كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك يا هالعايش على رموشي حلم كل لحظة يتجسم سحر شوقك يبو الأكبر يسايرني بخلايا الدم جسد وأتمثله كوكب أصد لجروحك أتوهم أشوفن كل جرح منك ثغر للدنيا يتبسم عجيبة تنذبح ظامي يلن كل عين إلك زمزم والأعجب تنزف جروحك وأنت لكل جرح بلسم دنيانا المشغوفة بحبك بيك تغنت يا حسين مو بس العابس جنيته كلها انجنت يا حسين كلها تلهج غدت باسمك .. دمي مو أغلى دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك لون عابس وقف بالطف يصيح الشوق جنني ملايين أصبحت مثله لونّك عنها تسألني عشاقى وكل فرد منهم غدا بعابس يذكرني وكل من أنشده يجاوب يقول حسين هيمني وأنا بعالم لهيب الطف سيوف الهم يباريني عجيبة يوذرن جسمك ولا مثلك يوذرني شبهت جروحك بعيوني والدم يجري يا حسين والحافر ما هشم صدرك هشم صدري يا حسين وآنا ريت أنصرع يمك .. دمي مو أغلى من دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك حليف الهم كلف يقدر ودليله بصبره يتورع على مصابك يبو اليمة وراعة قلبي ما تنفع تريد أصبر بعد شصبر وأشوفك دامي بالمصرع اشتظن جفن المحب يغفى وحبيبه على الثرى مقطع يبو الأكبر لون يذبل نخبره بحالك ويسمع يفتت كل صخر غيظه ويجود عليك بالمدمع لو يسمع بمصابك يذبل جان تفطر يا حسين واشلون آنا العاشق وأصبر بيش أتصبر يا حسين وآنا همي بكثر همك .. دمي مو أغلى من دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك الحديد تلين لداوود عجيبة عليك يتصلب ويصير سيوف ويقطع جسد فوق الثرى مخضب الشمس لو مر عليها الغيم بثياب الخجل تتحجب اشعجب ما غابت وجسمك تشوفه بكربلا مترب عجيبة الماي يظل يجري ولا عن خجل يتنضب ويشوفك ظامي وبكتره دليلك بالعطش يلهب بهذا الماي اشلون أتهنى وقلبك ظامي يا حسين اشلون تنام الليلة عيوني وجسمك دامي يا حسين بروحي وبدمي أخدمك .. دمي مو أغلى من دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك لون خيم علي ليلي بسواد العاشر أتذكر صور عن ليلة العاشر أعيش وياها وأتحسر أعانق لجمة جروحي بفضاوة قلبي وأتصبر ولا صحوة سما بعيني تريضني يبو الأكبر سوادة ليلي ترسم لي وداعك ويه هالخدر وأشد على الحزن حيلي لون خيط أسفر كل مصباح أتذكر يومك يوم العاشر يا حسين بس موجات المدمع ترحم قلب الشاجر يا حسين دمعي دم يجري ويكلمك .. دمي مو أغلى من دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك صرت كل ما أصد للنار أذكر جمرة خيامك لون أسمع طفل يبجي أنوحن وأذكر أيتامك إذا مني عضو تألم أهيم بسجة آلامك إذا يومي يخالفني أون لمخالف أيامك أنا وكل أهلي وأصحابي نذر لتراب أجدامك يا غالي وأغلى من عمري رخيصة عيوني جدامك روحي وجسمي وكل ما أملك باسمك صاحن يا حسين كل ذرات العالم مثلي لجلك ناحن يا حسين دمي لو تطلب أسلك .. دمي مو أغلى من دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك
كُل حالتنه النفسيه و الاكتأب و صراعاتنه مع الحياة الي ما جاي تخلص و لا راح تخلص نجي نصفي نفسنه هنا صارلي اهواي اريد ابجي بس ما اكدر ابجي هيج بيه غصه بس البجيه ما جاي تطلع بس هسه جنت افتر بقصائد باسم القديمه و صدفه شفت هاي القصيده اول مره اسمعه و واخيراً بجيت الحمد لله على صوت باسم و الحمدلله اني شيعيه ألحمد لله على كلشي مدري كتبت اهواي بس هيج اريد احجي اعتذر على الاطاله و كل من يشوف تعليقي الله يفرج همك و يسعدك ❤
ربي يفرج همچ حبيبتي لا تخافين دام عندچ ارتباط باهل البيت عليهم السلام راح يوگفون وياچ بكل مصاعب الحياة خلي املچ برب العالمين كبير وظنچ بي خير واكيد راح يكون عند حسن ظنچ وانصحچ تقرين دعاء يا من تحل به عقد المكاره هذا الدعاء عجيب صح طولت عليچ بس حسيتچ محتاجة هيچ كلام اسأل ربي يوفقچ ويحفظچ ويبعد عنچ كل سوء ❤️
