لا تكونوا 🐸 ضفادع| قصة الضفدع والقدر الساخن 

#لا_تكونوا_ضفادع
حط شي ضفدع فشي طنجرة و حطها فوق البوطة .. الما غادي يبدا يسخن تدريجيا و الضدفع غادي يبدا يحاول يضبط درجة الحرارة ديال الجسم ديالو باش تكون بحالا بحال الما باش يقدر يتكيف مع الوسط ..
و لكن منين غادي يقرب الما لدرجة الغليان ، الضفدع ما كيبقاشي قادر يتكيف ، إذن غايحاول ينقز برا الطنجرة , غايحاول و يحاول و يحاول و ما غايقدرش حيت فقد القوة و الطاقة ديالو ملي كان كيحاول يتأقلم مع درجة الحرارة العالية ، و فالأخير غادي يموت .
شنو لي خلا هاد الضفدع يموت ؟
غاتقولو الما السخون ؟ لا غلط
اللي قتلو هو أنه ما تاخدش قرار بأنه ينقز برا فالتوقيت المُناسب و بقى تا فقد قوتو كلها
كاملين مضطرين نتأقلمو مع ناس و أوساط و أوضاع مختلفين .. و لكن ضروري نعرفو مزيان فوقاش خسنا نتأقلمو و فوقاش نضربوها بجرية 🏃
اذا لا سمحتي لراسك تخلي شي وسط يستغلك نفسيا و عقليا و تحاول تأقلم معاه
غاتبقى هكداك تا يسالي معاك 👎
لا تكونوا ضفادع