احسن حل هو قولو مهبطاش المغرب إلا منشوفش الام ديالي ونشبع منها بلاش وخرجي عينك هاذ الكنس ميصلاحش معاه الحيلة مالكي شادا فيه ليكن في علمك متنازليش على حقك هكا باش يديرو ليك قيمة من نهار الأول داخلة دايرة فيها طرزان تنقي ليهم العفن مالكي جفافة داكشي غلاش كيجفو بك كنتفقس وسمحيلي سيري تعلمي اللغة وقراي شي دبلوم ومتزيديش تولدي خصك تستافدي من الخطأ ديال الأم بقات صابرة على والو في الاخير خرجت بخمسة الأطفال وكثرة المسؤولية والهم
عافاكم البنات طلعو تعليقي ادعو لأولادي يهديهم الله سبحانه وتعالى للصلاة ويجعلهم من الصالحين البارين بوالديهم وجميع أبناء المسلمين بارك الله فيكم جميعا ⚘️⚘️⚘️
البنات دعو ليا مع بنت خالي تخطفات هادي خمس ايام الله يسهل عليكم بالمناسبه أنا متتبعه ديال شهرزاد من البديات ديالها قصتي قصه كنشوف انها كتجمع من كل قصص شهرزاد دابه نعودها ليكم ولاكين ماشي دابه
صاحبة القصة اختي اول خطوة انك توقفي على رجليك اول تعلمي لغة سيري تخدمي على رسك ابرك من دل قلك تنسبن حويج الدر كاملة في ايطاليا دري رسك تهرستي اخلي عكوزتك تضور بحال لحنش لمقتوع ليه رسو
هاد المرة ملي تبغي تنزلي للمغرب تافقي مع ماماك باش تمشي معاك للفيرما وفين مامشيتو ديها معاكم حتى اتسالى الكونجي ديالكم عاد ترجع لدارها وديك الساع راه العكوزة مغديش اعجبها الحال
ما تبقايش تمشي فالصيف، خليها حتى ترجع و سيري، وملي تمشي للفيرمة حطي رجل على رجل و جيبو اللي يخدم عليكم عطى الله العيالات اللي باغين الخدمة، ما تبقايش تبيني بلي انت خايفة من الطلاق، خرجي فيها عينيك و قولي ليها أنت مع ولدك العام كامل من حقي نشوف مي و نشبع منها، لا قال ليك مراتي ما تباتش برا الدار، قوليه مال مك فبلاد و باك فبلاد العام كامل أنا غير سيمانة نشبع من أمي، الحق لا يعطى الحق يأخد بالقوة، أو بقاي تجيبي عندك ماماك للفيرمة و فقسوهم جيبي خوالاتك، عماتك، مهم كل نهار يجيو طواسلك عمرو عليهم الدار و خليها هي تشقى، و عيشي الحياة لا قاليك هادشي بزاف قوليه ياكما جايبني من الخيرية، ما نمشي عند حد وما يجي عندي حد، كون جات علي ضبري لحماك على شي عروسة غترجع كتجري تعيش فالمغرب ههههه😂
صاحبة القصة عجوزتك ما كاتخليكش تمشي عند ماماك لاحقاش ماكاينش لي يشقا عليها وبلا بيك غادي تحصل،مين تمشي لمغرب ماتشقليش و خرجي مع راجلك وخليلها ولدك تشدو وحتا طياب ماطيبيش وصبحي ناعسة ماتفيقيش بكري الا قالولك شي حاجة قوليلهم لعام كامل وانا نشقا دابا بغيت نرتاح،لوراق ديالك خبيهم الا مابغاش راجلك يتقاد هزي ولدك وسيري عند امك وماترجعيش معاه الا كان بصح باغيك غادي يجي يصالحك
سمحي ليا علاش الكذوب والحيلة فهادشي، الحيلة مزيانة فامور اخرى ولكن هادي امها مامنحقوش يمنعها عليها هذا ماشي ولد الناس واناني هو عايش مع امه وهي مانعها على امها وحتى هي شخصيتها ضعيفة خاص تفرض راسها بغا مبغاش يسطح راسو مع اقرب حيط الحماق هذا حتى امها يمنعها عليها وتولي دير الحيل باش تشوفها، كبرنا الشان بزاف لاشباه الرجال حتى دلدلو علينا رجليهم فاهمين الطاعة بالمقلوب واصلا لي بو وذينة لامه كاعما تفرحي ليه هذا
@@asmaeassoma2090 أنا قلت ليها لمرا لولى تستعمل لحيلا حيتاش قالت مبغيتش نخصروا أو ديك سعة منفعتش معاه لحيلا كي قلتي إصطح راسوا حتى أنا منقدرش نصبر أو لا مبغاش لله إعونوا راجل تبيني ليه ضعف ديالك بلي مقدراش تخصري ليه إطلع لك فوق راسك
