سبحان الله هو من 2017 خرج من الثانوية ومزالو متفكر هدو تفاصيل واللحظات لي ميتنساوش صح صح ما شاء الله وانا مزالني مخرجتش من الثانوية ومش متفكرة حتا تفصيلة صغيرة لانو فاتو فيها ايام ناشفة منعرف من الوقت لي تبدل وناس بكري كانت تستمتع ولا من ثنويتي لي مفيهاش الروح وكل واحد شاد حياتو
ب نسبة ليا هذي اروع و اجمل قصة ف القناة فيها كلش و صاحب القصة ماشاء الله عليه شوقني نشوفو ا سيدي اخرج مرة قول انا عادل و م تزيدش تبان ربي يحفظك لبنى صوتك رائع و ربي يرزق صاحب القصة ب البنت لي عاجباتو
طلعووو تعليقيييي😢 محبيتيش تريبوندي هاهي وديريلها كابتور: السلام عليكم ختي لبنى عندي شحال و انا حابة نبعتلك حكايتي مي معرفتش وشمن تطبيق يوصلني ليك وقبل مانبدا نقولك نحبك بزاف و مكانش حكاية من حكاياتك مسمعتهمش بون انا إيناس طفلة عمري 16 سنة من مواصفاتي طويلة و جايبة روحي يعني خمرية شعري كحل وطويل عينيا بني غامق علما اني متحجبة تاني وطيبة وحنينة بزاف مع الناس مي يحشوهالي بزاف لانو قلبي بزاف كبير المهم. انا عايشة بين خمسة خاوتي كبار و انا هيا المازوزية تع الدار و زيد غير انا طفلة عندي والديا ربي يحفضهملي ويخليهملي بابا جاي متشدد شوية ولا نقولو مزير مي ماما مشي مزيرة بسك علابالها خاوتي لاتيين بيا علابيها يخافو عليا بزاف 👇👇👇
لدرجة اني نتحرك برك ميخلونيش بسك الله غالب يخافو عليا كما قلتلكم وخاصة خاوتي دوبل تع دوبل تع بابا هما لي يحكمو في كلش مي الحمد الله يعني كانو يشرولي وش نحب مكاش حاجة قلتلهم جيبوهالي وخلاوها في قلبي معلقة عايشين قد ماعطالنا ربي و نخدمو بنيتنا و الحمد الله. كي كان عمري 7 سنين خويا تزوج بوحدة تيارتية كانت دايمن مورايا متحملنيش تحب تخلق المشاكل باش تكره خويا فيا كي انا كي ماما المهم جوظت معاها يامات غير المر جا نهار وتزوج خويا 2 لي هو امين جابها من اصل كما اصلنا من الشرق و من جهتنا المهم كانت كي السكر نحبها بزاف هايلة ونقصر نضحك معاها و دايرين روحنا خيات مالقري كبيرة عليا مي نتفاهمو يعني و ادا ركي تشوفي فلقصة نقولك ربي يدوم محبتنا المهم في عام2021 ليلة الجمعة مات عمي ربي يرحمو لي كان عزيز عليا ونحبو بزاف بعد 3ايام من جانازتو كنت انا و بنتو الصغيرة من مواليد 2010 كانت مخلوعة من موت باباها وكنت واقفة معاها يعني الحق في كل دقيقة منخليهاش المهم جا نهار مين رحلو و ولاو يسكنو فلحومة لي قدام الحومة تاعنا
كنا دايمن نتلاقاو نروح انا هيا تجي كل خطرة كفاه. جا نهار كنا انا وياها برك بدات تحكيلي على وحد الطفل قدي فلعمر وزيد وليد حومة وهي تحكي تحكي ايا انا عرفتو و تفكرت بلي كان يقرا معايا فلابتدائية خمس سنين مي منشفالوش مليح بسك كنت صغيرة ايا قلت انا علاش منحكيلهاش بديت نحكيلها على واحد صاحب خويا قلتلها بلي شباب ونعرفو ملي كنت صغيرة و انا نحكيلها عليه تقريب كل يوم ايا ضربتها بعشقة فيه يعني فهذاك لوقت كنا في 2022 انا كنت في عمري 13 وهي 11 بيناتنا عامين مشي كاملين او كنا صغار على هاد لحكايات خطرة كنت فلكوزينة انا وياها مع ختها لكبيرة تع 1999 بدات تهبل فيا وتقولي سامي مممم سامي و تهبل فيا ب اسمو قالتلي علاش متبعتيلوش(يعني بتمسخير ) امبعد قلتلها كيفاه نبعتلو! ونخاف خاوتي و منا ومنا لوكان يفيقول يقطعوني اواااه غير هذي لي منديرهاش. ايا جاوقت كما كانت الحال عرفتني هديك بنت عمي لي نسيت مقلتلكمش وسمها سمية عرفتني على واحد وليد حومة لي هو صهيب صاحب سامي بعتلو هدرت معاه و عترفتلي بلي نحب سامي عطالي