فضايح النرجسيين "الاسر النرجسية والتحرش الجنسي" 

ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
فضائح النرجسيين
لما يكون الابوين نرجسيين بتكون الطامة الكبرى ع الأطفال خاصة البنات
من شغلي مع الحالات الاسرة النرجسية خاصة اللي بيكون الاب والام نرجسيين بيحصل فيها تحرش جنسي ، المصيبة مش بس في التحرش الجنسي ومش بس في انه بيحصل من المحارم ومش بس بيحصل من الحماه مصدر الأمان ، لا المصيبة الاكبر من كدة ان النرجسيين الكبار الاب والام بيمارسوا اقصى درجات العدوان والظلم على الضحية اللي تم التحرش بيها. و لان النرجسي مش بيشوف غير نفسه ورغباته ولأنه معندوش مشاعر وبالتالي معندوش نخوة ولا غيرة على محارمه ولا محارم ربنا (وهنا بتكلم عن النرجسي ذكر وانثى اب وام نفس الكلام) فاللي بيحصل كالتالي
لو الاب نرجسي والام نرجسية وتم التحرش من الاب بالبنت فموقف الام بيكون لامبالاة غالبا لكن اذا عايزة تنتقم من جوزها او مش عايزة منه مصلحة او عايزة تمسك عليه غلطة او عايزة تخوض معركة فبتكون فرصة لها طبعا انها تكسره وتهدده وطبعا كل دة لمصلحتها الخاصة ، اما بقى رد فعلها على بنتها فبيكون الكارثة ،لانها بتتهم بنتها بالخلاعة او انها بتلبس عريان ليه ادام ابوها او انها بيتهيأ لها او انها كدابة ،المهم انها حتستغل الفرصة وتكسر البنت وممكن تعمل لها جاسلايتينج عشان توصمها بالعار عشان البنت ماتتجرأش وتتكلم مع مخلوق عن اللي حصل عشان بعدين نتفضح والناس تعرف والصورة تخرب ،
طيب لو الاتحرش حصل من الأخ لاخته في حال الاب والام نرجسيين ، نفس الوضع ونفس التصرفات والقاء اللوم ع البنت قطعا وهي السبب هي مش محترمة ونفس الاتهامات او القمع او الانكار وتشكيك البنت في نفسها ولو التحرش حصل من الخال والعم برضه نفس القصة
طيب لو الام شخصية اعتمادية او شخصية ضعيفة مغلوبة على امرها ؟ مش بتفرق عن الام النرجسية ابدا في الموضوع دة غير انها بتنقهر على بنتها وبتتصدم وتنهار وممكن تكتئب لكن رد فعلها وحمايتها لبنتها بيكون قريب من رد فعل النرجسية بس بسبب الضعف والخوف ، أصلا ضعفها وخوفها بيسكتها ومش بتقدر تاخد للطفلة ولا للبنت حقها من أي حد تحرش بيها ، مش بتقدر أصلا تواجه ولا تعمل أي رد فعل ، أحيانا الموضوع دة بيكون صحوة لبعض الشخصيات واحيانا الام بتاخد بناتها في حضنها وتنفصل عن النرجسي في البيت لكن دة مش حل ابدا ،الحل الوحيد في الحالة دي الانفصال الفوري ولو مش حنلاقي ناكل ، ودة بيكون اقل رد كرامة للبنت في حال ان الاب هو المتحرش اما لو الخال او العم فلازم يتقاطع وتنقطع العلاقة بيه تماما ويتهدد انه لو ماجاش اعتذر للبنت واستسمحها حيتفضح وهو حينفذ لانه حيخاف من الفضيحة . اما لو التحرش من الأخ فدي كارثة الكوارث بالنسبة للام لانها بتتحط بين نارين والحقيقة انها لو ماجمدتش قلبها وعاقبت وودت الولد لمصحة علاجية فهي بتضحي بالولد والبنت في وقت واحد وبتؤذي الاتنين،
ايه اللي بيحصل للبنت اللي تم التحرش بيها ؟
كره نفسها ، كره لجسدها ،كره للرجال ، كره وفشل في العلاقة الحميمة بعد الزواج او انها تدمن العلاقة الحميمة وتتنقل بين الرجال وتدمن العلاقات المتعددة ودة غالبا بيكون الحمد لله نادر والاغلبية العظمى بتوجه غضبها لنفسها ولجسدها وبتعيش محملة بالعار اللي أهلها زرعوه فيها واقنعوها ان هي اللي غلطت وهي اللي اذت اللي حواليها لانها اغرتهم بجسدها اللي بيتحول لعدوها وبعض الحالات بتوصل لانها بتتلذذ باذية نفسها وتعيش تنتقم من نفسها ومن جسدها اللي مسبب لها العار والخزي ، ازاي نعالج الكلام دة؟ جلسات العلاج المعرفي السلوكيي او التفريغ الوجداني
بعض الإباء النرجسيين لو عرف ان حد تحرش ببنته بيقوم الدنيا وبينتقم من المتحرش لانه بيعتبر ان بنته امتداد له والتعدي عليها تعدي على احدى ممتلكاته وبينتقم من أي حد تعدى على مايخصه ودة نادر مش كتير لكن ممكن يحصل فقلت أقول لكم عشان ماتتلخبطوش وتقولوا مش نرجسي لا هو نرجسي بيدافع عن نفسه مش عن بنته
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية