لو رخصتك اتسحبت بسبب الملصق الالكترونى تعمل ايه وهتدف كام 

فى الفيديو ده هاقولك كل حاجه عن مخالفات الملصق الالكتروني و لو الرخصه اتسحبت ازاي تجيبها بكل سهوله والمخالفه كم وسعر الملصق كم اولا الملصق الالكتروني تم فرضه فى شهر 2 2021 والعقوبات المتعلقه به بدأ تطبيقها فى شهر 9 2021 فما حدش يقول لي ما لهاش مخالفات، والقانون فرض تركيب الملصق على كل المركبات والمقصود بالمركبه هنا اي عربيه او مقطوره او موتوسيكل بتعلق نمر مرور في ماعدا طبعا مركبات الجيش والشرطه والملصق الالكتروني عباره عن شريحه الكترونيه يمكن قراءتها عن بعد بتتضمن بيانات المالك لي الاسم والعنوان والرقم القومي ورقم التليفون و بيانات المركبه زي الشكل و اللون والموديل ورقم الشاسيه ورقم الموتور يعنى يقدر يقراها الرادار وكلنا شفنا الكماين بتقرا الملصق ده بجهاز معاهم ، سعر الملصق 150 جنيه و بتدفع على 150 جنيه كمان عن كل سنه في تجديد الرخصه اما المخالفات المتعلقه به هي اول حاجه عدم تثبيت الملصق ان انت مش مركب الملصق اساسا عندك ثاني حاجه اتلاف الملصق ثالث حاجه اخفاء الملصق رابع حاجه نقل الملصق لمركبه غير المنصرف ليها و العقوبه على المخالفات دي زي ما جت في القانون هي عقوبتين اولا سحب رخصه القياده من شهر لثلاثه شهور عمل والعقوبه الثانيه فهي الحبس مده لا تزيد على ستة شهور وغرامه من 300 ل 1500 جنيه
طيب لو قابلك الضابط في الطريق وانت ماشي مش مركب الملصق او الملصق بتاعك بايظ وسحب رخصتك فهيعمل لك مخالفه والمخالفه هنا هتكون ب 400 جنيه و هيدي لك ايصال سحب وهقولك لك تعمل ايه .. انت هتروح على المرور اللي انت تبعه بعد اربع او خمس تيام كده عشان الرخصه تكون وصلت وهتدخل على النيابه تعمل تظلم في المخالفه و 90 في المئه وكيل النيابه هيشيلك المخالفه يعني مش هتدفعها وهتاخذ من النيابة ورقه اسمها خطاب سداد و تطلع على شباك التجديد تقول له عايزه اركب ملصق جديد هيديلك جواب تنزل تركب ملصق جديد وبعد كده تروح تسال على رخصتك و تاخد معاك الجواب وصورة ايصال السحب ولو انت من اسكندريه يبقى بعد ما تركب الملصق الجديد هتروح تاخذ رخصتك من مرور محرم بيه بصوره ايصال السحب وكمان الجواب لان كل الرخص المسحوبه بتروح على مرور محرم بيه وبتقعد حوالي شهر هناك وبعد كده كله رخصه بتروح على المرور بتاعها سلام.