كلام مظبوط المستهلك اللي عايز يوفر هو اللي عمل سوق للعربيات الصيني بعد توحش الكوري والياباني فطبيعي لو العربية الكهربا بقت أوفر هتعمل حركة كبيرة في السوق ويا سلام لو يتعمل برنامج قومي بتسهيلات بنكية طويلة شوية للعربيات الكهربا على غرار الإسكان العربيات الكهربا هتوفر فاتورة المحروقات والزيوت على الدولة
كلام جميل وممتاز وخصوصاً في الفئة التالتة بس هى المساءلة والمحاسبة أن عموماً فكره أن أدفع مبلغ دة فى عربيه صيني جديده لسة فى التجربة حتى لو لية ضمان وبعد كدة فى إعادة البيع الأقى سوقة واقف يبقى الحل البديل الاعتمادية و إعادة البيع طبعا وغالباً دة فكر الفئة الاقتصادية
انا جيلك من المستقبل وبقولك حصل أنتشار والتوكيلات بدأت تنزلها بضمان ومحطات الوقود الجديده كلها بقا فيها شاحن والمستقبل جي وانا النوع التالت بفكر وبحسبها كده
كلامك جميل مع الاضافه إن سعر العربيه الجومتري بالاخص مبالغ فيه جدا وممكن تجيبها استيراد شخصي ب 21000 دولار هل منطقي سعرها عند الوكيل يزيد 16000دولار تقريبا علشان الضمان بس..... يغور الضمان الناس راكبه عربيات كهربائيه استيراد شخصي و غالبيتهم خاضو تجربه ناجحه والحمد لله السوق دلوقتي مفتوح عالمية وممكن تجيب قطع الغيار بنفسك.. يغور الضمان. يغور التوكيل
شكرا جدا لجهدك حضرتك في التغطية المستمرة لكافة جوانب عالم السيارات السيارات الكهربائية من مبادئها الاساسية .. الحفاظ على بيئة الكرة الارضية من العوادم الضارة ... نقطة مهمة جدا .. كبرى شركات السيارات العالمية ستبدأ بوقف انتاج السيارات العاملة بالوقود السائل بحلول عام ٢٠٣٥ جميعها بدون استثناء ... متبقي فقط حوالي ١٢ عاما .. و الله أعلم. 💐🇪🇬🌴
الموضوع بسيط. لازم دعم الدولة برفع الجمارك عن السيارات الكهرباء بدون شرط الموديل. توفير بنية تحتية للشحن بالطرق. تخفيض اسعار الشحن السريع. وطبعا ٣ حلول دول قاموا وكلاء ومافيا السيارات بمصر بتعطيلها كلها. حتى انهم افشلوا مشروع الدولة لتصنيه سيارة كهرباء مع شركة BYD اكبر مصنع للسيارات الكهربائية. البلد اقتصادها متقسم على شوية عائلات ومافيات
أتفق تماما ومن باب زيادة الثقة لازم يكون فيه ضمان مجاني طول فترة الضمان يعني مثلاً العربيات الكهربائية تقريباً مفيش فيها الصيانات الدورية وتغيير بوجيهات وفلاتر وزيوت زي العربيات البنزين لكن اكيد ممكن فيها قطع بيتم تغييرها في مواعيد صيانة دورية أهي القطع دي لازم تقدم مجاني ولمدة كويسة زي سنتين مثلاً صيانة وضمان مجاني يعني أدخل التوكيل واطلع مفيش جنيه ادفعه كده العربيات الكهربائية مش بس تنتشر لكن تكتسح المبيعات
كلام جميل و محترم و يا ريت الوكلاء يفهموا دة كمان mg نزلت نسخة كهربا تبع الوكيل بسعر خيالى على حجمها' تسعير خاطيء. على ما اعتقد دة مقصود علشان يبيعوا استكات البنزين اللى عندهم الاول.