@@asmaeassoma2090هدا راه سميتو دا سمحي ليا هو راه خاصو يحبسك كثر من هكا واش من نيتك كبرها تصغار هو ولدت مو ونتي وقيلة غير لقاتك كيف ما كتعاملي مو خاصو يعامل مك هدا اللي كتقولي كيبغيك ماكيبغيكش غير حيت باقة مو مستافدة منك نهار تقلب عليك كوني على ياقين غيلوحك
شيخنا تقول ليه دوي مع مراتك مقابلاني الليل والنهار حررت في العيشة المفروض تقابلك انت راجلها والكبر فيه المرض والعجز وهو غد يفيق من الكلبة وتوصيه ما يق لش لها انها هي اللي تشكات عليه وباين الشيخ مغلوب على امرو ما عندو شخصية حاكماه الى غرفتوالعجوزة انها هضرت مع الشيخ غد تنوض الخرب توصيه يكتم السر او ترسل ليه امها تبرى منو واللي ليها ليها
ديك الكلمة ديال "مبغيتش نجبد الصداع " هي ليي مخلياك تحت الصباط هدري على حقك و خوديه بالقوة هو حدا ماماه 24 ساعة و بغا يمنعك من عائلتك و داك ضربي الكرفي لي معندك مشكل منو هو ليي جابد ليك صداع شدي الأرض شويا و خا تشوفي الدود ف الأرض و إلى دارو ليك السبة بالولد خليية ليهم. و يا البنات ليي غتزوج شي واحد ف أروبا و غتسكن مع عائلتو تما غير هربي مازال نتقبلوها في المغرب نقولو كاينة و خا منصحش بيها و لكن ف أروبا أختي غير هربي
عند ألحق. ...ومن الأحسن تبداي دبا تميكي علي الشقي وديري سبا بالولد ..مبغاش ينعي مبغاش ينعس مبغاش ياكل وإذا مكان حد فالدار قولي طاح ووووو ونهار تمشي عند شيخك ديري رأسك مريضة. وخايهم حتي ينعسو وقومي ودهني الخرقوم فوجهك بطريقة متكونش معيقى وصباح ديري راسك مقداش تقومي حتي يشوفوك صفريى وهبك الساعة غدي يديوك عندك أمك. لأن هما بغاو إللي يشفي عليهم ماشي إللي بشقاوتي عليه. ولما ترجعي ايطاليا نقصي من داك الهبال. إللي غادا فيه أما بالنسبة للولد إللي كتتحججي بيه معرفتي كيف يخرج ليك واش يشوف هذا التضحية أو ميعقلش عليك وأضعف الإيمان ملي بشوفك باكيا أو مقهورا بسد عليه باب بيتو باش ميسمعش الصداع. ... أنا كنقوليك هذا الشئ عن تجربة شخصية. ضحيت بنفسي وصحتي باشا منحرمهمش من الأسر المتكامل ونهار كبروا كل وأحد جر راسو وعايش حياتو وزيدو ابنتي هانتي عشتي يتيمة وتبارك الله كيف كتعاودي بخير. اش وقع ليك كاع من غير هذا الرميا إللي رميتي فبها رأسك بنتي ديري الحل لراسك قبل مايفوت الفوت. وعطيهم فرصة أخيرة سوا راجلك سوا عكوزتك وإذا متقادوش ملي تجي للمغرب مر اخرى وميخلبكش تمشي عند امك حطيه. أما الأمر الواقعة. وقوله يا نمشي عند أمي نكلس معاها كيف ما انت جالس مع امك العام كامل يا بسلام. ..بنتي عزي رأسك باش يعزوك. شحال من حاجا مكيبغيوش نديرها حيت كنخافو من ردت الفعل ديالها لكن كيجي وأحد نهار كديرها وكتعطيك نتيجة كتندم وكتقول فلاش معزيت راس من الأول. أنا. جاياك من المستقبل وكنحكي ليك اش نو كاين تما ❤تحياتي
تا انا ما كرهت نمشي لداري عيييت والله ما بقيت عارفة نفكر ما بقيت عارفة نعس ولا نعيش بحال عباد الله بغييت غييير راحت البال ماشي حاجة صعيبة لي نطلب @@wafaechannel2131
الله إشافيك شفاء عاما تاما لا يغادر سقما وإيسر ليك الحمل والولادة ويفرحك بذرية صالحة سليمة العقل والبدن مهدية مرضية. ( الذرية يعني بنت أو ولد اللي جابو الله راه فيه الخير.)
