مع إحترامي للمهندس مساعد القفاري هذا البيت لا يناسب بيئتنا وبالكاد ينفع إستراحه أو شاليه بسبب عدة أسباب جوهريه أهمها :- ١- خطورة السلالم وعدم مناسبتها الاطفال ٢- المساحه صغيره جدا ٣ - عدد الغرف قليل جدا ٤- الواجهات الزجاجيه مكلفه جدا
يا اخي تعبنا بين سعر غالي وبين استراحة صار اسمها فله لا تفي بخصوصية المسكن بأقل المعايير تصور وتقول تحدي وفي النهاية 140 متر وكلمة ماشاء الله قلتها اكثر من أكياس الأسمنت اللي استخدمها في بناء بوكس الاحلام.. طيب شخص لديه 5او 6 شكل اللي ماله غرفة يروح أقرب مسجد .. تضخيم وتنميق الكلام صدقني انه غش ياخي لدينا أبناء وبنات وخصوصا البنات لهم خصوصية حمامين بالاعلى ( ماشاء الله ) هذي تصلح لطوني او جبران ابن عم لطوني خيو مو لإلنا ( ما شاء الله ) قيمة سيارته أغلى من البيت😬
بما انني مطور عقاري فتشطيب هذه الفله وتصميمها كثير عليه المبلغ المذكور يامهندس مساعد يفترض مايتعدى 350 الف لا سيراميك ولا ديكور للاسقف و صغيره بدون ملحق علوي
سو لك ملحق خارجي مفصول وخله للضيوف ان كانت ارضك مساحتها كويسه كبر الملحق وخله بحجم يجمل وانت تبني بيتك لجل تستمتع فيه ويكون مرفه وممتاز واغلب شيباننا الاولين يخلي مجلس الضيوف على حساب جماليه البيت وتصميمه الداخلي ف افصل ملحق الضيوف وابني بيتك مفتوح على بعض لاجاك ضيف اكرمه ووجب معه بالملحق او المجلس الخارجي مو لازم داخل البيت نفسه
@@user-vz9yf7et1w حلها تسوي طبقتين من الزجاج ويكون بينهم مسافه بسيطه هاذي تعزل عزل ممتاز جدا وجماليه البيت بالاطلالة الخارجيه تعبنا من تصاميم شيباننا الي تخلي البيت ولو كان كبير كتمه بسبب التصميم السيء
البيت ذا شايفه قبل شهرين وقيمته تقريبا فوق ٣ مليون المسبح لحاله تقريبا ٤٠ الف ريال لان فيه هيدورليك هلاسين المهندسين يقولك شكل عصري وحضاري وسكاي لايت يسويلك تنويم مغناطيسي ما عليك من التكلفه بكم معروض البيت للبيع
فكرة جميلة لشاليه او استراحة لكن مستحيل احد يسوي بيت العمر وما يقدر يستقبل فيه ضيف واحد .. ع الاقل كنت حطيت مجلس رجال واحد بخدماته وخلي ال ٤٠٠ الف تصير ٤٥٠ مو مشكلة
المعماري ما يوفره في التكلفه ياخذه في المخطط و:انك يابو زيد ما غزيت .. بعدين بالنسبة لي عندي اشكالية في التصاميم المسماه ( مودرن ) كلها منسوخه من بعض . ومتشابهة ولا تشبه هويتنا . هذا رايي الشخصي
هذي استراحة وستكون شاليه للايجار وواضح من تصميم الشاليه ليس سكن لعائلة بتقولي حقت واحد هو وزوجته وعندهم ولد والا ولدين اقولك خطاء الايام الان تمر بسرعة البرق الصغار اللي تتكلم عنهم والاطفال سيكونون بزيادة كعدد وغير ذلك بيكبرون بسرعه هذه الفلة لا تصلح كبيت للعمر لعائلة ابدا بل منتجع لعائلة ميسور امرها وعندهم بيت وهذا للعطلة او ايجار شاليه
اتمنى تتقبلون تعليقي هذا بيت مصيف لايمكن يكون بيت سكني. وبعدين تكلفه ٤٣١ ريال يمكن يعمل بيت من ثلاث ادور ب ٨ او ٧ غرف نوم وعلى قولتك من غير اسعار المسبح او التكيف او الاثاث وين التوفير ؟!
