لا اتفق… ليس لعدم حبي له في الله.. فوالله على ما اقول شهيد.. استمعت جدًا بالاستماع له خوفي انه بعد التمام لا يأتي إلا النقصان.. ونحن نتلكم عن ساعة وتزيد من الونسة والخبرة.. وبتنقطع المواضيع او حتفتح مواضيع لا يتفق معها الكثر .. والتكرار في طبعنا يولد الملل.. فأحبز اشوفه من حلقة لي حلقة..
أنا حقيقي دي أول مرة اعلق في اليوتيوب 😂 والحاجة الخلتني اعلق أنو مع عمري الصغير أنا يا خالي اتعلمت منك كتير في الحلقة دي والحلقات القبليها اتعلمت اني عادي اغلط واصلح غلطي وعادي البشرية تشوفني بغلط ومفروض ما اخجل من الحاجة دي اتعلمت منك اني ابدا اتعامل مع الناس بدون ما افكر هم نظرتهم عني شنو او هم ح يفكرو ويقولو عني شنو لمن ما اكون معاهم اتعلمت انو اهم حاجة ف الدنيا علاقتي مع ربنا ودي الحاجة البتحدد الدنيا الح اعيشها قدام وطريقة تعاملي مع المشاكل ف يا خالي ويا شباب ربنا يوفقكم ياخي ويزيد من عمر الخال ويخليهو وسطنا سليم معافى من الامراض وانتو يا شباب ربنا يوفقكم في حياتكم العملية ونشوفكم في كل المناصب البترضيكم ، وكمان ربنا يزوجكم الزوجات الصالحات لأنو شوية كدا والخال دا ما ح يريحكم 😂 دا كل الكنت عايز اقولو وان شاء الله تاني على طول بعلق في فيديوهاتكم كلها عشان ما تقولو عشان الخال وكدا 😂 نفسي الخال يتكلم عن الشخصية الضعيفة عموما وكيف الواحد ممكن يمرق منها وكيف يقدر يربي اولادو بما انو الدنيا ما معروف ماشة على شنو ف كيف اربيهم بي شخصية قوية وفي نفس الوقت يكونو قراب من ربهم ودينهم وبذات تربية البنت
السعادة ما عندها مكان. تلقاها يوم توقف تبحث عنها، حتى الخال دا سعادتو لحظية( معرضة للظروف) السعادة ليست وصفة أو طريقة يتم اتباعها وهذا شيء تكتشفه في مسيرة حياتك وتراه في غيرك.
خلي الفلسفة الفارغة السعادة في اتباع الدين فقط و رضى الله تعالى اما باقي كلامك دا كله فلسفة فارغة لا تغني ولا تثمن من جوع كلام كله وهم ساكت @@user-ub9kk2nr1w
انا الليلة الصباح بيني وبين نفسي قررته اني أقرب لله واني لازم ابدا بخطوات جاده في الاتجاه دا وسبحان الله بالصدفه لقيت اللقاء دا جاني في جرح وان شاء الله ربنا يقدرني اتقرب لله اكتر واكتر يارب
نفسي تقرو تعليقي انا شاييفه محتواكم اغلبوه يكون اعمامنا الكبار ذوي الخبره زي الخال يتكلمو وينصحو بكل شفافيه زي الخال الله يديهو العافيه الحاجه دي حتجذبنا شديد اكتر من الفنانين واكتر من اي ضيف تاني وصدقوني حيكون محتوى ناجح وهادف اتمنى يحصل كد نحن كد سودانين ماعندنا محتوى زي دا 💖.
