ابي اشتري ترافرس 2019 فل الفل اخوي ممكن تعطيني حصيلة خبرتك بهذه السياره وهذا المديل بما انك مستخدم ايش أبرز الأعطال فيها وكيف الصرفيه وأسعار قطع الغيار وشكرا
انا شليت ٢٠١١ كانت ماشيه ١٣٠ بسعر رخيص والسياره ماشاء الله نظيفه غيرت لها محرك ماشي 54000الف والان معى لها الحمد لله ٤سنين ماغير زيت وبنزين وعبر خط طويل مريحات الترافرس
@@hgcrghnc2384 والله السيارة معي الان لها ٣ سنوات في السفر وفي عقبة العدا زي الحلاوة بس اهم شي تعرف انها سيارة مهي رياضية يعني اذا ودك تدعس في العقية افضل ركب مبرد قير رغم انه يجي معها مبرد وانا ماشي بمبردها السيارة جداً مريحة حتى في السفر انا الان الصراحة من عشاق الاكاديا
ماشاءالله تبارك الله انا معي ترافيرس 2012 شاريها مستخدمه قبل سنتين كانت ماشيه ١٣٠ الف والسياره ماشاءالله واضح كانت استخدام جدا جدا نظيف والان ماشيه معي ٢٤٠ الف تقريبا انطباعي عنها جدا جيد غيرت نظرتي للامريكي بصفه عامة اولا من ناحية رساوتها بالخط يعني ماشاءالله سيارة جدا جدا ناعمه مع المطبات والحفر وعزلها ممتاز ونجي لعزمها وماشاءالله برضو ممتاز طيييياره حرفيا على الرغم من ثقل وزنها الا ان دعستها تعطيك حقها وزياده طيب ونجي للاعطال او السلبيات بصراحه انا ماواجهي الا شيئين الي هم تنسيم بالفريون حق المكيف قد نسم معي ثلاث مرات ورغم هذا مااعتبر هذا عطل بالسياره بسبب انه وارد ع اي سياره وقد يكون من عوامل خارجيه والشي الثاني الي هو الحراره بالظهريات اذا مسكت خط مزدحم مع الظهر الله يعينك ع الحراره كلشوي ترتفع شرطتين بالكثير لكن هذي امرها بسيط فقط اطفي المكيف وافضي القير كل ماوقفت ترجع تنزل على طول وملاحظة اخيره عن السياره بصراحه تصرف بنزين داخل البلد وهذا شي اكيد بالنسبه ل٦ سلندر ولكن اشوف انها سلبيه وماتصلح للي ناوي يخليها سياره اساسيه لكل المشاوير لانها بتتعبه بالصرفيه **********وبالختام ادري طولت عليكم لكن حبيت اشارك لكم تجربتي مع هالسياره الي غيرت نظرتي عن الامريكي بكبره وحببتني بالشفر بصفه عامه ونصايحي للملاك هذي السياره بصراحه اقول ان اهم شي تغيير الزيت قبل وقته حط زيت ١٠ الاف وغير ع ٥ بالكثير ٦ منت خسران شي بالنهاية كل ماحفظت كل ما مشتك اكثر هذي السياره خلتني ارغب بالترافيرس الجديده بشده رغم اني من عشاق تيوتا ولكن كلمة حق الامريكي ان حافظت عليه والله انه يجملك ويمشيك قد ماتبي
انا معي اكاديا ٢٠٠٧ السيارة ما شاء الله قوة و متانه و وسيع كثير ، لكن كلمة حق تقال والله صرفية البنزين كبيرة و قطع الغيار سعرها مرتفع و فيه مشاكل اذا ودك تخلص من المشاكل لازم تنفض السيارة من اللوحة لللوحة اي نعم مكلف، لكن ترتاح من المشاكل. (ممشى السيارة معي ٤٠٠ الف كيلو و والله تعز عليي كثير ربي يرزقكم الاحسن)
قريت كذا تعليق يمدحون القديم أتوقع الاستخدام الهادي المحافظ تمشي معاه السيارة أما يجيك واحد يقاوم ويتحدى أكيد بتشتكي سيارته مهما كانت الأن التويوتا يطلب من ١٥٠ ألف كيلو وأقل تغيرت المعادلة والجودة متقاربة عند أغلب الشركات
انا معي trafres 2011 ltz ماشاء الله لم اشتكي منها زي الفل وحش بالشارع ولكن لاتوجد سيارة ماتعطل اوتخرب المشكلة بالفيتر المصلحين هم الي خربوا سمعتها والناس مالهة خبرة تبغي اتشغل واطير مايعرف صيانة تحياتي