السؤال البيت اللي تكلفته ٤٣١ وثلاث اجور وسبع غرف نوم راح يكون بهذا الجمال والشراحة؟؟ او هو مكان يجمع بشر وبس؟!! الزمن هذا زمن الناس تبغى شيء جميل وحلو مو لازم يكون كبير على غير سنع
يا اخي من هو المختل الذي يبني بيت ٦-٧ غرف نوم الا اذا يبي يأجره فندق . انتهى عصر البيوت الكبيرة و الله يوم قريب بنوصل غرفين و حمام و صالة ما تقدر تمد رجلك فيها البطر الذي صار في السنين الاولة محاسبين عليه و الله منتقم شديد الحساب
@@mohammedalhoraibi5939 ارفق ..ارفق . بطر وماحسبين عليه .... يعني فيلا بغرفتين او ثلاثة بمليونين واكثر ماهو بطر !! على الاقل اللي قلت انهم بطرانين كانوا يبنون بيوتهم بمبالغ يقدر عليها اغلبهم و كانت تفي بكل أغراضهم سواء سكن او مناسبات ..لكن الان يا المقتصدين اللي منتو محاسبين اصغر فيلا بمليون ونص و لا يقدر على دفعها اغلب الناس الا بالطرارة وعن طريق البنك !! اقحام المترادفات الدينية لتمرير رايك لا يعني ان كلامك صواب ! بدون زعل 😊
يا اخوان التسويق يختلف عن الدعاية. ولذلك تلاقي التسويق يتحدث عن ايجابيات ويخفي الجوانب الاخرى. المشكلة عندنا بسعر الارض وليس البناء. تقدر تبني دور ب ٢٥٠ الف وتسكن وتقسط الدور الثاني اذا عندك ارض. وتقدر تسوي اي بيت تبيه مو بضروري على مزاج المصمم ومن مصمم الى اخر تختلف الفكرة والمقاولين ممكن يسوون لك بيت فيه انشراح وخصوصية بشكل امثل.
@@AZ_MO4 اجل كلام الاخ صحيح 431 ألف ولا فيها بلاط ودفان وجبسبورد ولا تكيف فريون المفروض أقل بكثير لو مع المسبح والنظام الذكي كان اشوى لكن العظم والتشطيب للمبنى 431 على ايش!! سلامات
في تعليقي الثاني بذكر العيوب لهذا التصميم 1- الصبة الخرسانية للممشى الخارجي صعبة التنظيف وبعد فترة بسيطة تتشقق وتنسلخ القشرة الخارجية بسبب الاملاح والرطوبة ولعدم العزل 2-النوافذ الكبيرة لها ثمنها حيث يلزم زيادة و دات التكييف مقابل كمية الحرارة النافذة من خلال هذه الفتحات الكبيرة والتي لا تناسب مناخنا كما انها تقع مباشرة في واجهة الشمس دون الاحتيال بمضلات طبيعية او صناعية 3- عدد الغرف قليل لان المصمم اراد الابهار بالدور السفلي من حيث السعة و وقع ضحية ذلك الدور العلوي حيث شكل صدمة لمن شاهد التصميم حيث لا نسبة ولا تناسب بين الدورين 4- تكلفة الزراعة وصيانتها مبالغ فيها علماً اننا لم نشاهد مايلفت النظر في الزراعة ، اشجار قليلة واكثرها ميت 5- السور والابوب لم تكن جذابة ولا جميلة بل اشبه بأبواب الزنزانات حتى الرصيف كان قبيح ومتصحر ولا يعكس جمالية مطلقاً
احسنت .ذلك بالاضافة الى المنظر الخرساني القبيح للاسقف. وعدم وجود خصوصية للعائلات المحافظة. ولكن ايضا التصميم فيه الكثير من الايجابيات. محاولة طيبة من المهندس المصمم عبد الرحمن الزعاقي الله يعطيه العافية. والشكر ايضا للاعلامي المعماري المبدع م.مساعد القفاري. م.معماري ياسر العقلة
