قصتي مع الحرقة || الحلقة 7: حكموني الافغان بالسلاح نركب في جماعة والطريق هوما حاكمينها 😱 

صعيب شي بلا صوارد ما تسوا والو ربي يجيب خير

تتشبه لمحمد صلاح ربي يبارك خويا

دير فيديو طويل والله لا متعة معاك ❤️❤️❤️

Zid kmlna hkaytk khouya

واصل خويا انا من متابعينك ربي يخليك

قصة مشوقة

تعليق وجام قبل ما يبداء الفديو

Salam alikom khoya Dok chaft vidéo ta3 UK lah yastrak 9oli kifach dkhalt rani f paris

عقوبة ليا نشالله

Hamza khoya bn continuation 💝 w tahya london w tehya bezioauche

Rak artist khoya rbi yhfdk mon frr 💙

Kaml Bruf rak wa3ar ✌️♥️

خويا كيما كوسفو راهي تخرج

دير فيديو طويل ربي يسهلك طريقك انشالله

Toooooop keya ,,,

وأخيرا الحلقة السابعة 😁😁

كملنا الحلقات خويا كل يوم فيديو ⁦❤️⁩

والله يلا قولتها ههه

C'est de la skoumoune mon fils

يا خو راك سامع واش صرا في جزائر كاين مجموعة من مؤثرين سرقو طلبة قلولهم ندوكم تقراو في اوكرانيا او تركيا او مبعدا كلاولهم دراهمهم او دولة دخلت او دخلتهم للحبس مع اسامة او ذرك واحد ما يؤثر فينا.

