عقارات مصر | أين سيتجه عملاء العقارات في 2024؟ 

حضرتك من احسن الناس اللى بتحلل سوق العقار

العقارات في مصر حرفيا انضربت لا المطور حيكسب ولا الشاري حيكسب ولا البائع حيكسب... وبحسبة متواضعه بسيطة ( احسب المبلغ اللي دفعته وقت الشراء على جرام الذهب او الدولار) ولما تيجي تبيع حتى ولو بعد خمس سنوات او 6 اشهر) على السعر وقت البيع على جرام الذهب او سعر الدولار ... وحتعرف حضرتك مدى خسارتك الرهيبة اللي خسرتها....نصيحة لااحد يشتري عقارات حتى ولو حتأجرها احسب قيمة الايجار اللي حقفته على مدار مثلا سنتين وقت البيع وارجع لنظرية (الذهب والدولار) وحتعرف انك برضو خسرااان ومهمها القيمة الايجارية عالية... فانت خسراااان لامحالة

العقار حاليا مبقاش فرصة للاستثمار و بقى تقيل جدا فى البيع لضعف القوة الشرائية فيه وحدات معروضة من سنتين لسقة متباعتش اعتقد البوصة او الدهب افضل للاستثمار

شكرا للتوضيح اول مرة حد يشرح الأوفر كويس وافهمه

الصراحة انا مصرى مغترب والفئة اللى قررت متشتريش اساسا.ياباشا الأسعار حاليا بقت زى واغلى كمان من اوروبا

عندك حق جداااا.. المهزلة دي هيجيلها وقت وتقف والغلاء ده هيجيله سقف ومحدش هيبقي معاه يجيب وبالتالي كل حاجة هتقف .. خليهم ينبسطوا بالزيادة الوهمية دي شوية لأنها غير عقلانية ومبنية علي جشع وطمع الناس بما فيهم حكومتنا الموقرة

كلام فاضي مع احترامي.. العقار كله خسارة.. لو شريت.. انت تدبست لانك لن تقدر ان تبيع الوحدة ولو ب ربع السعر.. كاش.. مافيش، حد يدفع كاش.. الا بتخفيض70٪.

انا بشوف ان مفيش مشكله في المقدم المصيبه في الاقساط يعني احنا كمصريين دخلنا في حدود من ٥٠٠٠ لحد ٣٠ ولا ٤٠ الف اصبحنا مفيش قسط يناسب دخلنا للاسف وكان العقارات حصرا للي ببشتغل بره مصر فقط لاغير وبيقبض بسعر السوق السوده

د حسن الصادي عندو افكار حلوه وافكار وهم😊😊🦅🦅🦅🎇🎇🎇

تحليل اكثر من رائع

اللي انت بتقوله ممكن يكون صح بالنسبة للعقارات اللي لسة عليها اقساط لكن الناس اللي اشترت من مدة وسددت كل الاقساط اعادة البيع عندهم صعبة جدا لان المشتري هيدفع كاش... ممكن تشرح الحالة دى؟

الباشا المحترم ❤

اغتقد الصادي كان يقصد بالواهم (العاصمة) و ده يمكن لانها فعلا مش هتتاجر و لا هيتسكن فيها في الوقت الحالي كمان الزيادة في اسعارها هي مكسب وهمي لانك مش من السهل تبيع زي ما انت كمان قولت و كمان صعوبه تسيل رقم صغير منها بسبب ارتفاع سعرها و الاضطرار لبيع كامل العقار

طب و موضوع نسبه الإشغال العقاري؟ دي اكبر حاجه تدل ان العقار بقي سلعه استثماريه مش اتسهلاكيه.. يعني أصلا كل العقارات اللي أعطيت عليها أمثله او معظمها مش متسلم أصلا.. يعني كأنك بتضارب في البورصه و لو المطور فلس زي ما بتقول يعني الاستثمار بتاعك وصل صفر.. مجرد ورق و محاكم. و لو سلم و جيت تبيع مش حيكون فاضل اقساط او مش اقساط كتير يعني حتبيع بالسعر الإجمالي و دي اللي بيتكلم عليه.. حتلاقي فين حد جاي يشتري بعد التسليم بأسعار دلوقتي؟ و لو نسبه الإشغال ٢٠٪؜ زي ما بيقول يعني فعلا اللي بيشتري بيشتري علشان يدخر مش علشان يستهلك و الايجارات بصفه عامه مش زي اي حته في العالم و ربحها زهيد (إلا ايجارات الساحل مثلا)