ابعد عنه قروشه معي زيه تصليحه صعب وحراره بس اذا استخدامك كويس يمكن يكون معك كويس انا شريته مستخدم قبل يمكن ٣ ٤ سنوات وكان ثقه بالخط عزل بس الحين يبيله نفض بس ترا المقصات والمساعدات كل شوي تخرب لان يبيله اهتام يعتبر وياضي ما يباه حفر ومطبات تسفرها ولا ارصفه تطلعها ومو حق بر جنوطه كبار و البنزين يشفط شفط
اشتغلت على الموديل القديم واتفق معاك الاكاديا القديم مشاكل بشكل عام مااحكم على واحد اثنين عندي بعض الحاجات تهمني حتى الواحد يرتاح مستقبلاً اهم شي فيه فلتر مكيف مو مثل اول موديل نزل فلتر قير واخر شي فلتر بنزين حتى لا تضعف مع الوقت وتصرف بنزين ومن ثم تخرب المضخه عدا ذلك الجديد بطل من الاخير
الاكاديا 2009 و قبل فيها مشاكل لكن توقفت المشاكل كليا من موديل 2010 و للحين و معي أكاديا 2012 من عشر سنوات ....مممتتتتتتتااااااازة ...فقط تتعب وقت تبديل البواجي و السيارة رساوة و عزل صوت رااائع
مازالت شغالة معي زي اللوز و الممشى وصل 228 الف كيلو ما فيرت شي فيها الا طرمبة البنزين بحكم عمر السيارة موديل قديم فانتهى عمر طرمبة البنزين و غيرتها قبل اسبوعين @@user-mr9rk2xv1n
عبدالله الله يسعدك جاوب علي وش رايك فالافلانش من ٢٠٠٧ وفوق هل هو كويس خراباته و حرارته و قطعه و من كل النواحي انا طالب جامعه وابي لي واحد وش رايك ديارنا فيها جبال و طلعات ونزلات ❤️💐 الله يسعدك يابعد راسي
الافلانش كانك تقول تاهو حوض ممتاز وعملي بس في نقطتين مهمه الاولى ركب له مبرد قير بما ان منطقتك فيها جبال ثاني شيء حرام عليك تاخذ افلانش وانت طالب والله البنزين بياكلك اكل
طيب اذا تبي تجرب معاي انا طالع على دينالي ١٣ باليوكن حياك اما الاكاديا والترافرس القديمه فيها عزم بس اذا جا يوكن نشيط والله بتعبك وانا موتري اذكر قبل سنتين او ثلاث شخطت اكاديا ٢٠١٠
@@user-pn2zv4fb7l انا موتري مكتوم من قوه ما انه مكتوم يتفتف وهو واقف واتحدى الاكاديا حقك يطلع عليه مو سالفه عناد بس الي يعرف اليوكن حقي الي تقاوموا معاي فتك هوائيات بالمحرقه بجدة شاخطه وعندك ياطويل العمر والسلامة سلفرادو ٦لتر الجديد مواتر كثير مزعتها الاكاديا مجرب معه ونشيط ٢٠١٠ وبجدة بعد مديته اليوكن الي معاي في بطنه شيء وخلطه سريه فنصيحه لاتجرب معاي😂
كل هالأعطال اللي ذكرتها وتبغي الناس تشتري خلاص صارت عندهم قناعة انها ماتنفع ياخي فيها أعطال غريبة جدًا منها السياره ماتتعرف على مفتاح السياره ونادر ماتحصل واحد يفهم بس ايدفعك مبلغ خيالي ومافيه طريقة إلا انك تدفع ويتكرر العطل
هذا الشكل القديم اعطال واكررها بس محد يركز بكلامي الناس بطبيعتها تحب تسمع السلبيات اكثر من الايجابيات الجديد منه تغير تغيير جذري موتر بطل واثبت جودته من ٤سنوات
اخذت شفروليه ترافرس 2023 ماشي الحين 13000 قبل يومين مسافر على الطريق على سرعة 125 فصل القير بعدها وقفت. ورفض يمشي. وتم نقله سطحه ولحين الوكالة ما سوت فيه شي. تجربة سيئة جدا
الناس صعبت موضوع الاكاديا إلا أبعد حد الاكاديا سياره ممتازة وامرها بسيط زيها زي اي سياره أنا ملك اكاديا ٢٠٠٧ الحمدلله أمورها ممتازة وصيانتها عاديه لاكن ألناس تحب تهول الموضوع وتعطيه أكبر من حجمه مع إحترامي للجميع
