سلام اختي بشرى والله كي نتفرج تقلعيلي الدود من قلي خدمتك كيما خدمتي بصح نقصت بزاف مبعد وفات ختي و ميمتي مابقالي حتى واحد ربي يحفظك قولي للاخوات يدعولهم ويدعولي بالصبر هادي 3 سنوات مانسيتش
السلام عليكم أختي ننصحك وش ديري مع بنتك و إن شاء الله العام الجاي مع الناجحين حاولي في عطلة الصيف هاذي ترقيها و تحاولي تعززي ثقتها و تفهميها و بلي هيا ذكية و عندها القدرات إنها تديه و تكمل مشوارها الدراسي و كاين ياسر أساتذة في اليوتيوب أعطيها كل يوم تقرا شوي خاصة اللغات و الرياضيات خلي تحسن من مستواها و نوصيك الرقية ثم الرقية أحكمي بدون ماء تاع 5 لتر نوضي من الفجر صلي صلاتك و أقراي ورد من القرأن و أحكمي بدون تاع الماء و أقراي فيه سورة الفاتحة 7 مرات و أعطي لولادك كل يوم يشربو منو و كيف يفرغ عاودي كل يوم ❤
السلام عليكم ورحمة الله وبركاته بصحتك حبيبتي نهبلك بشرى روحي ل Magazin Angora جاي في طريقTram تحت Centrale Police الله يبارك ماشاءالله الأوان وحتى بلاستيك ماشاءالله وقولي لهم جيت من طرف رشا أيوب روعة
ياصاحبة الطاقة الايجابية نشكرك على العرض الدي قدمته للاخوات انكى تقدمب الاشهار مجانا.اللحلوجيات.ماشاء الله عليك ربي يتقبل منكي هده الصدقة وبحققلك امانيك.ياريت كلن نتعاونوا.ونصحوا بعضنا .يروح كل شيء ويبقى.الاثر والناس تدكر الواحد بالخير بعد ما نترك هده الدنيا .
بالنسبة لي صاحبة الإشكال راهي وفات بوصية زوجها لانو ولادها كبرو مع أجدادهم وعرفوهم وعقلوهم لحد هنا وخلاص تقدر تستقل بحياتها الشخصية ومن وقت لآخر يوصلوهم ويزورهم
ألف الف الف مبروك يا رب العلمين و اللهم صل و سلم و بارك على سيدنا محمد و على ال بيته الطهرين و صحبه الاجمعين ويعطيكم الصحة و جمعة مباركة أن شاء الله عليكم ويعطيكم الصحة و ابصحتكم ابصحتكم
السلام عليكم أختي من فضلك أريد أن أستفسر عن إمكانية تأجير شقتك لمدة يوم أو يومين فقط فأنا طالبة دكتوراه بجامعة وهران مقبلة على مناقشة الأطروحة، حتى أتمكن من المبيت أنا وأسرتي. بارك الله فيك
حابة نفهم برك علاه تحكمو على الناس في الغيبي سمعت من طرف واحد علاه ماتسمعوش لطرف الثاني حتى في عصر عمر ابن الخطاب المسمى بالفاروق كان بسمع لطرفين لا حول ولا قوة الا بالله
انا نصيحة في سبيل الله تقعد عند عزوجها حنا والدينا..كانو مع عجازيزهم و حماتاتهم و شوفو حنا كفاش كبرنا الحمد الله خرجنا متربين الحمد الله دعوت الخير مليحة تاع العجوز و زيد ربي رهو يشوف و العجوز مغديش تعيش 100سنة يابنت الناس قعدي عند عجوزتك لقطي منها دعوت الخير حتى انتي غدي تكبري وانتي حرة أختك حسينة من وهران❤
تبارك الله عليك اختي والنصيحة لأختي العزيزة مراكيش مظطرة حبيبتي العمر ماشي والوقت يفوت حتى نتي راه عندك مسؤولية كبيرة بعدي أختي بوليداتك ومتسمحيش فيهم زوريهم فقديهم والرأي ليك أختي تورية من تلمسان
والله يا بشرة زدتي كبرتي في عيني مين قلتي ندير اشهارات مجانية والله كاين ناس ماولاتش ترحم كلشي بدراهم حوجي كاين ناس مساكن عاد باديين و كاين لي يحوسو يخدمو ليل مع نهار باش يدخلو لقمة عيشهم و يكبرو وليداتهم و انا تلقيني نعاون غير بجام زعمة هدي لينقدر عليها حوجي مافيهاش والو الواحد يعاون خوه ولا اخته المهم ربي يوفق كل واحد يحوس على خدمة حلالية 😊
