وشحال هذا السيدة لصقة و معندها كرامة و مرخصة راسها راه الرزق في بيد الله و ليس العبد توكلي على على االه و سيري طلقي و شوفي حياتك راك باقا صغيرة ماشي نهاية العالم
اختى بديتى من الاول كلشي غلط راكى باقة صغيرة تطلقى وخدمى علا راسك وكونى اكيدة غادى تلقاى راسك فغيرو لكن خدمى علا راسك هو الاول والحب معندو لا وقت ولا عمر
هذاراه غير دارك خضرا فوق طعام عوض مايمشي الحرام حطك احتياط اكبر غلط درتي في حق نفسك منين تزوج ورجعتي ليه اللهم سبع سنوات وتفلتي براسك ويمكن ربي بجيب لك شي ولد الناس يعوضك ولا هذا الزواج الملاوط البنت هيا لتيغصبوها على الزواج اما هذا راه تزوج برغبتوا عاجبوا الحال شافك لاصقه فيه وتيدير فيك مابغى والغلط الكبير اللي درتي تزوجتيه بالسر اختي مالك تتسرقي والى بقيتي معاه غادي تكملي في،غلطك ويمكن تحملي وتزيدي الطين بله المشكل اللي تنديروا تنخافوا من هضرة الناس وتندفعوا ثمنها بوحدنا اش فيها الى تفرقتي معاه متين تزوج وخا دوزتي معاه سبع سنوات لان واضح كذاب وغشاش انتي تبعتي قلبك وعدم اختيارك للانسان الصح هذا راه زواج ماشي لعب هو عايش الاستقرار مع مرتوا وانتي مخليك تتلاوطي في الديور انا مكانك نطلق منو ونفلت بما تبقى من صحتي واعصابي هذا لاسمح الله غادي يجيب لك الامراض
اختي الصراحة عصبتيني😂 اولا زواجك من الاول غلط تزوير في الأوراق زيدي تمرميد زيدي ما باكش زدتينا بغيتي السفر و الهدية 😂 كثرة الهم تضحك و سمحي ليا وا ابس ما باك سوس و تستمر الحياة انا ما فهمتك حتى حاجة ما تفرح في هادشي و الله يصاوب لك و يهديك تاخدي القرار الصحيح🙏🙏🙏
الله ينعل هاد بغيان مع هاد السيد ليوصلك هاد الحالة قوي راسك وبعدي منو وسيري خدمي وكوني ىاسك انتي مازال صغيرة الله نعل الحب لغيدلك هو ضرب سبع سنوات كلها في زيرو ماشي هو بوحدي لكاين تكون عندك شخصية بعدي منو الله ياخد الحق فيه ربي معك ابنتي
سبع سنين المصاحب وامعاه وبقى فيك الحال انا 30 سنة زواج وتحية حتى وقف على رجليه دار الطنوبيل والدار والفلوس وفي ابتلى ارماني ولقيت عندو ولد مع امرأة أخرى ولد في عمرو 7سنين
يا برودة قلبك . كرامتك كتمرمد في الارض . تابعة السيد بالسيف منو . هو خذا اللي بغى و سلم فيك فهميها و ذخليها لراسك . علاش لاصقة و مصممه تتمسكي فيه . سيري اختي عند اخصاصي نفسي لانك فقدت السيطرة على نفسك و مخلية قلبك كيلعب بيك . هو فضل وحدة عليك و كيكذب عليك لواه ما بغيتهاش و لا ما نعرف و انت مصدقه كلامه و كتفكري تولدي باش تندمي نيت على حياتك .
كيف ما قال السيد الخراز مع الأسف اختي كان مستعملك سيارة تعليم 🚗 هذا 😔😔. هذا الزوج تعود على الزوجة الاولى وأحبها مع الوقت وفكر بانه عمل غلط وتورط بالزواج الثاني الي هو انتي .وبدا يتراجع .. كبريها تصغر سيري عند اهله وعند الزوجة الاولى . عجبي مبغيتيش الطلاق ؟؟؟ هذه عيشة الذل صراحة 👎👎، ، راه عيشة بوحدك او عيشة بحال هذه . تحياتي للجميع ❤❤❤❤❤
انا كنت متفقه لمده ثلاث سنوات مع شخص من العائله على الزواج عندما اكمل دراستي ..واشتغل لاضمن مستقبلي اولا...ذهب ليشتغل في مدينه اخرى .التقى بواحده وعمل العقد معها ....علمت بالخبر والتقيت معه ووضعت حدا للامر.وقلت له ان ينساني للابد...رغم انه ترجاني ان امهله الوقت ليحل ذلك العقد..وينهي علاقته بالاولى.لانه كان فعلا يحبني ..ولكني اصررت وتاكدت ان من يخون مره يخون مرات اخرى .....ولن ارضى بحب يهين كرامتي . .وانا شعاري في الحياه هو . ..انني لا أطلق العنان لقلبي لكل يحب اي رجل الا ابي واخواني
تزوجاي بأوراق مزورة خاصكم الحبس وهذ شي لواقع لي مع راجلي تزوج خرجني أنا وولادي من الدار وتزوج بأوراق مزورة بدون الموافقة ديالي ودابا المحامي غيبدا بالإجراءات القانونية باش يترباو على التزوير وابمشكا كانت عندها علاقة معاها غير شرعية
استغرب من كلام هذه الأخت ....انها تريد الحل ولكن دون طلاق ....والحل الناجع هو الطلاق ...لأن هذا زواج غلط .من الاول...الزوج غير قادر على نفقات الزواج من البدايه فكيف اذا انجبت معه ...فإنها ستنجب ضحايا للمجتمع ...وسيعاني الاطفال فيما بعد ....ومن يقول انها ستستمر معه. وتنجب فإنه سيورطهاوسيورط اطفالها الابرياء ....فلتحكم عقلها ولا داعي للتهور ولتفكر في من ستنجبهم الان
