٪١٠٠ من الي شغالين في مركز فورد الاقليمي فالشرق الاوسط شوام واجانب ولا يفهمون شي فالسوق، وكيل فورد الوحيد الي شغال صح وكيل الكويت، كل الي شغالين هناك كويتيين وفاهمين سوقهم وناسهم ٪١٠٠
الله يرحم من رباك وسلمت ، كلامك لا غبار عليه وصحيح مئه بالمئه ، لا بغينا موتر ديزل بمواصفات محترمه يحدونك تاخذ من برى بدون ضمان غير المبالغ الي تدفعها عشان توصل.
الغش هو انه يقول لك مواصفات غير موجوده بالسياره او ايجابيات غير موجوده بالسياره ، اذا كل شي تشوفه قدام عيونك وين الغش😅 ، ممكن تطلب تجربة قياده وتشوف اذا كلامهم حق عن شعور القياده والايجابيات ثم تحكم اذا هو غش او لا.
حكومتنا حاشرة الديزل ما تبي الافراد يشترونه لان سعره رخيص مره الديزل فمخلينه للنقل لو تلاحظ حتى اتمنى اشتري مرسدس ديزل لكن للاسف ممنوع ومع القبول على الديزل للافراد رفعو السعر
أتفق معك أخي أبو مدى ... مدري ليش جميع الوكلاء في السوق السعودي بشكل عام يتجاهلون إحتياج السوق السعودي والمستهلك مع إنه أقوى سوق اسهلاكي كما تفضلت. ياترى وين المشكلة ؟ هل هي المواصفات، التجارة، أم المستهلك نفسه اللي يرضى بالقليل ويدفع الكثير مقارنة بالأسواق المجاورة ؟!
يبدو لي فيه تعليمات لبعض الشركات عندنا بالحد من استيراد مركبات الديزل .. وفي حال زادت الطلبات وواجهت الشركات طلبات متتابعة راح يفتحون لهم المجال + زيادة سعر الديزل . ابحث دائما عن المستفيد والا الوكيل ما عنده مشكلة يجيب لك ديزل اضف لذلك حاجة العملاء .. لكن ليش ما يستجيب معظم الوكلاء ☺️
اغبى شركة عندنا شركة نيسان اقطعو الددسن وجابو نافارا طيب ليش مانزلت نافارا غمارة السلقة ليش قطعته وانت تدري عليه طلب رحت تنزل ابورفارف نزل الشكلين الباترول البلاتينيوم والفتك ليش ما نزلت ديزل مثل تايوتا وانت تدري ان السوق يحتاج التنوع خاصه الديزل اكستيرا ليش مانزلت محرك قوي بنزين ومحرك ديزل عشان تنافس الفورشنر. هذا. يدل ان وكيل نيسان نايم ماهو عارف السوق ما تقدر خل يجي غيرك الحمراني كان بطل عقبه ضاعت نيسان صارت اردا شركة بالسوق
ما قصرت يا ابو مدى على الكلام الصحيح بعيد عن التملق والتطبيل. امنا بالله الديزل يبي ينزل السنة الجاية. طيب وشوله ما يجيب ٦ سلندر. انا الحين لي ٦ شهور مع وكالة ISUZU انهم يحطون موصفات زينه بالام يو اكس مثل الرادار..... الخ مثل المواصفات اللي باستراليا. المصيبة الاعظم ان السعر باستراليا الفل مع الرسوم و الضريبة تقريبا ١٦٠ الف و عندنا ١٦٥ مع فرق المواصفات من ١٠ الى ١٥ الف لصالح الموديل الاسترالي.