والله يا الخال بخت اولادك و بناتك بيك الله يطول في عمرك…انا زولة كبيرة عمري ٣٠ سنة و متزوجة و بي بنتي ، ووالدي الى الان عايش و الحمدلله ما مقصر فينا مادياً خااالص والحمدلله، بس في حاجات عمرها المال ما بيغطيها ، علاقتنا معاهو رسمية جدا و خوف شديد من انو يكورك فينا لأنو مستحيل مزاجو يكون كويس! فمفتقدة جدا للحتة بتاعت وجود الfather figure في حياتي…لما اشوف ناس بتتكلم كويس عن ابهاتم ما بحسدم بل على العكس بكون نفسي اقعد معاهم في قعدة من قعادتم بتاعت الونسة دي مع ابوهم و اسمع و اخد و ادي معاهم… شكرا لي Lq media انو عرفتونا بي الخال لأنو بقى لينا زي ابونا كلنا كدة نتعلم منو و نسمع رأيو في مواضيع كتيرة، و شكرا انكم عملتوها لينا حلقات مع الخال بس! دا اكيد حيكون انجح بي كتيير من ربع النهائي لأنو نحنا كشباب محتاحين نسمع تجارب الناس الاكبر مننا في حاجات كتيرة 🌸
@@SamahHaytham-wb8dj اكيد طبعا ،هو كونو انا حاسة بالنقص دا و فارق معاي و عارف تأثيرو علي كان قدر شنو ، اكيد ما حكون دايرة بتي او ولدي يجرب نفس الحاجة..
يا خال أنا سمعتا منك انك بتقرأ التعليقات ف لو مريت بي تعليقي دا أنا حاب أقول ليك أنا بحبك في الله ❤❤ وبارك الله فيك و ماتحرمنا من حلقاتك أو بي الأحرا محاضراتك ❤
في مشكلة كبيرة في جيلنا الحالي وهو تبسيط الحرام بين الشباب وهو حتى في المصطلحات يعني انا بفتكر المصطلح الديني لوحده رادع وبِحسسك بالذنب عشان كدا الناس بقت بتستخدم مصطلحات تانية زي ( الزنة - الجخننة)(اللواط-المثلية) ( الوشم- تاتو) (عقوق الوالدين - حرية الاختيار) وغيرهم اتمنى ان تتطرق لموضوع دا وتعمل لينا عنو حلقة❤
@@minasmohamed7755هي كلمة مجازية ما اي زول بكون قاصد بيها المعنى دا عشان ما تظلمي اي زول برضو عندها معنى زي غنجة كدا المهم على حسب كلام الزول ممكن تفهمي هو قاصد شنو
ما شاء الله تبارك الرحمن الخال بقا ابونا خلاص 😭🌷بتمنى الحلقة الجاية يتكلم عن أهمية العلم بالله وسنة رسوله صلى الله عليه وسلم والإعتزاز بالهوية الإسلامية 💗
ي خال او بالاصح ي خالي يشهد الله انا دي اول مرة اكتب فيها كومنت ف اليوتيوب ، اولا جزاك الله عنا كل خير ثانيا سألتك بالذي خلقك ان تستمر و تواصل السلسله .. حرفيا احنا جيل كامل تائه و من غير مرشد ، و يشهد الله انا م لاقاني محتوى مفيد و قريب للقلوب زي محتواك ، ي خالي انت حاليا بالنسبه لينا بالضبط زي ال ٦ اشرطه حقت المناظره .. بس الفرق انو كل شريط بمثابه ١٠ سنين من حياتك و انا مستعد اقعد الـ٦٠ سنه الجايه اسمع ف كلامك ❤️❤️ ربنا يقويك و يعينك شيلناك مسؤوليه كبيره بس نعمل شنو الخال والد 🤷♂️😂❤️❤️
الخال دا نقطة ضوء و سط العتمة.. نسأل الله انو ربنا ينفع بيك.. ياريت الحلقات الجاية تكون عن كيف انو الشباب ممكن يتقربوا من ربنا كيف يتعرفوا عليه سبحانه قصاد المد الفظيع من الإلحاد او على أحسن فرض عدم اهتمام بالعلاقة مع الله.. و شكرا برضو لي خيري و احمد الجعلي
