ــ كان في فترة من الزمن تم فيها تقديم
الهيدروجين على انه وقود المستقبل،
وكان من ضمن الوعود، قطع أكبر
مسافة بالتفويلة الواحدة، وزمن أقل
عند ملئ تانك العربية، بالإضافة
الى أنه وقود صديق للبيئة.
ــ الرئيس الأمريكي الأسبق جورج بوش
شجع على التوسع في صناعة الهيدروجين
كوقود للعربيات مش كدا وبس لأ دا مول
المشروعات دي بـ 1,3 مليار دولار.
لكن ايه اللي؟ لماذا تم العزوف عن
الهيدروجين فجأة ايه الدافع لكدا؟
ـــ في عام 1966 ظهرت العربية
بورش 911 اس ولامبورجيني ميرا وبونتياك
جي تي أو، لكن في نفس السنة تم
انتاج أول عربية تسير بقود الهيدروجين،
وفضلت العربيات دي فترة من الزمن ثم اختفت،
لكن حاليا بتم الإعلان عن النوعية دي من
العربيات على انها عربيات المستقبل.
ـــ وقود الهيدروجين ينتج من ضغط الهيدروجين،
ووقت إعادة ملئ تانك العربية بوقود الهيدروجين
يعادل وقت ملئ تانك العربية البنزين،
دا غير انه مش بينتج عن وقود الهيدروجين
انبعاثات غازية بالعكس دا بيخرج ميه من العادم.
ـــ نيجي بقى نقارن النوع دا من العربيات مع
العربيات الكهربية اللي بتحتاج ساعة لإعادة
شحن بطارية العربية، وبالتالي يعتبر الهيدروجين
أفضل نظريا، طب ايه اللي حصل بعد كدا؟
ـــ في خمس عوامل بتوضح ليه خسر الهيدروجين
شعبيته، وهي، السعر، الملاءمة، الأداء، البيئة،
والمنافسة، وهنشرح في الفيديو كل عامل على حدا
ــ تعالوا نشوف العامل الأول وهو السعر، يعتبر
شرا عربية من أكبر القرارات المالية اللي بيتخذها
الشخص الى جانب شرا منزل، وبالتالي العامل
الأهم عند شرا السيارة هو سعرها، حاليا يوجد
في السوق تلت موديلات لعربيات تمشي
بوقود الهيدروجين، تويوتا ميراي،
وهيونداي نيكسو، وهوندا كلاريتي.
ـــ موديل تويوتا هو الأرخص في التلاتة،
سعرها تقريبا 50 الف دولار، لكن
تفويلة التانك بكام؟ متوسط سعر وقود
الهيدروجين 16,5 دولار لكل كجم
أيوا انت سمعت صح كجم. وحدة
قياس الهيدروجين هي الكيلوجرام، وبالتأكيد
مختلفة عن البنزين اللي وحدة قياسه الحجم يعني اللتر.
ــ تانك العربية الهيدروجين بيشيل لحد 6 كجم،
وبتقطع العربية مسافة 650 كلم، وبالتالي
تكلفة ملئ التانك هتساوي 80 دولار، ودا يعتبر
سعر عالي بالمقارنة مع وجود بديل وهو البنزين.
ـــ يوجد بالولايات المتحدة حوالي 45 محطة هيدروجين،
واذا كان الأفراد متخوفين من سعر الهيدروجين
العالي فان الشركات بردوا متخوفة من بناء
محطات الهيدروجين لان تكلفة بناء محطة
الهيدروجين حوالي 2 مليون دولار بخلاف
محطات البنزين واللي بتكلف حوالي 300 ألف
دولار والكهربا حوالي 50 ألف دولار،
وبما ان أعداد مستهلكين الهيدروجين منخفض
فان دا بيصعب على الشركات إقامة محطات هيدروجين.
ـــ بعض الشركات عملت عدة محاولات لدعم
مشروع الهيدروجين زي شركة تويوتا قدمت
دعم بـ 15 ألف دولار لتغطية تكلفة الوقود
على أن يتم استخدام المبلغ في أول تلت سنين من شرا العربية.
ــ كما أن ولاية كاليفورنيا قدمت ملايين الدولارات
دعم للبنية التحتية لمحطات الهيدروجين بحيث
تأمل الولاية في انشاء 100 محطة هيدروجين
بحلول عام 2025، والرقم دا يعتبر صغير
جدا بالمقارنة بعشرات الآلاف من محطات
البنزين ومن محطات الشحن الكهربائي الموزعة في أنحاء أمريكا.
ـــ لحد اللحظة دي يعتمد سوق الهيدروجين على الدعم
والمحفزات من قبل الحكومات والشركات لجعل
تكلفة الإنتاج أو سعر البيع للمستهلك منافس للبدايل
التانية، لكن المستهلكين أو الطلب على
عربيات الهيدروجين مازال ضعيف بالمقارنة بعربيات البنزين والكهرباء.
ـــ ودا هينقلنا للعامل التاني وهو الملاءمة، قلنا قبل
كدا أنه يوجد بأمريكا 45 محطة هيدروجين
متمركزين بولاية كاليفورنيا وبالتالي معظم الطلب
على عربيات الهيدروجين هيكون بولاية كاليفورنيا،
دا بالإضافة الى أن مالك العربية مش هيقدر يسافر
خارج الولاية لأنه مش هيلاقي وقود الهيدروجين في أي ولاية تانية.
ــ أما العامل التالت هو الأداء، صحيح أن عربيات
الهيدروجين غالية وسعرها عالي دا غير ان تفويلة
التانك أغلى من البدايل التانية، لكن لو كانت العربية
أسرع أو أمتع من حيث القيادة ممكن نقبلها ونقول
ماشي، لكن لحد اللحظة دي عربيات الهيدرجين
أداءها ضعيف بمقارنتها بعربيات البنزين والكهربا.
ــ على سبيل المثال عربية تويوتا ميراي تحتاج
الى 9,1 ثانية لتبلغ سرعتها من صفر الى 100،
كما أن سرعتها القصوى 170 كلم، ودا مش وحش
على فكرة لكن بالمقارنة مع موديل تسلا فهي
بتحتاج الى 3,1 ثانية لتبلغ سرعتها من صفر
الى 100 وبالتالي السؤال المطروح دلوقتي
هل في عربيات هيدروجين يمكنها منافسة البدايل التانية ولا لأ؟
ــ الإجابة هي أيوا، عربية الهيدروجين هايبريان اكس بي وان،
واللي تحتاج الى 2,2 ثانية للوصول الى سرعة 100،
دا بالإضافة الى ان شكلها الخارجي مكون من
موتوسيكل ترون وسيارة بوجاتي شيرون، لكن حاليا
العربية غير متاحة للبيع، لكن المؤكد عند طرحها
في الأسواق ان سعرها هيكون عالي جدا، وبالتالي
فان من المؤكد أن تكنولوجيا الهيدروجين قادرة على خلق سرعات عالية.
#الهيدروجين
#وقود
#الاقتصاد_العالمي
#الصناعية
11 июл 2022