اختي هاد الموضوع مافيه حيلة خاصك تكوني مراة و كدا تفرضي شخصيتك ووجودك تكولي ليه وليدك العام كامل و هما معاك انا غادي نكلس مع امي و دير لي بغيتي و خليها على الله مدبرها حكيم الا بقيتي هكا حقوقك دائما غادي يتكالو ليك ولبغا خدامة يخرج فلوسو و يجيبها و نبينا عليه الصلاة والسلام
اختي الله يعطيك الصحة فقصوني صحابات ديري الحيلة اشمن حيلة غادير الله يهديكم حتى باش تشوف امها دير الحيلة وكون غير كانت عايشة اميرة نقولو اح وبردات هي تماك كيف الخديديمة والخدامة وكتخلص هادي فابور لا خصوصيات لا تعامل زين لا خروج لا مساريات لا استقلالية الهم والغم
لصاحبة القصة متبقاش تشقى عليهم وماتبقايش تقوليلو بغيت نمشي عند مي قوليلو بغيت نسافر معاك راس فراس ودوقيه حلاوة إبعد على مو وحسسيه بالرجولة ديالو ملي متكونش مو لموهيم خصو يحس بلي راه صاحب قرار وعندو شخصية قوية ملي كيبعد على مو وملي تكونو جالسين قولي لشيخك وافقك المغرب صحيحتك تبارك الله مزيانة بداي تنفخي في الشيخ قدامها كنتمنى تفهميني الله يوقف معاك دعيو معايا بالذرية الصالحة
علاش البنات ممتفرضوش شخصيتكم كلشي عليه واخا واخا وانت ضعيفة مشي خايفة من الطلاق الحق ياخد لا يعطا قولي ليه الا كنت راجل خاصك تعيني على بر بواليدتي وبيني ليه أن ماماك رقم واحد وهذاك حقك الطبيعي انك تجلسي مع ماماك والا دروليك السبة بالولد خليه ليهم وجلسي مع ماماك حسيهم بانك بعتي الماطش انك عييتي وعندك بحال الربح بحال الخسارة اما ديري راسك مهرسة كي كالوليك الأخوات هداك حل مؤقت اما انت خاصك حل جدري متبقايش تراري ببنادم ماماك شجاعة عليك
قولي لمك دير راسها مريضة وكلسي معاها 15 يوم وفاش يجي يهضر فرضي وجودك وكولو لا غنكلس مع امي متوحشاها مالك خوافة بحال هكا يلا كان كيبغيك راه واخا تكون امو حاكمة فيه راه ميفرطش فيك وزيدون انت حتا امو مغتفرط فيك لاقية خدامة عندها فابور مالها حمقة تطلقك منو
صاحبه القصه الرجل اللي قطعني على والدي ما عندي عيشه معه خصك تكوني قويه وتكون كلمتك مسموعه بس يخافوا منك شفتي المغرب احسن من اوروبا احسن نرجع للمغرب وما نبقاش ذيك اوروبا قوي راسك وما تخليهم يذلوك انا راني بنت اوروبا وكان اعرف اوروبا ايش قد سوى من حقك تشوفي ميمتك وتقعد معها قوي راسك وكوني شاطره
وياااك ا ختي تشتتي دارك و لكن عكوزتك احتارميها كيف محتارمها دبا و ديري اللي عليك انتي مملزماش اصلا تغسلي ليهم حوايجهم و لكن منين درتي باصلك و تربيتك ربي غيجازيك انا صراحة ممزوجاش و معارفاش النصيحة المناسبة لهاد الموقف و لكن مدام راجلك مزيان حاولي متعصبيش و متصادعيش معاه حيت عجوزتك للأسف كتشيطن بيناتكم حيت باغة الي انقي ليها عفنها من a تال z .و فاش عيتي هي متقبلاتش . حافضي على دارك قدر المستطاع و طلبي الله ادير ليك تأويل ديال الخير دعي و بكي على مولاك ابين عجوزتك على حقيقتها لولدها و لا دعي الله اهديها تحبس من التشيطين . و الله اهدي ما خلق و الله ادير ليك تاويل ديال الخير ا ختي
