سلام ختي ام نجيب معاك عالعادة نحبك بزااااااااااااااف و بصحت وليدك الفيلو مراها علا سيارة نشالله كي يكبر و يقرا و يردلك خيرك يا ربي و يديك للعمرة انتي و باباه 🤲❤️❤️❤️
بصحتهم أنا تاني شريت لوليدي فيلو كان مسكين كي يخرج يقولهم سلفولي مايحبوش إماجيني يقولولو نكريولك دورة بخمسالاف أمالا قلتلو والله غير يقدرني ربي ونشريهالاك الحمد لله شريتهالو ربي يرزق الجميع يارب ❤❤❤❤❤
الله يسلمك حبيبتي ربي يطلعك على خير ان شاء الله والله يعطيك وقفة ساهلة دايمن اقراي سورة مريم مليحة بزاف للحامل خاصة قبل وأثناء الولادة ربي يفرحك بالمزيود تاعك وتشوفيه فاحسن الأحوال
يعطيك الصحة هذا هو الكلام لي نحوس عليه لا اكثر من ايه. الف مبروك على بسكلات لي شريتها لولادك درك يهبلوك يضلو يتقابضو عليها.بناتي شريتلهم وحدة والله هبلوني حتى كسروها وتهنيت.ربي وفقك اختي
سلام أختي الكريمة أنا أم امين من العاصمة أختي استعملي ناصح لقرعة الحمراء علي ضمان الله وضمانتي عن تجربة استعمليه مع إلازيس تع لماعن متفرغيش الماء حتي تحكيه مدة 10 الي15دقيقة ورجعلي بلخبر
خلاص قطعت منو لياس الحمد لله على كل حال الله يبارك بصحتهم وليداتك منين ذاك يخرجو بيها برى انا ثاني نسكن فالباطيمات يخرجوها غير مع العشية ومرات يلعبو بيها فدار مزيا مكاش لي يسكنو تحتي ههههه
يا ختي طموحة كاين أم دير بين بناتها حتي تحرشني علي عروسةولت نقوللها ييما خفي رب.ونا جبدت روحي ولات نخاف ماربي نحوس غيررضي ربي ومتهليا في داري وبناتي وخلاص
ربي يعينك على طاعتو ورضايتو راكي في طريق الصح خليها بينها وبين مولاها يجي نهار تفيق مع روحها وتقعد وحدها لا حبيب لا رفيق ثمة تحس نتي ديري الحاجة لي تريحك لا طاعة لمخلوق في معصية الخالق
شفتي سبحان الله تقعدي بلا عقل نتي كي تكوني حابة تباتي تباتي بلا مايقولولك هوما بصح كي تكوني مش مرتاحة ولا مش حابة تباتي ماشي بسيف كل واحد حر فقراراتو ربي يهدي ماخلق
ياختي راني فيها نخدم بنيتي و الحاجة لي نقدر عليهانديرهالهم بصح والله وآلله قد ماندير مانيش مليحة ملخر مالا قلت منوهك نمشي معاهم بالعكس وربي يسهل عليهم خاطر تبقاي مش مليحة كي تفرشيلهم لحرير
انا ام نجيب دعيلي ربي يفرج عليا الخاصة تع زوجي قليلة بزاف مشي لاحقة 2ملاين فيها الكراء و المصروف و الله ما لاحقة معاه غير ماما كي تخلص تع بابا لاتريت تتفكرني والله يا اختي زوجي سافر و كان عندو صوالح يومين و حنا بلا اكل و الخبز ولما حتي ولادي ولا يبيع العابو ليجوي تاعو باش شرينا الخبز والله والله غير راني مقهورة وقلبي يتقطع ماخلانيش نخدم ربي راه عالم بيا فقط عندي 3خاوة كبار و متزوجين و2شيرات متزوجين شيرات يعيطولي ويسقسو عليا اما الخاوة ما يعرفونيش ختهم وين تسكن 12 سنة زواج غير انا نعيط و نروح لدارنا و نسقسي عليهم 😢😢😢😢
سلام حبيبتي ربي يفرج عليك عاجلا غير اجلا متقنطيش من رحمة ربي ربي دايمن يظغطنا من بعد يفرج علينا أكيد راح تفرج عليك بإذن الله كنتي تخدمي المطلوع وتمدي لولادك يبيعو فالحومة خير من والو وبالنسبة لخاوتك أنساي الوجود تاعهم لانك راح تمرضي روحك برك ديري معاهم الواجب لي باين والباقي خليهم بينهم وبين مولاهم ربي يهديهم ان شاء الله وربي يخليلك الأم تاعك ويطول في عمرها