لكونت تع سامي كان بوبليك تاعو فهذاك النهار و كنت كل ميجوز عليا ريلز شباب و لغنا تع الحب والعشق و الخرطي نطاقيه و هو مكاش يرجعي فلي كومونتار يعني. جا وقت مين وليت نهدر معاه وعترفتلو بالحب من جيهتو يعني مترددتش فهاد الامر المهم يعني كانت مخلطة عليا نحب سامي و نهدر مع صاحبو؟!!؟!! حتا انا منيش فاهمة روحي ايييييه بسك سامي كان ميحلبش بسك عرف بلي انا خت صاحبو و معلباليش كفاه فاق كامل الحصوول! وفي هذاك لكوتي عندو الحق في كل حاجة. جا نهار مين وحد الطفلة كانت تقرا معايا مي منتفاهمش معاها بزاف شغل تع زميلتي فلقسم برك تع صحا صحا المهم كانت تجي معايا فلبوس تع المسيد بسك انا كنت نقرا بريفي ايا خطرة عطاتلي تلفونها دخلت للتيك توك تعها و بعت للسامي من لكونت تع الطفلة ايا جازت لباس. الكارثة هيا فلييييييل!!!! كان خويا و سامي و صهيب فطونوبيل وصلتهم notification من لكونت تع هديك لي تقرا معايا قالتلهم بلي هدا لكونت تاعي و ايناس كانت تهدر معاك بلا منعرف و هيا عطاتلي نمرو و لكونت تاعك وكلش يعني ماخلات مابقات فرشت كلشششش وخويا مصدووووووم ويسمع ايا جا من وين كان حتا للدارنا عيطلي ايناس!! ايناس!! انا خفت وعرفت بلي رح تصرا هاد لحاجة بسك جامي عيطلي بهديك الطريقة هبطت قلتلو وشكاين قالي اقعدي تشوفي و ورالي لكونت تع تيك توك قالي تعمن هدا انا تفرفشت بديت نكدب قالي متكدبيش قولي كلش بسك علابالي بكلش تكدبي نعرف بلي ركي تكدبي ايا انا حكيتلو كلش و لحقيقة هو قال في بالو كفاه ختي معندهاش تيك توك راح حكم تلفوني فتح لقاه و زيد كنت نهدر مع صهيب كلقا وش يدير لتما يعني غاضني بزاف خويا بسك اول مرة تجيه ضربة من عند ختو هكاك قالي راحت الكونفيونص راح كلش دوكا و انا نبكي ميتة و تخلطت جا خويا لوخر لي كان بزاااف واعر وزيد هو الكبير ضربوني وانا ميتة بلبكا المهم رقدت هديك اليلة كحلاااا الله لا يشوفكم فيها. جازو 10شهور من هاد الضربة كنت انا ونفسي نهدر ونقول مفهمتش انا نحب سامي ونهدر بتمعشيق مع صهيب يعني كفاااه درت حاجة كما هدي! بسك كانت قصرتو حلوة كي السكر وبديت نتفكر و نهدر مع روحي ايا لتما حسيت توحشتو وتعلقت بيه غير كي كنت نهدر مع روحي لوكان كنت نهدر معاه ونقول سيبون هبلت وكملت المهم وزيد كنت فليل ايا روحت بعتلو فسناب وقلتلو بلي انا ايناس قالي ايه عرفتك بسك نتي لي تبعتي فهداك الوقت المهم بدينا نحكو هكا قالي ادا تكوني معايا في علاقة انا قبلت مي اصبرو مقلتلوش ok دركت حتا بعد محاولات قلتلو. Ok و انا صراحة كنت حابة بسك كنت بزاف متوحشاتو مي قلتلو بشرط واحد ميسمع بلي رني معاك و ميصرا حتا بروبلام ايا مشيت معاه سمانة سواسوا (كان في عمري 15نسيت مقلتلكمش مع لول😂) جازو يامات بزاف شابين كنت ديمن نسهر معاه مالقري كنت نحب نرقد مي هدا كامل على جالو ايا فلخر تع سمانة عيط لخويا في ميزكم وش قالو اييييه لي راهي في بالكم اييييه قالو بلي ختك رهي تبعتليييي!!!! وقلب لحكاية وهدا قاع بسك كان يغير من خويا بسك حنا لاباس بينا و هو يغير منو وشاد وحد الحقد كحل كما قلبو المهم ايا كما كان الحال جا خويا ورالي الكابتور قالي وشنو هذا انا شفت الكابتور وليت نشوف الضلام بين عينيا موليتش نضوي تشوكيت ومكنتش نستناها من عندو وزيد متنساوش قلتلكم عندي 5خاوتي و 3عايشين معايا يعني فهداك النهار جاو زوج خاوتي ولوخر كان برا هدرو معايا وخويا لوخر كان مشي سامع بلحكاية لولة ايا كي سمع بلحكاية هدي عينيه خرجو بدا يضرب فيا ضرب تع كلاب حاشاكم المهم عقبت هديك ليلة وحدها متتنساش مشوكيا و منداش نبكي و كتارتها شوك المهم ومبعد عيطلي خويا هداك لي ضربني قالي ريحي قدامي انا حسيت بلي غضتو و قاعد يهدر معايا غير بلعقل و يفهم فيا و عطالي درس مننساهش طول حياتي فطني لوحد درجة حسيت روحي واحد جا رما عليا ما بارد دركت