كلام ممتاز وحلقه فى منتهى الروعه والشموليه العربيات الكهرباء انتهت من قبل ما تبدأ فى مصر بعد تسعير الشحن وبكدا فقدت الميزه الى كانا هاتخلى اى شخص يفكر فيها وتكلفه شحنها هايقرب من تكلفه الوقود
كلامك مليون في الميه صح , اؤيدك تماما و انا من الناس اللي لو فعلا وفروا عربيه صغيره للبلد حفكر فيها , غير كده لأ , كل الاحترام لكل كلمه قولتها في الفيديو ده
و انا بشتري عربيتي قررت اولا تكون موفرة فالوقود بتتجمع فمصر لتوفر قطع الغيار سعرها مناسب و مصاريف تشغيلها منخفضة و تكون اعتمادية و تكفي اسرة اب و ام و طفلين و بشنطة (سيدان يعني) و ممكن كل 6 اشهر اسافر بيها فالصيف الاسكندرية و فالشتاء الغردقة مثلا وفر لى الطلبات دي فعربية كهربا و انا هشتريها بكره الصبح (مش لازم رينج للغردقة بس مثلا 300 كم و يكون فى محطات شحن فنص الطريق) انا اشتريت نيسان صني ساعتها للعلم اعتقد نيسان ليف هتكون ممتازة issan Leaf N-Connecta
تحياتي لحضرتك شكرا جزيلا لحضرتك تحليل و ومحتوى رائع شكرا جزيلا من فضلك ما فيش أخبار عن السيارات الهيبارد وايه رأى حضرتك يا ريت حلقه عن السيارات الهيبارد شكرا جزيلا لحضرتك متعك الله بالصحة والعافية والستر من الله سبحانه وتعالى بالتوفيق إستمر ويا ريت يكون في مقارنة بين الكهرباء والهجيني
تقديم احترافي وعرض الموضوع بامانة وشفافية وصدق بدون مجاملة وبدون البحث عن مكسب شخصي لقد أصابني صدمة كبيرة حينما علمت بسعر سيارة صيني بمبلغ تعدي المليون وشوية وأعتقد انني حسمت اختياري بشراء سيارة بنزين ويبقى التفكير في شراء سيارة كهرباء اذا صدقوا كلامك بانهم يجب مخاطبة الشريحة الثالثة وشكرا على الإفادة مع تحيات فؤاد ومني السبكي
والله كلامك مظبوط انا شيف شركه سلمان اتو العربيه s1 عربيه حلوه اوي هيكون انشرها حلو اوي بس لو السعر يكون اقل من كده لان هم شركه شطره في مجال الانفيرتر ده اهم صيانه بعد البطاريات انا شيف ده هتكون بديل العربيه Byd البنزين بس لو سعرها اقل من ذالك
القصه ومافيها انها لعبة اطفال ببطاريه تتغير كل خمس سنوات وتقعد تشحنها خمس ساعات علشان تروح تلعب فيها بعد كذا يا جماعه البنزين هو الماضي والحاضر والمستقبل .
فيه كمان حاجة تانية و دي تخص العربيات الصيني و العربيات الأمريكي في موضوع الشحن و هي مخرج الشحن في المحطات اللي عندنا في مصر بروتوكول أوروبي مش بينفع غير للعربيات الأوروبي فقط و بتحتاج أدابتر للعربيات الصيني و الأمريكي و دا سعره غالي بيوصل ل 25000 جنيه ودا ضد إنتشار العربيات الكهربائية في مصر
ممكن أضيف نقطه للحضرتك قولته في الفئه الثانيه او الثالثه من المستهلكين و هي لو شركات العربيات وفرت عربيات بمدي سير كبير ٧٠٠ك او اكثر و تكون بسعر اقتصادي و قتها لا مجال للمقارنه بين البنزين و الكهرباء و أنا اول واحد يتجه للكهرباء كسياره اولي في المنزل. ولكن الوضع الحالي السياره الكهربائيه هي السياره الثانيه في المنزل و ليست الاولي. وشكر للمحتوي المحترم
كيف يمكن لصاحب السيارة الكهربائية التصرف في بطاريات الليثيوم أيون التالفة؟ هل هو مجبر على إعادة تصديرها إلى بلد المنشأ؟ أم توجد طريقة أخرى لجمعها عند جهة محددة بصورة آمنة وغير مكلفة؟
كلام مهم جدا محتاجين نعرف علي المستوي البعيد العربيات الكهرباء هاتكون فعلا موفره لأن العربيه بتحتاج بطاريه بعد فتره مش كبيره فا تكلفتها هاتعوض الوفرته ولا لا
المشكلة ان العربيات دى لسه جديدة ك فكرة و التكنولوجى لسه مش مستقرة كفاية عشان الليثيوم مش هيغطى الكمية المطلوبة للتحول الكهربى فى السيارات و ملوث للبيئة جدا و غالى جدا اصلا ف غالبا الشركات دى هتغير التكنولوجى المستخدمة فى البطاريات الفترة الجاية كتير لحد ما يستقروا على تكنولوجى تكلفة صناعتها قليلة تخلى الشركات الصغيرة تقدر تنافس
انا شايف ان العربيات الكهرباء فاشله اولا المدى قليل ثانى لازم أمشى على سرعه قليله عشان استهلاك البطريه وبردوا عشان ماتقصرش على المدى ثالثا مفيش بنيه تحتيه فى مصر ولا شواحن وبعدين عشان اسافر أقف فى نصف الطريق عشان اشحن على الاقل نصف ساعه هى عربيه مدينه وعربيه تانيه مش اساسيه وده رأى المتواضع
المشكله ان حتى لو الشركات الصينيه نزلت عربيات كهربا رخيصه مداها بسيط يبقا انت كده بتكلم فئه الى بتشترى عربيتين فى البيت عربيه للسفر و التانيه للمشاوير و برضوا الفئه دى قليله
ما علقتش على موضوع الشحن المنزلي اللي مش متاح إلا لاصحاب الجراجات أو الفلل، ألخ.. الشخص العادي اللي ما بيلاقيش ركنة إلا في الشارع اللي ورا بيتهم فاقد ميزة الشحن الليلي الرخيص في البيت وحيتعذب من قلة محطات الشحن التجارية
