ان شاء الله تفرحي في حياتك كيما راكي مفرحتنا في حياتنا كاين صوالح كنا غافلين عليها و فطنتينا عليها كيما أنا كنت دايما نرضي غيري كثر من روحي و دروك تعلمت نعرف حاجة سموها أحب نفسي و نعرف صلاحي شكرا حبيبتي الغالية
ولله غير اعطيت قشى لناس ربى يخرجنى على نيتى وخلاص انا يدى كتافى منقدرش نشد تلفون وطبا مالقاو والو العمود الفقرى ولاتغوز ننوض لولادى بسيف وانا كثيرة الحركة الا من ربى الحمدلله والا ناس حسبي الله ونعم الوكيل فيهم.
صباح الخيرات يا بنتي شحال نحب نسمع صوتك وضحكتك تعلمت منك الادخار رغم انك قد التانية من بناتي ربي يفرحك بوليداتك وربي يوفقك وربي يحفظ لك صحتك ويبارك لك فيها شحال يابنتي صبرنا على وليداتنا وربيناهم على للقيم رغم صعوبة الحياة وتهدم القدوة وصعوبة تقبلنا للخيانة التي كسرت الجانب الانثوي فينا والحمد لله ربي عوضنا بنجاح وليداتنا الحمد لله يشرفني اتقاسم تجربتي في الحياة كدلك عبادة الحمد والامتنان لها اثر جميل على النفس البشرية والتمتع بأقل النعم المتاحة في حياة الانسان نحاولو بنتي نتمتع بحب اولادنا ونكثر العناق لأننا مجتمع نستحي من اضهار المحبة
والله غير عندك الصح هدرتك نيشان انا كنت نتاثر بالناس بزاف وندير الكل واحد حساب ونضريت ملي بدلت العقليه وقلت لازم نعيش حياتي مع ولادي وزوجي الحمدلله راني لباس وليت نسمع النصائح المفيدة ﻧقرا قران نطيب حاجه تعجبني وبعدت على كل شيء يزعفني•
ديرينا فيديو علا الي فقدت المها وما عندهاش اخت ولا خاله ولا عمه لا احد الا الاخوه متزوجين وما يحوسوش عليها علما انها مهنيه في دارها وعندها بنات ولكن تحس روحها وحيده علا ما يحوسوش عليها وهدا اتر علا حالتها النفسيه وموت الوالده اتر عليها كتيرا ما قدرتش تنسى واس تنصحيها
احمد ربي لي عند زوج وبنات راكي تشوفي غير للكاس الفارغ خاوتك يبقاو خاوتك بصح رجعيهم في المرتبة الي راهم هوما حاطينك نت فيها مثلا نت اخوتك حاطينك في المرتبة الخامسة اوالعاشرة في حياتهم مايحوسوش الا في مناسبة ولا عيد أملا نت تان حطيهم عند في المرتبة الخامسة او العاشرة خلاص مانقعدش نطالب فيهم ونزعف ونحزن ونحس بالوحدة غير على جالهم بالعكس ماركيش وحدك راكي مع بناتك الي هما لكبدة تاعك جزء منك صاحبيهم وحني عليهم ولزيهم ليك وانساي امر اخوتك عندك زوج وراه مهنيك استشعري نعمة هي تروحلك افرح بزوجك افرحي بروحك راني نهدر عن تجربة صراتلي مع اخوتي وختي حتى نهار عرفت اني نوصل لهذه لي انزل الناس منازلهم ريحت ولهيت في وليداتي وزوجي وداري
حبيبتي ربي يعطيك صحتك انا راني نعاااني من واحد المشكل انو يدي مثقوبة دايرلي زوجي مصروفي الخاص 500الف نروح نصرفها كامل سقايط وماكلة نحب نلم وندير حاجة ذهب ولا حاجة للدار ملاحة لكن منشدش روحي نصرفها غير على الحلويات ديريلي فيديو خاااص وقسحي الهدرة نستاهل
انتي دواك الشحيحة ارمي كل شهر فيها وانسايها.حتى بعد سنة تلقاي مبلغ تشري حاجة باينة وتستعمليها ولا ذهب . انا كنت كيما انتي ونسمع بالشحيحة بصح منعطيهاش قيمة حتى جربتها عجبني الحال😊 ورجعت نجمع فيها يالكان الف فرنك المهم نحط