بخصوص الخرسانة يمكن استخدام concrete sealer .. بخصوص النوافذ الكبيرة هنا على كل حال يجب الالتزام بكود البناء حيث يجب ان ان لاتتجاوز مساحة النوافذ 25% من مساحة الجدران لكن مع ابقاء معامل الانتقال الحراري للجدران 0.403 وهنا الشكلية حيث يفترض ان الزجاج المتاح "double glazed glass" في افضل وضع نتكلم عن معامل انتقال حراري 1.6 اي مقارنه ببلوك اعتيادي معزول اي يمرر اكثر من اربع اضعاف الحراره فول اعتبرنا ان البلوك المعزول المستخدم هو المتوفر الاعتيادي مع اهمال امور اخرى لتبسيط العمليه نفرض ان معامل انتقال الحراري 0.38 للجدار اي هذا يبقي فقط 7~ بالميه مساحه مخصصه للنوافذ من المساحة الكلية للجدران تستطيع زياده المساحه اما بتحسين عزل الجدران البلوك او شراء نوافذ زجاجية بعزل افضل .. لكن هنا راح يأتي باعباء مالية لاداعي لها لكن يبقى امر متاح لمن اراد وان تم تجاوز الكود فنفس المشكله صرف كهرباء مرتفع غير تكلفه وحدات تكيف اكبر تبعا للحاجة لزياده قدرة التبريد لتغطيه الفرق وان كانت وحدات صغيره لا تتناسب مع المطلوب فيأثر بكفائة استهلاك الوحدات للطاقة والعمر الافتراضي للوحدات .. اعتقد تبعا لمعدل درجات الحراره في المنطقه مساله ان الدور الارضي مساحة مفتوحة ويجب تكيف الهواء فيها لستخدام اي جزء منها هي شكلية وتكلفة كهرباء مزعجة خصوصا في اشهر الصيف.
مع كامل تقديري و احترامي للعمل و لكن تكلفة المتر المربع = 1657 ريال لا تعتبر قليلة أبداً بالعكس بل تعتبر غالية نسبةً لطريقة التشطيب خاصة أن تكلفة المسبح و التكييف و الفرش و السمارت غير متضمنة و أتكلم بحكم أنني مهندس معماري مصمم و منفذ للعديد من الفيلل و القصور و الفنادق داخل المملكة في جدة و خارجها منذ حوالي 20 سنة
الحين يامهندس مساعد اعطيتم الموضوع اكبر من حجمه وكأنكم اخترعتم الذره، السالفة كلها سقف خرساني وبدون بلاط، وتلييس الجدار واتتهى الموضوع ، وجيت انت الله يهديك ، وتجمع بعد كم شخص وحتى البنات حضرن ماشاءالله متفاعلين ومطبلين مع السالفه الغبيه اللي مافيها اي شي غريب، يارجال اعطني ٣٠٠الف والله لا اسوي اطلق منها مية مره ، هالمبنى لاحظ انا قلت مبنى لأن ماينطبق عليه فله حتى هندسيا وعارفين نظام الفلل كيف يكون، ابغى اعرف حاجه وحده ليش تحسسون إنا كشعب اغبياء وإنا ياالله شوفوا كيف رخيص هالمشروع وموفر وما ادري كيف ،، الحين الاخ ماقصر يعنى ماشي الحال ، لكن في النهايه اقدر ابني فله وبعد اقدر ابني لي عش دجاج وماراح يكلفني شي، فكونا من التطبيل اللي حاس ام امنا، وتغطيتكم للمبنى وكأنكم منبهرين اشد الانبهار ليش مكلف كذا ويا الله رخيص مرررره، فكونا من الافكار الغبيه واختصرها بعباره ابن مبنى بدون اعمده وما راح تخسر كثير وانتهينا والله مالعب فينا في السعودية إلا المجاملات في غير محلها ،، وبالنهاية كل ماذكرت يمثل وجهة نظري والله يوفق الجميع
