احب أشارك انطباعي الأول للضيف الكريم مع أني أول مره أعرف الضيف، ولكني أرى بريق الشغف يلمع في عينيه وأنه يحب ما يفعل ومتمكن منه بدرجة خبير، وبإذن الله يكون للحلقة أثر على من يسمعها، تحياتي لكم إذاعة مختلف والجهد الذي تبذلوه تشكروا عليه🌷
حلقة عظيمة ، مازن من أنبل الناس اللي عرفتهم صاحب مشروع وهدف ، لا يبخل ع أحد في مشاركة المعرفة ، استفدت منه كثير للأمانة وما زالت في مجال التجارة الإلكترونية، هو ويزيد الطويل الله يجزاهم خير
السؤال الي كان ودي اساله هو يبغى موظف يبادر وينام بالمكتب ومافي وقت محدد للعمل وطول اليوم عمل ونفسه شغوفه للعمل ويطور نفسه بنفسه بدون تدريب على حساب الشركة ولاشي هل الطلبات ذي كلها بالاخير الراتب ٤٥٠٠ ولا ٢٠ الف ريال راتب وليس حوافز ماليه ومافي ضغط عمل وترمي ٥ مهن على الموظف تبغاه كستمر كير وتبغاه ماركتنق وتبغاه خدمه عملاء وتبغاه وتبغاه بعدين عند الراتب تعطيه راتب حارس الامن افضل منه
اسألكم بالله ان تطلبوا من الاخ مازن يجيب على اول سؤال ... اراء نفس صفاتي وتفكيري كلياً فيه ويهمني جدا جدا جدا جدا جدا اجابته ... استحلفكم بالله العظيم ان تطلبوا منه الاجابة 😇
استاذ مازن كيف في المراحل الاولى ك موظف انا معاك مثلا براتب معين وغالبا اقل من عادي لانك ستارت اب وتبغاني اشتغل شغل مؤسس معاك؟ لا انا مجرد موظف بسوي اللي علي وامشي ، ادري ان الفكرة هذي تساعد شركتك بس ترى هي شركتك مو شركتي .. لذلك ديباجة احنا عائلة وانت مؤسس معانا هذي دعاية لرواد الاعمال على حساب الموظفين ، عطني راتب او نسبة واصير مؤسس معك غيره انا مجرد موظف عندي ١ و ٢ و ٣ واضرب الباب ، كلامي غلط او صح لكنه واقع يجب ان تتقبله
@@MD-ik9om إذا تشوف إن دورك مهم يرتقي لكونك شريك مؤسس، اطلب تكون شريك مؤسس. ولو كنت موظف تنازلت عن جزء من راتبك ومحصل أعلى منه في السوق، اطلب أسهم مستحقة بعد مرور سنوات معينة. ما أعتقد اليوم الناس أغبياء وينلعب عليهم بسهولة. حقك تطالب فيه في البداية، ولو ما أعجبك الوضع لاحقًا تقدر تروح الفرصة الأفضل 👍
مازن الله يوفقه حافظ مو فاهم وزد تقلد بشكل كبير على عكس سله تبتكر وهذا الي لاحظته في بيئة ريادة الاعمال >> مازن اشوفه مسوق شاطر ويفهم بالتسويق ويقتنص الفرص الصغيره قبل الكبيره وهذا شيء يميزه >> بس قيادة لشركة زد وتطويرها عندي ملاحظات كثييير ، ان قريت كلامي تقبله بصدر رحب واعتبره احد ملاحظات العملاء على مازن كـ منتج ويتمنى له التطور والنجاح
الله يهديه .. كنت معجب فيه وفي كلامه وشخصيته من خلال حواراته السابقة لكن صدمني وكشف لي حقيقته لما ارسلت له رساله عن ملاحظاتي لموقعهم بكل أدب مع اني ماراح استفيد شي ( اذا ماأعجبتك ملاحظتي قول شكراً على الملاحظة وبس ) ولكن رد علي بأسلوب اقل مايقال عنه انه يعبر عن شخصيته الحقيقيه بعيد عن الكاميرات والمقابلات .. الله يهديه يعني لو يخلي النصايح ويستفيد منها اولاً كان أفضل .. لكن في النهاية الله يرزق ويعطي كل شخص على نيته
يا أخي الرجل طيب لكن عنده مشكلة ، مب فاهم موضوع الدافعية ، علي شخص عنده عقلية النمو كما ذكرت أنت ، لكنه مب فاضي يزين شركتك بدون مقابل ، إذا أنت تبي الناس تصير حياتهم متعلقة بشركتك لازم يذوقون الحلاوة اللي تذوقه ، اللي يصير حقيقة في النظام الرأس مالي إن الأرباح كلها تروح للملاك والموظفين اللي أنت وصفتهم ب(عقلية نمو) تجيهم أمراض ولا قادرين حتى يشترون بيت
غالبًا في الشركات الناشئة يحصل الموظفين على أسهم تزيد مع الوقت. وهذا اللي يعطيهم الحماس والدافعية. في زد موجود هالشيء ويحصل الموظفين على أسهم مهما كان منصبهم.