اخر الكلام خربتوكل شي انت ما عندك فهم في السياسة ولا بعد نظر ومين قال ليك حنيدتي كعب ومين فال حمدوك قال دولة علمانية انت سمعتو باذنك ما تبقي سطحي وخليك في التجاربةالشخصية احسن
سبحان الله تجربتك في الحياه ياخال هي نفس تجربتي مع اني قد اكون اصغر منك بي ١٠ سنين تقريبا ونفس المحطات كنت متمرد وانا صغير وبفتش علي السعاده وهاجرت لي امريكا وبعد ٢٠ سنه بحثا عن السعاده وجدتها في القرب من الله سبحانه وتعالي وحب الله تعالى أو اقلاها الخوف منه سبحانه وتعالى وما دون ذلك ضلال في الدارين اللهم أعنا علي ذكرك وشكرك وحسن عبادتك يامثبت القلوب ثبت قلوبنا على دينك شكرا يا خال وشكرا ليكم شباب علي البرنامج الشيق والمفيد وحتي لقب الخال كان اصحابي ينادوني به سبحان الله
كترو من الحلقات زي دي محتاجين حوارات زي دي و خبرات مثال الخال لانه حقيقي الاجيال كل م ليها بقت م عندها اي حماس او طموح يسمعو ونسه زي دي لانو استسهلو الدين و الحرام و الغلط
ياسلااااااااااااااااام قلبي انفطر 💔😭 لمن الخال قال التوحيد ❤️🥹 شكرا لطريقة سردك بالجد مؤثرة شديد , فعلا نحن فاقدين ناس من جيلك تتكلم معانا بكل اريحيه من غير تتفيه او تصغير او حديه. حتى خليتني اركز اني ما اتفه او اصغر من الأجيال الاصغر منى وبالجد انتبهى اكثر ❤ كل الحب والتوفيق لكم كلكم
الصراحة حصل كم مرة فكرته في موضوع السعاده بيني وبين نفسي وهسي احساس غرييب شديد في انو كنت فاكرة انو ماف زول بفكر كدا ابدا وممكن تكون دي بدايه لحل الموضوع❤جزااك الله الف خير ونفع بك الامة وربنا يحفظك ياريت لو تبدا برضو في موضوع السيرة النبويه والتوحيد والدين عموما لانو الصراحه طريقتك للكلام مشوقة وفي نفس الوقت بسيطة وساهلة وحاسه انو ممكن بي سببك كتير من الناس ربنا يهديها وتستقيم وتكون بداية جميلة وربنا يجزيك خيرها❤
الخاال فيك قبول غير طبيعي و حبيتك كونك داعم للدين والله كتر الله امثالك وان شاء تكون سعيد طول عمرك وفعلا لازم تكون مؤثر وتترك للناس زكره عطره وشي تستفيد منه الامه والشباب السودان وجزاك الله خيرا
أنا من الناس العندي قلق زايد صعب اقدر اقعد ساعه إلا حاجه تكون عجبتني شديد لكن الخال داء الله جاعل ليه قبول في قلبي ولي كل الناس استمرّ وشكرا انك اديتنا من زمنك 💙💙💙
والله ي احمد انا من زمن بقول اتكلم عن القرب من الله وثمراته 😭😭😭وما بعرف ابدا من وين بس هسي انا احس انو الخال كفى واوفى وياريت الموسم دا يكون خاص بالخال❤
اسال الله يرزقك السعاده يا خال انت و كل من احببت و كل المسلمين و والله اني احبك في الله حبا لا يعلمه الا الله ربنا يرزقك الفي مرادك و يجعل في الامة دي الف خال ان شاء الله و انت خير المقدمين السودانيين و برنامجك سيكون خير البرامج ان شاء الله و انشاء الله سنراك في شاشات التلفزة و في كل مكان لانك خير مقدم لنا و للسودان و العرب و جميع المسلمين و اختتم رسالتي بان ادعو لنا بالهداية و ان يرفع الله البلاء … و انا ابنك ذو التسعة عشر ربيعا اقتدي بك يا خير قدوة ❤️