❤❤❤

‎#قصتي_مع_الحرقة ‎الحلقة13: صربيا 😡 ‎انا دخلت للتوالات حتى نسمع البوليس يهدر مع صحابي ولازم تكمل معاهم كيما كان الحال ماعندهم ما يديرولنا اكبر حاجة يرجعونا لكوسوفو المهم داونا للمركز لقينا سورين جابوهم وعراقيين وجزايرين حنا بر ك لي حطونا وحدنا وبداو يحقو معانا قالونا شكون يحكي انجليزية قلتلهم انا داوني قالي احكيلي واش درت البارح انا كذبت عليه قتلو كيما العادة عندي شهرين هنا في صربيا كنت مستيكي روحي وعندي الريحة البابي مشوار سقساني عشر صوالح قالي صحابك يغلطو في جواب اليوم تخلاص عليك انا متأكد من صحابي ما يهدروش انجليزية تسما لازم انا نطرجملهم ونجاوب كيما نعرف جابهم بدا يهدر معاهم في زوج مايهدروش انجليزية قالي طرجملهم ودار المترجم تع التيليفون باش يسمعني واش نقلهم انا نهدر معاهم بالدارجة 😂 المترجم كتبلو ايرور فهمتهم شوية تحلبلي المحقق خرجني وراح للسورين قالهم شكون يهدر لونغلي واحد قالو انا، ‎جابو سقساهم غلطو في سؤال واحد قالهم وينتا تلاقيتو معاه قالولو فاليل وانا قلتلهم صباح خضاوني بالضرب اومبعد انا قتلو علاش نكذب عليكم قتلو الوقت معندناش تلقينا على 6 تع صباح كانت الضلمة قالولو صحابي ايه صح ‎ قالولي كاين ثلاثة لبارح شافهم البوليس دخلو لدار وحرقوها قلتلهم انا كنت وحدي طلقوني وداو زوج صحابي للدار شافولهم البصمات مالقاو حتى بصمة داونا كيما رانا بصمونا وطلقونا طلعنا للعاصمة (بلغراد) صربيا لحقنا فالليل بدينا نحوسو على خربة كي العادة زادو نضمو لينا 3دزيرين ولينا 6 بدينا نفتحو في وحد الباب تع دار كي كنا داخلين قلتلهم هنا ساكنين خاطرش لقينا شكارة تع زبل قالولي لالا انا شكيت زدنا دخلنا لقينا شمع شاعل قلتلهم الشمع هذا شكون شعلو الجنون حتى نفتح الباب تع الشمبرة ونلقى مرا تهدر فالتليفون وخايفة والجماعة تلبس فالحوايج واحد فاتح الفريجيدار وياكل وتضبح المرا خرجنا هربنا تفارقنا كل واحد مين راح عاودنا تلاقينا بصح يخص واحد المجنون مكاش 😱 وين نلقاوه في عاصمة تع بلاد ليل كومبلي وانا نخمم فيه السيد جا معايا من تركيا رقدنا و نضنا رحنا للويفي خلينالو ميساج ‎قلنالو نتلاقاو في (شيد) مدينة حدودية مع كرواتيا وقلنا ان شاء الله يفتح فايسبوك خاطرش ما عندوش تيليفون رانا نمشو فالمدينة حتى تلاقيناه صدفة الحمدلله رجعت فينا الروح هو عدا ليلة كحلة مسكين المهم مشينا ركبنا البيس ب 10اورو وصلنا لحدود كرواتيا وعلابالنا بلي مزيرة بزاف نزلنا من المحطة تع البيس مقابلتنا المحطة تع القطار لي فيه قطارات تع سلعة تروح لايطاليا ولنمسا والمانيا والبوسنة وكاين حتى لي يرجع لتركيا واليونان يعني تغلط تلقا روحك في تركيا يلزم تكون تعرف تقرا الورقة لي مكتوبة فالراس تع الترا... ‎تلقينا شوية جزايرين قالونا بلي حنا عندنا بزاف وحنا هنا ووراولنا شوية قوالب وفهمونا بلي الطريق هاذي حاكمينها الافغان وراهم متضاربين معاهم وقالونا باش تركب فالترا لازم واحد يغلق عليك من البرا واذا غلق عليك تبقا الداخل امالا يلزم تطلع معاك ماكلة تع 5 ايام باش ماتموتش لأن هاذ القطار يفوت على كرواتيا وسلوفينيا و يوصلك ايطاليا ولا النمسا ولا المانيا ‎عرضو علينا نغلقو عليهم خاطرش هوما جاو قبلنا وحنا لازم نستناو لي يجي بعدنا ويغلق علينا حنا درنا النية ودرنالهم شرط يركب معاهم واحد فينا وخيرنا المجنون يركب باش نتهناو منو 😂😂 على الاقل يوصل فينا واحد ركبناهم غلقنا عليهم قالونا اذا ما قلعش الترا فالليل غدوة من ذاك نفتحو لهم على 6 تع عشية ودعناهم وبقينا ندورو نحوسو كيفاش نركبو فالترا ولا نخدمو قبر خاطرش كنت شايف فيدوهات تع تخدم قبر في ترا بالحطب وتتخبا فيه حنا رانا نشوفو هكذا ويخرجو فينا 10 افغان ملثمين ومسلحين في وسط السكة 😱😱 هدرت معاهم انا بلونغلي قالولي هاذي خدمتنا ونتا راك تركب فالناس وتخلص عليهم قلتلهم انا اليوم جيت معلاباليش بلي خدمتكم المهم قلبونا مالقاوش دراهم بزاف داوهملنا هدرت انا مع الشاف تاعهم قتلو نتوما هكذا رح تعلنوها حرب وحنا دزيرين ضرك لينحكموه افغاني نعروه رجعلنا الدراهم وقالي حنا ماشي سراقين قالي الدزيرين ليكانو هنا سرقولنا تيليفونات قتلو ماشي كامل الناس كيف كيف ‎كاين حاجة لي ما يسرقش مايسرقوهش هذي نصيحة من عندي اخطيكم من الحرام الحرام مايوصلش ‎الجماعة باتو ليلة داخل الترا وكان البرد فتحنالهم على 6 كيما تفاهمنا لقيناهم يترعدو المهم روحنا لوحد البيت قديمة شعلنا النار وبقينا نحكو قالونا نعاودو نركبو واغلقو علينا خاطرش الترا هاذاك 6ايام وهو حابس ثما قلنا معليش عاودنا غلقنا عليهم ودرنا النية زادو باتو فيه ليلة والو ماقلعش... ‎‏#uk

هذا ولى مسلسل صامط