سلااااام ختي نتمنى تقراي تعليق تاعي أنا عايشة غير مع راجلي وحدنا donc ندير غدا نتعشاو بيه راجلي مايشرطش بزاف البرنامج تاعي العدس نديرو مرة بالأسبوع و les grains deux fois par semaines و ليسوب نديرهوم بزاف 3 ولا 4 fois بالأسبوع d fois شوربة سعات لاسوب بالخضرة وندخل فيها كلش ندير البيتزا شاورما كل خطرة وكيفاش و بنسبة للحوت نأكله في الشتا 2 مرات فالاسبوع أما الصيف ناكلوه بزاف و نسلم على كل وحدة قرأت التعليق تاعي
كي هدرتي على التغذية تفكرت امي و دارنا راهم عايشين و ميتين في نفس الوقت لان بابا معاود عليها الزواج و ميصرفش عليها يصرف غير على مرتو جديدة و و لادها رغم انو امي ماهيش مطلقة. حتى في العيد هو عيد و دبح و امي و خاوتي يدنقو بالعين و الله راني نكتب و نبكي .واش نقول حسبنا الله و نعم الوكيل.الرجاء كل من يرى تعليقي يدعي لامي باش ربي يقويها.
ياريت والله خطرات نشوف فديو وكي يخلاص نبقا نتسائل نقول يادرا داداح كفاش تقدر نحسها مرءة حديدية هيا بالنسبة ليا بطلة خارقة هههههههه الله بارك عليها كلش الطيابها تخمامها قصرتها رزانتها نقاها خططها فالحياة ونضرتها والله ماشاء الله انشاء الله تشوف تعليقنا وديرنا لمحة علي حياتها وكفاش قدرت تكون امرءة ناجحة
يعطيك الصحه الكبيده انت مثال المرأه الجزائرية الفحله المدبره. وعجبني البرنامج تاعكوسورتو كي قلتي الماكله قبل اللبسه. وخاصه كي يكونوا لولاد الصغار راني معاك 100 بالمئه عقلك راجح ورزينه الله يبارك ربي يحفظك لزوجك ووليداتك
هدرتي على السردين عندو يومين باعوه بخمسلاف و ربعلاف في بوسماعيل خرفنا فيه والله يعطيك حتى يرضيك حبيبتي رآكي رابحة وناجحة في الدنيا و الآخرة الله يرحم اميمتك في هذيك الرقدة جعل الله الجنة دارها و الرسول جارها والسندس ملبسها و من الحوض مشربها 🌸🌴🌸
mes salutations Madame, Je voudrai vous demander des astuces pour peindre, Comment s'y prendre avant de peindre (quifach nafarzou kabel manasabghou) merci !
تعيشي يالحبيبيا ديرنا برنامج الدراسة نتاع ولادك وليدي يقري الخامسة من08:00 حتي 04:00 يجي عيان وقتاش نقريه معرفتش راني حاصلة فيينا بتجربتك لي راهي معيا دير جام
Khaliih juste 45 mn yartaah w abdaay w chaque heure diri repos de 5 mn w mthabsiich tan tkmloo malazemch tgoli t3ab w ga3 psq من اراد العلا سهر الليالي ❤️
يا ختي نحب نشارك معاك فكرتي. انا نصرف مرة كل عشرة أيام و نعمل برنامج الاكل الاسبوعي و على اساسو نجيب المصروف يكون متنوع و غني و اقتصادي. الطريقة هاذي نفعتني تهنيت من التخمام و تحطمت في الميزانية ديالي و حتى حاجة ما تفسد ما تترما. وحاجة أخرى عملت برنامج لا الخبز اليابس لا لرمي الخبز. عملت برنامج متنوع للإفطار الصباح يكون متنوع وفيه خبز السوق مرة واحدة أو مرتين على الأكثر في السبوع. والباقي نطيب خبز الدار مرة في السبوع و مرة مسمن و مرة مطلوع صدقيني مانرمي ولا فتاتة خبز طول الشهر
صح قهيوتكم يالزينات كاملين 🌷في هذي الأمسية حبيت ندعيلكم 👐 أسأل الله لكم راحة تملأ نفسكم و رضا يغمر قلبكم و عملا يرضى ربكم و ذكراً يشغل وقتكم و عفواً يغسل ذنبكم و فرحا يمحو همكم👐 (اللهم لي أحبة لا أراهم لكن القلب احتواهم فاحفظهم ربي أينما كانوا و حقق مناهم)
Youcef Islam .. الله يسلمك حبيبتي أم يوسف لاشكر على واجب ربي يتقبل منا ومنكم الدعاء ❤ اللهم ارزق صحباتي و حبيبتي من الخير أوفره و من العفو اعظمه و من العمر أجمله....ليلتك خير و بركه