ماحدش، يتورط. العقار إذا اشتريته لن تقدر بيعه.. الا بحرقسعره بنسبه أكثر من ثلثين.. لأنك تبيع كاش.. مافيش احد يعطيك ربح 50 بالمية ويشتري عقارك ويحمل الأقساط.. هذه اضغاث احلام.. كل إلى اشتري خسر نصف أمواله.. لذا سويروس هرب من سوقالعقار

كسبوا ازاي يا استاذ سامح في ظل التضخم وارتفاع الاسعار الدكتور حسن الصادي كان محق تماما في قوله انو "واهم" لانها ربح وهمي فعلا وليس ربح حقيقي يمكن الاستناد عليه

بص يا باشا ,, من قصة واقعية و من مصري بالخارج انا اشتريت عقار من كذا سنة لما كان الدولار ب 15 جنيه ,, و طبعا انا حولت فلوسي من دولار لجنيه مصري عشان اشتريه لما جيت احسب انهارده قيمة اللى دفعته بالدولار وقتها و قيمة العقار بتاعي بسعر انهارده بالدولار بردو لقيت اني خسرت تقريبا 40% من فلوسي مقارنة طبعا من اني كنت اسيب فلوسي بالدولار زي ما هو

فيديو مهم 👍

كلامك صحيح وقابل للتطبيق بالنسبة للي فلوسه بالجنيه المصري أصلا من 2022. لكن للي فلوسهم بالدولار من 2022 حيخسروا بالتأكيد + بعد البيع بالمكسب بالجنيه لن يستطيعوا تحويل أموالهم من جنيه مصري إلى الدولار زي ما كان قبل الشراء في 2022. السيناريو برمته مش استثمار حقيقي لكن تحوط من انخفاض قيمة العملة.

حسب اعتقادي لازم يتم ربط الدولار بسعر الخامات عشان نتفادي من التسعير العشوائي في جميع المجالات مش العقارات بس لان كده الي عايز يتشري هيكون غير قادر و الي بيبيع بيستهدف فقه معينه و الي بياجر مش هيعرف يشتري عشان لو الايجار عالي مش هيعرف انه يحوش او يستقمر عشان يجيب بعد كده هيفضل فيه فجوه بين الاتنين واحد بيحاول يشتري بس مش قادر و بيحاول يجاري السوق و بردو مش قادر

لا يا غالي الحسبة بالدولار مش تحنيك. طالما استثمار في مشاريع (عالمية) يبقى لازم تحسبها بالدولار لأن المستثمر سواء كان مصري بالخارج أو أجنبي بيدور على مكسبه بنفس العملة الي دفعها. ولو مش عايز تاخد ده في الحسبان مفيش مشكله احسبها برضه للمصري الي بيستثمر بالمصري على أرض مصريه الجنيه بتاعه كان يجيب مثلا كام كيلو لحمة بثمن العقار في ٢٠٢٢ وحاليا بعد ما ثمن العقار زاد بقى يجيب كام كيلو لحمة، ومش هقولك الذهب علشان متتحنكش عليا وتقولي الذهب سوق فيه مشاكل، هتلاقي أن العقار في مصر سعره حتى مش ثابت لأ ده بيخسر وأن الزيادة الي بيزدها هي على الورق فعلاً وتعتبر زيادة بسبب انهيار العملة مش بسبب ارتفاع قيمة العقار نفسه ده غير صعوبة الخروج منه وتحويل أمواله للخارج للمستثمر الأجنبي وده طبعاً غير المخاطر وصعوبة البيع في سوق القوة الشرائية فيه بتنهار تماماً. ده ميمنعش أن السوق العقاري في مصر ممتاز للي معاه سيوله كبيرة ومش متوقع مكسب من العقار يعني ناوي يستخدمه ولو جاب اي عائد بسيط يبقى خير وبركة

اشتريت شقة ٢٠٠٧ دفعت ٢٠٠ الف حاليا تمنها ٨٠٠ الف لو حسبتها بالدولار تمنها ٤٠ الف دولار حاليا تمنها ١٥ الف دولار د الصاوي ده قصده

