عايزة تحافظي على النرجسي في حياتك؟
بس في المقابل حتضحي بحد مهم جدا في حياتك ، انتي ، دة كلام سان فاكنين هو اصلا بيقول انه مش عاجبه الكلام دة وان احسن لك تهربي لكن هو حيقول الكلام لان فيه ناس كتير سألوه ازاي نحافظ ع النرجسي وضغطوا عليه يعمل لهم الفيديو ، طبعا هم عندهم حالات زينا فيه ناس منهم معندهمش شغل ولا مصدر رزق ومنهم اللي عندها اولاد ومش عايزة الاسرة تتفكك و منهم اللي حبته ومش عايزة تفقده ،المهم ، قال شوية حاجات لو عملتيها النرجسي عمره ماحيسيبك ولا حيدور علي غيرك ، انا مش موافقة طبعا على معظم كلامه لكن انا قررت انزل الفيديو دة عشان البنات الخايبة اللي النرجسي ماسك عليها صور وفيديوهات وبرضه بعض الزوجات بيكون النرجسي مصورهم ومخبي الصور والفيديوهات بيذلها بيهم ، الناس دي ممكن تنفذ الكلام دة لحد ماتاخد منه الحاجة بتاعتها وبعدين تهرب
١- متقوليش لا لا قولا ولا فعلا ولا حتى لغة جسد ، يعني متبينيش انك مش موافقاه على اي حاجة ابدا ، ومتنقاضيهوش يعني متكونيش عكسه ابدا ،كوني نسخة منه (اكل وشرب ونوم وراي وفكر ورغبات وميول ،… )
٣- متتكلميش الا اذا هو وجه لك كلام ، لكن كوني موجودة في المكان اللي هو فيه مهما كان ساكت او مشغول خليكي قاعدة ادامه تحت الطلب عشان لوحب يتكلم يلاقي حد ادامه يسمعه ولو محبش يبقي محدش يزعجه
٣-اديه احترام وتقدير ومدح وانتباه في كل مناسبة و لو مفيش مناسبة يبقى تفكريه بامجاده اللي حكاها لك قبل كدة ، هو اصلا لما حكاها كان عامل حساب يوم يحتاج يسمعها منك كشاهد عليها
٤- متعرضيش عليه قرب ولا مودة لان المودة دي بيحتاجها الناس كلهم وهو مش زي الناس دي هو مختلف و كمان المودة بتبين انه محتاج وهو مش بيحتاج ، وطبعا متعرضيش برضه نصيحة ولا مساعدة ولا تطلبي انه يساعدك يعني متطلبيش حاجة اصلا
٥- متذيهوش وجهة نظر مخالفة لوجهة نظره ومتقترحيش اي رأي في اي حاجة ولو سألك وطلب رأيك وعجبة حينسبه لنفسه وانتي تقبلي دة لان دة اصلا شرف لكي ،
٦- متقوليش له كل شوية بحبك ، ولا تحضنيه وتبوسيه كل شوية لنه بيكره المشاعر والقرب وبيعتبرها ضعف
٧- متتجاهليهوش لان دة بيغضبه جدا ومتحسسيهوش انه حد عادي زي كل البشر واظهري له انك مدينة له باي حاجة يعملها مهما كانت قليلة
٧- متتناقشيش معاه بعمق وواقعية لانه عايز يفضل عايز في الخيال اللي هو فيه ومش عايزك تنزليه على ارض الواقع ومتعلقيش اي تعليق ينال من قدراته وعلمه وقوته ووسامته واي حاجة تمس عظمته متقوليهاش ، يعني مينفعش تقولي انت مش عارف ، انت غلطان ، انت مكنتش موجود اصلا ، انت…..
٨- متبدأيش اي جملة بكلمة انا ابدا ليه لان هو شايف انك جزء منه امتداد له فلازم تقولي احنا لانك مينفعش تكوني حاجة مستقلة عنه لان استقلالك عنه وكونك شخص اخر دة معناه انك شيء منفصل عنه ودة معناه انك ممكن تسيبيه وتمشي وتهجريه وهو دة رعب النرجسي لما ميكنش عنده بديل جاهز
١٠-اسمعي له باهتمام ووافقي طبعا على كل اللي يقوله ، ولو منفعل تهديه
١١- قدمي له حاجة ميعرفش ياخدها من حد تاني (علاقة حميمة في حالة الزوجة طبعا مش الخطيبة الخطيبة متقدمش مزيد من التنازلات عشان احنا عيزين نلم اللي اتعك ونتوب عشان ربنا يسترنا ، اكل مميز ، معلومات ، تحلي له مشاكله لانه مبيعرفش يحل المشاكل ، تربي له الاولاد وتشيلي المسئولية بالكامل ، …….)
١٢- لازم تكوني صبورة فوق الخيال ، هو طفل من ٤ ل ٦ سنين طبقي طرق التعامل مع الطفل في العمر دة مع النرجسي ، زي عطاء لا متناهي ومتتوقعيش انك تاخدي ، كل ما اخد كل ماكان تحت ايدك ( لاحظنا ان الزوجة الغنية طول ماهو بياخد منها فلوس بيفضل ماشي محترم واول ماتبدأ تقطع عنه الفلوس يبدأ يقلب ويحاول يدور علي غيرها )
١٣- متحاوليش تاخدي منه اي عاطفة لانه معندوش فمتزعجيهوش بالكلام كل شوية عشان دة بيفكره بضعفه وهشاشته
اكونت الفيس بوك
www.facebook.c...
جروب ادرس عدوك النرجسي
/ kawthersanad11
12 сен 2024
