صريح جدا: هذا هو مهر العروس في غليزان.."قاطع مقطوع" !! 

عجبني داك راجل كي قال يكون راجل برك ويخاف ربي بارك الله فيك وربي يعطيك ما تتمنى دنيا وٱخرة 👏👏👏

عجبني راجل لي لبس فيستا حمرى مشاء الله تحياتي من باتنة الأخ

انا تزوجت باخاتم والحمد الله راني هانية وعارفة راجلي معندوش انا نبغيه ولو كان يحتاج عينيا نمدهوله عندي بنتي هي كل شي

في وجه أمك الى كانت عايشة ربي يطول في عمرها و الى راها مريضة الله يشافيها و الى متوفية الله يرحمها ، دير آبوني و قول تم ترجعلك في الحين

انا دفعوا فيا 20مليوون فيها كلش خاتم تبق عشا تع حلال كلش وراني نوجد في روحي بشوية ادعولي ربي يتمملي علي خير

والله العظيم انا راجلي دار لي خاتم ببرك ومليون قسما بالله وربي شاهد على كلامي والحمد لله عندي 3سنين زواج وبنت والحمد لله في قمة السعادة ربي يدومها

انا من العاصمة بصح والله ماني عارف علاه ناس غيليزان عزاز عليا ..عرفت بعض منهم ناس ملاح فالعاصمة

الله يرحم أبي كانوا كي يجيو يخطبونا يقلهم واش مديتولهم ورانا مهنين بولادنا و بديارنا و الحمد لله وأنسابو كامل يحبوه نتمنى الوالدين يسهلوا للشباب للم الشمل .

اقسم بالله عندي شهر ملي تزوجت باطل. المهر ميفتش 5 ملين خوكم من بجايه

والله تحير في هدو العباد 12مليون عانس فوق 30سنة والشباب الأغلبية بطال بلا خدمة ومزالهموم يتمهبلو ربي يجيب الخير

حنا لقبايل الحمد لله قنعين اكون مصلي رجل و خدام ازوجوه عادي و ممكن مام اعونوه و ربي علي ما اقول شهيد 💐

40 مليون خليها عندك يا حاجة 🐸🐸 غليها وشربي ماها

يكون راجل ويكون يصلي تحيا ليك عمي 👌

أقلهن مهرا أكثرهن بركة لماذا أصبح الفقير لايقوى على فعل أي شيء لدرجة انه عجز عن إكمال نصف دينه لماذا أصبح الزواج ماديا أكثر منه ميثاقا غليظا لو تعلمي ياأختاه قدسية هذا الميثاق لماطلبت هكذا ألا يكفيك مصحفا ألايكفيك ان تطلبي منه ان يعينك على طاعة الله وعبادته ألايكفيك ان تتسابق معه فى حفظ القرآن ألايكفيك ان تتفقا على الصوم معا كتطوع حتي تنالا أعلي الدرجات ألا يكفيك ان يوقظك في الليل ليقول لك لقد جاء دورك لتقومي وتصلي ألايكفيك ان يقوم برشك بقطرات من الماء الندي حتي تستيقظي لصلاة الفجر وتطلبي من الله عجز وجل ان يكون رفيقك فى الجنة

كون غير تخلوهم. يبورو. تشوفو. كيفاه يولو. يديرو. صولد. باطل.

الموسطاشة تصيبها تطلب الله يعطيها زوج صالح كي يعطيها ربي زوج صالح تطلب منه كل شئ دار سيارة ذهب سفر 😂😂😂

تخلطت علينا والله انا واحد من الناس راني واجد باش نتزوج ساكن غير انا ويما المشكل تاعي منيش خدام الله يفتح عليا بخدمة أن شاء الله

