على ابراهيم اللحو يا السايق الفيت 

يا سلااااااام ربنا يرحمك ويغفر ليك يا عملاق

ما اجمل الرماش في الطبيعة الخلابة

ياسايق الفيات عج بى وخد سنده.....بالدرب التحت تجاه ربوع هنده ***** أوصيك قبل تبدا سيرك داك .......طريقك سابق الربده منك بعيد جبده حى هنده.....المراد عج بى ربوع عبده ***** اطوى الارض واضرع من......افكارنا سيرك يالفيات اسرع ميل على المشرع لا تريع...........القطيع..... بتجفل الادرع ****** شقا حشا الطريق وأتيمم الحلال....زفــنــو الكلاب مانالن إلا علال فاضلات ثواني قلال بينك..........والغروب داك مشرع الشلال ****** شوف سايق الفيات الليله كيفن هاش.......والشجر الكبار بقى شوفنا لينا طشاش قولي دح وين ماش فارقت.................... الطريق......... أتيا من الرماش ****** يازين الشباب ياطيب الأخلاق......يا أمين الصديق والناس على الإطلاق من ايدى الصناعة يبعد المعلاق..............انظر للطبيعة ومجد الخلاق ****** شوف النهر مار بخشوع تقول هجسان.......أو مر المنام بى مقلة النعسان جلت قدرته ما اكفر الانسان.......كم ينسى الجميل ويجحد الاحسان ******* انزل ياصديق وشوف يد القدرة....شوف حسن البداوه الما لمس بدره وراد النهر اردونى ما بدرى.......الكاتل الصفار أم نضرة الخضره ****** ما نفرن تـقول سابق الكلام الفه......عطشان قلت ليهن وصحت البلفه مافيش كاس قريب قالن دون كلفه........تشرب بكفوفنا لما تتكفى