سمعيني مزيان ابنتي اول حاجة خورجي تخدمي معندك مديري بالمغرب دابا خليهم اهبط انتي قلبي على خدمة اندمجي مع الناس خصكي تخرجي تكري بوحدك هادا راه الخاريج باش تقولي انه كيصرف على دارهم خصكي تخدمي حتى تمكني قولي ليه باش نعونك على المصروف انتي اسسي لطلاقك لان هاد لعكوزة من اول دتك باش ترسي عليها دابا جمعي راسك اصبري حتى تقدي امورك حاجا اخرى ديري فوطو كوبي للأوراق ديالك اخليهم عند ماماك دائما فاش تهبطي المغرب جمعي راسك هادو راه مفيهم تيقة خصوصا الراجل ولد امو اخصكي تستقلي بوحدك
أول حاجة خاص التغيير منك انتي الأول عاد ندوزو العكوزة وراجل واصاحبتي بان ليا معندك شخصية فرضي وجودك هبطي البلاد وقولي ليه توحشت ماما غادي نبقا معاها شي يامات كبريها تصغار انتي حاجة وحدة متأكدة منها الراجل باغيك خدمي على هاد الشي شوفي راجل إلا كان باغيك ميفرطش فيك وخا معرفت شنو يوقع
الحل ديرو لها مها. هي أوروبا گالسة فداك الذل ديك تمارة لكضرب على طاسيلة راجلها تخرج تخدم وتخلص عليها. باقة بصحتها دبر على راسها براكة من الذل ويقلبو علينا حنا نعطي هم الحل. حنا را قلبنا طايب. بغينا شي قصص يبردو القلب
صاحبة القصة أول حاجة قادي وراقك و جمعي وراقك و خليهم عند شي وحدة، ولا عل الأقل الفوط كوبي ديال كل حاجة، حتى وراق خدمتو فوطو كوبي اي حاجة جمعيها عندك. حت تقادي وراقك سيري قراي اللغة و لا قرايها فنفس لوقت واخا من الأنترنيت إيلى بقيتي معهم هكدا ما غديش تزيدي القدام. هدشي إيلى ما كانش باغي يكري ليك، فأوروبا الولد فاش كيتزوج ما خصوش يبقا مع والديه، إيلى ما بغاش يكري و شايفة الحالة غدي تبقا هي هي حزي ولدك و و حوايجك و سيري عند أسيسطونط سوسيال تعاونك على السكنة والخدمة. أما إيلى بغيتي تبقاي مع راجلك عمرو ما يخرج من عند مو. ما عدا إيلى عرفات راجلها دارت بيه شي وحدة، و ديرو ليها شي خطة بلش ترجع المغرب
دخلي الشك عجوجتك من طرف راجلها باش تلاها معاه شوية والا تعرفي شي وحدة فالمغرب مرا وقادة عطيها نمرتو وخليها تغريه لاحادر عجوجتك تحس بالفقصة و تلاها معاه
أنا كانلوم صاحبة القصه لأنها جات وبدات تنظف ليهم وسخهم وهما ولفوها عليها المهم الحل هو اديري كيفما دارت واحد البنت كانت دازت القصة ديالها عند سكينة هو أنك اديري راسك كايشدوك لعضام وعوجي راسك وديري صوت آخر بالحق ملي تكوني بوحدك أنتي ولعجوزة وقولي ليها هادي بجوادها ايلا مابعتيش عليها غادي نرزيك فولادك جربي وردي علينا لخبار هادو باغييين مساعده ماشي عروسة وما فهمتش كيفاش الراجل فاوروبا وساكن عند الأم دياله العجب .