ومنهداك النهار عرفت بزاف صوالح و وليت شاذة في صلاتي ونخاف من هاد الصوالح وتبدلت علاقتي بخاوتي ولات بزاف هايلة و نتفاهمو كامل كيف كيف حالا يعني ربي يدوم هاد العلاقة المليحة و فلخر نقولك لبنى ختي يعطيك الصحة كي نشرتي قصتي و نحبك بزاف و اعطيني رايك فلقصة تاعي و اي حاجة عجباتك وش معجبكش فلقصة وقوليلي شكون هو السبب الرئيسي لي داني لهاذ الطريق وصحيتي نحبك بزاف❤
اللهم توفيقك يارب لا توفيق إلا بك ولا نجاح إلا بك 🩷 •اللهم انا نسألك النجاح في شهادة البكالوريا🩷 يارب وفقني هذا هو حلمي وطموحي النجاح في شهادة الباكالوريا
اما تعليقي على القصة الجميلة قصة رووعه ماشاء الله حسيتو مثقف الله يبارك وكوميدي 🙈كما نحب انا الله يبارك ربي يكملو ويرزقه ما في قلبو بالمناسبة معلومات روعة تعلمتهم من القصة بارك الله فيك اخي عادل وبارك الله قيك اختي لبنى على الالقاء ويرزقك ما في قلبك لان صوتك زادها جمالا بالتوفيق وربي يشفي والديك ويشفي جميع مرضانا❤وربي يرزق الاخ عادل تلك الاخت لي عجباتو
سأعلن نفسي "ناجحة" قولا وفعلا من هذه اللحظة حتى لو خيبتني نتيجتي لن أنتظر نتائج أوراق تقيمني فليشهد الله علي أني حاولت الوصول إلى ذلك الحلم الذي يسكن فؤادي والذي بذلت وعملت ما بوسعي لتحقيقه ... ربي إن كتبت لي النجاح فهو خير من عندك فأنت أهل الفلاح والنجاح وإن كتبت لي الرسوب فإنك قلت عجبا لأمر المؤمن إن أمره كله خير وإني من عبادك المؤمنين وإني آمنت بك وبقدرك خيره وشره وآمنت بأنك إخترت لي الأفضل لكن يارب أقسم بك أن قلبي هرم من كثرة التفكير لا تفجعني بنتيجتي ويسرها لي برحمتك يا رحيم يا كريم كل ورقة امتحان سلمتها سلمت معها جزء من صحتي ونفسيتي فاللهم فرحة تجبر خاطري وتسعدني وتسعد والدتي المريضة ارجوا من كل من قرا تعليقي انا يدعو لي ومن كان في قلبه دعوة فليكتبها لارد له جميله لعلها اوقات استجابة
كنصيحة فقط لكل من يرى تعليقي ليست العين سبب عدم التوفيق دائما فعدم الصلاة يمنع التوفيق و إدمان المحرمات يمحق الرزق و البركة و يورث الذل و ھوان النفس و فوق ھذا عدم ذكر الله بالقرآن و التحصين بالأذكار يخليك عرضة لكل عين او حسد او سحر ؛ المعاصي والذنوب سبب لجميع المصائب والبلايا قال تعالى: «ومَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ ذَلِكَ بِأَنَّ اللَّهَ لَمْ يَكُ مُغَيِّرا نِعْمَةً أَنْعَمَهَا عَلَى قَوْمٍ حَتَّى يُغَيِّرُوا مَا بِأَنْفُسِهِمْ»، وقال علي بن أبي طالب رضي الله عنه: «ما نزل بلاء إلا بذنب، ولا رفع إلا بتوبة» أفطنوا أثابكم الله
شكراً ياصاحب القصة علبالك نحيت على قلبي تاع صح اني نسمع فيها على 3.30 كل مرة نضحك نوض تع دار 😂 حبيت نقلك لبنى كترينا من لحكيات تاع ليسي او طوال ❤ اوبرك
ولله أجمل قصة في الكون قصة هايلة ومزال كاين الرجال ولله ياصاحب القصة غي نتا صح راجل ونستعرف بيك وربي يرزقك ماتتمنى وربي يسعدك ويفرح قلبك وربي يجمعك مع هذي البنت في الحلال. ملاحظة: ياريت كامل الرجال كيفك يارييييييت ❤
لصاحب القصة والله قتلتني بالضحك بصح نصدمك بلي الفلك غي كذبة انا كنت مهووسة بيه منذ الصغر وكي اكتشفت الحققة صدمت تابع قناة ختلة الحقيقة ان الارض مسطحة وليست كروية ومكاش جاذبية ووو