حلها بسيط🤔 بما ان زوجك يغير عليك درجة الجنون البسي حجاب بالاسدال مع النقاب او الجلباب هكدا تكوني مستورة كلك وواحد مايقدر ايشوف وجهك وفي بيتك كوني حرة البسي واش تحبي المهم كي تخرجي تكوني مستورة وزوجك راح يرتاح و يتبدل تماما وتتهناي من غيرته
مريومة في الانشغال الاول نورمالمو ماتذكريش عبارة ولاية معروفة بالزينة مجرد رأي خطراكش في كل بلاصة كاينة الحاجة لمليحة والحاجة الدونية مجرد نصيحة اختي واسمحيلي
ارجوكي ارجوكي ارجوكي مريم انصحني امراة في عز شبابها وزوجها عنده عقم هل تشوف حياتها ولا تصبر ارجوك. ارجوك ردي عليا راني نموت في نهار الف موت ارجوكي ارجوكي ارجوكي ردي عليا صدقة على والديك
من حقك تطلبي الطلاق وتتزوجي و تجيبي اولاد لكن الاولاد مشي هما السعادة اذا كان زوجك ناس ملاح ومهنيك و دايرلك من الدنيا دنيتين اصبري و عيشي حياتك معاه انا نعرف وحدة لما كانوا يعالجوا على الضناية الطبيب قطع زوجها لياس قالوا اطلب ربي يعطيك الذرية المهم الزوج حكم زوجته وقالها شوفي كاين حلين اختاري واحد فيهم اما تطلقي و تروحي تشوفي حياتك اما تبقاي معايا وندير لك من الدنيا دنيتين و نسيك في الاولاد تحوسي داخل البلاد وخارج البلاد تلبسي نديرلك سيارة تروحي عند اهلك حاضر والا غايب و نكتبلك شقة باسمك بحكم عنده شقة و فيلا بصح حاجة وحدة ما تجديليش على الاطفال ما نربي لا من اهلي و لا من اهلك ولا من الطفولة المسعفة و ما تقولوليش على العلاج يا لوكان نسبة النجاح مية في المية المهم قالها روحي لداركم فكري مليح وشاوري اهلك والقرار الي تديه راني معاك وفعلا خممت مليح و اختارت زوجها و فعلا راها من الكيارة ما تنزلش لانه هو بخير عليه وخدمته تسمح له باش يعطوه الفيزا لاي دولة يحب يروح لها المهم اذا كان زوجك كريم و مشي بخيل و يعبر لك على مشاعره وحبه معنويا وماديا ما تبدليهش والقرار يبقى عندك
انا رايي جربي التلقيح اولا والرقية وعالجو مليح والا ماكانش امل شوفي حياتك ماتجرحيش زوجك لاعاد معاك مليح وفهميه بلي حابة تكوني ام لان صديقتي تزوجت صغيرة وراجلها عقيم وضكا كي كبرت تبكي الليل مع النهار مالقاتش صغير في كتافها
رح ننصح صاحبة القصة الأولى نقلك راجلك كما راجلي وعشت نفس الحالة تاعك دخلني في عقلي ومرضت كيفو عدت نخمم كيفو نفكر قبل ما ننطق كلمة ونحسب ألف حساب لأي تصرف نتصرفو قدامو لكن عرفت الحل معاه وهو كي يهدرلك هذي الهدرة متعمريش راسك بيها واضحكي على كلامو باستهزاء وقوليلو أنا عارفة روحي وصافية مع ربي حبيت تمرض روحك امرض وحدك متمرضنيش معاك احمص روحك وحدك وانت اي تطلع لاطونسيو و السكر وحدك أنا صحتي عزيزة عليا وارقدي وخليه ولا اقضي شغل الدار وخليه وحدو يخمم ويتراجع ويجي يعتذرلك يعني اقتليه بالبارد وربي يهنيك ويصبرك علابالي هذي العقلية صعيبة حاولي تتماسكي في اعصابك وكوني ذكية معاه وتعرفي وش تجاوبيه ربي يفرج عليك و علينا اجمعين وادعولي بالذرية الصالحة راني في 5 سنين زواج