كنت لافي في الانستغرام وبالصدفة لقيت مقطع من الحلقة وخشيت اليوتيوب طوالي وصراحة م حسيت بالزمن من كتر جمال الحلقة بالتوفيق يا الخال وكل فريق العمل ودا احلي استخدام للميديا اشوفو في السودان ❤❤
والله محتوى يفتح النفس وبالجد الشباب محتاج انه يسمع من الناس القبله في نصائح مقدمه بنية المساعدة والنصح لو في طريقة هل ممكن تكون في الموسم دا حلقة تكون بتتكلم عن علاقة الشباب بآبائهم خصوصا ونه نحن بنعاني من ازمة تواصل حقيقية وانه اي مرة الواحد يبين رايه بيتختى في نقطة الولد العاق ، والخال كان من زمان ذكر انه الشباب ما بربوهم عشان يكونوا رجال لكن اولاد ، فدايرين من تجربة الخال مثال لنموذج يساعد الناس في تكوين علاقات كويسة مع ابناءهم لمن يبقوا اباء المعاي يدعم باللايك يا شباب
صراحة فيديو مهم شديد وغير وجهة نظري في حاجات كتيرة وبعدو بإذن الله حبدا اغير من حاجات كتيرة ما صاح في حياتي وابدا بالجد اتعرف على ربنا من جديد بالجد ربنا يجزيك عننا كل خير ي خالنا ❤
ي سلاااااااااام ❤❤❤❤ جزاك الله خيرا وبارك الله فيك نتمنى لك دوام الصحة والعافية. ياريت تتكلم عن الصلاة وكمية الطاقه الايجابيه البتديها ليك وانها بتقوي علاقتك مع ربك لانه غالبية الشباب بعيد عنها تماما
ما شاء الله لا قوه إلا بالله .. عجبا كيف ولهذه التجارب التي تكال بمكيال الذهب ألا تكون مرجعا ونهرا لنا كشباب نستقي منه كلما ظمأنا .. وكما حسبت ي عمي أن بعضنا قد يكون في مرحله من مراحلك التي لم تبخل علينا بها ها انا ذا شاب لا اقول كمثلك تواضعا ولكن شاب كما كنت .. أضل الطريق و يسخرك الله لنا لتعطينا البوصله ! .. فبارك الله فيك واطال في عمرك في طاعته جلا وعلا.. 🤍
سبحانه وتعالى يهدي من يشاء و يضل من يشاء، عجيب والله تصريف الاقدار وعن تجارب شخصية أعجب، والله يعلم مافي قلوب وهذا الشخص جميل النية حتى قبل أن يهديه الله
حقيقه الخال عباره عن موسوعه لا توصف تخليك تفتح قلبك وروحك للدنيا بطريقه مختلفه نهاي عن الحياه النحنا عايشنها ف الخال حقيقه اي زول محتاج لي شخيصه زي دي ف حياتو تشد ازرو وتغير مفهومو للحياه جزاكم الله عنا كل خير مهند واحمد وكل التيم العامل على هذا العمل الجميل بالتوفيق ليكم 🫡🫡
It's great thing that you tell us your life story, the experiences and challenges you have lived through in the past in a way like this. You are the best example and meaning of fatherhood. May you be well, healthy and safe. Thank you a lot uncle Ahmed Greetings from India
حقيقي انو كلام الخال لمس حته جواي وانا واقفه في نص حياتي وما عارفه الحاجه الممكن تسعدني ولا ابدا من وين عشان اللقا نفسي بتمني البرنامج يستمر وجزاء الله الف خير وأطال الله في عمره
