طريقة تحضير خبز صاج بطحين جوز الهند للكيتو دايت/ و قصة سندويشة الكيتو مع الشيف عبير منسي 

تحضير خبز صاج بطحين جوز الهند للكيتو دايت بطريقة سهلة وسريعة وعمل سندويش مناسب للكيتو دايت مع ذكر المكونات و القيمة الغذائية . تابع طريقة التحضير مع الشيف عبير منسي.
-----
هاي السندويشة معمولة بخبز طحين جوز الهند وجميع مكونات هالسندويشة بتناسب الكيتو دايت
لانو في ناس كتير منكو طلبو إنا نعمل خبز إشي غير طحين اللوز لانو طحين اللوز غالي بس هالسندويشة إلها قصة حلوة. حضرو هالفيديو للاخر لتعرفو هالقصة
وماتنسو تشتركو وتفعلو جرس التنبيهات
اهلا وسهلا فيكم قصة هالسندويشة بدت من شي ساعتين خلينا نرجع لورا بالوقت لنشوف بداية هالقصة
مرحبا شيف عبير كيفك وكيف الاخبار فيكي يا ترى تعمليلي سندويشة لأني جاي على بالي اتعشى بس ياريت هالسندويشة تكون مناسبة للكيتو دايت
اول شي بدنا نعمل خبز بطحين جوز الهند واذا بدكو تعرفو كيف نعمل طحين جوز الهند بالبيت اكتبولنا بقسم التعليقات
بالأول بنجيب نص كوب طحين جوز هند وبنضيف عليه هالمادة هاي إلي اسمها الياف السيليوم ومهمة هالمادة انها تخلي هالعجينة متماسكة و طرية وهي متوفرة بالسوبر ماركت
بنضيف مقدار معلقتين طعام
وبنحط ملعقة صغيرة ملح
وبنحرك هالمكونات كويس بعدين بنضيف ملعقة زبدة وبنحرك كويس
بعدين بنجيب مقدار كوب ماء دافئ وبنصير نضيفه بالتدريج مع تحريك الخليط لحد ما يصير العجين شكلو هيك
بعدين بنغطي هالعجينة بورق نايلون وبنتركها ترتاح لمدة 15 دقيقة بهالوقت الشيف عبير بدها تقرأ تعليقاتكو وترد على مسيجاتكو ابعتو اي سؤال بدكم اياه وهي رح ترد عليكو وبعد ما يخلص الوقت بنقطع هالعجينة بالنص يعني يا شيف عبير مو محتاج سيكنة هالموضوع بنمسك نص هالعجينة وبنحط فوقها ورق زبدة و اه بدك المرق يا شيف عبير تفضلي
وبنرق العجينة لتصير متل هيك بعدين بنقص اطراف الرغيف بشكل دائري ليصير شكلو متل هيك بعدين على صاج حامي بنرش مادة مضادة للالتساق وبنجيب رغيف هالخبز وبنحطو عالنار
وبعد شي 30 ثانية بنقلبو على الوجه التاني وبعد كمان 30 ثانية بنشيلو عن النار وبكون استوا
الشيف عبير عملت رغيف تاني بنص العجينة التانية شايفين كيف انو طري وبينثنى الشيف عبير بتسألني لو بدي بلحمة ولا جاج. اه. بدي بلحمة اه لحمة اللحمة طيبة
على مقلاة حامية بنحط مكعبين زبدة بعدين بنحط عليها شوي بصل يعني شرحتين تلات بصل بعدين بنحط شي تلات شرحات فلفل وبنحركهم على النار يعني دقيقتين وبنشيلهم
بعدين بنجيب قطع اللحمة وبنحطها بالمقلاية بعدين بنرش عليها ملح وفلفل وبنقلبهم كويس شي 3 دقايق ليستوو ويتحمرو بعدين بنجيب البصل والفلفل الحلو وبنحطهم على اللحمة
وبنحركهم مع بعض كويس ولما نحس انها استوت فيني دوق ياشيف عبير. لشوف اذا اللحمة مستوية او لا اه مستوية طيبة بعدين بنجيب 3 شرحات جبنة موزاريلا
وبنحطهم فوق الاحمة وبنغطي عليهم شي نص دقيقة ليذوبو متل هيك شايفين كيف الجبنة ذايبة ،هسا الشيف عبير بدها تعمل السندويش
بنحط رغيف هالخبز وبنحط فوقو هالمكونات يلي عملناهم من شوي وبنلفهم متل هيك و هوباا صار السندويش جاهز هاي الشبف عبير بدها تقسمو من النص
شايفين قديش هو لذيذ وشكلو زاكي ممكن نحط جمبو فلفل حلو ورح نكتبلكو على الشاشة القسمة الغذائية لهالسندويش شو ياشيف عبير ليش بدك تاكلي من السندويشة على اساس هاي السندويشة اه بدك تدوقي اه تودقي
طيب يلا انا بدي اتعشى هسا
له يا شيف عبير وين رحتي طيب هاتي نص هالسندويش طيب اعمليلي النص التاني من الرغيف طب احكيلك اعمليلي الجاج يا شيف عبير شيف عبيرر اذا عجبكو هالفيديو اشتركو بالقناة واعملولو شير وخليني اشوف لو الشيف عبير تركتلي اشي من السندويش يا شيف عبير.
--
التعليق ميشيل جبلي
تقديم الشيف عبير منسي
--
تابع أحدث وصفات إنقاص الوزن والطعام الصحي علي الفيس بوك : www.facebook.c...
تابع جديد الشيف عبير منسي علي الإنستغرام :
/ sweet._.hands
#كيتو_دايت #خبز_الكيتو_دايت #وصفات_كيتو_دايت