يارب ارزقني الزوجة الصالحة وجميع واحد ولا وحدة ناوين الحلال إن شاء الله يارب

قال رسول الله صلي الله عليه وسلم (أقلهن مهرا اكثرهن بركه ) غالبيه الجزائريون ( الطمع يفسد الطبع ) والرزق بي يد الله صبحانه وتعالي ياريت تكون هناك حملات لي الاعراس الجماعيه التي لا تتطلب الاموال الطائله واجرهم علي الله

اتمنى يكون معيا ناس من غليزان🇩🇿🇩🇿🇩🇿🇩🇿😥

عجبني غي هذا 2:43 قالو عندي شهرين ملي تزجت بصح معلبليش

انا شابة من غليزان خطبوني ناس الله يبارك ماعندي مانقول بصح والله ماشرطت عليهم والووو غير الهناء برك .....نصيحة ياشيرات لي بغات تزوج وتنستر مع رجل ولد فاملية تسهل عليها وعليه المهم يكون خدام ويتهلا فيها بركاكم من الشرط والذهب والسباعيات تاع الشكيل الزوخ ما يبني خيام والوقت تبدل وكلش راه غالي حشمو

تحية لولاد غليزان من دزاير

الحمد لله بنات الجزائر يطلبوا الهنا والسعادة .... و هاذ الهنا مايكلفكش بزاف .... ذهب 60 مليون ... الجهاز 20 مليون .. المهر 10 ملايين... العرس 45 مليون ... الحمد لله على نعمة الهنا 😱😱

واش حبيبنا راهم ف تيك توك باطل ونت تڨولي 50مليون احشمو شويا راكو كبار

انا من تبسة ونعشق طفلة من غليزان جديوية ايمان نموت عليك ديرولي جام خواتي تشوف كومنتار❤❤❤

جيبولي النيميروا تاع الحاج في دقيقة 1.12 بعدوا عليه هذا هو نسيبي

واحد مسمعتو يقول نطلب لبنتي الهناء و البركة و الذرية الصالحة يهدر غير بلملاين يا لطيف الطف بنا و ارحمنا برحمتك ان شاء الله

والله ميحشم لڨال شحال نطلب اطلب الهنا لبنتك الطمع خسركم و المعاندة ڨاع تبغو لاصال و الحاجة الغالية و الدهب ومنبعد عام ولكملاته انعلو شيطان طلبو الهنا و راجل ليطيڨ عليه يجيبه حسب طاڨته لغنده تبارك الله لامعندهش عاونيه و تزوجو علابيها لي جان هربو ڨاع حسنو عونهم شوية ديجا الخدمة وراهي وةالسكنة وراهي حتى دڨولي داري وحدي حطو كرعيكم في ميها باردة و بركاكم من هاد الطمع و الجري مور الدراهم الله يهدينا،،نزيدكم حاجة دروك لا كان عنده خدمة باينة و سكنة و دراهم يتزوج ولمعندهش مسكين يخون و يجيبلك ماتيرياليست الرزق على ربي ماشي على العبد ،،،،🙅🙅🙅

اللهم ارزقني الزوجة الصالحة خاوتي دعو معايا ربي يحفظكم

هذ ركم غيل شكيل بلمهر والطلاق راه دير حلة لو تولي بدون مهر يتزوج الصباح ويطلق في المساء رجال يملي عينهم غيل التراب😪

شعب جيعان وطماع إلا من رحم ربي. إن الله لا يغير ما بقوم حتى يغيروا ما بأنفسهم.

هرمنا ولم يكتب الله لنا الزواج، اللهم لا تحرمني من الحور العين في الجنة

ربي يكون في عونكم ويسرلكم امركم ويرزقكم من بابه الواسع وربي يرزقكم بنت الحلال لي تسر خاطركم و تصون شرفكم يارب

اقلهن مهر اكثرهن بركة انا صراحة يخطبني واحد مهم يكون مصلي يخاف ربي

بعد غلاء المعيشة انا قررت نخلي ولادي في قلاويا 😂

باش تشوفها تخلص باش تخطبها تخلص باش تتزوجها تخلص باش تعيش معاها تخلص تقعد هكا حتى تخلاص عليك

