من فضلك انا اول مرة نشوف قناتك وعجبتني بزاف وزوجي معندهش الشهرية ديرينا فديوا للمزانية الي معندهش الشهرية كيفاش ندبروا رسانة وكذالك جدول للاكل اذا امكن ويعطيك الصحة ويرزقك من حيث لا تحتسبين
الله يبارك و الله انا تاني منضمة روحي نقضي كل شهر و الله غير طيح البركة كاين حجات كل شهرين باش نزيد نشري هذا هو القديان و السر باش طيح البركة خير ما نشري بالحاجة
انا عايشة انا و زوجي و بنتي و كا ريين خطراتش وين نصرفو هكا يشدلي شحال من شهر و من نروح لدارنا وعند جداتي يمدولي كلش ما رانيش مغبونة في المصروف نشرو غير السقايط و مين نستحق كاش حاجة يشريلي الحمد لله ادعولي بمسكن الله يفرج عليكم
Mekki Mekki اللهم آمين ليك ولي ان شاء الله حتي انا عندي عامين وانا كارية و الله بديت نكره الشهرية كامل تروح فالكراء لكن الحمد لله ربي رحمتوا واسعة ومينساناش نشاء الله
صباح الخير حبيبتي دداح من فضلك نعاود نطلب منك تهدرينا على الزوج العصبي سريع الانفعال كيفاش نتعامل معاه ونتقرب منو العصبية تاعو دارتنا مشاكل كبيرة حتى مع والديه واولادي صغار راني خايفه عليهم يخرجو معقدين والله غير مولا عامين يشبعو ضرب تعيشي حنونه ما تتجاهليش طلبي راني في أمس الحاجة لنصائحك حياتي رجعت خراب بسبابو ولبنات كل وحده تقرا كمونتار تاعي تدعيلو بلهدايه تعيشو خواتاتي
الله يهديه ويرجعوا لطريق الصواب ربي معاك يا الغالية ويكون في عونك حاولي تتقربي منو ومرة على مرة حاوريه عارفة بلي صعيبة ولكن حاولي مرة وزوج وعامليه بالمليحة راح يخليه ينقص العصبية والله قلبي معاك
Adda Smail شوف اختى فى الله ابعنة ونجدة الله احسن من اللي انسان ربي يوقف معك وبعبنك وينزل رحمة على الزوج انتاعك انا رني مدة ونعني ولكن صبر اعااجال الاطفال
Un conseil madame par expérience acheter la farine la même marque que vous avez mais le paquet noir la T45 elle est meilleurs surtout pour les gâteaux, et pour la tomate concentré verset la dans une boite ( bellarra ) en Verre et mettez un peu de l huile normal mel fouk dayenlek wa ma yeswafech et mettez le dans le frigidaire. Et pour la semoul la marque bousbi3 hayel essayer le.
القصص المحبوبة إلى قلبي فيها عبر كثيرة ومعاني عميقة اقترح أن اقرأها في قناتك لاني مشتركة فيها لكني اقرأها بالصدفة في القنوات الأخرى نتمنى تاخذي طلبي بعين الاعتبار
*********السلام عليكم. ... بالصحة والعافية عليك و على عائلتك 😊 ..فقط نصيحة لي و لكي و لكل المشتركات. ... إذا كانت العلبة من حديد. .سواء مربى أو طماطم مركزة أو أي غذاء المهم أنه ملعب فى مادة الحديد كمربى المشمش لي شريتيه "بالصحة " مهم جدا أن يحفظ بلعبة من الزجاج أو البلاستيك لأن بعد فتح العلبة تحدث تفاعلات كيميائية إلخ و هذا جد مضر للصحة "الله يحفظنا كاملين " و الله الموفق. 😊
+Nassim Iman zizo طبعا أكيد هاد امر باين مافيهش نقاش ادا كانت العايلة صغيرة و نقضو كميات كبار راهي خسارة و ادا كانت العايلة كبيرة و نقضو كمية صغيرة راهي ما تواتيش طبعا
السلام عليكم اختي الحبيبة شكرااا علي كل شيء استفدت كثيراا منك كنت بصراحة لا احسن التدبير رولسنوااات ولكن الان بفضل الله وبعده فضلك تعلمت وانا احاول ان انجح كربة بيت احبك في الله
عندي عائلة ...نشري كل شهر احتياجاتي ...الزيت نستهلك اكثر من هذي المشتريات ...اما الزبدة والمارڨرين نشري اقل ..بلا ماننسى شكارة السميد. خاطر نعمل الكسرة يومي ...اما نشري تقريبا نفس هذي المشتريات ...هذي طريقة والديا ...عملت بيها تخرجني مليح .