ي خالو عايزين فيديوهات عن الدين زي دي اكتر وكيف نمشي في الطريق الصاح ونكون أقرب من ربنا لانو طريقتك سلسلة جدا اللهم بارك وبتوصل المعلومة الصحيحة في الوقت الصحيح ي ريت يعني طلب خاص من بناتك الواثقين جدا في كلامك ❤
يا خال انت بقيت بالنسبة لينا خال السودان كلو الله يجزيك الخير والسرور ويدخل عليك الاطمئنان كما تفعل معنا والله العظيم انت نادر وقل ما نجد شخص اكبر مننا يحاول يفتح معانا مواضيع زي دي ❤
ما شاء الله ❤ ما قصرتو والله هونتو علينا الحزن الحاصل ممكن تعملو لينا موسم كامل مع الخال 🙂🤍 و تكون مواضيع منوعة (ما شاء الله عليكم ما بتحتاجو وصية ) بالتوفيق كل الحب ❤❤
السلام عليكم.. والله أتمنى لو نقدر أن نوصل هذه الحلقات لأكبر عدد من المشاهدين في كل الدول حتى يتثنى لكل الناس ان تستفيد من التجارب و العبر و النصائح التي دخلت في قلوب المشاهدين و المستمعين و خاصة" فئة الشباب و اتمنى أكثر ان تصل لجميع المجتمعات العربية من الخليج الى بلاد الشام و دول الاغتراب .. بارك الله بالرجل الصالح و الشباب الطيبين القائمين على هذه القناة ... تحية طيبة مباركة من لبنان لأهلنا في السودان و الى كل من يتابع من كافة الدول
انا ح اعمل لايك من باب "الشقى بشوفو في نفسو والسعيد بشوفو في غيرو" 😅.. انا سعيد بسماع تجربتك والاستفادة منها دي حاجة كريمة منك.. جزاك الله خير وفتح عليك الفتح المبين الخال أحمد
الخال ده أنا بشوفه محاسن أخلاقية فكاهية ترفيهية وتعليمية اتجسدت على هيئة إنسان، مستحيل ألقى زول كده في حياتي كلها، كلام كتير والله نحنا كلنا في التعليقات ما قادرين نوصله، كل الشكر والحب والتقدير والاحترام للشخصية الملائكية البتجيبوها لينا دي وحلقة جميلة ممتعة ما بتتمل أبدا، ممكن الحلقات الجاية تناقشوا فيها قضايا الشباب زي المعاصي البقت ساهلة ونظرتهم للإنسان الماسك دينه والانحدار الديني "التطور" القاعد يحصل في البلاد الإسلامية زي السعوديه والإمارات وأي حاجة من الخال حلوة كتروا لينا منه طماعين ما بنشبع وطول الحلقة برضو شنو الجوع ده زيدو حبه وحب شديييد واحترام وربنا يصلح حال بلدنا ويفضح كل من عاداه ويجازيه شر في الدنيا والآخرة
بارك الله فيك حلقه جميله ووقفة جميلة في محطات حياة الخال وفرصه عظيمة للتذكير بمراجعة النفس وتحليل لرحلة الحياة ومراجعة العلاقة مع الله جعلنا الله واياكم من أهل اليمين وجعل سعادتنا في معرفة الله ، امين
انا يوم الجمعه لمن شفت ستوري احمد حيدر انوا ماف حلقة ربع النهائي اتضايق ضيق غريب، لكن الحمدلله برنامج مع الخال اصاب كل التوقعات وربنا يحفظك لينا ويحفظ السودان وأهله ويعم الأمن والأمان فيه وجزيل الشكر لي ود حيدر علي تحمل الانتقادات مني ومن المتابعين لأنها طلعت لينا شغل محترم جزيل الشكر كمان لي عمر الجعلي اللي الواحد واثق انوا حا يكون شي كبير في سودانا الجديد وجزيل الشكر كمان لي خيري سمير وبقية الشباب خلف الكواليس فردا فردا
