اغاني طمبور
عادل عثمان الطيب
كلمات ..ابراهيم ابنعوف
الحان ..يس عبد العظيم
ضميني ضميني يا فرحة المحزون
للصبر قادر والضم معاهو سكون
يا عايشه في جواي بيكي الفؤاد مليان
وانا من بعيد جايك شارد من الاحزان
قفلت باب الهم لاقيني بالاحضان
دسيني في جيدك توب والبسيني كمان
ما انتي لي وانا ليك رغم البكون والكان
انا شاعرآ غناك في اروع الالحان
وانا بين ايديك فنان والفن جنونو جنون
شن داير اقول ليك عاد والقول علي تقيل
انا والنجوم شهاد من ديل اتابع ديل
تنهش كلاب الشوق في جوفي طول الليل
لمن لحقته الموت والموت اباني عديل
يومآ يلمني فيك ويومآ صعب بالحيل
كترتلوا التحنيس كملتلو الوسيل
حلفتو بالقرآن خصمتو بالانجيل
ناديتو من سجيل خيب رجاء الممكون
كيف هان عليكي قليب يهواك يحبك موت
صبرتو بالآمآل صبرا عزلتوا خيوط
عشان ما يميل للغير كرهتو في البنوت
وسدتو بالاحلام ختيتو في تابوت
رهبنتو ليك رهبين فوتو فوت الفوت
حفظتوا زكري الريد يشكر مغيب يوت
لمن بقالو كلام ولمن بقالو سكوت
ونذرا علي مثبوت والله يكون في العون
سامحيني كان زليت وكلامي ما ارضاك
ماالناس تسامح الناس وانتي السماحه براك
يا رقة الحلوين يا قسوة القساك
بذاتك اتوسل طالب عفوك ورضاك
مديلي حبل الريد وقويهو من تالاك
يبقي السعد يصدق تمسك يدايا يداك
واشوقي لليوم داك يوم يقعد المآذون....
22 сен 2024