l'ange blan ربي يرزقك من حيث لاتحتسبين انا يا اختي تخرجت عام 2011وقعدت خمس سنين وانا نجري ما خليت معارف رحت لاداس لانام وكي كتب ربي راني درك خدامة في مدرسة خاصة وكل عام نشارك في المسابقات ربي يوفقك ويفتحلك بيبان الخير
ربي يفرحك اختي نجاح طلبت منك هذا الموضوع من فتره و وعدتي ووفيتي ربي يحفظك . كنت كل يوم نستنى فيه وعلابالي كل وحده فينا وظروفها مع الاولاد و المسؤليه ولكنك فحله ربي يصونك ويسترك
يطيك الصحة الاخت نجاح حبيت اليوم نمدلكم طريقتي في تقسيم الشهرية نقسم الشهرية في 5 أظرفة كل اسبوع نجبد ظرف ونحاول نتقيد بهادك المبلغ والظرف الخامس نخليه للادخار ولا قدر الله مرض ولا دين
bravo madame dadah ; je vois que la vidéo remonte à 02 ans déjà mais dernièrement je vous suis beaucoup ; j'aime votre raisonnement et votre façon de gérer votre foyer, bonne continuation. salem
ادعولي عجوزتي هبلتني بسحور وملقيت كيفاه ندير ادعولي ربي يبعدها علي قوللي طط دادح كيفاش ندير كل مرة ديري يصرولي مشاكل مع زوجي ومازال معنديش ولاد ادعولي لشفت هذا التعليق تدعلي وربي يفرج على كل المسلمين
ربي يحفظك اخي نجاح والله نقصتي عليا ثقل كبير مع الخدمة والمسؤولية تاع الاطفال والزوج غائب عن البيت لمدة شهر ربي يقدر ويسر يارب شكرا شكرا وان شاء الله في ميزان حسناتك يارب
مكالتهم تجارة ولبستهم خسارة أول مرة نسمع هاد المثل بأختي الله يبارك فيك يا الفحلة أنا كنت غير نخلط منهار وليت نتبعك عاد وليت نحس روحي ست بيت ربي يسعدك في الدارين
يعطيك الصحة كي تقولي وصلة نتفكر ماما ربي يخليها في دارنا كانت ماما عندها بروقرام في الأكل وشغل البيت ووالفت هاد السيرة وكل حاجة في وقتها الفطور الشغل بصح ملي تزوجت تبدل كلش ملقيتش روحي مكاش حاجة قد الترتيب والنضام
سلام حنونتي أنا لويبا بصل وطماطيش نموت عليها أنا وولادي والله ياختي تقريبا نفس لبروقرام وقيلا شهرية كيفكيف نموت عليك داداح وشربة والله غير نديرها فطو ر وعشا والحمدالله ربي يكفينا ملعندو
بارك الله فيك وفي عائلتك والله الكلام والمديح قليل عليك حبيت نشكرك على كل شيء في كل مرة ادعو لك بالخير انت حقا مثال للمرأة الجزائرية الفحلة رب يحفظك و يباركلك انا من بين الأمهات الوفيات لك
مساء النور يا فحلة انا يا دجاج مخطط تاعي في الغذاء شعاري الخضرة زوجي عانيت معاه كان يكول سقايط برك مي دوك عجبو القائمة عندي كل سمانة الخضراء وكل 3اشهر لوازم الجافة ،وندوزن فليل وندخل من خدمة نحط فوق النار ونقول لكل إمرأة تجعل من طبخ تسلية ومتنودش زعفانة ومقلقة تكره حياتها الطبخ جمال ومتعة حتى تكون خدمة شكرا يا هايلة يومك سعيد
Malouka Aya مليحة بزاف ولزم يكون عندك لبوات تاع دوزين اساسين وطيابك تزيد فيه البنة ماتكتريش التوابل وكي ريح في الثلاجة يطلق كلش ويجيك تقلي ساهل ولله راح نتمنها لكل إمرأة جزائرية خدمة
salem najah les legumes secs c'est le medecin qui les demandent au moins une fois par semaine machi 3ib naklouha si il y'a des gens qui s'en moquent eh beh c'est pas ton probleme toi tu fais de ton mieux et puis c'est tout on te remercie pour tes efforts
شكرا حبيبتي على المجهود الطيب لي عندك رجاء اعملينا موضوع مفصل حول نصائح زوجيه للمقبلين على الزواج "كيفيه التعامل مع الطفلات وام الزوج وكيفية تعامل العروس في أيامها الأولى لو سمحت