@@javascript2267 لالالالالا صدقني بتتعب اخوي كان معه بي ام وكله مشاكل كهرب خسر عليه 25 الف ريال ولد عمي كان معه اكسبلورر 2008 تقريبا وخسر عليه 11 الف ويبي اكثر مشاكل الكهرب ماتخلص تبي سيارة جيب عائلي رخيص عندك اكسبدشن بس مادري عنك عندك سيارات كثير رخيصة و الخيار لك انا نصحتك مشاكل الكهرب ماتوقفف بس عندي لك نصيحة في الامارت سيارات رخيصة ونظيفة حيل تقدر تطلبها بس مادري كيف اكتب في قوقل اسم اسيارة الي تبيها وكتب للبيع في الامارات بس بتشوف فورد تورس في ال20 الف 4 سلندر توربو قصدي
@@Woo_ow خراباتها خراب هي والاكاديا سمعتها خايسه اللي بيشتريها ولا سمع عنها راحت عليه بالذات اللي جرب ٢٠١١ وفوق ما بجازف يشتري مرة ثانيه حتى لو غيرو قير ومكينه
@@HussainALi-yf2tt ماصدقت الى٢٠١٦ فيها مشاكل من ٢٠١٧ تغيرت وصار موتر مايشكي من شيء وانا الموتر له معي ٣سنوات والحمدلله مافيه اي شيء بس الي ماجربه يسبه عشان الشكل القديم الاكاديا الجديد لجم الكل ولجم منافسيه بالجوده والاداء والمواصفات
كانت عندي ٢٠١٤ صيانه في الوكاله ضمانها ٣ سنين او ٦٠ الف كيلو راح عليا الجيربوكس على ٧٠ الف وسعر تصليحه في الوكاله تقريبا ٢٤ الف السياره تكيفها ممتاز والسياره قويه وواسعه جدا في الداخل لكن حسب ما شفت ملييانه في الورش مشاكل جير و مكينة للأسف ماادري عن الجديد لكن هذه تجربتي عموما السيارة بعتها بخرابها
راح اوضحها ؛ لما اوصل ؛ سوف اشرحها!!! اختصر يا خوي ما تضيع وقتنا ايش الكلام هذا ركز شوية ما في سيارة اسمها ترافيرس اكاديا. أما شيفروليه ترافيرس أو جمس اكاديا!!
4:21 الموتر له معك ساعتين وتقول خرابات وانا الي الموتر له معي ٤ سنين وما واجهة اي مشكلة لا ميكانيكية لا ديكور لا كهربا وش اقول؟ رح شف باقي الفيديوهات حقة الاكاديا والترافيرس وشف ملاكهم بالتعليقات ولا احد اشتكا منه وكلهم يمدحونهم، الخرابات تحت ال ٢٠١٢ منتشرة بالقير والكهرب اما ذا الشكل الي من ٢٠١٣ لين ٢٠١٦ ما فيه اي خرابات لا عاد تلخبط، ذا اكثر موديل يمدحونه الناس هو وال٢٠١٧، اما الي قبل ذولي الجيلين هو الي حق الخرابات.
انت عايش على كلام الناس ما صارلك ساعتين مستلم السيارة وتقول اعطال ومشاكل لو تجربها اكثر من سنة تكتشف الفرق وبعدين لازم صيانة دورية للسيارة وما تبخل عليها بقرش انا معي واحد 2014 دفع رباعي ما يشتكي من شي شريته من المعرض في مشكلة بالقير صارله ثلاث سنين لليوم انتضر الجير ليخترب عشان اغيره ولسا اموره طيبة للعلم السيارة ماشية 160000
الشرهه ماهو عليك الشرهه على اللي متابعك بالله ماسألت نفسك انت وش شرحت يابغيت تشرح اشرح عن جميع زر داخل الغماره وش يخص وش عن مكان بطارية السياره عن تشغيل المكيف تطفاته اللمبات الي داخل الطبلون اشياء واجد تحتاج شرح كثير من الناس المساحه الخلفيه مايدري وين الي يشغله ويطفيه ادخل بالتفاصيل اذا تبي تشرح
يا رجال الداخليه تقل سيارة مناديب تقارنه البرادو البرادو والاف جي تمشيك مليون كيلو متر بالراحة اذا محافظ وبدون مشاكل والقير والمكينه تقارنه بسيارات اركب وانطل
مع احترامي الشديد يا حقين تويوتا ما عندكم سالفة كلكم تقولون نفس الكلام 😂 لما تحافظ على الشئ يمشي بس يجيك واحد يهمل الصيانة ويسحب عليها تضرب عليه يقول سيارة سيئة