بلاش دولره طب لو كان بنفس فلوس الوحده جبت دهب رايك هيفضل زى ماهو ؟

طبعاً حضرتك كبير المحنكين مش متابعينك اللي هم عملائك بالمناسبة يا محترم و بخصوص المكسب اللي بالجنيه أحب اشرح لك و للمتابعين الفرصة البديلة على المثال اللي انت ضربته بالارقام في الحلقة لو اللي اشترى و دفع بالمقدم خلال سنتين 1070000ج زي ما قلت كان اشترى ذهب في نفس فترة الشراء و مواعيد سداد المقدمات كان هايبقى معاه حالياً في 1 فبراير 2024 (811) جرام ذهب عيار 24 بما قيمته 3764000 جنيه ولا الذهب كمان عندك مش مقياس يا كبير المحنكين؟

تحياتي يا سامح بيه يا محترم 🌹🌹

أحلى حاجه انك متصالح مع فكره ان فى مطورين هايفلسوا السنه دى 😁

جامد جدا انا كنت من أوائل متابعينك

المهم المطور يسلم في المواعيد اللي اشك انها تسلم في المواعيد

ممكن تركزوا معايا شوية البلد دخلت تضخم حلزوني وهو اخطر أنواع التضخم زي الورم الخبيث ومش هتخرج منه إلا بعد سنوات مش اقل من خمسة بشرط البدء في إجراءات تصحيحية سليمة وشديدة القسوة غير كدا هنفضل كدا علي طول اللي هيحصل هو شلل تام في جميع الأسواق وبخاصة في كل السلع ماعدا المنتجات الغذائية لانه لا يوجد سيولة للشراء مع ارتفاع الاسعار بشكل جنوني لكن هل هذا الارتفاع سوف يقف مع ع توقف البيع والشراء ? الإجابة لا وهو دا التضخم الحلزوني وبالتالي من يملك أصول عقارية لن يستطيع تسييلها بسهولة لقيام المشتري بالمفاضلة بين الاحتفاظ بالكاش وبين الشراء وبالتالي لازم البائع يضحي بشدة لاقناع المشتري الفترة اللي جاية cash is a king للاسف وأفضله الكاش الدولاري والله أعلي وأعلم

تحفة بجد. ميرسي🙏

اصلا ماحدش حيديلك شقة جاهزة بالتقسيط 😅

برنس التحليل العقارى

الصاوي كلامه كل صح لكن كلمه واهم فلتت منه لان العقار طول عمره ملاز امن بس هو كلامه صح في حاجه ان اعاده البيع مش سهله وانك لازم تكون قبل ماتشتري تكون بتعرف تأجر وتشغل ساعتها مش هتحتاج لاعاده بيع اصلا وهتتجه للمكسب بدون ماتبيع ولو عرفت تكسب من وراه عمرك ماهتفكر تبيعه اساسا

السلام عليكم هل سعر البيع الوحده عند المطور هو سعر الكاش عند المطور بردك وإذا كان قصدك بسعر البيع عند المطور هو السعر بالتقسيط طيب لو المطور بيعمل علي خمس او ثمان او عشر سنيه او اي فتره تقسيط ازاي هناخذ سعر البيع من المطور في هذا الحاله عن احتساب اوفر برايس

والله حضرتك كنت شري محل من ثلاث سنوات الشركة طمعت في المحل فسخت العقد قبل الفسخ عرضها للبيع.بس.لاسف.رسيل.في.العاصمه.ميت.حسبي.الله.ونعم.الوكيل.اكبرغلطه.في.حياتي.اني.اشتريت.في.العاصمه

حلقه كويسه

معلش يا سامح انا حاسس انك بتتكلمزعن حاجة مختلفة شوية عن المقصود ؛ الريسيل اللي انت بتتكلم عنه ده في جزء كبير منه مازال يقسط للمطور ؛ الدكتور كان يقصد بالريسيل انهويكون كله كاش ؛ ثانيا الراجل كان بيتكلم عن ان اغلب االعقرات الجديدة مقفولة و غير مستغلة ة ان اغبها استثمار للحفاظ علي قيمة العملة ؛ يا ريت بما انك عند خبرة تاكد او تنفي المعلومة ؛ اخيرا هو ككسب المطور كام ، زمان كان سعر الارض هو اغلي شيء مش الخامات

ياسامح لو سمحت كنت اتكلمت عن موقع كمباوند لسه تحت الإنشاء في ٦ اكتوبر وعلي حدود طريق القاهره اسكندريه الصحراوي في فيديو عندك عاوز عنوان الفيديو لوسمحت لاني مش فاكر كان عنوانه ايه🎉🎉🎉