أختى بشرى الله يجازيك لما سمعتك تحكي في قصتي والله الدمعة طاحتلي هاذا وين حسيت روحي إنسانة الله يجازيك والله يحفظلك وليداتك وزوجك وميمتك ومازالنا متشوقين للشوربة تاع الوالدة وان شاء الله الله يعطيني القوة باه نهدر مع عجوزتي ولانصبر على مكتوبي الى يوم الدين وربي يجازيني بالخير في صحتي ووليداتي
اختي لنفسك عليك حق و ولادك أمانة عندك متخلي حتى واحد يذبهم حرام عليك ربي كرمك مكاش لي يهينك و يعاملك كي لبونيشة حتى زوجك فمابالك بأمو زوجك وصاه بصح متقدريش تكملي وصيتو و نتي مضرارة ختي ديرلك لاتونسيو ولا لڨلب هاد لعجوزة تزيدي تموتي و تخلي ولادك يتامى فحياتك و مذلولين كفاش كي تموتي بعدي و عيشي ملكة نتي و وليداتك و ربي يقدرك و يحفظك
Moi je lui dis chapeau pour 23ans mais tu as assez donner diri darek m3a wlidatek. Ou heni rouhek idoumoulek ri wlidatek ou sahtek houwa rabi yerhmou rah fi douniya lokhra. Ou rabi m3ak
بارك الله فيك ربي يحفظك ويسعدك ويوفقك ويبارك بعمرك يارب. بالنسبة للمرأة المكافحة لي طلبت النصيحة نقولك رايي من راي بشرى من التالي ڤاع لي قالته له صحيح و منطقي و واقعي. الله يوفق الجميع.
السلام عليكم هادي نصيحة للأخت لي طلبت المشورة اختي من نهار مات زوجك راكي وليتي غريبة على هاديك الدار مام اخ زوجك لي راكي تخدمي فيه كون نشوفو لشرع ربي هاو لا يجوز لكان ولادك رجالة يقومو بيه اللهم بارك هاداك عمهم و هم يدو فيه الاجر اما نتي تبعتي وصية زوجك كتر خيرك ولاكن مع ربي معندوش حق يربطك لكان جات عايلتو ناس حقانيين و يخافو ربي ما فيها باس تبقاي معاهم كونتاكت و احفادهم ما يقاطعوهمش اما كي ولاو ناس تع شر هاو ربي ميحبش غدوا من غدوا راكي تسألي عمرك فيما افنيته و الامانة لي عطاهالك ربي وش درتي بيها وش تجاوبي فنيت عمري نتحمل الذل و نحمل نفسي مالا طاقة لها خافي ربي فالوليدات لي عندك و خليهم يعيشو مكرمين معززين جداتهم يزوروها وقت ما يحبو ما تحرميهمش اما نتي سي بون راكي غريبة على ديك العايلة ما تمشيش فطريق لي ميبغيهاش ربي و مبعد تقولي وشبيها حياتي معوجة
حبيبتي بشرى لا تقدري تصحيني خصني الكرية في وهران من اجل دارسة تاع بنتي ارجوك لا تعرفي الثمن الكراء والمنطقة لتسكني فيها واسمحيلي لأني لقيتك امراة طيبة وتحسي بيا لانني ام لبنتين وراني خايفة الله يجازيك واسمحيلي حبيبتي
انا ولدي نجح بصح ما عرفتش نزغرت وما عرفتش نفرح ماما ماتت... وانا تاني زوجة دركي بصح ما يخلينيش نخالط النسا حسيت روحي وحدي صح في بلاد الناس... يعطيك الصحة والعافية على كلامك الزين ولعقوبة ليك تفرحي ببناتك كي اليوم حبيبتي ان شاءالله يارب العالمين... كل الحب والتقدير والاحترام من قسنطينة ❤
بشرة الله يحفظلك بناتك كاش اوتال رخس شوي امنيتي نزور وهران قبل من نروح من تيارت بيسك ميتاونا لشرق وانا هنا قريبة لوهران وخفت نجي وان روحو نحوس على اوتال راخس مرفق
استغفر الله العظيم الرجال حتى وهما يموتوا يغبنوا المراة عارف يماه قبيحة من الافضل ماتقعدش معاها المهم الله يرحمه هدا مانقواوا وعلى الهامش شكرا للتهنءة بالنجاح لابناءنا ماراهم بنياتك تفرحي بيهم
Que toi qui me donne l'énergie positive machalah Alik,مولات الحكاية الارملة ربي يقدرها واكيد زوجها لوكان حي مش حيرضالها الاهانة،تروح تسكن بعيد وتصل الارحام وخلاص،حتى شرعا مهيش ملزمة،الاحسان فقط هو لي يلزم،ربي يحنن قلب عجوزتها ويهديها
