قهوه اهل حايل؛ تحط ابريج ماء علي النار حتي يفور؛تطحن القهوه وتحطها بلملقمه اودله كبيره للقهوه وتخليها تطبخ علي النار الي تستوي وتخليها تركد علي طرف النار وحط الليفه والدله المبهاره تحط هيل وزعفران ومسمار وتصب دله القهوه الكبيره علي دله المبهاره ثم تخليها علي طرف النار او عين غاز خفيفه الي تفوح وتحط ليفه علي دله المبهاره وبالعافيه
ملاحظة بفيدك فيها يا ابو حزام القهوة خلها تطبخ حتى تسمع صوت غلي القهوة مثل السيل ولا الموج ههنا تكون مادة القهوة امتصها الماء حتى لو تمسك البن الحثل وتذوقه ماله طعم
البراد مايشرب الماء الفورة إذا مانقصت كثر ماها وخفت طبختها لأن الحديد ثقيل ، دور براد صين ألمنيوم سخيف ، أوهندي قديم وجرّب حتى لونها يعجبك تحياتي يعطيك العافية على هالشغل والمنتاج والترتيب أشكرك من الأعماق 🤍 👍🏼
بالنسبة لأهل جنوب السعودية وأنا منهم نطبخ القهوة زيادة نص ساعة وبعضهم ساعة ونثقل القهوة يصير لها فوحان ريحة القهوة يشمها جارك ويقرب وسلامتكم حبيت أضيف شيء بسيط
اول طبخه قهوتي احط اربع او خمس فناجيل حمسه بنيه غامقه .. وثاني يوم اصفيها واسخنها واحط اربع فناجيل .. وثالث يوم اصفيها واحط اربع فناجيل كل هذا واحتمال احصل طعم القهوه الصح ... وانت حاط فنجال واحد حمسه خفيفه على لترين ماي وتحسبها قهوه
السلام عليكم ورحمة الله وبركاته يا حيالله ابو حزام مشاءالله عليك الله يحفظك ياخوي والله انك تعدل المزاج تكفى الملقمة الي تفوح فيها القهوة من وين تاخذها بارك الله فيك اخوك ابوراشد من قطر ❤