حلقة ممتازة

و ماذا عن رسوم اعادة البيع للمطور ؟

كلام محترم وواقعي يا فندم

لو مصيف بلطيم نسبة زيادة العقار كام علما بانها حق انتفاع

القاعدة الإقتصادية بتقول : أن الدولار إن لم يكن هو عملة التداول العالمية فهو عملة التسعير العالمية يعنى علشان تعرف سعر السلعة زاد ولا قل لازم تحسب بالدولار حتى لو الدولار مش عملة التداول داخل بلدك

انها فقاعه عقاريه وكله حيفلس

هو الحديد مش بيتم انتاجة بالكامل في مصر. و هل الاستيراد لعدم كفاية الانتاج المحلي ام الجودة ؟؟؟

كلام هري كله وحسابات غلط ولن تكون أبدا في الحقيقة والقادم هو ركود شديد في العقارات ولن يستطيع اي شخص بيع عقار يشتريه الان كما حدث في تركيا تماما

لا طبعا كلام دكتور حسن الصادي صحيح بنسبة كبيرة.. احنا عندنا فائض ضخم جدا في العقارات ومعظم الطلب رايح للمضاربة والاستثمار وليس للاحتياج الحقيقي للسكن.. الطلب الحقيقي للسكن بيتركز اكتر في القاهرة والمدن الكبري اما المدن الجديدة والعاصمة فلازالت في افتقار شديد للخدمات وتوفر فرص العمل ومن يشتري يقوم فنيته تتجه للتسقيع والمضاربة.. ولازم نفهم ان تصدير العقار حيكون صعب جدا لان المستثمر الخليجي وهو مايستهدفه سوق العقار في مصر لايقبل علي شراء العقار في المدن الجديدة بسبب انعدام العائد الجاري.. طبيعي جدا عقار في الصحراء.. نسبة الاشغال ضعيفة جدا.. خدمات مفيش.. فرص عمل غير موجودة وبالتالي مفيش اقبال علي ايجار العقار والنمط الاستثماري لدي المستثمر الخليجي هو الاقبال علي شراء عقار يدر عائد جاري مرتفع ويحقق في النهاية عائد رأسمالي معقول.. حتي العائد الرأسمالي في ظل الارتفاع المستمر للعملات الاجنبية امام الجنيه اصبح غير مضمون.. لذلك لايجد السوق العقاري المتمثل معظمه في المدن الجديدة والعاصمة سوي استجابة ضعيفة من المغتربين المصريين كنوع من التحوط من التضخم والحفاظ علي القيمة واستثمار آمن علي المدي البعيد.. بعيدا عن استثمارت المخاطرة في الزراعة والصناعة والانتاج الحقيقي في ظل التشريعات المنفرة والمناخ الطارد للاستثمار.. اذا كلام دكتور الصادي هو واقعي جدا والرهان علي غير ذلك هو انتحار للاقتصاد بدولة يساهم فيها القطاع العقاري من الدخل القومي اكبر نسبة..

الأفضل للمصري بالخارج يشتري مكانه و يوفر إيجاره و كمان استثماره هيكون بالدولار.

أتمنى كل المطورين الصغيرين والكبار يفلسوا ومايلاقوش اللي يشتروا وحداتهم ويخسروا خساير كبيره جدا . حق اللي عملوه السنين اللي فاتت والجشع والغلا والاستهبال اللي كانوا بيبيعوا بيه

لو سمحت المايك ال wireless اسمه إيه

ممكن تتكلم عن مدينة ٦ إكتوبر الحديدة ؟ لو فيها فرصة استثمار كويس

ملخص الحلقة .. لا تشتري عقار بغرض الاستثمار .. فقط بغرض استخدامه سكن لك او لافراد اسرتك لو مغترب غير كدة لا ترمي دولاراتك ف عقار .. لو دخلك بالمصري اشتري دولار او ذهب لان تسييلهم سهل لكن لو اشتريت عقار بغرض حفظ قبمة الفلوس مش هتعرف تخرج منه بسهولة

استاذ سامح ايه هي توقعاتك لاسعار العقار بعد نزول الدولار الناس اللي كانت مسعره عقاراتها على الدولار ب 70 و 75 حيكون الوضع ايه و الدولار و صل ل 56 جنيه

عندى شقه فمشرزع لايف بارك السبحى بين الشروق والعاشر ال اسمها مدينه المعرفه وبيتعنلها بنيه تحتيه الوقتى وخلاص جهزت 80م غرفتين وصاله قطعتين وحمام ومطبخ نص تشطيب السعر 750 الف نهائي لسرعه البيع باسمى مفيش وكلاء للبيع