الرسول (ص) قال : اقلهن مهرا اكثرهن برك تحوس ربي يهنيك في زواجك اطلب قليل 😍❤

أدعولنا نخرجو من لبلاد هاذي و نهجرو خاوتي إن شاء الله

لاه هادا 50 مليون 30 40 في لآخر مدير والوو. انا نمد نمد سوما تاعي وحدي راجل مصقم مصلي الصلاة على النبي

ولي عندها الشعر في ضهرها شحال

لازم يتحدو الجزائريين ويحددون تكالف الزواج ويقدروها 25مليون فيها كلش لان بلدنا احتلت رقما كبير في العنوسه وكثرة أعمال الرذيله والحرام فلهذا يجب علينا الالتفات والتفاهم من أجل القضاء علي العنوسه وتزوج جميع الشباب وتخلق أجيال جديده. بإذن الله ربي يوفقنا ويزقنا بالحلال

خههههه حنا لبنات في بوسعادة الشرط تاعنا 15مليون وكلش من عندنا وحاسين رواحنا مغليين مدينتي مالا مزال فيها الخير

خلعتوني يا ناس الحمد لله انا قبايلية منشرطوش المهم راجل خدام متربي و يتحمل المسؤولية الماديات مع الوقت تجي و الله تفشلو ركايب انعلو الشيطان

Les Kabyles prennent 100DA symbolique !car pour nous c'est une honte de vendre sa fille !la fille n'a pas de prix ! On demande deux choses " LA Paix" et "LE RESPECT"

قال رسول الله صلى الله عليه و سلم *اقلهن مهار اكثرهن بركة * فلوقت الحالي ولت لمرة تشرا شغل بقرة الله يهدي

أنا تزوجة بخاتم لا صداق لا طبق مكانش عنده وقبلة والحمد لله راه عندنا 11 سنة زواج و3 تاع الصغار والله ربي فرج علينا من بابه الواسع والحمد لله وخلفلي كتر من اصداق لي كان غادي يعطيهلي والله يا لبنات متعسروش خلوها على ربي ماتقلوش كل شى يفوت دايم ربي.

لاحول ولا قوة الا بالله وين رايحين بيها !!! قطعت العزم اني لن اتزوجها جزائرية

غلازنة عندكم المهر رخيص كاين منطقة وحدة في غليزان mazouna لي مهر بناتهم غالي و لولادهم تاني يدفعوه الغالي

حنا في منطقة القبايل المهور قليلة تكاد تكون منعدمة غير 200الف وتديها زين و دين و طاعة الوالدين...المهمة عندنا البركة والهنا وربي يسهل اعلي كل واحد باغي الحلال...

بلاد جهنم يبيعو النساء و يقولك احنا مسلمين اقسم بالله غير هدا الشعب لا يمت للاسلام بصلة اليهود خي منه

الراجل يخلص 3 ملايين و نتي تستناي يجي يخطبك و يمدلك مهر 20 مليون و ذهب 40 مليون و صالة و دار وحدك طماعات كرهتونا زواج ماتحشموش على رواحكم 😕😕

عندو شهرين ملي تزوج ....السؤال: شحال كان المهر ....و الله ما علابالي 🤣🤣🤣🤣 2:41

الله يبارك حشمة و حياء في غليزان

انا خاتم و زواج عامين حمد الله عندي بنت كي ملاك تزوج راجلي عمره 21عام و أنا 18عام و حمد الله غيل هنا بزااااف خير

مرتي المستقبلية اذا دفعت فيك فايت 5 ملاين تاع مهر سموني نحرق منوليش واذا مدفعتش قعدتي بايرة😁 وصحابي ارجو جيل هذا تاع2000 ترندف في صغرها ودير حرام باطل ومين تجي تخطبها تضربكب200 مليون. وقت صعيب راه جاي وراني نشوف بلي. نسبة العنوسة غادي تبلغ مستويات قياسية الله يهدينا وربي يسهل

الحمد لله تزوجت بمهر قدره 50 دج و مصحف عندي 10 سنين زواج

الهناء خير من الدراهم ربي يفرج على الجميع

اكبر مهر البنت هو زوج يتقى الله فيها ويكون قوام ودو أخلاق. ويستطيع تحمل المسؤلية بعد الزواج قال الله تعالى والدى لا يستطيع الاباء فليعتكف .