حرفيا انا حياتي ما استقرت نفسيا وبقيت فاهمة حقيقة الامور من حولي الا لم عرفت ربنا منو وحضرت فديوهات عن التوحيد وفتشت اجوبة كل الاسئلة اللي بتجي في بالنا وبنخاف نسالها عن ربنا ، حرفيا كلامه دا ذكرني فترة بحثي واللي من يومها انا مرتاحة وراضية ومقتنعة ولله الحمد
جزاك الله خير يا خال .. جدتي كبيرة في السن و مؤثر عليها قضية الحرب ، لمن تسمعك بتنسى الهموم و تضحك الله يوفقك .. و اتمنى دايما تتكلم باللهجة العامية المبسطة 😁
والله ياخااال متعة 🔥🔥 نِعم الخال ونِعم الأخ الكبير ، صراحة تجربتك فريدة وكان لازم تتحكي ، لأنها فعلا بتلمس الواقع وبتدينا أمل وتخلي الواحد فينا مهما كان مذنب ومقصر وبعيد من ربنا في شبابه ، إلا إنه تجربتك بتورينا إنه ربنا قادر يغير من حال لأحسن حال ، وإنه في أمل الواحد فينا يتغير ويلقى السعادة الكلنا بنفتش عليها - في أماكن أبعد ماتكون عن السعادة - وانت اختصرت علينا الطريق وجيتنا من الآخر ❤ ربنا يسعدك دنيا وآخرة ياخال .. وحقيقة والله مستمتعين 🫡✌️❤️
الخال 🤍🤍🤍حقيقي مافي كلمة بتتقال بتعبر عن جمال اللي بتقدمه لينا حلقة ممتعه جدا وابدا ما حسيت بوقتها ربنا يحفظك ويطول عمرك في طاعته وتبقى دايما بترشدنا وبتدينا نصايح اللي حقيقي جيلنا في أمسّ الحاجه ليها 🤍🤍وفي انتظار باقي السلسلة بفارغ الصبر🥰🤍🤍
ربنا يديك الصحة والعافية ي خاال حقيقي انت انسان عظيم بستني اي فيديو ليك بفارق الصبر لو بعمل في شئ بخليهو لانو متأكد ال حأطلع بيهو منك شئ مفيد ربنا يجزيك .. ونشكر القائمين ع العمل ربنا يجزيكم خير يارب طلب بسيط ياريت م يكون ف موسيقى البداية عشان نقدر ندعم البرنامج باللايك والمشاركة جزاكم الله خير🌹❤
ايوا عايزين سلسلة حلقات مع الخال❤ كلامو اسلوبو روحو الحية ماشاءالله تبارك الرحمن الزرع فيه القبول شكرا يا خال على كل كلمة نورتنا بيها والله ربنا يكرمك بكل صحة و بركة
انا من حلاوه الحلقه بكيت بكيت و عرفت نفسي واقفه وين من الرحله الجميله دي😭♥️ ربنا يديك الصحه و العافية حسيت بي راحه نفسيه حمد الله 😭 ربنا يريحك و يديك سعاده الدارين ♥️
جزاكم الله خيرا و بارك فيكم جميعا... الخال قدوة للشباب و نتمنى تكتر من الظهور في الميديا و تزاحم الباطل الكثير المنتشر فيها. كما اتمنى ان تقدم حلقات عن نصرة الجيش و توضيح الحرب لغير العرب باللغة الإنجليزية و تكون مستمرة. تبداها مثلا بتجربتك بتاعت الاستنفار
خالو ذكرني بقصة سلمان الفارسي كان بفتش على شي يكمل ويدي حياتو معنى سبحان الله من تشابه القصص ، في نفس الوقت السنه الفاتت كنت بسمع في بودكاست عن سلمان الفارسي و مافهمت الحكمة شنو بس في وقتها بس ما كان الوعي عندي زي اللليله ولمن طلع لي استوري بانه قصتو ملهمة شديد فعلا ألهمتني الى اجابات كنت بفتش فيها شكرا ليك بالجد ❤ بتمنى انو تعمل سيرة ذاتية عن حياتو على شكل فديوهات بالجد محتاجين ليو❤
