الحب يجي بالعشرة و المعاملة الحسنة ...نتي ماهدرتي معاه فالخطوبة ماعاملك مليح فالزواج الماكلة و ميقعدش ياكل معاك كيفاش حبيتيه و وعلاش حبيتيه !!!! ديري قيمة لروحك و ولي لدار باباك
الحب ماشي بسيف ياختي والقلب وما يريد غريب امرك هذا ماشي حب هذا تحدي حبيتي تربحي التحدي بسيف ربي معاك ربي ما يحبش الذل مفهمتش كيفاش راكي قابلة على روحك هكا كرامتك راهي تنازع
راكي غالطة هو لاه قبل بيها كي عاد سحب وحدة هيا باين تقول عرف وحدة كيما اي واحد نورمالمون الراجل لي يخلصها مي نتوما تالمون والفتو لحرام و لمصاحبة @@user-gu9hi3fd6r
شوفي ختي رني نشوف العليقات كاع كيفكيف مزالك صغيرة لي خلقو خلق غيرو هدا مام تتزوج ليكان يحبها عمرو ماينساها وتبقاي فوق قلبو وعمرو مايحبك سلكي روحك مدامك صغيرة وربي يعوضك خير منو
بعدي عليه و من الأحسن اطلقي منو و رددي هذه الآية عسى ربنا أن يبدلنا خيرا منها إنا إلى ربنا راغبون أي تعلق بغير الله مفقود مادامك ميتة عليه ماهوش رايح يحبك نهار يسماطلك هو يولي يحلل فيك
ختي نصيحة انا منقلك اطلقي منقلك اقعدي نقلك قومي ليل و ادعي ربي ربي القادر و كي تدعي قولي اللهم اجعل في قلبي زوجي حبي كما جعلت في قلب الرسول صلى الله عليه و سلم حب خديجة و عائشة ❤
كيماانت تقولي على قلبك لحمة و حتى و هو يذل فيك تحبيه حتى هو قلبو لحمة حتى و هيا خلاتو مزال يحبها ، من الاول امك هي لي اقتارحاتك على امو و اكيد هو علبالو في هاذ الشيى و ثانيا ملي جا شافك ماهدر ماحوس عليك ماراهو فرحان و غير يبعتلك في الدراهم و انت مكملة في الاجراءات تاع الزواج عادي جدا و ماحوستيش تفهمي و صراو عراقيل ربما ربي بعتلك علامات بصح كيف كيف كملتي .. ..راكي تقولي بانلي مريض ماش نورمال و زيد يكفر على امه و يضربك و انت همك الوحيد كيفاش تخليه يحبك ديري قيمة لعمرك و قيمي روحك لي خاطيك يعييك وضعك بزاف صعيب عندك غير ربي سبحانة والدعاء
انا سمعت هكا حكاية بصح كل الأشخاص مختلفين انا نقولها حاجة استاخيري الله وربما عندو حكمة الا فيه لخير يقريو والا فيه الشر لك يبعدو قومي الليل ودعي ربي ويكي لربي سبحانو يلقالك حل لهاذ المشكلة غير ربي لقادر على تغيير القلوب و نصيحة من اختك نوضي لفجر تصلي وقراي سورة البقرة والله والله عن تجربة هي بفضل الله وقدرته راحة عظيمة ونتمنى تيشريبا بي اخبار مليحة امين🤲
هي صح أصعب شعور هو أنك تحبي انسان وهو يحب غيرك ربي يصبرك بصح كي توصل وين هذا لانسان يذلك ويمس كرامتك اسمحي في كلش وتسمحيش في كرامتك وصلي صلاة لاستخارة وربي يوريلك طريق صحيح ان شاء الله 😢