ملي تزوجتي و انتي سمعن و طاعتن، عمرك ما هدرتي او دفعتي علي حقك، حتى باش جوزي يمات مع أمك معندكش الحق و انتي ضربا اطم، ملي روحتي عندهم واني تخدمي عليهم في طليان و المغرب، سمحا في حقك، منين ركي خيفانة، إلا معطتيش قيمة لروحك أو ما هدرتيش على حقك كيفاش حبتي اعملوك و انتي تقولي وخا علي كولش مليحا و لا دونيا، دري انفس او قليلو نروح نقعد مع ميمتي يمات و لا روح الله اسهل عليك
صاحبت القصة راجل لي يفرقني على امي مزال مكاين في هاد الدنيا انتي عندك وراق ديالك راجل لي ولد امو او عندو ودن وحدة غادي تعدبي معاه اختي وقفي على رجليك او خرجيهم من حياتك انتي كنتي معاهم بنت الناس خليهم يعرفو قيمتك راكي في أروبا وقفي على رجليك لاق ليق ملاقش الباب اويلي تبقاي ضيعي في عمرك او صحتك مع بنادم معفون او باغة تحكم فيك جابتك خدامة
شوفي شحد كتيقي فيه من عائلة شيخك إكولو العكوزة راجلك غدي يتجوج حين نتي مبيدى عليه باش تجي تكلس معاه اومرى مرى كولي لماك تصفط ليك اوديووات كتنصح فيك او كتوصيك على دارك اوراجلك اوخلي اوديو باش يسمعو اولي يتيق فيها😂
لصاحبة القصة لازم تتقرصي وتتجبدي ومتخليش عزوجتك تتحكم فراجلك ديري ليها لقوالب هدي نتاع لعطلة لازم تخدمي عليها العام كامل باه فالكونجي يخليك تقعدي عند مك لازم تحببيه فمك مثلا تقولي ليه ماما قالت ليا تهلي فعزوجتك ولا تقولي ليه ماما قالت ليا ساعفي راجلك المهيم خلي صورتها تتبدل فنظر ديالو احكي ليه عليها قولي ليه ماما من لي كنا صغار كبراتنا على حب الغير منكونوش انانيين كبراتنا على نقا نتي تعرفي مك وتعرفي راجلك منين دخلي ليه ثاني حاجة تركزي عليها انو تخليه يشوف وجه الحقيقي نتاع امه لازم تخدمي حيلة معاها مثلا تقوليك فلانة ديري هاديك الحاجة قولي ليها لا منيش قادة ولا منديريش خلي راجلك حتى يقرب يجي وروحي ديري لي قالت ليك عليه هي تروح تشكي ليه يلقاها تكدب ونتي ثاني ولي تشكاي ليه منهم بصح بطريقة ميحسكش راكي تتشكاي منهم مثلا كي كنت حاملة تقولي ليه الله راني متشهية غير واحد قصعة نتاع كسكسو وكان ماما قريبة ديرها ليا وربي يدير ليك تاويل الخير راجلك لازم تبيني لبه الجانب القوي من شخصيتك باه يدير ليك حساب حتى لو حرشاتو مو مثلا كي تروحي عند مك شدي تم وقولي ليه ياولد ناس انا منيش مقطوعة من شجرة اذا تبغيني خليني عند ماما ونوضي صداع متقوليش مكلاه هي مو اكيد مراحش تقوله طلقها غير على جال انك تبقاي عند ماماك اذا منوضتيش صداع هاد المرة عمرك تحلمي يخليك عند ماماك مدام ساكتة راه حاسبك خوافة
الى مبغاكش تمشي عند ماماك خلي ماماك هيا لي تمشي عندك قوليه يصلدايب ليها لوراق باش تجي هيا عندك قوليه باش نشوفها وملي تجي لمغرب فين ما مشيتو ديها معاك واخا تبزز على راسها قوليه باش نشبع منها
الحل انك تقولي لماماك أنها ادير نفسها مريضة ربي يحفظها إن شاء الله ، و تطلب من راجلك يديك عندها تقابليها شوية و أن الطبيب مانع عليها الزيارات و كثرة الغاشي في الدار وإن شاء خير. تحياتي اختي شهرزاد ❤
سلام عليكم الله يجازيكم بخير دعيو معايا الله يفتح عليا أبواب الخير أنا في عمري 36 هاذي مدة طويلة وأنا وكنعاني من سحر تقاف المدفون جربت كلشي ولكن بدون نتيجة حسبي الله ونعم الوكيل
إلى صاحبة القصة ملي تمشي للمغرب ديري فوطوكوبي على الباسبور وجميع الأوراق ديالك و خليهم امخبيين عند ماماك من باب الإحتياط وخبي جميع الأوراق ديالك لديال الخارج قبل ما الدار أي مخططات.