بارك الله في خال السودان و انا فخور جداً بأنو اقول بأنو انت يا خال ربطة حلقة وصل هامة جداً بين الجيل السابق و الجيل الحالي، و انوو على الصعيد الشخصي انا بعد وفاة الوالد رحمة الله عليه فقدتا الزول الmentor الممكن أن تأخذ من خبراته و صولاته و جولاته .. و وجود المرجع أو الزول الخبرة في حياة الشباب مهم جداً بعد مرجعنا الأساسي الا هو الدين ... و انا بعتبرك الmentor دا و ما انا براي دي آراء كثير من الشباب والله.. و اسأل الله أن يمدك بالصحة و العافية و أن يمد في عمرك و أن يأجرك على ما تقوم به من تصحيح السلوك و نصائح القلوب ... و اتمنى أن السلسلة دي تستمر يا خال لكي يستفيد الشباب خاصةً في ظل هذه الأوضاع و بالذات و نحن بعيدين عن وطننا و عن أهالينا.. فصوتك مهم جداً يا خال لا تبخل به علينا ❤️❤️❤️
الحقيقه المجردة في السرد الممتع جدا سبحان الله بنفس القصه من البدايات مريت بيها في تجربتي وفقدت الكثير وفتشت الكثير بإختصار شديد الخال جاب الاجابات الحقيقيه لمعنى السعاده بنفس تجربتي لما بقيت اتعمق في الدين وافتش في الاسئله الوجوده وافتش عن الحقيقه وما اهتميت بالناس اللي لمن كنت اقول اسئلتي وفهمي بقولو لي انت حاتخرج عن الدين وتلحد لكني م اهتميت ولقيت إجاباتي وارتحت راحه مابعدها راحه ورضيت رضا احمد ربي عليه وشفت الدنيا صغيره كأنه اللي عشته دقيقه والباقي ماحايكون اكتر من دقيقه مع انه عمري 33 سنه وفهمت معنى الحياه . لكن يبقى السؤال الاهم هل حايستفيدو الناس بدون مايجربو كل المراحل اللي وصلتنا للإجابات وحايفهمو الاحاسيس دي . حلقه ممتعة جدا الله يمتع الخال بالصحه والعافيه ويبلغ لينا الكثير الجيل الجديد محتاج الكثير .
الفيديو ده ظهر لي في اكتر وقت محتاجه ليهو و كأنو اشاره من ربنا الراجل ده عظيم اول مره أحضر لي بودكاست من غير كلل ولا ملل👏👏👏 (عايزين حلقه عن العلاقات)❤❤
الجيل. دا فعليا محتاجه للقدوة ومحتاجه لساس زي ما قال تسمع منهم عشان. يحصل قبول للخطاء ومسامح للنفس والشباب يتعلم انو التجربه حتي لو غلط. ممكن. يكوم. سبب. صلاح ونجاح.
جزاك الله خير و وفقك لطاعته و بارك في عمرك بارب .❤ ياريت تتكلم في حلقة ما عن كيف ممكن البوصلة ترجع ؟ كيف انت ك شخص عايش في دولة م مسلمه .. متحرره جدا و فيها كل الشهوات و مواجهاها نفسك الضعيفة ايمانيا و الأمارة بالسوء ... كيف ممكن ترجع ؟؟ مع انو. الرجوع مع التعود و الادمان بكون صعب كيف ممكن تخلي شخص يرجع للنور و هو اتعود على العتمه ؟؟ كيف ممكن تساعد شخص على انو يوصل لي طرف خيط السعادة الحقيقية ؟
it’s the first time I comment on a RU-vid video .. I have been hooked to the series and it’s I believe a success .. it’s ”Authentic”and very close to the Soul.. شكرا لأنك شاركتنا قصص ما كل الأهل مستعدين يشاركوها واعتبرتنا اولادك و بناتك .. ربنا يديكً العافيه يا خال وربنا يجمعنا بيك قريب و ينور طريقك زي ما أبهجتنا بونستك وكلامك وخبراتك التي لا يمل منها ..