قالوا الصلاة والرجلة هذا راجل في غيليزان

انا زوجتي اوربية مسلمة 300 euro او الحمد لله بنت او ولد او عندنا 20 سنة زواج او عايشين منين ذاك في البلاد عادي في بلادي

كثرت العنوسة غير من الشيء هذا. يبييعو في بناتهم ومن بعد تخليه غارق في الدين وتلقاها الكسرة ما طيبهاش .قتلتونا من الطمع والمظاهر.في القبايل تلقاها زين وهمة وحطة وما يشرطوش.مع اني لست قبايلية بصح كاينة منها وشفتهم .تحية ليهم

40 مليون علااه وقيلاا غادي ندي مرا تخرج بطرول من سوتها ديجا غيليزان منيتك

ديتهى قبائلية الحمد لله دفعت 200 ألف وراني مهني اللهم فرج على شباب المسلمين من أراد زوجتا فضهبو إلى القبائل رجال طبقو الشريعة بحكم الله وقول الرسول

الله يستر ويحفض اخي تزوجة ميڨرية ماشرطتلو والو وما عطاها والو وإمرأة ماشاء الله 🖤

نعرفو الغلازنة ياو ماشي انتوما لي تورولنا شعبنا

انا من ولاية قالمة متزوج من قباىلية من تيزي وزوا ورانا نسناو في طفل ولدنا جاي الحمد لله

والله فضائح قدام العالم ولعالم المسلم ...في اغنى الدول تطلب خاتم فقط...ونحن نخالف سنة النبي صلى الله عليه وسلم..عادات اجتماعية فاسدة تسببت في ضياع الشباب ...13مليون عانس وبايرة...فضايح والله

مرحبا بكم في سوق بيع النسا في الجزائر 😑😑

الباتني جاام

انا غليزاني 30 مليون كاينة كون جا عندي 30 مليون درت بيها حل لعمري مشي نروح نجيب لهم لقلبي شعب مقود

النسا قع بورتوهم يجي النهار لتولي الفتات تدفع المهر لراجل و ما يديهاش. يطلبوا خمسين و العرس ب متين و تزيد تديك للمحكمه تريشك مليح و تديلك حتي السكنه خليها تبور.

حاجة بنتك خليها🎶🎶🎶🎶🎶 تصدي🎵🎵🎵🎵 شرطها غالي وانا والله ماعندي 🎵🎶🎵🎶🎵 ديرولي ابوني و جام

انا بابا مشرط والو مي راجلي مدلي 35مليون بلا ذهب الحنة ❤ هو لي حب هكا احنا مقلناش لالا 😎😆 الصح فلهنا❤😻

هذا لي قاله 50 مليون راه يشلق برك ماهو عارف والو وزيد لي يقول 50 و60 مليون هاذو صحاب البلاد كي يخطبو يطلبولهم هذا المبلغ اما في البلديات نورمال في غليزان متقوتش 30 مليون قاطع مقطوع

لا تدفع المال مقابل الجسد

عندي أنا الهناء برك صح المهر من حق المرأة لكن علينا بمراعاة ظروف الزوج لا تنسوا أن العرس فيه تكاليف كالطعام الفاكهة والخضار العصير والحلوى علابيها ولاو ما يحبوش الزواج على جال الشروط وزيد كاين لي تقول بيتي وحدي وديرلي هكذا ......إلخ إتقوا الله كونوا كنساء الصحابة رضي الله عنهم علينا بمراعاة ظروف الزوج المال تقدري تعملي بيه كلش بصح السعادة الزوجية محال تقدري تشريها عندي أنا المال ما يهمنيش المهم نكون مهنية في بيتي قال رسول الله صلى الله عليه وسلم* إرض بما قسم الله لك تكن أغنى الناس* صدق رسول اللَّه صلى اللَّه عليه وسلم