مع احترامي مبلغ الفله غالي على المواصفات المطروحه داخله ولا ترتقي لهذا المبلغ بحد اقصى تكلفة البناء ٢٠٠ الف الى ٢٥٠وبزياده عليها اضافه لذلك موضوع الخصوصيه معدوم جدا
البيت جميل ماشاءالله بأستثناء الاسقف ياليت يعيد النظر فيها ، جمالياً تعتبر مقبوله في الكوفيهات او المكاتب المشتركة او في الشاليهات لاكن مو في البيوت ، ثانياً التكلفه تعتبر غاليه للأمانة اذا هي من غير المسبح والنظام الذكي كان يقدر يقدم افضل من كذا ، وموفق ان شاءلله
السلام عليكم تعليق على التحدي الأول : بالنسبة للسقف أن يكون خرسانة بدون تفنيش لا اعتقد أنها فكرة جيدة دون اي معالجة و خاصة أنه حسب ما لاحظت هناك تعشيشات و تسويسات بسيطة وكان من الممكن ايجاد طريقة بسيطة التكلفة لمعالجة السطح النهائي للخرسانة 2_عمل انظمة الصرف والكهرباء يفضل استخدام طريقة ميسرة للصيانة المستقبلية طريقة اخفاء التمديدات في الهيكل الخرساني الذي قد ينتج مشاكل و تكاليف كارثية مستقبلا 3_التكييف في السعودية يجب حسابه من ضمن التكلفة الأساسية 4- تفنيش الارضيات الخارجية غير نظيف حسب ما لاحظت
اذا تخطت الشراحه عامل الخصوصيه اصبح المنزل غير مريح.. يجب الموازنه بين شراحة المنزل والخصوصيه.. وخاصه اننا مجتمع تهمنا الخصوصيه رضينا ام ابينا.. نعم ابن بيت لك ولكن اعمل احساب الزيارات من غير المحارم الا اذا كنت ناوي تخلي بيتك زنزانه انفراديه لك ولعائلتك.. ولا اذا جاؤك اقاربك بتقول لهم اسمحوا لي انا باني البيت لي وليس للضيوف؟ خلونا منطقيين شوي
صحيح صرنا نعاني من المصممين وتجاهلهم لموضوع الخصوصيه نحن عرب ولسنا غرب لضيف له عندنا مكانته واحترامه وللاهل الحق في منزلهم والاستمتاع به المعماري الممتاز هو من يبدع باالتصميم ويلبي لي جميع احتياجاتي بدون الغاء بند على حساب الاخر مااراه استراحه ممتازه للاستمتاع بها وقت الاجازات وليست بيت العمر
دائما سبحان الله إذا أجتمعت الأمانة مع الأخلاق مع التواضع في مهنة المهندس المعماري فليعلم إنه سيكون من الرابحين في الدارين إنشاءالله...الكلاسيكية الإقتصادية الممزوجة بالذوق الرفيع الراقي تنتج الأفضل والأجمل والأروع دائما...وفقنا ووفقكم الله ورزقنا الله وإياكم الخير الكثير
ليت كل البيوت ما تنبني إلا باشراف مهندس معماري، البيوت بالنمط التقليدي بالسعودية قبيحة جدًا وتشوّه حضاري للأسف، ويا ليتها أرخص، بالعكس التكلفة هي هي إذا ما كانت أعلى.