هدا هو مصير العروسة الي كتدخل لدار عامرة بعائلة الراجل اوكتبغي تبين حداكتها من الاول كولي ليهم انا شقايا على قد الحال والطياب كنطيب غير الاكلات سريعة ديال 2ناس كولي ليها انا غندخل معاك الكوزينة او علميني طيابكم باش ميطمعوش فيك بلا قياس على فكرة انا حماة اوواحد النهار غنكون عكوزة الا كنت بصحتي منبغيش مرت ولدي طيب لجوقة ديال الناس خيت غتكون فالسن ديال بنتي الي كتكول لي منقدرش اماما نطيب لبزاف ديال الناس داك شي الي نبغي بنتي نبغيه لبنت الناس 🤗👩❤️👩 الله يهديكم يالعكوزات تهلاو فبنات الناس يجيب الله من يتهلا فبناتكم
اختي مولات القصة خصك ديري شي حيلة اما انك مريضة او انتي قبل ما تجي المغرب ال الام ديالك خصك تمشي او تقابليها اما الى كنتي انتي سيري او كلسي تستطيع لعظامك او سيري عند الطبيب قولي ليهوم طبيب قاليا متهزي تقل او شري صمطة ديال الظهر او نعسي على ظهرك او شوفي التصرف ديالهوم ديك الساعة قولي لراجلك نمشي عند أمي تقابلني بغيتي تمشي معايا مرحبا مبغيتيش على خاطرك منخافش عليك خصك تكوني بنت شهرزاد مقرصة
ختي سحيبة قيصة سيري معهم في لي بغوا من تمشي عندا مك تفقي مع مك ودير راس تهرستي من رجلك وسير ديرا جبيرةوبقي تبكي ولا بقا مع مي تهزني بحل وحدا قيصة😂😂😂 دزت مع شهرازة
احسن حاجة تعمليها انك تمرضي وتخليهم حاصلين فيك هذاك الوقت ابعثوك لماماك تكملي معاها العطلة انتاعك الله غالب الوقت مالازمش الواحد يمشي بنيتو لا زم الحيلة
خليها تتلهى بروحها اطلقي على شيخك وحدة في المغرب تتقرب ليه وتتزوجو الا قدرت هكازعجوزتك تلهى بمشاكلها ولانقولك اعرضي ماماك للفيرمازمنك تشبعي منها منها عجوزتك تخاف على راجلها وتعود تخليك تروحي بصح اياك تخلي امك تشقى راه ضيفة وقولي راجلك راني جاية عطلة يديرو خدامة
باقي اختي تم علا ود ولدك مستقبلو تم مضمون هنا غادي يتكرفص ملي يكبر يقول ليك لاش جبتيني هنا صبري كيف والو داكشي الي عاوتي راجلك دابا يرطاب ويسكن بوحدك مجرد وقت وصافي حيت يلاه بادية 😊
السلام عليكم البنات اختي سكينه الله يرحم لكم الوالدين لا ما طلعوا لكمنتير ديالي انا كانتسنى القصص حتى كانجي للخدمه عاد كانتصنت لهم القصه ديالي مستعجله بزاف بغيت ناخذ شي قرار بغيتكم البنات نصحوني
صاحبة القصة المشكل الأساسي لي عندك هو أنك خاصك تعتامدي على راسك راكي في أروبا خدمي و جمعي فلوسك و ملي غاتكوني مستقلة ماديا راه حتى قراراتك غتكوني أنتي المتحكمة فيها أما راكي باغا تبقاي مع ماماك واحد الأيام عملي راسك مريضة أو الأم ديالك تعمل راسها مريضة ومهلوكة الله يحفظها ليك فكري فشي حيلة اللي تخليك تجلسي مع ماماك