مادة 361 من قانون العقوبات تضمن لك حقك فى أن كل من خرب أو أتلف لك مال منقول اوثابت او جعله غير صالح للاستعمال أو عطله عن الاستعمال يعاقب بالحبس كمان تكون العقوبة السجن إذا جعل حياتك أو صحتك أو امنك فى خطر
تسلم عالكلام الجميل عندي بس سؤال : دلوقتي بعد الاجراءات ده كلها اللي يهمني هو حل المشكلة من حمام الجار ؟،،،،، كمان تكلفه الاصلاحات اللي ف سقف الشقة بتاعتي ده قانوناً مين اللي بيتحملها ؟ يعني هل القانون بيلزم الجار بتصليح التلفيات ده ؟؟؟ ومع الافتراض انه قال ف النيابة معيش فلوس اصلح حاجة ايه اللي بيتم وبرضو بهد ما تتم المعاينة ،، هل بيتم استدعاء الجار من القسم او النيابة ولا بيجيبوه ازاي ؟؟
طيب يا أستاذ أحمد أنا جاري قام بتغيير بلاط شقته من البلاط العادي إلى سيراميك ، وإظاهر أن أثناء تركيب السيراميك إنخرمت بعض المواسير فأخذت ترشح وتنقط مياه عندي وكسرت وبيضت أكتر من مره لكنها تعود وتتساقط بسبب إستمرار تسريب المياه من شقة جاري الذي إدعى أنه قد أصلح بالفعل ماعنده ولكنه في الحقيقة لم يحرك ساكن ، وعليه عملت محضر في بداية شهر يناير 2022م وجت المعاينة من جهاز المدينة بواسطة مهندس فني وأثبت في تقريره الضرر بسقف وحوائط الشقة بما يعادل 32 متر مربع وأن السبب في ذلك النشع والترشيح وتخريب السقف والحوائط هو الشقة التي تعلونا في نفس العقار ، إلا أن النيابة قامت بحفظ المحضر ، ثم قمت بتقديم تظلم للمحامي العام وتم قبول التظلم وأرفقت صور ملونة للتلفيات التي بالشقة لتؤكد حدوث الضرر وإستمراريته ، ومع ذلك ظل المحضر مركون قرابة سبعة أشهر بدعوى أنه في العرض ومنتظر تحريات المباحث !!! وبعد دخولي لوكيل النيابة أكثر من مره لإتخاذ إجراء ، قام رئيس النيابة على نحو غريب بحفظه للمره الثانية في تاريخ 29/11/2022 ، ولما طلبت الدخول لرئيس النيابة لسئواله عن سبب الحفظ رغم توفر نية العمد ووجود التقرير الفني من الجهاز قال لي أن المشكو في حقه لم يتعمد تخريم مواسير شقته لتنشع عندك وتقرير الجهاز رصد التلفيات والمتسبب فيها إلا أنه لم يذكر أن هناك خطورة على الشقة والعقار وقال لي روح إرفع دعوة مدنية في المحكمة وطالب بالتعويض!!!!!! فما الحل هل أعمل محضر جديد أم أشتكي رئيس ووكيل النيابة عند المحامي العام أو التفتيش القضائي بالمناسبة المشكو في حقه لم يتم إستدعاؤه ولا سئواله بالمره سواء في مرحلة القسم أو مرحلة النيابة!!!!
لمشكله اني انا ساكن ايجار قديم ... و الساكن اللي فوقي تابع لاصحاب البيت اللي كلهم نفسهم يطردوني من الشقه ... و اصحاب البيت ناس جبروت و لو عملت محضر ضددهم او ضد الساكن اللي فوقي اللي هم جابوه ممكن يأذوني .. و الساكن اللي فوقي له شقه تانيه اصلا .. هو واخد الشقه اللي فوقي علشان هدف اتلاف السقف و هو اصلا موش قاعد في الشقه اللي فوقي .. هو له شقه تانيه ... انا وحيد و ماليش اصحاب و لا اهل و سقف الشقه بينزل امطار مياه ليل و نهار و بلا توقف .. حياتي في خطر و ارجو المساعده من من يستطيع .
السلام عليكم ورحمة الله وبركاته اشتريت شقه تمليك في الدور السابع والدور من غير عمدان ساعه العقد قال لي ان الدور مخليه خفيف على العماره دلوقتي عايز يبني اوضه وحمام فوقي ايه الحل ارجوك انا مش عارف اعمل ايه وشكرا ليك
السلام عليكم و رحمه الله و بركاته سعادة المستشار بعد إذن حضرتك عندي سؤال تم عمل محضر تبديد محجوزات لي و قدمت طلب للنيابة بإضافة مستند إنذار عرض يفيد أني دفعت قيمة المحجوزات قبل قيام معاون التنفيذ بالتبليغ بالتبديد و استعلامت في النيابة علي المحضر و ظهر لي التحريات لم تتوصل و لم يتم التصرف في المحضر و عرض علي النيابة فهل ده في صالحي أم ضدي . أرجو الرد و الإفادة
و لو صلحا بعد ما سقف الشقة اتبهدل للاسف الخرسانة اتاكلت من الماية و محتاجة تتغير و ترمم ب ٣٠ الف جنيه عشان ميقعش و هما بيقولو عملنا اللي علينا و صلحنا بلاعة ايه الحل في الموضوع دا ؟