مساءالخير حبيبتي ان شاءالله تكوني بخير مرسي على كل نصائحك.تعرفت على قناتك غير هده السمانة وفرحت بزاف بمحتواها وخاصة جزائرية شرفتينا وزيد مفيدة بزاااااف ومتنوعة خاصة حديث من القلب فكرتني صوتك بوحدة كانت تعيط في راديو البهجة مع برنامج ميليسا وكانت هدرتها موزونة من عند وحدة رزينة كنت نفرح كي نسمعها وانتي تشبهيها حتى في اسمها نجاح ربي يعطيك ماتتمني ويفتحلك بيبان الخير
Je remercie vivement la maman qui nous a donné ce menu type, j'attends vos avis ❤❤❤ Qui aime partage 😉😉😉 DIMANCHE : -Pâtes + escalopes ou steak ou poulet rôti -lasagnes LUNDI: -soupe de légumes + frites -chorba + bourek ou quiche MARDI: -gratin (pomme de terre-courgette...) -pizza MERCREDI: -lentilles -haricots secs ou frais -pois cassé JEUDI: -dolma -chtitha -djwaz VENDREDI: -couscous ( sauce ou mesfouf) -rechta -tlitli -chekhchoukha SAMEDI: -poisson au four -sardine grillé -le soir resto ou quelques chose de léger Nb: la salade est au menu de tt les jours, soit verte ou cuite - un fruit - minimum de gras possible - privilégier huile d'olive - diminué le pain blanc - privilégier pain maison-kesra à la semoule ou orge
يعطيك الصحة طاطا ربي يفرحك و يخليك لوليداتك نشالله ما تيماجينيش شحال نرتاحلك و نحب نسمع الصوت ديالك مرا فحلة و عليها الكلام شحال من خطرة نجرب الوصفات ديالك جربت خبز محمص ديالك و جاني روعة خاصة بابا عجبو بزاف ، و حنا تان عندنا عادة كل خميس شربة و بالجمعة طعام ، المزيد من التألق والنجاح بإذن الله
الله يبارك عليك سيدتي والله مدبرة من الطراز الاول راني نستفاد منك بزاف وحبييت دريلنا فيديو كيفاش جوزي نهارك من طبخ وتنظيف ومع الاولاد و كيفية ايجاد الوقت لتدريسهم وجزاك الله خير
نسيت حاجه اختي نجاح بالنسبه للمراه العامله وانا منهم يا اختي راني حاصله في الفطور. يوميا نخمم فيه لاني نطيب الصباح بكري ونحب الوجبات السريعه متديش الوقت من فضلك ديرلنا وجبات سريعه كيما الجواز نتاعك راني في الدار تعودت عليه لانه جاني ساهل وبنين ويشبع ربي يحفظك ويخليك لينا يا الفحله
يعطيك الصحة طاطا لعزيزة والله كي نسمعك نرتاح تمديلي واحد الطاقة و الأمل تخليني نحب الحياة ربي يحفظك و يجازيك خير و يقدرنا نكونو صالحات و ناجحات في حياتنا
مطبخ و تدابير دداح ياختي نجاح الله يعطيك الخير ادا تقدري ديرلي برنامج تاع شغول فدار سرتو تاع كيفاش نغسل حوايج فالمشينة متلا واش حبيت نقولك وقتاش نغسل حوايج و وقتاش نغسل ليزور و وقتاش نغسل دوزان كوزينا الله يسطرك يعمري مترديني و راني حندير غسول الحوائج أن شاء الله ولا كتب الله نهار الخميس
ربي يحفظك يا اختي دداح والله صدقيني كل مانسمعك قلبي يقعد يخبط خاطر هدرتك تجيني على القلب ونحسك تفكري بايجابية في كل شيئ ونحب نوض في ديك دقيقة نطبق واش قلتي حتى نلقى روحي فشلت خاطر قاع هاد الامور الخاصة بالمصاريف مش في يدي انا راجلي مبذر و يدو مثقوبة كيما نقولو مايطلعش حساب لغدوة يشري واش ينفحلو بلا تخطيط وبلا حساب و ممبعد نقعدو نتفرجو والله مرات مانلقاوش حتى باه نشرو خبزة كون غير تكملي جميلك وتنصحيني كيفاه نتصرف والله غير عجزت ياختي وسمحيلي طولت عليك
كما انا وفوق ذاك الا جبدت كاشما حوايج من لي خبيتهم يوالف ويولي قع ميصرفش ولي تغيض كما نلقاش وش نطيب ونقلو جيب كذا يضربني ويعيط شغل انا لي راح ناكلها والله عييت ربي يهديه
يا اختي داداح الله يحفظك و يحفظ وليداتك هذي اول مرة نشوف قناتك حقيقة في المستوى و استفاديت بزاف و من نهار اليوم ما نضيعش وصفاتك. تعيشي اختي. انت فعلا قمة و مراة بمعنى الكلمة.