يا بنتي قصتك تشبه قصت بنتيحبها واحد المليه قالولو ما نخطبوهالكش القصة طويلة زوجوه بوحده اخرا عيشها لمرار وبقات بنتي في قلبو هاذي مدت 10السنين حاولت المخلوقة تكسب قلبو وما قدرتش جابت المعاه طفلة والتلقت ننصحك تخرجي من حياتو بكرامتك خير ما تندمي كي اليفوت الوقتغاضتني المخلوقة إلى عاشت المعاه لمرار وفي الاخير طلقها هي الي حبت تطلق ما تخليش نفسكتتهان ارجي لداركم ولى خلقوا خلق غيرو هاذا مهوش حب رايح يزول مع الوقت اخرجي قبل ما اليفوت الأوان. حجة اخرا الراجل كي اشوف المرءة لسقا فيه يكرهها عزي نفسك اليعزك الله خيرو في غيرو الايام كفيلة انها تنسيك والسلام
كل شيئ بسيف غير لمحبة ، اجبدي روحك قيمي روحك به يقينك غيرك، وعسى أن تكرهوا شيئا وهو خير لكم، اانا في بلاصتكم كابتي دارنا كائن خاوته في السوق وربي يجيبلك سيد الرجال ربي يفرحك🎉
انا راح ننصحك نصيحة من فلبي صح راني ضد قاع لي كومناغ هذا راجلك متقدريش تتطلقي مهما يكون ننصحك تروح لاستشارية زوجية هي تورلك كيفاش تتعاملي معاه و لا استشارية نفسية كي تشوفو و توصفهمولها تقدر تعرف شخصيتو و تورلك كيفاش تتعاملي معاه يولي كي خخاتم في صبعك ان شاء الله و ان شاء الله تشوفي تعلقي تعيشو لي راه حايب يعاونها يدير جام باش يطلع و يشوفو و تكونو سبب لسعادة زوجين و لكم اجر و ثواب♥
علاه مسكينة تكلخيها، وتكذبي عليها، و طمعي فيها ، السيد ما دخلش عليها و نتي تقوليلها راجلك اصبري عليه، نورمال طلق متزوجة من دون دخول ، ما عندها حتى حاجة تربطها بيه.
@@SmiYons اختي ادا صاحبة القصة نتي ، ما تحوسيش على استشارة ، هدوك كوبل نتي و هو ما صرا والو بناتكم مراكش كوبل باش تروحو للاستشارة، مشكل تاعكم راه أخطر بزاف ،
ايام قليلة تفصلنا عن نتائج شهادة البكالوريا 🌸 يارب إجعلني من الناجحين أنا وكل من قال آميين " اللهم اجعلني في عنايتك، فلا يضرني بشر ، ولا يبكيني قدر " ♡ اللهم لاتحرم احدا من فرحة الباكالوريا اذاقنا الله فرحة النجاح بشهادة البكالوريا 🤲🏻🎓
اسمعي ياختي راجل كي يحب المرأة وكان ناويها للحلال حتى يتزوج 2.ولا 3 جااااااامي ينسى لي حبها وانتي زيدي تحملي شوية الا قعد يهين فيك ولا يدلك عفسي علي قلبك ومتشوفيش من موراك مازلتي صغيرة وانتي حرة
عندك الحق اختي و انا عندي نفس الراي عجبوك دراهم و الفيلا و الزين بصح كرامتك اين محلها من الاعراب الزواج اللي ما يتبناش على المودة والرحمة ماشي زواج و زيد قالك بلي ماراكيش مطولة جمعي ما تبقى من كرامتك و روحي لداركم
العائلة قاع تعرف هذي الشيرة و خوه يهدر معاها و خوتاته يعرفو بلي خوهم يبغيها غي هي و مستحيل ينساها علا ه مانبهوهاش من النهار الاول علاه حتى جات عروسة!!! و انتي شوية ختي كرامة تاع الانسان ماشي حاجة سايبا عطي روحك قيمة باش الناس تقيمك راكي صغيرة عيشي حياتك قري خدمي سافري علاه بيك هذا الذل، هذي ماشي عيشة هذا الحب تاع غي من طرف واحد يعييك و يحطمك، اختي شوفي حياتك و خطيك منه و منهم