عمري ربي يوفقج و يحفظج من كل مكروه اتفائلي و مهما كانت مشاكلج خليج على طريق الله و اهل البيت ،الله يقول نحن اقرب اليكم من حبل الوريد يعني هم وياج بكل لحظه و يعرفون الي تمرين و راح يفرجونها عليج ضحكي خيتي و اطمئني الله وياج❤️
@@user-xt6sm1bp7r حبيبتي الله يريح گلبچ ان شاء الله ويعوضچ عن كل سوء شفتي بحياتچ هو هذا حال الدنيا يوم نعمة ويوم ابتلاء فاحنة واجبنة نشكر رب العالمين على النعمة ونصبر عند الابتلاء لان هذا اختبار من رب العالمين لقوة ايمان قلوبنا وان شاء الله تعدي هذي الفترة المتعبة وتنجحين بهذا الاختبار وهذا التعب يصير مجرد ذكرى ❤️
دائمًا و أبدًا : رَب العالمين حشىٰ أسمه أنُ يظلم أحد هو أعلَم بينا و بأحوالنا .. الدموع إللي محد شافها هو رقيب عليها حرگة الگلب إللي توَصل واحد لمرحلة يحس بيها كُل الهوىٰ بالدنيا مديكفي للنَفس، الأسئلة إللي ظلت تآخذ الروح أيام و ليالي الفَترات إللي عديناها و لسه منعرف شلون عدت من صعوبتها كُل هاي الأمور لما يعدي الوقت نبدي نكتشف شگد الله يحبنا يكشفلنا كلشي چنّه نتسائل عنه يبين إلنا شگد الصار بي مصلحتنا و شگد الرايدينه شَر، الطمأنينة الوَحيدة بهالدنيا إنهُ ربنا يشوف إللي الناس متشوفـه و راح يجبر خاطرنا جَبر نتعجب منه بس هيَ مسألة وقت و لازم نعرف و نشوف العوض يمكن گبالنا و مَمنتبهين @@user-xt6sm1bp7r
يا اخي ماكو هيج كلمات ماكو هيج احساس ماكو هيج صوت بس اريد اتخيل الشاعر شلون جان بيا وضع لمن كتب هيج كلمات و باسم شلون جان وضعه من لحنها و احنة من چنة صغار شلون دخلت بقلوبنا رغم صعب معانيها عجيب والله
حرفيا هذا التفكير يراودني عند سماع قصائد جابر بصوت باسم اكول شنو احساس الشاعر من كتبها فعلا هذا اللي يفهم القضيه الحسينيه صح هيج يبدع مو شعراء هسه يحجون بكيفهم يسوون الحسين كاعد بالخيمه والسيده زينب راحت للعباس مادري شحجي
للي يريد يحصل على هذا القصيدة النسخة الاصلية عالية الدقة اضغط على هذا الرابط ru-vid.com/video/%D0%B2%D0%B8%D0%B4%D0%B5%D0%BE-j0JexNxbj24.htmlsi=VAgJ5JNOVbv_5WnV
حالياً بهذا الوقت 2:43 كاعد مكابل القبر الشريف حبيب الروح الحنين سيد الشهداء الامام الحسين عليه السلام بحق الحسين يحفظك باسم الكربلائي الصوت العظيم وأسطورة القضية الحسينية
اقسم عليك بعزيز كلبك بلغة سلامي وكله مشتاقتلة ودموعي ما تنشف علي وقلبي مقروح من كسرتي على الحسين وكلة جرحي لا يندمل ولا يشفى الا بضهور القائم وادعيلي يقسملي زيارته هو وابيه امير المؤمنين علي ابن ابي طالب صلوات الله عليهم
كلام جابر ياخذنه لواقعة الطف ويعيشنه جرح العاشر كم نفتقده في هذه الايام وكاني اسمع الشعر ينادي هل من جابرا ينصرني للاسف اليوم اصبح حلم او امنيه بعد ماكان حقيقه 💔
للي يريد يحصل على هذا القصيدة النسخة الاصلية عالية الدقة اضغط على هذا الرابط ru-vid.com/video/%D0%B2%D0%B8%D0%B4%D0%B5%D0%BE-j0JexNxbj24.htmlsi=VAgJ5JNOVbv_5WnV
والأعجب تنزف جروحك وإنت لكل جرح بلسم . سحر شوگك با أبو الأكبر يسايرني بخلايا الدم ..الله اكبر ما اعظم هذه الكلمات ؟ وكيف استطاع الشاعر ان يتخيل هذه الصور الشعرية الرائعة وهو بمشي في شوارع لندن ؟ إنه المتنبي الأخير .
*الله يرحمهم برحمته الواسعة ويغفر لهم ويجعل مؤاهم الجنة ويهلمج الصبر والسلوان بحق الحسين الشهيد عليه الصلاة والسلام ان شاء الله تعليقج قهرني حيل واني گاعد اسمع القصيدة 💔*
الهي انت الذي اوجدتنا من العدم وانت الذي تحي العظام وهي رميم الهي اغرس المحبة في قلب جابر وباسم واجمعهم ياجامع الناس ليوم لاريب فيه بحق فاطمة الزهراء عليها السلام 😢