خواتاتي انصحوني انا نرضع طبيعي وكل مرة صدرييتنفخ ويووووجع وتحكمني لقرايس قاويااا ونولي، في حللة راسي مفاصلي كل شيء يوجع قالولي كيتسخف لي ترضع على حاجة وماتاكلهاش يصرالها هك صح ولا لا والي عندها نصيحة واش ندير تقلي
الف مبروك حبيبتي، انا كنت مثلك تماما ما شاء الله عندك حليب بزاف انا كنت نعصرو في قرعة معقمة و نجمدو لوقت ما يكونش عندي و لا خارجة نسخنو في الرضاعة. لا علاقة بالسخفة حبيبتي حاولي تنقصين شوية حليب في كأس يا جمدي يا ارميه لسقي الازهار او النباتات، اشربي حليب كولي سمسم و اكل صحي لان الحمل ياخذ منا كالسيوم العظام و هذا سبب الام المفاصل كذلك ان كان سأل منك دم كثير كلي كبد دجاج عدس حريرة بيض لاسترجاع الحديد لان الأنيميا بعد الولادة تتعب المرأة كثيرا ربي يقدرك حبيبتي و الف مبروك
@@masrouf-al-bayt شكراااا الف شكر درك فهمت هاد الحالة وصح انا ديما نرضع باليسرى واليمنى قليل يمكن تجمد الحليب فيها هو السبب ربي يخليلك صحتك وربي يرزقك لأنك عطيتيني الحل باه نيفيتي هاد المشكل والله نكتبلك وراني تحت الزاورة من شدة البرد لي حاكمني مالقري الحال دافي درك نولي نمدهملو في زوج تعيشي اختي ربي يوفقك
@@saoudiyasser165 نعم كنت نرضع طبيعي وكان عندي حليب بزاف حتى يسيل وحدو مرة وليدي محبش يرضع من اليمني وصرالي تحجر في الثدي وحكمتني الحمى كرحت لطبيب قالي اجبدي لحليب avec le ter lait ورميه واعطنى les antibiotiques وبريت بصح قالي كاين حالات يمكن تتحول لمرض السرطان عافانا الله جميعآ. لهذا قلتلك روحي لطبيب الوقاية غير من العلاج.
سلام اختي تسلم فمك اختي عل كل الكلام الطيب نحبكي في الله اخوات انشاء الله اخبركم لبنات وبلغو عني لحصي الكلى اشربو كاس معدنوس صباحا وكاس مساء وتزول حصى الكلي عن تجربتي الشخصية وشفيت في شهر بلمداومة والله المستعان
ربي يشافيك ويعافيك حبيبتي اكثري الاستغفار فوالله بكثرة الاستغفار ترتاحي جسديا ونفسيا عن تجربة أتحدث . انا اعاني من اسحار الجنون والتمريض حتى الموت من سنوات حبيبتي بسبب هذا السحر اعاني من الام كبيرة فالكتفين والعمود الفقري واسفل الظهر وغيرها من الامراض والله مند بدأت كثرة الاستغفار تحسنت حالتي كثيرا وخفت الآلام الجسدية وخاصة النفسية جربيها ياحبيبتي انتي وكل متتبعة لكي وسترين العجب . والله اختي كل مانسمعك يطلعلي المورال لعنان السماء وننشط نولي مولات 15سنة 😊رغم اني قد جداتك فالعمر 😂ربي يحفظك ويسترك ويشافيك ويسعدك يارب
@@masrouf-al-bayt ربي بدوم فرحتك ويسعد قلبك وانا افرح كثيرا عندما تجاوبي على تعليقي رغم اني اعلم انكي مريضة ولاتستطيعي الإجابة عن كل تعليقات مشاراتك واخواتك فجزاكي الله كل الخير. وشفاكي الله وعافاكي ياطيوبة القلب والروح
ماشاء الله عليك وعلى هاد الطاقة الاجابية ربي يشفييك ويشافينا كااامل وانا لي كنت حاسبة عندي آلام كبيرة ومكاش لي راه كيفي ادعولي ربي يحفظكم يديا نحسهم مكتفيين وتشتد عليا هاد الاعراض في هذا الوقت من كل سنة والله المستعان داري مقلوبة ماقدرتش ندير حتى حاجة لا غداء ولا عشاء وكاين لي كي يشوف تعليقي يقول تقدر تشد غير تلفون عندي هاد القناة نسمعلها تعطيني تحفيز ونقول ندير وندير لكن .... يارب رحمتك الامراض الروحانية صعييبة