شوفو خاوتي هو الحب صح يعمي بصح المخلوقة هاذي مش غير تعمات يا الاخت بشوي على كرامتك راهو كارثة وش راكي تحكي وتبرري ما يحبكش صبرتي معاه صاي السلام عليكم بلاك ربي شافلك الخير وراهو يكشفلك في راجلك هذا لي نعلبوهم رجال كيما هاذ المخلوق ورانا معاك ختي منيش نسب فيك ولا . حاشا بصح افطنيييي❤
منيتك ختي امك راحت عرضاتك عليهم وزيد طفل مهاوش حابك نتي مبيكش الحب بيك دراهم صح تالي وحدة يصرلها هكذا تجبد روحها روحي قبل تصالحي مع نفسك وهزي كرامة لي بقاتلك شوفي حياتك😂 مدام صغيرة
عييت نصبر وما قدرتش اختي انتي وماماك لي خطبتو طفل وخطفتوه من حبيبتو دراع انتي لو عندك عزة نفس غير تعرفي ه عندو وحدة فحياتو يحبها حطي نقطة والعودة الى السطر ماكانش كيما عزة النفس وكرامتك اسبق من كلشي اختي وسمحيلي على كلامي مي هادا هو الواقع
نعم عندك الحق لي في علاقة غير شرعية لا يصلح لزواج و تكوين الاسرة من الاساس هو تاع حبيبتو يبكي عليها كي طفلة او هي كي شافتو مهوش راجل مبغاتش تديه يبكي كي نساء على جالها ههههههههههه
ياختي هذا كون تموت يماه يجيبك برا و تكوني كبرتي و فات الأوان هو راه يكرهلك في حياتك باش تكرهيه ونتي مازلك لاسقة فيه باينة مرايحاش تخلاص على خير من دك خير ربي يرزقك بوليد حلال خير
نتي تبغي الماتريال مخلوعة ملي بدات القصة ونتي تهدري على دراهمو + كي قلت القلب لحمة حتى هو وهي قلبهم لحمة هكاك وهي حتى وتتحرق عليه عزت روحها ونت اقعدي للذل الحل الوحيد تطلبي الطلاق ومتخافيش ميتعبكش قع بيسك مراهوش ميت عليك وخليهم يتزوجو لانو نتي الطرف الثالث وربي يعوضك ان شاء الله حيرتيني واستفزيتيني من البداية كلش باين يماه وخياتو وهو قع قالولك يبغيها
صراحة ياختي مدام مايحبكش ماعندك مقعدك عندوا الحب في الجيهة وكرامة في جيهة ياختي اطلقي منوا وربي يعوضك باالانسان لي يستهلك ويعرف قيمتك مرهوش غير هو راجل في هذي الدنيا لي معايا تحط لايك
بإختصااار علاج الجاهل هو التجاهل راكي عطيتيه أكبر من حجمه لوكان جا راجل على الاقل يعاملك بالحسنى مهما كانت ظروفه تجاهليه كأنه غير موجود و ضحكي و لعبي و ما تشوفيش فيه و كي يهدر معاك ما تلقيش روحك عليه خلي ردك كلمة وحدة برك على حسب المطلوب و ما تشنفيش عليه تاني يعني عيشي حياتك لروحك ماشي ليه و دعي ربي ينزع حبه من قلبك و هكا هو كي يشوف روحه بلي ماكان والو هو يتأدب بصح تقعدي هكا مارلحش يتبدل
مفهمتش وشمن حب راكي تحكي عليه وهو مدار معاك حتا جاست تع حب حتا يتكونولك مشاعر قولي ملخر حابة دراهم لي عندو ختي راهم مهمش راح يدومولك سبحان الله شحال تذلو رواحكم علجال الدراهم