بسم الله ..ماشاء الله...بناء واقعي في خدماته وتفاصيلة وبدون مبالغة مكلفة..اتمنى ان يبتعدالجميع عن المبالغة والاسراف وتقليل التكاليف ليتسنى على الجميع الزواج والبناء
أجل تحدي 431 ألف وهذي النتيجة ؟!!!! أخ مساعد ترى موضوع الفيديو لايمت بأي صلة لمحتوى الفيديو. نصيحة قد تجهلها أجزم لك أن في الوقت الراهن أغلب الناس متعلمين وفاهمين ومطلعين ومثقفين ووو…… أعتقد رسالتي وصلت✋
معليش هذا لو تسميه شاليه افضل من انك تسميه بيت وجهة نظر و الاذواق تختلف .. يا حبيبي لو استقبلت ضيوف في بيتكم تتورط بحكم الوضع ان الرجال معزولين عن الحريم و الدور الارضي دورة المياه اعزكم الله واحد فقط و اخر الصاله يعني مدري احس ماش ما يصلح بيت
اسلوب التصميم حديث ماشي ع الصناعي شي جميل أنه عمل الاسقف خرسانية و ايض خارج الحديقة الأرض خرسانية شي جميل لو فقط لون الجدار كان شوية يميل إلى اللون الرمادي الخفييييف كان بيطفي جمال أكثر. في الاخير الناس و المصممين أذواق و كلهم يتعبو إلى أن يصلوا إلى هذا المنتج. تبارك الله
مع احترامي للموضوع اذا فله مسحوب منها جميع التشطيبات مثل الجبس والبورسلان والتوزيعات الي تحتاجها الاسر وصغر مساحتها توصل ل 430 الف يعني المتر فوق 1600 ريال عظم وتشطيب اعتبر الفكره غير مجديه ثانيا اذا فعلا وفر ولا حط اي مبالغه في اي شئ وهو واقف عليها كا مشروع مهندس ويعرف سبل التوفير وصل ل 430 الف على كذا موضوع قرض 500 الف غير مجدي للبناء والشخص يحتاج لنفس فكرته بتوفير مع اضافة احتياج الاسره السعوديه بنوصل مليون ريال لحول ولا قوة الا بالله صار سوق العقار سوق حراميه كبار
جميل.. ولكن ومن واقع تجربة مريرة (الله يعينك على الغبار والإزعاج في السنوات القادمة حتى يكتمل بناء الفلل التي بحانبك وخلفك وأمامك) ، الله يعينك ، ولكن هذه حال الدنيا
فعلا انا استغربت جدا من هذا التصميم , تراها بشر و ما يصير تعيش في غرفة غسيل !! غير كذا كل ما اشتغل جهاز في المطبخ الصوت عندها و صوت الغسالة و النشافة طول الوقت في اذنها
والله انك مبدع جزاك الله خير وانا بنيت بيتي على توصياتك السابقة جميعها قبل ٣ سنوات ولكن مع الاسف الناس الثانية تبني حسب احتياج الآخرين وليس حسب احتياجه هو
احتياجي اني استقبل اهليتي وضيوفي ببيتي بحريه تامه لا بد من زيارات الاهل وصله الرحم يعني صعبه اقول لضيوفي والله لاتجون واقطعوا رحمكم عشان ماعندي صالون رجال صعبه جدا حلو وجميل انك بيتك تستقبلي فيه اهليتك وضيوفك هاذا بيت العمر يعني الواحد خسران يعيش في بيت ماهو كامل لكن لعل طلبهم كذا او انهم مايستقبلون احد لكن احنا كشعب سعودي نحب صله الرحم والضيوف ومعروف اهل السعوديه اصحاب كرم وواجب من اجل ذلك لايناسبنا بيت 🏡 لايوجد فيه صالون فاصل بين الرجال والحريم خليكي واقعيه
@@sara_6s8b2j الناس اتركوا الزيارات في البيوت النساء صاروا يجتمعوا في شاليهات يقولوا الشاليهات وناسه والرجال يجتمعوا في استراحات ومخيمات هذا نظام السعوديين خاصة أهل الرياض والقصيم وجهة نظر🙏🏻 تحياتي للجميع اللهم ارزق جميع العرب
@@user-bb5dd8zg6r مو دايما يجتمعون باستراحات وأجمل شي بالحياه زيارات الأهل والأقارب بالبيوت يعني مرض لاسمح الله ولادات أعياد زيارات رمضان وزيارات الأسبوع كلها بالبيوت مو دايما الاجتماعات بالشاليه ومو مقنع كل مرا أجمع الأهل خارج بيتي مرا شي مو مقنع خليكي واقعيه شويا كان لازم يحطون صالون رجال الواحد لمن يبني بيت يكون خسران وحط الاولي والتالي البناء مو شي سهل أبداً فيحط فيه عشان يستقر مزبوط ويكون كامل الاحتياج لكن كل واحد وذوقه ورغبته تذكري احنا بالسعوديه ماحنا بالغرب لازم الحريم مفصولين الرجال لا اخذ الراحه
اخي المهندس رغم بساطة التصميم والتشطيب فتكلفة المتر ١٦٠٠ ريال وبهذا السعر ممكن تشمل جبس وبلاط وثلاث ادوار . وحسب اسعار السوق ممكن تبني وتشطب من ٨٠٠ ريال تجاري الى ٢٠٠٠ ريال للمتر دلوكس .
