل جد النيفو ...المهم يسترك .يصونك .يحترمك....هذا هو الصح ..

اذا اصبح المستوى الدراسي معيارا للحكم على الشخص بالجهل و التخلف فاننا في طريق الهاوية , يقاس الشخص بتربيته و اخلاقه و فهمه واهدافه و تفكيره خارج الصندوق ...

الوحيد لعجبني الاخ الملتحي

انا عن نفسي ما نقدرش نتزوج واحد ماشي مثقف و ماشي قاري ، و ماشي برك شويا لازم يكون قاري و مثقف بزاف و متفتح

🔴🔴 الحليب تاع الشكارة اثر بصفة رهيبة في الشعب ، من الاثار الحانبية الزلط والتفرعبن كيما راكم تسمعو ۔۔۔الفغونسي و داخلا فيها عربية مع شويا دارجة ۔۔ وتبقی مكونات الحليب تاع الشكارة مجهولة ۔۔۔الحاصول نروح نلعب شويا بالبيانو ۔۔۔۔الزلط والتفرعين

يأثر هدا الامر كثيرافي العلاقه الزوجيه واحد مش قارئ الحياة معاه كارثه هدا رأي الخاص بي😢

الزواج مستوى الدراسي عالي أو منخفض لا يهم المهم هل انت من عائلة ثرية أو صاحب المال إذا أنت من أحدهما فأنت إنسان محضوض ستأتي ملكة الجمال بي نفسها هذه الحقيقة الزواج في الجزائر حالين عبارة عن تجارة بشرية في الأسواق و فقط 😂😂😂😂

نطلبو من الحكومة تستوردلنا الروسيات نديروهم خدمات ويغسلولهم رجليهم

ما عندها حتى معني المهم يكون فاهم الدنيا ويقدر الحياة الزوجية وهي كذالك تكون قادر على المسؤولية وتتحمل مصاعب الحياة و تكون تعرف تنظم حياتها من داخل و من برا و يكون بيناتهم النقاش و المفاهمة

والله العضيم يا لوكان ايكون عنده دراهم ومرفه مام مايعرفوش يكتبو اسمهم تديوهم كلشي مبني على دراهم و المادة انتهى الكلام

المستوى الدراسي ماشي مهم الأهم التعاون والتسامح والتراحم والمحبة

انا من اعتقادي لازم المراة تكون قارية باش تقري ولادها لان صلة الاولاد بالام اكثر و الرجل يكون اول شيء يخاف ربي محترم و خدام و عندو وين يستر ولادو و عندو ثقافة عامة ماشي شرط يكون قاري في المستوى العالي

ربي يرزقني براجل صالح وحنون وفحل واعي وموش معقد الاهم اخاف ربي فيا ومصلي منحتاجوش قاري

المشكل ماهوش مشكل المستوى الدراسي إنما المستوى الثقافي و الأخلاقي لأنوا يقدر يكون الشخص قاري و متغطرش شايف روحو أحسن من الطرف الثاني و ممكن ما يكونش قاري و مغيار يحس بعقدة النقص و يبقى يخلق في المشاكل و ممكن يكونوا لثنين قاريين و بيناتهم المنافسة شديدة و غيرة لا تحتمل خاصة من طرف الزوج الي في الأغلب لا يتقبل أن تكون زوجته أحسن منه مستوى

كاين ناس ماتحصلوش على شهادات عليا ولكن الحديث معهم شيق وممتع وناس زعمة اطارات ، تعاف تحكي معاه

في حرام تقبلي في حلال متقبليش

انا نرتاح مع الانسان الي كي نحكي معاه في اي موضوع يفهم عليا وكي يهدر معايا يقدر يوصلي الفكرة سواء كان راجل ولا مرا

ناس بكري يقولو اعطيهولي فاهم والله لا قرا ،كاين قاري وتلقاه عند التبن في الراس وكاين ماكملش قرايتو وفاهم ومثقف وعندو في الراس،وحاليا على ماأظن ولاو يحوسو على المستوى المالي اكثر 😏

دوكا رانا نحوسوا على الرجلة لي راهي معدومة ومتقدرش تشريها ومتقدرش تقرا عليها المهم الأخلاق والراجل يكون فحل معاه لمرا تحس بقيمتها اما قاري ولا أمي الدنيا تعلم واش متقدرش تقرى فالمدرسة المهم يعرف يقرا ويكتب ويكون فاهم لحياة مليح

ايه رهن قاريات وقاريين واش يختارعو جزاءريين

اللهم انصر اخواننا في فلسطين وتقبل شهدائهم

هيا بنا نصلي على نبينا وحبيبنا و شفيعنا محمد صلى الله عليه وسلم و على آله وصحبه أجمعين هلموا رحمكم الله

ماكش منها وحذ ايكون قاري عنذى بنتات خالتي واحدة استاذة جامعية جمال وتربية واخلاق زوجها حارس واخرى صحافية وزوجها بطل صذقني عايشين ماشاءالله فيلات سيارت عمرك ماتتكبرى علي نعمة

بولحية: المرأة السلعف 😂 ....واعر قتلتني بالضحك 😂

إذا جائكم من ترضون دينه و خلقه فزوجوه . اهم شيء الاخلاق و الدين و الرجولة كم من واحد قرا و نجح ما عندهش اخلاق

الاهم يكون راججججججل الرجولة مبقاتش في بلادنا

المشكل واش من مستوى ادا تخرجت من الطب ولا تعرفون تشخيص اغلب الامراض ، ودا تم تشخيص المرض تكون الوصفة الطبية غير فعالة ، باستثناء بعض الامخاخ