اسمحيلي ختي هدا مشي زواج و مشي حب لي لازم يجبد روحو هيا نتيا باسكو الدخيل هيا نتيا الراجل يحبها و يحوس عليها باش تتهناي اجبدي روحك و ربي يعوضك ما خير منو
وقتاه حباتو بش يعميها اصلا باينة حبت دراهمو وطمعت طمع لي عماها ماشي الحب بش تحبي انسان تشوفي منو لكان ذرة حب او حنانة هي من لس عرفاتو جامي قيمها ولا غير ترخاس والذل منين تحبي بنادم هك يرحم باباك@@AnaïsAnaïs-wo6rj
@@BalMbal-gp2id يا بنتي معندي منقول انا كاين اشخاص هكا فجأة يحبوا بنادم بدون اي سبب مالقري ميقدملها والوا مي مع الوقت تصرفاتوا تكرهوا مي هي حيرتني كي مازلها تحبوا
هذا تعلق فقط وليس بحب انت حبيتي المظهر وليس المظمون بحكم معلابالكش اذا حنين اذا عاقل اذا مربي باش تحبيه لهذا الحد ... نتي كمراهش ليك لراكي هكدا انا ننصحقك طروحي بحكم راكي قاعدة فوق قلبهم حشمو يحاوزوك برك ... وهو حشم بتلقك دك واش يقولو الناس راهو يستنا يجوزو يامات ويرجعك في دار باباك مالا نروح مععززة مكرمة ... اذا كان ليك واحد مراح ينحيهولك ... واذا صح تحبيه ادعي وصلي قيام الليل ان اذا كان خير فربي يقربو منك اذا كان شر يبعدو عليك وربي يجبر بخاطرك
اصلا يبان نص راجل يبكي ويكفر ويزيد يشرب شراب ههههه نص دمعة مانطيحاش على واحد كيما هاذا وهي نحبو نحبو حبيتي شكلو ومالو ماشي هو لانك ماشفتي منو حتا جاست يخليك تحبيه افعالو كل برود وضرب وسب من وين جا الحب 😂😂😂وشوفي طفلة ثانية معززة روحها مجرجراتو تجرجير وانتي بقاي في ذل والاهانة وديري في بالك راجل يبغي غير لمرا الي تجرجرو وتعييه اما ذيك الي تقوله نحبك ونموت فيك جامي يقيمها
@@hananahmad1888 لا اذا كاين مكتوب بيناتهم يعني كتب لهم ان ينجبو اولاد راح تحبو حتى تجيب ولاد منو او نبعد تفيق او تكرهو او ممكن ديرلو حتى خلع الله يجعل اسباب ليقع ما قدره
مامدام يعشق فيها غير انسحبي بكل صمت، و روحي عاودي حياتك، الوقت او يعدي و نتي ضيعي في حياتك معاه دوك راكي صغيرة و نهاى تكبري تندمي، غير اخطيك و عزة نفسك و قيمتك قبل كلشي، و ان شالله تلقاي ليعوضك على كلش
صلي صلاه الاستخاره وشوفي واش تحسي. واذا بغيتي تصبري على رجليك وترجعيه يحبك لازم يكون عندي كرامه وما عزه نفس وما لازمش تقبلي بالذل باسكو الرجل يحب اللي تمرمدو وتكون صعيبه المنال صح انت تديري العكس انا ما نقدرش نقول لك انت تحبيه ولا لا لا ولا اذا كان هذا تحدي برك صح ابغض حلال عند الله الطلاق بصح قال لك وعسى ان تحبوا شيئا وهو شر لكم وعسى ان تكرهوا شيئا وهو خير لكم .واذا مقدرتيش طلقي وربي يعوضك باحسن منه وتكوني في داركم معزه ومكرمه اذا بغيتي شوفي مستشاره زوجيه هي اللي تنصحك احسن منا و ربي يجيب اللي فيه الخير ان شاء الله