التصميم جذاب وحلو لكن لا توجد خصوصية الحين مرتاح طبعا لكن بعد ما يبني احد جنبك من الجهة الاخرى راح تشعر بالانزعاج وايضا كثرة وضع الزجاج في المبنى تفقده الكثير من الجمال ....
برغم انى مهندس مدنى وليس معمارى الا ان هذه الفيلا تصلح شاليه على البحر وليست للسكن الدائم الأسعار لا أعلم الاسعار بالسعوديه لكن بالمبلغ هذا تقريبا ٢ مليون و٢٠٠الف مصرى ابنى عماره ٦ أدوار ١٣٠ متر ...
هههههههههههههههههه اكيد بيصير رخيص لا بويا ولا جبسيات ولا دهان ولا بلاطات ولا جدار داخلي كله قزاز، هذا حتى في السفارات الاوربيون ما يقبلونه . تخيل تنام في غرفة نوم السقف اسمنت كأنك في توقيف ما تدري تقوم تقول لزوجتك صباح الخير ولا بشري الرقيب جاب الفطور وجانا فرج ههههههههههههه، ولا شوفوا الدرج لو طاح جوالك تحصله في القبو من الفراقات الي بيت الدرج الحديد ، التصميم هذا حطه لمطعم يمكن يصير مقبول او كوفي شوب منزل ما ينفع بريال وجهة نظر ،او استراحة عائلية يمكن تنفع كمنتزه نهاية الأسبوع .
يسلكون لبعض يا اخي التكلفة طبيعية جدا جدا جدا مافي ملاحق ارضية مافي غرفة سائق مافي ملاحق عليوية مافي اعمال ارضية بلاط مافي اعمال اسقف جبس الاضاءات قليلة وعوض عنها بالمناطق المكشوفة من خلال الزجاج مافي مصعد المسطح جدا صغير التقسيمات معدومة في الارضي ٣ غرف نوم فقط البيت كله على بعضه ٤ دورات مياه مما يعني مواد صحية قليلة واعمال سباكة قليلة جدا يعني وين التحدي في الموضوع!؟ 😊
فين طالعه ونازله اصلا فوق فقط غرف نوم يعني مافي مكان للحريم لو نفترض جاء رجال بيقعد بالصاله الحرمه وين تقعد فرق فقط غرف النوم من الاصل مافي البيت مايصلح يصلح فقط عائله بدون استقبال أهل او يصلح فقط لرجال او حريم يعني اخوك َزوجته جو عندك ماتقدر تضيفهم لانو مافي حتي صاله فوق مجرد صالون واحد فقط صعب جدا لازم صالون رجال ضروري
@@norasaleh6996 ممكن نتفهم ان البيت موب للعزايم والمناسبات الصغيرة، لكن انه حتى زيارات مافيه والبيت ما يسع حتى ضيف واحد أو ضيفه هذا اسمه استهبال. الله لا يضيق علينا بس
من وجهة نظري البسيطة، هذي تعتبر استراحة والأسباب لا يوجد مجلس رجال منفصل ولا مقلط، يعني ما تقدر تجمع رجال وحريم بعزيمة وحدة إضافةإلى قلة عدد غرف النوم يعني لا تلبي احتياج الأسرة المتوسطة المكونة من ابوين و٤ او ٥ أبناء. السبب الثاني تكلفة المتر حوالي ١٦٠٠ ريال وهذا بدون تشطيب (لياسة وبلاط وجبس وصبغ وغيرها) يعني استخدام الخرسانة بالتشطيب النهائي فقط. ٤٣١ ألف ريال يعتبر مبلغ طبيعي على مساحة مثل هذي (٢٦٠ م) وتشطيب مثل ما ذكرت بالفيديو. أرجو احترام المشاهد وعدم بيع المخطط ومعها طريقة التوفير كما ذكرتم سابقا.
