سلام اختي انا اول مرة قلت والله روح نجرب فتل طعام مع انو نفتل غير بركوكس وتبعت طريقتك والله نجحت فيها درت كمية كبيرة من هاد نهار منزيدش نشري طعام حانوت شكرا ليك كان شرحكي مفهوم بتوفيق .
اختي بغيت نعرف سميد الأول لي نبدو نطلعو بيه هو لي يتحكملنا في جحم طعام لي رانا باغيينه مليح عرفتها من عندك تسما كي نبغيه شوي رقيق مش خشين بزاف ندير متلا مولا متوسط وشكرا ربي يجازيك ويوفقك اختي
والله يا اختي واش نقلك والله مانعرف ومعنديش الوقت باش نفتل خدامة نمد لمرى وتكسكس ليا كانت الوالدة بكري كي نقدم باش نعاونها تقول ليا روحي اقري على روحك هي سبابي ههههه ربي يحفظها ويعطيك الف عافية يعطيك الصحة فحلة ربي بارك
ههههه ربي يعاونك حبيبتي حتى انا سبابي الوالدة والدراسة راكي عارفا مكاش الوقت كي تخرجت وزوجت قعدت في قلبي كي متعلمتش لفتيل لكن كي عولت الحمد لله تعلمت ربي يحفظلك الوالدة ويطول في عمرها يارب 🌹🌹🌹