اولا الغلطة كي مصليتيش صلاة الاستخارة ومكانش لازم على يماك هي للي تطلب منها تجي تخطبك لولدها، ثانيا ديري عزة نفس ليك وخليه يندم على النهار لي بكاك فيه في ليلة عرسك تهلاي فروحك قوليلو باغية نكمل قرايتي ارجعي تقراي اشغلي روحك بعيد عليه والبسي اتهلاي فروحك. كوني اميرة وخليه هو مهما وش قالك كلمة متعجبكش قوليلو مشي على جالك نتهلا فروحي وتعلمي حاجة فحياتك تفيدي بيها روحك متبينيلوش بلي مهتمة بيه قوليلو اني قاعدة غير على جال يماك لي تتهلا فيا، وخليه قوليلو روح عند الشاويات يذلوك، متسكتيش على حقك وتعلمي فن الاتكيت
تزوجت راجلي عن حب و هو خيرني و تبدل عليا و باعني و تطلقت منه و شريت راحتي و كرامتي صح راني موجوعة لاني حبيتو بزاااف بصح مايحبنيش معندهش بلاصة في حياتي و مع الوقت يتنحا من قلبي
ياختي الحب ماشي سيف ديري قيمة لروحك وطلڤي منو قبل لاطفريها في روحك القلب لحمة بصح ربي دارلنا لعقل باش نخمو نت مك وبيك تعبو باش رباوك في لخر يجي واحد من قسام رزاق يذلك اواه لالا ختي اطلڤي واذا عاد مكتوبك راه يولي وحدو ربي هو لي مسطرلنا كلش وديري قيمة روحك ولوجه لوالديك واطلڤي فكك منو ماهو هو راجل لوحيد ماي حاتحبس عندو الدنيا وربي يفرج عليك ✨
ختي نتمنى انك رايحا تقراي هاد الكومونتار و تستفادي منو : يا ختي علابالي بلي راكي تحبيه و تموتي عليه بصح هو معرفش قيمتك ملازمش دلي روحك على جال انسان لي ميستاهلكش راجلك راهو حب مرأة خلاف و عن تجربة الحب اذا كان حقيقي ميقدرش يتنسى لازمك تطلقي منو مدام معندكش ولاد حافظي على كرامتك لانو اذا راحت الكرامة حاجة متعوضها انا راني ولية كيفي كيفك و نتمنى اني فدتك و متنسايش بلي يروح واحد يجو الف ❤❤
الله يجيب لك ساعة العز اما الذل راكي فيه يا ختي مدامك هاكا عمره ولا يشوف فيك انا تبالي رفدي ما تبقى من كرامتك وروحي طلقي ودعي رب العالمين يخرجه من قلبك وقومي الليل وربي يفرج عليك لانو عسى ان تحبو شيء وهو شرا لكم والعكس .
يا يما على المذلولة اما قلب اللي لحمة نتي مريضة ختي كرامتك وين ملول مه قاتلكم على الشيرة اللي يبغيها سما نتي فرضتي روحك عليه نتي و مك عمري شفت ام تقدم بنتها باه يخطبوها عائلة بيزار
اختي اعترفيلو بمشاعرك لكن بعد ماتكوني رفعتي عليه دعوة طلاق او كيما تعترفيلو ارفدي كابتك او قوليلو كلش ولا كرامتي حتا ونكون نعرف رح نموت وتروح نتا يجو منك عشر
سمحيلي ختي هدا ماشي حب هدا ذل و طمع عجوزتك و خياتو و هو كامل غلطوا مي نتي لغالطة لكبيرة قابلة هاد الشي انا لو مكانك نحبس كلش و نولي لدارنا مدام مكان والو و الصح ماشي الدراهم راكي قلتيها . صارحي والديك وتشوفي ردت الفعل