@@wafaalrlwibk6134 صح كلامك هذا الفله تعطيك شراحة عماره مسطحها عشر الاف متر واجهات وشغل فخم احس من شغل العماير العاديه تكاليف وتعب وبعد ماتخلص ما احد يطالع فيها كانها مبنيه لها عشرين سنه ومافيها تميز وممله
@@altaif5134 مانقدر ننكر انها جميله جدا جدا وكل الي فيها من شغل متعوب عليه ومرتب وأنيق لكن ينقصها صالون للرجال حتى يقدر يستقبل الواحد فيها أهلو وضيوفوا براحه وإستقلاليه
@@wafaalrlwibk6134 مانتكلم عن التصميم والشراحه والجمال الي فيها ماحد يقدر ينكر هاذا الشي فيها شغل متعوب عليه جدا وأنيق بالفعل وأسلوب عصري رائع لكن ينقصها صالون رجال للاستقلاليه فقط عزيزتي حتي نقدري تستقبلي فيها ضيوفك واهلك براحه فقط
شي مضحك 😂😂😂😂 بالله وين التوفير انتو تستهبلو والا تستهبلو ؟؟ إجمالي الأمتار 260 متر والتكلفة 431 الف ريال يعني المتر طالع ب 1657 ريال وطبعا هذي قيمة البيت بدون اثاث وبدون اي كماليات !! للاسف ماجبتو شي جديد ابدا 🤷♂️🤷♂️
ولاتنسى بدون قيمة الارض . ومافكروا في عمليات التنظيف المستمرة للزجاج وتكاليفها الباهظه من قبل الشركات ، وحتى لو فرضنا وجود خدم وهو امر اصبح صعب فإن الخدم الان يرفضون كثير من الاعمال كتنظيف النوافذ والستائر فما بالك بهذه الابوتب الزجاجية . وكذلك مسالة الامان في الزجاج معدومه
@@abcaa468 المخطط عصري وجميل ولكن مناقض للثقافة العامة اللي هي الخصوصية احنا مجتمع يعزل النساء عن الرجال والبعض حتى الصوت مايبية يكون مسموع عند الرجال ! وهذا التصميم مافية حتى 20 % من تلبية هذا الاشياء !
الفكرة بسيطه الغاء تشطيب السقف و الارضيات ورغم ذلك التكلفة مو رخيصة في تلك الفترة تعتبر متوسطه إلى عالية بناء على العمل المنفذ يمكن التكلفة زادت بسبب النوافذ
وانا اقرا العنوان قلت بشوف فلاه. مجالس وغرف نوم. وتصاميم. وملاحق. واخر يطلع هذا التصميم هذا لا ينسبنا ولا بيتنا. وغالي. هذا شاليه. مهو فلا وخويه. قاعد يسلكله ويمدح له. وماشاء الله. علي ايش ماشاء الله. فعلًا العنوان. يشدك. اقول الله يهنيك ويستر عليكم انت وفلتك مدري شاليهك.
أتقو الله لاتوهمون الناس بالغلاء وأنتم تريدون النصح لهم والله العظيم إن المبلغ 431 الف يعمر أحسن فله وبأحسن تشطيب طابقين ونص وأنا أتكلم وأنا بالميدان وهذا عملي . أما جايب لي شاليه إذا رفعت رأسي أشوف الخرسانه وتحتي برضه خرسانه وكانكم مسوين إنجاز عظيم بإختصار أزين فيلا مساحتها 300 م تكلفتها ماتتجاوز 500 الف ريال بالكثير للإنسان الواعي وشكرآ لكم