انا كتبت مع اني شخص ما بكتب لانه سمعتك ياخال قولت ان الكومنتات بتبسطك، ولأجل إدخال السرور إلى قلبك اسأل الله ان يتولانا بواسع رحمته وأن يؤتينا الحكمة (ومن يؤت الحكمة فقد إوتي خيرا كثيرا وما يذكر إلا اولو الألباب)وشكرا لكلماتك البتلمس قلوبنا والتحية لعمر الجعلي تحية من صديق قديم والسلام عليكم.
والله انا سعيد جدًا إني شاهتا الحلقه دي والله ياااا شباب انا مستمتع منكم شديد لانو انا بشاهد ليكم من امدرمان و مهونين علينا الفتره الصعبه دي و جزاكم الله خير واستمروا علي كدا نحنا معاكم ونتمنا ليكم مزيد من التقدم وانا عندي طلب بس ممكن يكون حلقتين او اكتر في الاسبوع لانو الحلقه الوحده دي ما بتكفي وربنا يصلح حال البلاد والعباد وربنا يوفقكم❤
شخصيا والله نورت لي كتير ف مفاهيم مشتركة وحرفيا البحث عن السعادة بي مصطلحات تانية كلنا واقعين فيه أي زول ببدا حاجة وبزهج وبتنقل ف المراحل +قلت اشوف بداية الحلقة لقيت نفسي كملتها😂❤️ جزاك الله خير
ربنا يوفقكم في السلسلة دي ان شاء الله❤ و ربنا يجزي الخال خير الجزاء ...كونو انو عايز يدينا من تجاربو العاشها بي كل شفافية و وضوح...ما زي الناس ال من جيلو البيمثلو حياتهم بي صورة مثالية و كأنهم ما كان بيغلطو في حياتهم...ف الحاجة دي كانت بتحسس جيلنا بالنقص و انهم ما مثاليين زي الاجيال القدامهم ف جزيتم خير الجزاء...لانو اتحتو لينا الفرصة دي... بالجد نحن محتاجين لي خبرات و تجارب حقيقية و واضحة في الحياة❤
بجد بعد حضرت الحلقه حسييت بي سعاده والله ماقادره اعبر ولا اقول حاجه بس بجد ربنا يحفظك ويطول في عمرك ويخليك لينا وبتمني اني الاقيك وجزاكم الله كل خييير ❤❤
انا وحده من الناس حضرتا حلقات الخال كلهم وبكون مبسوطه جدا انو نزلت ليه حلقه جديدة،اتمني انو السلسلة تطول ونشوفه اكتر ربنا يجزيك كل الخير ي خالو م بتقصر نورتنا على حاجات كتيرة❤❤
الفيديو راااااااائع اللهم بارك! الشباب محتاج لشخصية زي دي تكون قريبة منهم زي ما كان محمد سيد حاج رحمه الله محبووووب وقريب من الشباب (كل الشباب الما ملتزم والملتزم ) جزاكم الله خيراً محتوى جميل ونافع جداً!
كلام مؤثر وجميل أتمنى مايتوقف الخال لأنه خاض تجربة حقيقية ومؤثرة على ارض الواقع وبيختصر عليهم سنين ممكن يضيعو فيها ربنا يوفقكم ويحفظ اولادنا وبناتنا من فتن الدنيا❤
جزاااك الله خير جزاك الله خيراااات بالجد لفتنا لي نقط كتيرة مهمة جداً نسأل الله ان يوفقنا في الدين والدنيا ونسأل الله الجنة من غير عذاب ولا سابقه حساب شكراً بالجد ياخي بكيت عديل ❤❤❤❤