في البلد الكفر والله مايطلبو من غير الخاتم

استقامت 30 مليون بلختم عندنا في سطيف وربي ايهني هذا مكان ولو متصلحش اتزيد تخسر 100 مليون وانت تظحك

الرجال قالو يكون راجل ونطلبو العادة والنسا يقولو ربعين عشرين باه تعرف المشكل وين راه إدا بارت البنت سبابها مها

هذا هو دين الإسلام لنتكلم فقط به كل عادات الزواج الدخيلة منافية لتعاليم الدين الإسلامي أول شيئ يبدأ به المسلم هو النية الرسول محمد صلى الله عليه وسلم يقول إنما الأعمال بالنية ولكل مرئ مانوى ويقول أيضا أقلها مهرا أكثرها بركة كيف يوجد شروط في أمر الحلال وهو الزواج معناه هنا تغيب النية وتصبح شروط كيف لرجل كرمه الله بقوله الرجال قوامون على النساء أن يدفع لمرأة ثمن مهر وهو كبير و مشروط فوق 15 مليون + تكاليف الزواج الأخرى والتكاليف كلمسكن والمشرب والكسوة من أجل طلب الحلال و الستر نعم يهوديات و نصرانيات و مسرحيات لايطلبون ذلك حتى الرجل يشترط عندما تغيب النية لأن الرسول صلى الله عليه وسلم يقول تنكح المرأة لجمالها ومالها وخلقها والله جل في علاه يقول في القرأن - ومن ٱياته أن خلق لكم من أنفسكم أزواجا لتسكنو إليها وجعل بينكم مودة ورحمة صدق الله العظيم أعزب وأفتخر يلزم الوسطية والعدل والمساواة بين الجنسين يقول الله تعالى وأقيمو الوزن بالقسط يعنى العدل في كل شيئ وهنا التكاليف يتقاسمها الرجل والمرأة في الدين أو إسقاط دفع المهر وستبداله بخاتم زواج فقط كهدية حب والعرس يكون بسيط فطور وحليب وقهوة وحلويات برك لكي يتمكن حتى الفقير من الزواج لقول الله في القرٱن بسم الله الرحمن الرحيم - إنا مع العسر يسرا - ومعناه أن جميع أمور الحلال تعالج بليسر في الدين أي تسهل خاصة الحلال والتكاليف الأخرى كدفع إيجار السكن يتقاسم تكاليفه الزوجان مثل بلدان لنقول عليها ديار الكفر

ولاه غير كذب انا غيليزانية مكانش منها هادي 15 ولا 20 مليون فيها كلش مانيش عارفة هادو لي هدروهم منين جابوهم

صدقوني يا خوتي غير كرهت حاجة سميتها العرس في هدالبلاد يالرب حداعش انمليون عانس اوزيد وعشر ملاين عازف اومابغوش افيقو ياخي بشرو المشكل مارهش غير فالبنات رهوفالمجتمع كاكول بلاد.. .تفو .

والله وانا منكم الي شرط باباها بزاف نديهاو نخرج ليها نوم من عينيها و نديرها خدامة تحت رجليا ياخي باعها باباها عيب والله عيب ناس يروحو بسرقة رسول مقالش هاك المهم المفاهمة برك

مكنش منها والله خطب يرحبو بيك البنات تاع ذرك يتمناو يجيهم راجل قنوات العهر ينشرو المغلوط وسط الشعب

حني فلقبايل يديونا برخيص هههههه و الله في الفاتحة ميتين الف مهر خاتم و بارور لي جات مش ملزوم بارور