عندك مشكلة يبو مدى … انت تقيم السيارات على حسب رغبة ناس معينيين ما يشكلون النسبة الاكبر بالسوق وليست رغبة السوق بشكل عام ١- ايفرست بنزين بيكون له رغبة كبيرة بالسوق السعودي وسبب المحرك بنزين ما يصرف كثير وعزمه طيب وعايلي وفيه دبل ومريح ورساوته بالخط جيده ٢- محركات ديزل تنفع لسكان المحافظات ولا ينفع لسكان المدن .. انا من سكان الرياض واشوف الديزل داخل المدينة غير منتشر ولا عليه رغبة بسبب ندرة محطات الديزل داخل المدينة … علشان اعبي ديزل اقرب محطة فيها ديزل تبعد عن بيتي ٩ كيلو على طريق الدمام !! انا معك في نقطتيين مهمه جداً الاولى المطبليين مسويين لنا مشكلة والثاني والاهم ان مراكز الاقليمية لشركات السيارات موجودة في دبي والمشكلة احنا اكبر سوق في الشرق الأوسط !!
تعليق بسيط لابو مدى صاحب القناة، انا اتفق معك في الي قلته بس لازم تعرف ان شركة فورد مانبغى تداخل في الفئات، هم خلوا مكينة ٤سلندر على الايفرست مثلها مثل الرانجر ولااعلم ايش السبب في تأخير محرك الديزل، هل الديزل الي عندنا غير نظيف؟ او بينزل انواع نوعين ديزل ؟.. وسبب انهم مانزولوا فئة ٦ سلندر على ايفرست اعتقد ان مايبغون الايفرست تدخل على فئة الاكسبلورر الي شخصيا انا اعتقد ان فورد ظلمة هذه السيارة في الشكل الداخلي وايضا بسبب لينكلن افييتور الي تشاركها في الشاصيه والمحرك . فهم نوعا ما ماحسبوها صح. لاكن اتوقع بينزل فئة الرابتر على ايفرست وبتكون ٦ سلندر و٤٠٠ حصان وتورم قوي لاكن بتكون غالية وسعرها يوصل للاكسبيدشن. الا للامانه فورد من افضل الشركات الي تهتم بالعميل ومبدعه في سيارات الافرود وقوية جدا وقطع غيارها في متناول الجميع ومتوفر.
هم وكيل تخطيط وترتيب الفئات والمحركات؟ والا وكيل يجيب السيارات والمواصفات اللي يبيها العملاء؟ التخطيط والترتيب ما ينجح، شوف تويوتا لأنها صارت تنزل كل شي عندها من فئات ومواصفات ومحركات نجحت وما زالت تنافس بالرغم من دخول الصيني.
والله انا اتوقع السوق السعودي من ناحيه الديزل الاغلب متخوف منه رغم سعر الديزل المنخفض لكن قد تكون اشتراطات من شركات بترول عملاقة تفرض سيطرتها لو ان الكل حول ديزل بيرتفع سعره غصب لان البنزين بيقل استهلاك السوق منه ويحصل خسارة لشركات كبيرة بدون ذكر اسماء
ايش شركات البترول العملاقة؟ قصدك أرامكو؟ والا شركات المحطات الدريس ساسكو نفط إلخ..؟ موب هم اللي يحددون الأسعار، الأسعار تحددها الدولة. وحتى لو زاد سعر الديزل وتعدى البنزين، تراه يمشي دبل مشي البنزين.
اعتقد !....ماراح يرتفع والسبب اذ ارتفع كارثة راح تتوقف جميع شركات النقل والشركات بسبب ارتفاع الديزل والدولة عارفة ذا الشي ثانين استخراج الديزل اقل تكلفة من البنزين
ان تبي الصراحة انا واحد ما يحب الديزل صحيح رخيص عن البنزين بس ما احبه لأنه معرف حق المعدات الثقيلة, تخيل اشتري سيارة بمحرك ديزل و اقعد ادور لي محطة توفره و ان وفرته اقعد امسك سرا مع الباصات و التريلات ولين بكرة ما تخلص. الفورد اهم شي فيها الراحة اللي ما تلقاها في كل سيارات تويوتا حتى اللاند اللي ما أحد ركبه الا و قال أخ يا ظهري.
والله حسيت مرارتك انفقعت وانت تتكلم عن المكتب الإقليمي....والله مفروض كل المكاتب الإقليمية تكون في السعودية لان مبيعاتها تنعكس على الدول الحولها بحكم سكانها قليل مقارنة بالسعودية.