صباح النور لكل المشتركات قناة sage femme tube تعنى بالمراة الحامل الولادة النفاس طرق منع الحمل الالتهابات التناسلية المواليد الجدد و غيرها من المواضيع التي تهمك فمرحبا بك
انا أيضا نعتمد الطريقة هادي فالمصروف باه نعرف الدراهم وين يروحو .نشري واش نستحق تاع الشهر ،والخضر و اللحم والدجاج و الفواكه كل اسبوع ،حتى بالنسبة للسلاك تاع الترسيتي و الغاز والماء و الانترنت كل شهر نخبيلهم باه كي يلحق وقت سلاكهم متججنيش بزاف.
مسا الخير انا مشتركة جديدة ة الاه عرفت قناتك صدفة. ايام الحجر الصحي و اعجبتني بزاف طريفتك في تنظيم البيت الطبخ رغم انب ابلغ ثلاثة و خمسين عاما و لكن ديت فؤائد كثيرة الاه يبارك طيبت صوالح بزاف بناتي كين ندير طياب قولو لي تاع دداحح و اتشرف ان اكون من المشتركات كل صباح نشرب القهوة و انا نتفرج عليك كاني نشوف في بنتي او اختي فبارك الاه فيك مع العلم اني من معسكر شكرا علي كل ما تقديمنه
الأخت لي دارتلي أبوني روحي ياختي الله يخليلك شملك مجموع وكلامك مسموع وين مارحتي وربي يعطيك وقفة في مكة ويعطيك برنوس لهنا و الصحة والسلامة ويفرحك في دنيا والآخرة
سلام اختي ،سبحان الله،عندك نفس أفكاري انا كل شهر تشري كل ما احتاج إليه،و في الشهر التالي،نكمل برك وش خص ،اما الخضروات تشتريها مرة في الاسبوع،و انا نستغل الخضر اكثر. الاشياء الاخرى،نخليهم وقت الحاجة وهذه الطريقة فعالة وتريح ،بدلا من الخروج يوميا ،وبقي كل واحد يمشي على قدره،و شكرا
يعطيك الصحة يالشاطرة انا هكا ديمة كل شهر نكتب وندور على فريجيدار وليپلاكار ونكتب قبل مانروح للسوپرات نقص على راجلى الروحا والجايا وكل يوم خصت حاجا هو يجيب غير لحليب والقازوز ههه كل يوم
شكرا حبيبتي دداح ..تحسابلي غير انا نخدم بالورقه والستيلو. كل بدايه شهر واجدها كثير مفيده واقتصاديه ومانبقاش. مع زوجي. كل دقيقه هاذي تخص وهاذي تخص كيما يضهرلي نطيب. حاجه نلقاها وقت لي نحب حتى في ليل من ناحيه طعام او الحلويات ولا المخبوزات. بالتوفيق والاستمرار للقناه
أختي نجاح عندي طلب يعيشك خوديه بعين الاعتبار انا عندي طفلة صغيرة وعاشة وحدي وحتى الجيران قلال ومانعرفهمش وراني في ولاية بعيدة على ولايتي الوحدة وديقة الخاطر قتلتني وبنتي دل لاصقة فيا تخيلي حتى مجرد نخرج من شومبرا تبكي وجي مورايا ولا انا نطيب واقفة على البوتاجي وهي شادة في حوايجي منعرفتش كيفاش نتعامل معاها ومعرفتش كيفاش نظم وقتي والمشكل ماترقدش قع عشرين دقيقة تنوض وفالليل ترقد على الوحدة والصباح انا نوض تنوض ربي يسجيك ديرينا موضوع على التعامل مع الأطفال وتنظيم الوقت الشغل تع داري مارانيش نخدمو على قانيه
السلام يا اختي انا اول مرة نشرك ورني حب نطلب منك طلب انا نخدم معنديش الوقت ونحب نطيب ساعات تتلفلي او عندي كل الخير حبيت تعطيلنا جدول الاسبوع للاكلات او شهري باش غير ندخل ادار نكون عرفة واش نطيب شكرا وشكرا عل مجهودات تاعك وكلام جميل تعلمت منك .
