الأخت أنت الغالطة حتى و لوكان يحرشوك تفرزي بين حياتك الزوجية وعلاقة مع أهل زوجك وعائلتك الكل نلقاو مشاكل تصرى بصح الوحدة تعرف كيفاه تحكم العصا من الطرفين مكانش لازم تقطعي أهلو وتخليلهم فرصة يستغلوها ضدك خصوصا كي زوجك مقدرك ربي يفرجها عليك إنشاءالله ويعوضك
شوفي حبيبتي مشكلتك انك كنتي كل ما تدخلي مرحلة جديدة في حياتك في بلاصت ما تركزي معاها باش ثبتي روحك انتي لا قعدتي متعلقة في الماضي نشرحلك باش تفهمي انتي لما تزوجتي باش تركزي مع زوجك واهله باش تكسبيهم وديري لروحك بلاصة في وسطهم انتي لا قعدتي عادة متعلقة بأهلك وفضلتي تقعدي عند اهلك على انك تقعدي في دارك مع اهل الزوج في غيابه وهذا خلق اول سوء فهم من الزوج واهله ولما جبتي طفل وقررتي انك ما تكمليش قرايتك وتقعدي تربي ولدك كان لازم تكوني قد هاذ القرار وتنسي القراية وتركزي مع زوجك وولدك بصح انتي لا قعدتي دايرة هاذ القراية الي ما كملتيها كي الشماعة باش تخلقي المشاكل مع اهل الزوج والزوج بحد ذاته🤦🏻♀️يا اختي ناس كي تعادي تعادي بذكاء يعني دابزي جيهة وتخلي جيهة ترونكيل باش نهار الي طيحي تلقي شكون يوقف معاك كي تكوني مع ناسك مش مليحة الزوج لازم تعيشيه كي البرنس باش ما يسخاش فيك والكاريثة هوما الاهل نتاعك صراحة ڨاع مشي ناس يقتلوا القتيل ويمشوا في جنازته الوقت ڨاع وهوما القراية القراية ويحرضوا فيك عل زوجك واهله ونهار الي طلقتي باغينك ترجعيله وهو متزوج😤يا اختي صايي الماضي قلنا ننسوه ونركزوا في الحاضر ركزي مع ولادك ونفسك وحاولي تلقي خدمة وداركم دريلهم حد هوما الي وصلوك لهاذ الحالة إيااا لازم يتحملوا وخلي الرجوع لطليقك على ربي ما ذليش روحك اختي لخاطر الحالة راهي حامضة اذا كان التحدي فيه غير الزوج واهله الان راه فيه الضرة وماااا ادرااااك ما الضرة🥴ربي يوفق وليداتك ويحفظهم صراحة غاضوني لو كان مشي هوما والله مانعلق دري عقلك يا مدام وتهلاي فيهم مشي غير فرقتيهم على باباهم ودارهم وتزيدي تغبنيهم عندكي تستعمليهم كسلاح باش تحاربي باهم خلي ولادك بعيد على المشاكل باش يطلعوا صحاح نفسيا ربي يجيب الخير
اطلبي السماح من راجلك وحاولي عدة مرات لازم متفشليش في جال ولادك ومتزيدش تصنتي لناس وابعثيلو كاش امام مسجد يديرلك الصلح بيناتكم انشاء الله نسمع عليك خبر يفرح
الاغلبية الساحقة ينصحو بالطلاق ويحرضو بناتهم وبعد الطلاق يرجع واحد مايعرفهم نصيحة كونو واعيين قبل إتخاذ اي قرار يخص حياتكم او بالأحرى مشاكلكم الخاصة بعد الزواج خليوها بعيدة كل البعد عن اهلكم لخاطر اي مشكل صغير يسمعو بيه من دون شك راح يكبروه ويحرضوكم وزيد في الوقت الحالي الوقت صعيب بزااف وخاصة اذا كان عندكم ولاد ثلاثة ولاربعة وانتم مش خدامين والله غير الشارع هو المأوى صراحة الأهل وميقبلوكمش افضل دليل هو تروحو ضياف برك وميحملوكمش فما بالكم بولادكم
ربي يشفي كل مريض و ينجح كل طالب و ينوب بالزواج الي مازلوا و يرحم موتانا و موت المسلمين و يكبرنا في طاعة ربي العالمين و يستر علينا و على اولادنا و يبلغنا رمضان بالهناء امين و صلى الله على الحبيب المصطفى