تعطي أرقام وكأن سعر الجنيه مقابل الدولار تابث

انا عندي رغبه في استشاره. كيف أتواصل معك؟

ايه رأيك في زد إيست سامح بيه

والى تعاقد من اربع سنوات 2019. ولسه لم يستلم واكن المشروع قرب يتسلم اخباره ايه لو فكر يبيع مثلا فى كومبوند ذ الشيخ ذايد للمهندس نجيب ساويرس ممكن تقولى

ازاي اعمل استشارة عند حضرتك

طيب و الي بيطلب اوفر بعد 24 ساعه من دفع فقط الحجز

ممكن حضرتك تفيدني انا عندي عقار عايزه ابيع شقه لشراء اخري هل ده التوقيت المناسب لا شايفه كل اللي كان عارض شقق وقف البيع في الوقت الحالي مش عارفه ليه فهل انا كمان اتوقف عن البيع ولا ايه

بلاش كلام تورط الناس. حرام.. الناس، تخسر شقى عمرها.. بلاش تهبد بكلام مالوش.لازمة..

عشان كده المطور طمع في المحل عشان لأسعار غليت حسبي الله ونعم الوكيل في شركة كونتاكت مشروع كاون تاور

كل واحد بيتكلم نظري لكن لو في الحكومة مش حيقدر يمشي غير على الخط المرسوم اللي بالمناسبة مش راسمه رئيس الجمهورية ده سياسة بتيجي من بره هو نفسه مش قادر يغيرها تخيلوا ان ده رئيس من الجيش لو كان مدني كنا رحنا ف داهية اكتر من كده اللي عايش بره مصر عارف ان مصيبة الاسعار مش عندنا بس لكن الفرق عندنا هو قوى العملة اللي بتتناسب مع عدد السكان و توزيع الموارد في مقابل الصادرات

اي شخص هيشتري بالأسعار الحالية والارتفاعات الخزعبلية الان هيلبس في الحيط وسيخسر في هذا العقار لان حتي سوق العقار اصبح سوق مضاربي وليس لغرض الاستخدام، حتي العقار اصبح سلعة للناس

هو الاوفر برايس عليه ضرائب

حبيت أبيع المحل شركة كونتاكت رفضت طمعت في المحل

أن شاء العاصمه مش هتكمل بسبب المطور الطماع

الحساب بالدولار يا اخي

يسطا انت بتجيب م الاخر والله

انت نسيت تحسب سعر خصم الكاش من المطور اللي حوالي 50 المية . يعني الوحدةاللي تمنها 8 مليون على تقسيط 8 سنين . عادي جدا تجيبها كاش من المطور ب 4 أو 5 بالكتير . دي نقطه لازم تتحسب في الاوفر .

كلام هري كله وتحليل واحد مش فاهم اي شيء وطالع يهري علي الناس هتيجي منين القوة الشرائية من تاني إذا انت تعديت حدود هذه القوة الشرائية الموجودة ، الحالة الوحيدة لتوفر نفس القوة الشرائية هي عودة الأسعار لمستوي هذه الطبقات ، فبطل تطلع تهري في اللي متفهمش فيه ،

محتاج اكلمك علي الخاص ضروري

انا بعيت شقتي شهر١١ واخدت عربون اعمل ايه

العقار استثمار ممتاز فعلا

فيديوهاتك طاقة سلبية وللاسف بيستغلها يوتيوبرز الاخوان عامة احنا فى وقت تشترى مايلزمك فقط سواء كنت بتشترى شقة لنفسك او لابنك مثلاً من غير ماتفكر انك تبيع لانك بتشترى قسط وأياً كان سوق العقار بعد كدة فأنت مستفيد لأنك اشتريت ماتحتاجه ولو كنت استنيت كنت هتضيع ولاهتطول بلح الشام ولا عنب اليمن

أنا اول مرة أشوف القناة بتاع الواد ده بس حقيقي الواد ده شبه السيسي في عقله وتفكيرة بالضبط ومفكر نفسه انه جاب التايهة وفاهم كل شيء . لا حول ولا قوة إلا بالله العلي العظيم

لو حد عنده شقه فيو مفتوح مساحه اكبر من ٢٠٠ متر فى R7 العاصمه الاداريه وعايز يبيعها يتواصل معايا خاص انا عايزه اشترى بس بجد مش عايزه استزرراف الله يخليكو