يعطيك الصحة اختي نجاح على كل واش راكي تمديلنا من قلبك. انا كنت معتمدة واش البرنامج في الطياب ، درت جدول اسبوعي كل نهار واش ندير ، المهم مشات الحالة و كنت فرحانة كي نوض نطيب خاطرش علابالي واش ندير نبدأ ديغاكتمو في الطياب .من بعد بداو اولادي و زوجي يكرهوا منو بالشوية بالشوية .... قالولي غيييير حبسيه كراهنا منو، أو عادت ريمة لحالتها القديمة ههههههه.نخمم كل نهار واش نخترعهم .صافي حبيت نقولكم هذا الجدول مليح بصح كي يتوالف يولي ماشي مليح لازم نبدلو شوية .و الله المستعان .
اهلا اختي جربي ديري برنامج شهري كل اسبوع يختلف عن غيره فيه الاطعمة اللي تحبوها و الصحية ايضا مع التجديد في بعض الوصفات او ادخال وصفات جديدة و ستنبهري بالنتيجة انشاء الله ربي يوفقنا جميعا
سلااام انا يعحبني اابرنامج لي تحطي فيه مثلا نهار الاخد عجائن الاثنين مقبلات الثلاثاء سلاطات احسن من تسمية اكلة وحدة يبقىوكل ثلاثاء عدس والاربعاء كسكس هكا يتكره 😔
اختي التغذية الصحية ما شي بالمقليات الحبوب الجافة لحم الفقير بنص رطل عدس و لوبيا توكلي عايلة انا استاذة نشوف تلاميذ لابسين ماركة ويدخو في القسم ماشي شابعين حتى الحليب لما يتغذي الطفل صحيا ينتبه ويركز وينجح في دروسه التغذية ماشي شوكولا وشيبس
مطبخ و تدابير دداح اختي الفاضلة كلامك مسموع رجاء وعي النساء يهتمو بالتغذية الصحية لابناءهم وخصوصا فطور الصباح لان ذلك يساعدهم على التركيز والانتباه في القسم انا استاذه ولاحظت ظاهرة التلاميذ مصفارين ويدوخو وكيما قلتي الكثير عندهم فقر دم واعرف انهم ليسوا فقراء
يعطيك الصحة والله غير كلامك موزون واحلو وكي نسمعلك نحس براحة نفسية واطمئنان الله يحفضك .عجبوني النباتات اللي مزينة بيهم اعطينا معلومات اكثر عن الغرس والاعتناء بهم وشكرا
انا كاتبة ورقة برنامج اسبوعي ونبدا بخضرة باش متفسدليش ونهاية السبوع واش يشدلي كيما الباقوليات روز ولا زيتون يقدر يشد فالكونجيلاتور ولا جلبانة منها منبدرش ومنها هكدا تنوعي
شكرا ددوحتنا يعطيك الف صحة وربي يجازيك كل خير سهلتي حياتنا وعلمتينا كيفاه نتصرفو والله مهما نقول مش راح نوفيك حقك رب يخليك لعائلتك ولينا والله نحبك بزااااف انا من اليوم راح ندير كيفك