صاحبه القصه الاولى عندك حل واحد و وحيد ولي هو ديري نقاب كي تخرجي واحد ميعرفك تريحي راسك و تريحيه مدامك قلتي مخصني والو معاك باه تطلقي لالا تيتمي ولادك و زيد داركم في المشاكل ميدوملك غير راجلك ان شاء الله تشوفي تعليقي اختي
الحياة هذه محيرة جدًا .. لا بد من الحزن لكي نعرف السعادة ،. و الضوضاء لكي نقدر الهدوء .. و الغياب لكي نقدر قيمة الحضور .. تدمير إنسان، قد يستغرق دقيقة .. و الإعجاب بإنسان ، قد يستغرق ساعة .. و محبة إنسان ، قد تستغرق أيام .. لكن مسامحة إنسان على جرح و خذلان .. قد تستغرق عمراً بأكمله .. 🌼💚
صاحبة القصة الأولى خلي زوجك يطالع كتب التنمية البشرية مثل كتاب العادات 7 للناس الأكثر فعالية والله كتاب خرافي وكاين بزاف من كتب فنون التعامل مع الآخرين وكسب الأصدقاء هذو عن تجربة شخصية
راجلك موسوس من ناس برا بصح الوسويس تاعو خرج على السيطرة راهم بزاااف يا ختي انا نلبس جلباب ونقاب وحتى النقاب وحتى عينيا ماتبانش يقلي راجلي خطي كلش وزيد التقاشر والقفازات وكي نجي فايتة على الطريق ساعات يبقاو يشوفو معايا مانعرف واش يشوفو ماباين والو يحيرو
نقول لصاحبة القصة ماكانش ولاية مشهورة بالفساد الاخلاقي كل ولاية يتهموا ولاية اخرى اما بالفساد الاخلاقي او بالسحر والشعودة او في بعض السلوكيات كالنرجسية او البخل او ميزجهم الصعب وهكذ اذن احذروا هذا النوع من الاشعاعات لانها مدعاة للجهوية والعنصرية تسمى الي في ولايات الشرق ما يتزوجش الي من ولايات الغرب او هكذا اذن المليح والقبيح في كل مكان
سلام أول جام لأحلى مريومة ربي يحفظك و يرزقك كل خير ربي يعطيك حتى يرضيك وينجحك في حياتك ويحفظلك أولادك ويجعلهملك من الصالحين آميييييييين ياااااارب العاااااااالمين
رايحة ننصح صاحبة القصة الاولى سبحان الله تقول راكي تحكي عليا والله العظيم نفس القصة وزادت تزوجت اختي صغيرة براجل كما هك يغير للجنون ونفس الشيء لي قلتيه بصح عادي ماخربناش ديارنا عشنا وتأقلمنا مع رجالنا ويحبونا ومذابيهم الريح مايقيسناش علاه نخرب داري الله غالب هو عندو غيرة زايدة من الشيء لي يشوف فيه لبرى وقالي نفس الكلام لي قالو راجلها قالي انتي راني واثق فيك مانيش واثق في الناس والحمد الله راني في عشرة تاع 24 عام معاه دايرني سلطانة في داره والنساء حاسديني عليه لي هم رجالهم مايسقسوش عليهم يدخلو ولا يخرجو ماعندهم حاجة فيهم ياااختي احمدي ربي لي عطاك راجل ملتزم يغير عليك مش كون خير اعطاك راجل تاع شراب ونساء وزنى.؟ وتموتي غي بقنطتك؟؟ لااالاا وخيتي طاوعيه وابتعدي على الحاجة لي تزيد من غيرته راحة ليك وليه يا اختي صاحبة القصة اذا قريتي تعليقي ديري جام وربي يهدي سركم ويطيب معاشكم
السلام عليكم ورحمه الله وبركاته حبيباتي من تنصحني انا حابة ندير لبنتي فلر لشعرها في عمرها 7سنوات هل يأثر عليها مستقبلا على هرمونات وما شابه تعيشو اطوني رايكم