اقلها مهرا اكثرها بركة هاو بصح حنا ثاني مناش عاطيين ڨطة والله ياتحت العشرين ماتشوفها مناش عاطيين قطا علابيها المطر مكانش ،

حتى الرجال كاين يقول نديها خدامة باش تعاوني ويقبل الشرط الغالي ويخلي لقاعده في الدار وقادر والديها يساعدوه وهذا كل طمع وافق شن طبقة

انا من الشلف حبيت نخطب بنت بلادي من ولايتي باباها اقسم بالله غير قالي 40 مليون، قلتلو خليها تصدي جهلت

Vive lgawriya ما تغلي ما والو خاتم و مهر خفيف نصيحة خاوتي الرجال... تزوجو شيشانيات والديهوم يشرطو الدين و الرجلة... و كي تدي بالتغماض العين #زين_و_دين_و_طاعة_الوالدين لا ماكياج لا هم يحزنون كلش من عند ربي خالق... الزين ديالها لم يمسه انس و لا جان و خلي الطماعات يتزوجو بالتركي و السوري لي يلعبو بيهوم و يتزوجو بالنازحين الأفارقة و لعرايا لي يشبعها طياح و تحيا الجزاير✌و تحيا الاروبيات و الشيشانيات

ذهب ذفوع دراهم سني شروط صالة كورتاج خرفان قاطو مواكل جهازها شدتها قفطانها كراكوها الخ...... وين راكم ماشين

حبيت نعرف لي تقولك لازم ذهب فهميني ذهب واش فايدتو اذا كانت هاذي هيا شروط فارااكم بعتو دينكم علاه متقولييش يكون ولد فاميليه يصلي وعندو والديه اهم حاجه وصالح على روحو رزق بيد ربي ولاعلاش متقوليش حافظ القران الكريم

انا والله بابا كما لي لابس لحمر زوجنا 3 بنات كي يجو ليه باش يتفهمو على شرط يقلو جبة وديها راهي ليك انا نحبك تهني بنتي برك وتهنيك واللحمدالله تزوجنا قاع وعيشين حيتنا ما متناش حتى مالينا زواولة وعشو حياتهم لمهم لهنى برك

وهذه الغيليزانية واش عندها زيادة على البنات راهم الزين ولاطاي والفهامة . تقولك انا نزيدلو ونسهلو .يخطبني برك...

نقعد باير وما نتزوجش بهاذ الشرط اقسم بالله نقعد باير ناس حابة الهنا قاله عذرا رسول الله فقد اضعنا امانتك 😢😢

كاينات بنات فاميلة تبارك الله عليهم جمال وشكل وأخلاق وتربية وإيمان تطلب منك غير الهناء واهتمام برك.. تجيك وحدة غيليزانية كشرودة تطلب منك 30.50 مليون. نقلك قعدي بايرة حتى تشيبي..كلمتي هذي من وهران الباهية شابة.

لماذا حينما يهاجر شبابنا الى اوربا و الغرب بصفة عامة يتزوجون الأوروبيات و الغربيات عموما بسهولة و يسر ودائما ما يخضع ذلك للتفاهم بين الطرفين في حين ان الزواج في دولنا المغاربية اصبح في غاية الصعوبة و اصبحت المراة المغاربية طاردة لكل رجل يطلب يدها للحلال نتيجة للمغالات في المهور و متعلقات الزواج ؟ لماذا يتم تسليع المرأة المغاربية حيث أصبحت عملية الزواج اشبه ما تكون بشراء دابة تخضع لكثير من الشد و الجذب و المماكسة و المزايدة ( انقص وزيد) ؟

اعطوني نميرو تاع لي لابس فيستا حمرا حبيت نسقسيه على وحد طبيب 🙃

ياو بناتكم خليوهم عندكم .....ماعندنا مانديرو بيهم ......

الزواج في الجزائر نوغمالمو يفوتوه في ناشيونال جيوغرافي في برنامج مشاريع كبرى