Ghanima Boukefous ختي حتي انا خدامة و مع القراية و الحمل نقضي مرة فالشهر و الخضرة مرة فالاسبوع. نطيب مسبقا ناخد السبت مثلا نطيب 2 طيابات كيما زعمة درك الشتاء ندير حساء قيس يومين و نزيد معاه حاجة خفيفة ولا دا درت لوبيا منزيد والو معاها. كي ندخل و عندي العشاء ندير صلصة طماطم نحطها نلقاها ندير عجاءن.. كي نحب جواز، ديال خضرة هاديك ساهلة بصح الخضرة لي تشد الصبر نقيها و نحطها. هادو افكار لي انا نطبقها و مساعدتني
منيش خدامة لكن خلي نساعدك شوية مثلا في الويكاند طيبي لصوص تومات نتاع المعجنات اللي جي مع المقارون في الكوشا وايضا هي نفسها تقدري ديريها للبيتزا وايضا حضري عجينة البيتزا والفطائر بكمية كبيرة وقسميها بولات على حساب الخبزة وكنجليها كل وحدة في صاشي وايضا حضري حشوة للفطائر للمحشية لداخل وكنجليها مثلا على زوج كميات هذا نهار تحبي تطيبيهم للعشا تجبديهم صباح قبل ما تروحي باه يذوبو العشية فقط حشي العجينة لداخل والا بتزا فقط صوص مع شوية تونة والا لحم مرحي وطيبها وايضا لغراتا كاش حاجة تحتاج قليان اقليها فليل غدوة مذاك للعشية حطيهم مع بعض وشوية صوص بشامال ودخلي للكوشة ودايما لعشا يكون بزيادة يبقالك للغدى غدوة من ذاك جاج ايضا المقرمش المقلي حضري كمية وكونجليها منبعد ذوبيه وقلي والا حمريه في الفوغ شوية تنظيم فقط تلقاي روحك ان شاء الله كنت نقرى هذا هو كان الحل نتاعي مرات ندوزن في الليل غير النوض الصباح نشعل الكوكوط نطيبو تمتم ونخرج وربي هو الموفق ان شاء الله
Rose Djouadi كيما قالت ام اسما اول حاجة نبداو بيها نديرو قائمة وش تحبي تطيبي بالاسبوع من بعد وجدي مسبقا زعمة الجمعة و السبت طيبي حوايج لي واعرين و زيدي طيبي قيس الاحد و الاثنين. يبقالك السلاطات كي تديري حساء او شربة ديريها علي يومين الدجاج بالفرن مثلا طيبيه فالاكياس وجديه ليلة من قبل ديريه فالكيس خليه فالثلاجة كي تجي من الخدمة اشعليلو الفرن برك
الله يبارك ويزيدلك من رزقو حبيبتي لوكان ديرينا موضوع على زعما تحبي تشري حاجة وتكون غالية أو ما تقدريش تشريها مباشرة لي مورعاة المصروف شهري كيفاش نديرو باش نقدرو نشروها أو كيفاش لمولها
انا نفس شي كل شهر عندي هاد القضيان هنا في الامرات كل شي يديرولو تخفيضات يعني نشري كي يكون تخفاضات ف المولات و سوبر ماركت سورتو جاج و لحم ان شاء الله يولو يديرو عروض و تخفيضات فااجزائر باش شعب يقدر ياكل من كل شي
السلام عليكم اختي العزيزة بصحتك وصحةاولادك كل ماشريتي انا اللي عجبني في هذا الشيء هي استعمال زيت الحلويات قارورة وحدها هكذا تعرفي شحال راكي تستهلكي الزيت فالطياب او الحلويات
شكرا حبوبة انا دائما عندي تقريب نفس المشتريات و مرة في 4شهور يبقالي من كلش ملا نقضي حاجة قليلة و سميد وفرينة نشري 10كغ في جهة وين نسكن نوعية ممتازة هايلة طريقتك و ربي يبارك لكل واحدة
حبيبتي نجاح هاذيك النيسكافي لي شريتيها ماهيش مليحة . لخاطر يخلطوها بمادة محروقة مضرة بالجسم . طبيب نتاعي قالي متشريش نسكافي لي مكتوب فيها صنعت في المغرب . قالي اشري نسكافي نتاع بونال و لا نسكافي gold
السلام عليكم نتمنى تكوني بخير انا جديدة في القناة تغيرت حياتي بعد ما تعرفت عليك والنصائح المهمة والمهارات والتدابير التي تقدمينها لنا ربي يحفظك من كل شر ويحفضلك أولادك وزوجك ام ابراهيم سطيف.