التفاهم وحسن التربية هو الأساس ✅🌹

ينبغي أن يكون الزوج والزوجة من نفس المستوى التعليمي. فإذا كانت الزوجة ذات مستوى تعليمي عالي أكثر من زوجها، فإن هذا الأخير ستكون لديه دائما عقدة نقص، والتي قد تصل إلى التنمر على زوجته والتقليل من شأنها ومن شأن تعليمها. كما يمكن أن تتعالى الزوجة على زوجها إذا كان أقل منها في المستوى الدراسي. كما أن تربية الأطفال وقيادة الحياة الزوجية يتطلب الوعي الكبير والثقافة اللازمة من كلا الطرفين. لا أوصي أبدا بزواج الرجل والمرأة إن لم يكونا كفئا لبعضهما. فمهما كتم أحدهما ما يكنه في نفسه تجاه الآخر، إلا أن الحقيقة المرة لا يمكن تجاهلها، ولا بد أن تظهر يوما وتطفو على سطح الحياة الزوجية. ينبغي أن يكون كفئا لها حتى في المستوى الاجتماعي. 9:06

شحال من واحد قاري تزوج مع وحدة قاريا مادارش العام تطلقو؟ المشكل رهو في الاخلاق او مشي في النفو. تخلقو بالقران والسنة . تحوس على المستوا فقط؟؟ إن الله جعل مكارم الأخلاق ومحاسنها وصلاً بيننا وبينه

خير مثال البنات الي راهم قاريات وقاعدين بلا زواج وواحد ما يحب يتزوج بيهم غير الزبل لي يديهم حاشا بنات فاميليا

زوجي حبس القراية في السنة النافيام مثقف و الصح يكون اصلي الحمد الله الصلاة او عندي معاه 10سنوات او يربي اولادوا مليح اعلمهم او دايرهم كيصحابوا عدنا 3اولاد او طفلة الله يبارك مشاء الله و الحمد لله او صح تشوفي اصلوا كيما نقولو تضيف او وليد لبلاد اصلا أحب فاهم وايد العاصمة الجو مثقفين او فهمين والله خيرمن قاري او عجبني كلام الأخ مع آخر لكان يهدر علي معاملة الرسول صلي الله عليه وسلم مشاء الله يعرف العقيدة والسنة الصحيحة

المشكلة مافيهم ما يعجب وزيد تشراك الفم.

المهم هو الثقافة الدينية و اتباع سنة رسولنا و حبيبنا محمد عليه افضل صلاة و السلام الراجل لازم يعرف دينو هو الصح ممبعد يجي كلش

زوجي أستاذ الرياضيات وانا سيام ونعيش احسن معيشة ويقولي تقول عندك دكتورا

انا حمد لله انسان قاري ومثقف ماخصني والو ونتكلم بثلاث لغات بصح صدقوتي والله مايهمني لامستوى ثقافي لا والو المهم تكون مرا شابة وفحلة ونقية وفحلة وتخاف ربي ولالات النساء - نضرب عليها البارود وقليل . اما من ناحية الثقافة خلوها عندكم انا راح ندي مرا ماش راح نتزوج بالثقافة ، اصلا نتوما تعرفو غير تقلدو وفالمواقع قاع تبانو رجال ونساء وكيفكم ماكانش اما فالواقع يجيب ربي

كل واحد وكيفاش ....بصح اغلب الاحيان يصرو مشاكل بزاف طرف يغير من طرف باسكو قاري عليه ولا يحس بعقدة وفرق كبير ...اصلا مايكونش عندهم نفس الاهتمام ونقاش معدوم فلدار باسكومن عالمين مختلفين

البنات في هاذ الوقت كي يكون ما عندو والو لدار لا خدمة مليحا تقولك نحبو قاري وكي تلقاه ما عندوش مستوى دارسي كما تاعها ولكن تاجر عندو دراهم او ساكن في أروبا وعندو أوراق تقبل به هذا مكان يتبعو مصلحتهم فقط

معظم المتعلمين تعليم عالي يتكبرون و كأنهم اخترعوا الذرة طبعا ليس الكل (قل لمن يدعي في العلم فلسفة علمت شيئا و غابت عنك أشياء) مع احترامي لكل متعلم

*المعروف انو كل ما زاد علم الانسان زاد التواضع تاعه....واهنا راني نشوف العكس....زعمة الطب حاجة كبيرة جاهم كرونا ظهرو واحد فيهم مافاهم حاجة...يتبعو في بروتوكول هيئة الصحة العالمية كالاميين...في كورونا تساوى الطبيب بالبناء....مكانش مستوى ثقافي كاين الاخلاق...تقدر تصيب دكتور نسوانجي ومايساعد حتى بنت....واذا الدكتور عندو دور محدد فهو ينحني للبناء باش يبني داره وينحني للميكانيكي باش تمشي سيارته وينحني للفلاح باش ياكل الرهج لي يرهجه....مكانش فرق الا في الاخلاق والتقوى*

للأسف الدينار يلغي كل شيء في الجزائر😮

شغل حنا نجريو موراكم 😂

المستوي الدراسي يؤثر كثيرا علي العلاقة الزوجية. ومستحيل تكون الحياة عادية. عن تجربة اتكلم.

شكون جا من تيك توك باه يتأكد لي لابسا الازرق شكلها حقيقي ولا فيلتر 😂😂

المستوى التعليمي والثقافي يؤثر كثيرا في نجاح العلاقة الزوجية خاصة اذا كان أحد الطرفين ذو مستوى علمي عالي والآخر أمي