@@mdarrab عزيزي مازن، ربما زد تعمل هكذا لكني أنا تنقلت في شركات متعددة وكل مرة أخرج يرجعوني بعرض أقوى لكني لم أجد ما تقوله، ما تقوله نقرأه ولا نراه لأني شبه متأكد أنه إن وجد فهو في شركات قليلة جدا، الحقيقة أنه الأفضل لكل شاب طموح أن ينشئ شركته بنفسه
@@user-kp7mu6he2k فعلاً نفعل كذا وخصصنا لها جزء من أسهم الشركة. وحبيت أوضح هنا وجهة نظري ونظر الشركة، لأن اللي يقرأ ردك قد يعتقد أننا لا نفعل ذلك مع فريقنا. يحق لك السؤال قبل البدء في إجراء أي مقابلة مع أي شركة تنوي الانضمام لها : "هل هناك برنامج أسهم موظفين ESOP ؟ وماهي اشتراطاته؟" ولا فيه أي حرج إنك تسأل عنه مع أي شركة يقدمون لك عرض (حقك تعرف)
حرام عليك يا عطار والله حزنت على مازن 😂😂😂😂😂 عدمته لما جبت سيرة المنافس الين مسكين اتلعثم واتغير صوته،، مازن من اعظم الشخصيات من ناحية مشاركة المعرفة وكثييييير ناس استفادت منه، الله يجعلها في ميزان حسناته
ايش فيكم صايرين تبالغون زي البنات لاتلعثم ولاهم يحزنون رده كان منطقي وموضوعي كان واضح ان عنده زحمة افكار لان الموضوع حساس ويمكن ما كان مرتب له والمذيع فاجئه بانحيازه تجاه سلة
اللقاء جداً ممتاز وانا داعم لزد واحب زد بس ليش مازن نبرة صوته تغيرت لما انذكرت سلة ؟ حتى صار يتلعثم ويرجف 😂 كان ممكن ترد برد انه احنا مركزين على منافسة انفسنا وانصحك يامازن تقرأ او تسمع كتاب The infenite game او اللعبة اللانهائية للكاتب سايمون سينيك
@@Aari0masdi حبيبي والله. اتلعثم وارجف هههه وش دعوى 😅 واسمح لي بعد اذنك، انا ما طلعت في اليوتيوب عشان اقول اللي تبي تسمعه أو اللي مفروض ينقال في كتب أو ردود معلبة. طلعت عشان أقول اللي أعتقد فيه ومؤمن فيه 🙏💜
سلة اوبر وزد كريم ولك حرية الاختيار اخي الكريم / مازن احترمك ولكن الي خلى احمد العطار يضغط عليك ويحجمك بعض الشيء هي ردة فعل لشيء التمسة منك والدليل بداية اللقاء ماخذ الدعوة فهلوه
بختلف مع الضيف بكثير نقاط، طريقة كلامه عن الموظف بتحسسك ان اللي بقدموه بالشركة من خبرة للموظف من الخيال و حتنقل الموظف بحياتو المهنية و هو غير واقعي جودة الموظف و المهارات اللي بيتقنها هي اللي بتعلي من اسهمه لما يتقدم لوظيفة ثانية، بيتكلم عن الموظف ان المطلوب منو يكون alerted و يشتغل كلشي بالشركة و بدون مسمى وظيفي و يستغني عن حياتو الشخصية عفواً هذا استعباد و ليس وظيفة و هذا الكلام بيزبط لما الشركة بتعطي الموظف اسهم كل ما يتقدم وظيفياً مثل كريم ليس على حساب انك "ابو الفزعة"، و بالطبع مع الاسف التعب و ساعات الدوام بدون اضافي اسمه استغلال وليس عقلية نمو، نصيحة للجميع اعملوا قيمة لنفسكم و لا تضيعوا مسيرتكم المهنية لناس اكثر ما بهمها ارباح الشركة و كمية النمو، ابني البزنس الخاص فيك و طور مهاراتك.
@@rafatjk أتفق معك إن جودة الموظف في إتقان ما يحسنه مهمة. ما يمكن مقارنة موظف يبادر ويعطي فوق المطلوب بموظف آخر يؤدي اللي عليه. الموظفين في معظم الشركات الناشئة لهم أسهم (وهذا هو الحال في زد لمعظم الموظفين) فنمو الشركة نموه هو ونمو أسهمه فيها. واللي يقدر يبدأ مشروعه ويشوف في نفسه الطاقة والقدرة، الله يوفقه ونفرح له لأنه بيخلق لنفسه وظيفة وبيوظف غيره 🙏
