السلام عليكم ختي كيدايرة لاباس عليك فرحت بزاف ملي جاوبتي على التعليق ديالي بفيديو متصوريش شحال كنت محتاجاه الله يجازيك بالخير اختي والله يجعلها في ميزان حسناتك ان شاء الله غادي نطبق هاد الخطوات اللي قلتي ليا وانا راه متتبعة ديالك من بداية القناة شكراً ليك كنستافدو منك بزاف غنتسنى الموضوع على الفلوس كيفاش نتعاملو معاها وعلى جدول ديال الوليدات ❤❤❤❤
تبارك الله عليك اختي كلامك كل معقول عفاك اختي بالنسبة لي تعلمت شي صنعة فشي نادي ولكن ملي جلسات فدار مشى منها لحماس عفاك باش تنصحيها الله ارحم لولدين عفاكم ديرو ليك باش لاخت تشوف تعليق و تجوبني
تبارك الله عليك اختي منقدرش نفلت شي فديو ومنقدرش نصبر تنساليه عاد نكتب تعليق ولا لايك ❤❤❤ انا متتبعة من الاوائل ولكن مكنتش كنعلق بزاف ولكن دابا كنحاول نعلق باش تطلع هاد القناة حيت تستاهلي عن جدارة وحتى باش يستافدو اكبر عدد من الاخوات❤❤❤❤
شكرا من القلب على الفيديو المحفز.حتى انا كنعاني من نفس المشكل ديال التسويف و كنسمع بزاف الفيديوهات المفيدة ولكن منطبقش.إن شاء الله نتبعو النصائح ديالك ويكون خير.
والله اختي الى كنت محتاجة هاد فيديوا بزاف متصوريش حياتي شحال ولات مملة وهاملة راسي حتى عنايتي بنفسي مبقاتش لا ماسكات للوجه لا والوا ورجليا عامرين تشققات وداري كنجمع غي من فوق وركاني كارثة كنفيق مع 10 والوقت كيطير دغيا يالله كنطيب لغذا لوليداتي وتنظيف البيت كنحصل فيه واغلبية البورطابل واخد كل وقتي عشية كاملة وبالليل بورطابل بورطابل واخد نهاري كامل لدرجة كرهت راسي شكرا بزاف بزاف اختي على فيديوا جعلها الله في ميزان حسناتك ياربي
ختي عفاك تكلمي لينا على كيفاش نعلمو لوليداتنا آداب الكلام عندي بنتي عمرها 6 سنوات مكتكلمش باداب إلا بغات تطلب شي حاجة ومكتشكرش شي حد إلى جاب ليها شي حاجة ومكترضاش تطلب المسامحة إلى غلطات وفيها تجاحيد بزاف وعييت منعلمها بالخاطر ونوريها قصص وبعض المرات كنحرمها من تليفون ولا تلفازة..ومع ذلك مقدرتش نعلمها ومن صغرها وهي هكا مع الناس كاملين.. عفاك جاوبيني حيت كتبت ليك هاد التعليق فالفيديو الماضي
