يسعد اوقاتك من فلسطين الحبيبه الجبنه عنا بنعملها (بنحط مساه الي بخلي الحليب يتحول لجبنه وبس يتحول بنصير نحط في صحن وفي قطع قماش مربعه وبنلفها وبنصفها في صواني وبعد ما تتصفى من المصل بنصفها على شكل مربعات في قطع القماش على لوح خشبي وبنحط فوقه كمان لوح خشبي وفوقه ثقل وبس يتصفى بنملح الجبنه بنشيل القماش وبنحط قرص الجبنه في الملح وبنتبله وبنصفه في صواني وبعد كذا ساعه بنصفهم في تنكه خصوصي وبنحط الميه المالحه الي صفت فوقه واذا بدنا نغليها ونخزنها بنملحها وبس تتصفى نهائي من الميه بنقطعها وكل ٢٠ كيلو جبنه الهم كيلو ملح وصرة مستكه ومحلب مع ميه وبس يغلو بنبلش نغسل الجبنه وبنحطها في الميه والمستكه والمحلب والملح وبس تغلي ٥ دقايق بنطلعها من الميه وبنعبيها في مرتبان وثاني يوم بنحط الميه الي سلقناها فيه وبتظل سنه كامله ولما بدك توكليها بتنقعيها في ميه حتى تحلى وصحتين وعافيه في النهايه أذواق وكل بلد اله طريقته بس إلي ذكرتلك ياها طريقة الجبنه النابلسيه
من اليمن المكلوم نحييكم ✌️🇾🇪✌️ رجعتونا لأيام زمان وهو الأجمل ذكرتونا حلاوة القريه وحلاوة الناس الحلوه والجبن الأصلي والاريش اللي على أصوله ربنا يسعد أوقاتكم ❤
لازم تضع الجبنه بشاشه وتتركها لما تبرد وبعدين عمل الشاشة على شكل مربع وضغطه بخشبة من فوق وحده من تحت وتركها لما تتصفى من المصل لمدة ساعات بكون جمده وتقسيمها إلى مربعات
والله دمرتينا يا الاء كل فيديو اجمل من التاني ربي يعطيها العافيه ام محمد نفسها طيب على الاكل .. بتشتغل بنِفس وطريقه تصويرك وشرحك باللهجه الشماليه دمار اكتر .. تحياتب من الاردن لك وللوالده
مرحبا حتى تحافظي على الطنجره سليمه دون اللون الاسود . امزجي سائل الجلى فارى اي سائل مع حفنه رماد وادهنى الطنجره قبل الاستعمال على الحطب وبعدها اغسليها بالماء ترجع نظيفه دون شحوره .
الله يقويكن ويبارك فيكن،عنجد اطيب جبني وأريشي بهالطريقة وخاصة مع خبز الصاج وفنجان شاي مممم اطيب ترويقة ،الله لا يحرمنا من وصفاتكن ولا يحرمنا من الغلا كللو ست الكل والحبايب😘😘😘
😂سلمت أيديكم والله شوقتوني على هذه الأكلات الروعة الفاخرة والمعيشة الروعه ام محمد ويعطيكي الصحة والقوة والعافية انا في سوريا سلام لكم ولكل افرادكم على جهودكم وشكرأ😊😂❤
يعطيكن العافية .مبينة ظريفة سؤال: ١- عشرة كيلو حليب بيطلع منهم كم كيلو جبنة ٢- وكم كيلو قريشة ٣- والمصل نعمل منه عجينة بدل الماء أم يرمى وجزاكن الله خير الجزاء
لا إله إلا الله محمد رسول الله ___________ حليب البقر عشرة كيلو يخرج منه رزق كيلو جبنة الى كيلو ونصف أو 2 كيلو جبنة وقليل قريشة ______ أما حليب الغنم فيخرج منه رزق أكثر من الجبن ______
ما شاء الله تسلم الأيادي يا ام محمد خفيت على إيديك عم تحرقيهم بي ماء الجبنة سخنة كتير .الله يحميكي. وشكرآ على طريقة الجبنة يمممممي. شكرآ آلاء حبيبتي على التصوير والمعلومات 🌹😘
ما شاء الله تبارك الله ناس محترمين وتذكرون الله كثير هنيئا لك ووالدتك ربي يطول عمرها القدر عشان تحافظوا عليه ادهنوه بسائل الجلي قبل ما تحطوه على النار الجبنة شكلها مشهية والمقطع مفيد جدا.
ماشاءالله يسلمو الأيادي بارك الله فيكن أنتم وفيديوهاتكم والمحتوى ال بتقدمي والست الوالدة أغلى من كل الذهب الحمدلله أنكم بخير وربنا يحفظكم ويسلمكم سلامي لكم من قلب فلسطين