@@user-kk4xp1sc2h نصيحة نيفيا و زيت جوز الهند ديرهم في شعرها ساعة و اغسليه مرتين اسبوعيا و ادعيلي بالخير و لا زيت النعناع اخديمه وحدك فدار حطي اوراق نعناع مجفف في زيت جوز الهند في بلارة زجاج و اغلقيها و حطيها فالماء تغلي طفي عليه خبيه بعيد علة ضوء لمدة اربعة و عشرين ساعة و ديريلها حمام زيت مرتين اسبوعيا و تشوفي شعرها كيفاش يرجع انا ثاني بنتي شعرها كان كارثة درك و الله رجع حرير لي يشوفو يكدب و لا صفتر بيض مع زيت الزيتون خليطيهم مليح و ديرهم لشعرها ساعتين و اغسلي ثاني نتيجتو خيالية
لا لا لا يوالف الضرب جيبي حقك بذراعك كيعاد باباك وامك مش متفاهمين الله غالب اقفي على روحك ههههه ضربك اضربيه فهميه بلي مش ناس كامل كيف كيف اوووو نحب راجل لغيار راجلي نقول اني خارج يئولي روحي وين لمشكل 😊😊المهم اقفي على روحك وخلاص ومتكثريش الهدرة 🤫🤫
كيفاش يقولها مانيش موسوس منك و هو يطلب منها تحل التيليفون عند طبيب, و تحل لاكام في النقل؟ تناقض هذا، لالا اهم حاجة في الزواج او في اي علاقة هي الثقة ، يالوكان رانا عايشين في مجتمع فاسد، كاين الراجل كي يخلط بزاف في لبنات برا ايا يكون عنده شك في مرته، اما عن الصلاة، لي يصلي ما يخالطش الصحبة السيئة ، و لي يصلي ما يدخلش الشك غي قلبه، و ما يظلمش، اما عنك يا اختي اقعدي في دارك و ما تخكيش معاه حتى يطلب السماح و تحطي النقاط على الحروف، و احكي مع الاب تاعك حتى ولو يرفضك بصح جربي قوليله يحكي معاه و يحمر فيه، و ان شاء الله ربي يفرج عليك، و انصحك بالرقية ارقي في ماء و خليه يشرب، ادعي الله بزاف ان شاء الله
صاحبة القصة الأولى زوجك ماهوش موسوس زوجك متعلق بيك بزيادة و خايف لا يخسرك والله غير راني عارفة شعورو مليح مليح والله غير عذاب أليم في النفس حسسيه بلي متخليهش وماتحبيش غيرو ريحيلو نفسو بكلامك
بسح قالت كي يكونو مع بعضهم يكونو لباس كي تخرج اللي يصرالو هكذاك و قالت بلي كي يكونو قاعدين يسقسيها إذا كون تلقا ماغير منو تروح وتخليه ماهوش واثق من نفسو ومن حبها ليه علابيها يطيح في هذو النوبات أنا متأكدة كون تحاول تتفادى مثيرات النوبات رايحة تتهنى من 70 بالمية من المشاكل
بالنسبة للقصة الاولى نحي عليك المشاكل بطريقة وحدة لي هي دايما تمشي بواش قال ربي اخرجي غير مع زوجك بالحرمة وكلش وادا استدعى الامر البسي نقاب حاجة مليحة وزيد عفة وقيمتك تعلى متخرجيش بكون محرم الاخت وربي يهنيك ساهلة نتوما تحبو تصعبوها على رواحكم بررك
الانشغال الأول اقعدي ايامات وانتي متشنفه عليه حتى يتوحشك ومن بعد كي يعقل ويجي ليك يطلب سماح قوليلو آخر فرصة ليك باش تمد ييدك عليها والله منقعد عندك دقيقة وكوني صارمة معاه وزيدي احكي معاه كيما قاتلك مريومة قلو جبتني من دار الرجال وجامي غلطة في حقهم نغلط دكا ربي يهديك....الخ المهم اعرفي كيفاش يكون الحق معاكي ماشي ضدك