اغاني طمبور
محمد النصري
عابرة ٣٢
عابرة ٣٢
كلمات والحان ...محمد احمد الحبيّب
زارني فى عز المنام شافن فعايل عابره فيّ
ولليلي ماردن علي صحني وغابن من عيني
كانن غزالتينن حنان يتهادى بيناتن جدي
ياربي من حور الجنان أم من خلا الشيخ الهدي
لاقني في جوف الوهاد ضاربات خلاين كلو صي
عابن علي حت الرقاد قالن لي أنت عليك شوي
الليل مجالو طويل شديد مابيعرفو النايم ي أخي
يعرف حقيقتو جنا المسيد الرادمو لالوب عش حدي
أنا قلت ديل ناس ليلى جن شافني مابمدح نبي
ياعابره غنيتك زمن باقي العمر خليهو لي
ياعابره ديلا بنات بَقِس مابيعشقن زول فتلو ني
دايرات حبيب ذالي النفس يسرنبو بي فوق للثري
ياعابره لابد الصبر مهما أنشويت بى جمرو شي
ما النار هناكـ علاج كفر وأخر علاج الدنيا كي
ياعابره مريت بي ظروف جواى نزاعاً مو شوي
حاولت تطويع الحروف وأنا لاني جماع لا التني
والدنيا ماها ديار مقام باريتا من شبيت جني
والليلي سِرت ورا الملام وراني عنها كلو شي
فتح عيوني علي أمور ياعابره ماكانت لدي
غمرت دواخل نفسى نور قلبت مسالك سيري ضي
ياعابره يا نعم الرفاق مابيشغلن طيب وللاَّ زي
درباً يهــابنو النيــاق يطويهو راجل الخطوه طي
ياربي صليِّ عليّ نبيك واغفر لي ما اقترفت يدي
22 сен 2024
