في هذا المقطع رح نشرحلكم عن السمنة وأسبابها و طريقة علاجها حسابي الانستا : / shadooww_0 ماهي السمنة(0:12) كيف اعرف اني سمين( 1:00) أسباب السمنة(1:38) أخطار السمنة(3:16) مضاعفات السمنة(3:48) طرق وقاية من السمنة(4:25) خاتمة(5:40)
انتبه لنفسك ! بتكلم من وجهه نظر شخص ماقد تعدا وزنه ال٤٨ و٦٠٠ جرام وحاسبه بالضبط لاني كنت اكره نفسي ذيك الفتره كره مب طبيعي على الرغم من ان وزني يعتبر جدا كويس وكانت كثره اكلي من كلام الي حولي وبالاخص اهلي وكثره تعليقهم على نحفي رغم ان ذا النحف ناتج عن نقص فيتامينات وانيميا وأشياء ثانيه من بعد مازاد وزني بأن علي نوعا ما ورجعت تعليقات الي حولي على اني سمنت ولا اقولك عن نفسي الي كنت اجلدها ليل نهار على وزني وقد ايش اني متضايق منه ويجون يزيدون فوقي الكلام وقتها كنت اقول بنحف وازيد في اكلي ومو قادر أوقف حتى لو حسيت بشبع لين جا يوم جلست على السفره ماكملت لقمه ورحت كنت متعرف من الاكل رغم انه كان نوع اكل احبه جلست لحالي افكر ليه ماقدرت اكل استمر معي التفكير لساعات وفي آخر فكره كان يجيني شعور برضى عن نفسي واني ما اكل وكنت ابذل جهد كبير واتمرن بشكل مستمر وانا ما احط بفمي شي غير المويه ومرات توصل أحاسب نفسي على كثره شربي للماء! وكنت اندم على كل لقمه اكلها وتوصل اني لو اكلت شي اغصب نفسي استفرغه! كنت اتعب كثير بس أرفض اكل رجع وزني ينقص والي حولي رجع كلامهم لي واني نحيف بزياده ولازم اسمن كنت عالق بين نارين صرت اكل بس اول مايدخل شي فمي يجيني شعور الندم اني اكل ورجعت اكل بنهم وبشكل مو طبيعي وبنفس الوقت نادم على كل لقمه تدخل فمي رجع وزني زاد ورجع الكلام وذي المره مو بس الي حولي يلوموني حتى انا ألوم نفسي واكرهها وجا يوم صرت اتغصب اكل وكل ما اكلت اغصب نفسي استفرغ صار اي شي يدخل بطني يطلع على طول وماعندي شهيه لشي علك ومويه وقهوه كان اكلي يوميا ومن بعدها صابني مشاكل صحيه كثيره مو لسمنتي بل لنحفي وكانوا اغلب الدكاتره ينصحوني باني ازيد وزني ولو شوي ويعطوني مكملات غذائيه وفاتح شهيه ومع هذا ماكنت اقدر اكل عدت علي فتره تعبت كثير ماكنت اكل او اشتهي شي وتعبت فتره بسبب (مشكله في الامعاء ماودي اتكلم كثير عنها) وكان الحل الوحيد هنا وبعد ما أخذت كميه ادويه مو طبيعيه هو عمليه من بهد العمليه تحسنت بشكل ملحوظ رجعت اكل اشياء خفيفه (حليب ، تمر ، عسل ، شوربه) ومع هذا اول ماشفت وزني زاد امتنعت عن الأكل تماما وكان ذا الشي يضرني ماينفعني وانا مب راضي عن نحفي ولا راضي عن انه يزيد وزني عالق بين امرين مو قادر استوعبها ولين يومك ذا وذي المشكله فيني حاولت افهم السبب بس مالقيت الا انه سبب نفسي واضطراب في شهيتي وخصوصا اني معرض له أكثر من غيري بسبب الBPD او المعروف باضطراب الشخصيه الحديه وكلامي هذا مجرد تجربه اقولها ومعاناة عشتها واقولك لاتهمل نفسك وزنك لايزيد كثير ولا ينقص كثير انتبه لنفسك انتبه لنفسك انتبه لنفسك تكفى ومثل ما السمنه تسبب مشاكل حتى النحف يسبب مشاكل كثيره مالها نهايه ولا بدايه ويمكن الي فيك شي نفسي فروح لمختص وكلمه وعلمه بكل شي يصيرلك . ماقلت الكلام لشفقه من احد ولا اي شي قلته بس عشان لا احد يعيش الي عشته لان والله ما اتمناه لاعدائي ، تكفون انتبهوا لنفسكم لأنها والله امانه بين يدينكم كلام طالع من قلب والله
ماشاءالله المونتاج رهييب. بالنسبه للموضوع اصبحنا تراه بشكل كبير بالجيل الجديد يعني الاطفال، والوعي عند اهلهم جدا ضعيف من ناحيه صحه الطفل هم بس بدهم الطفل يسكت واي شي يبيه يوصله لين عنده والطفل بطبيعته مارح يعرف مصلحته ومارح يكون عنده وعي كافي لان اهله الي هم العامل الاول والاهم ما فهموه
والله معك حق بكل الكلام الي تقوله السمنه البعض يستهين فيها لو فات الفوت ما ينفع الصوت لازم الواحد يهتم بوزنه ونفسه قبل لايوصل مرحله يندم فيها اشد الندم 👋
انا خسرت 6-7 كيلوات في ثلاثة أشهر ،واعرف أنه تطور بطيء لاني ما حرمت نفسي ابدا من الاكل بل اي شيء يجي ببالي واشتهيه اروح آكله (حتى الوجبات السريعة والي ما انصحك فيها الا لو في مناسبة) لكن آخذ حصة قليلة يعني مثلا بيتزا مقسمة الى 8 قطع آكل قطعتين الى ثلاث قطع وايضا اتمشى كثير بعد الاكل المو صحي والي خلاني اشوف نتائج رهيبة خاصةً في اليدين واعرف انك تقدر تخسر وزن أكثر لو اتبعت حمية جيدة بس انا ما كنت اريد أحرم نفسي من الشيء يلي اشتهيه وان شاء الله استمر واخسر وزن اكثر وادعولي.
انت ذكرت اسباب تعتبر عوامل اساسية للسمنة ولكن نسيت اهم سبب‚ انذكرت بشكل غير مباشرة وماتفصلت فيه ‟المجتمع“ او بالتدقيق مجتمعنا السعودي لانه مقارنة بجميع الدولة العربية او الاجنبية تجد اكثر نسبة للسمنة موجودة بالسعودية حسب لاحصائيات . جميع المصادر لي راح اذكرها اخذتها من قوقل . ف مقارنة بدول اخرى نجد ان الفرد روتينه اليومي متزن وهذا راجع الى القيام بنشاط بدني يحرق فيها السعرات الحرارية هذا راجع الى وجوب العمل من اجل الحصول على قوت اليوم ولكن في مجتمعنا السعودي واسف على الصراحة نجد ان معضم الشباب او حتى الكبار ولاطفال تعاني من سمنة مفرطة سببها الكسل والاكل وايضا سهولة الحصول عليه بسبب المال لي يوفره الوالد له وتوفير جميع سبل الرفاهية ك السوني والى اخره مافي سبب يدفعه انه بقوم باي جهد بدني ونتيجة لذلك نجد انتشار السمنة .... كنت اقدر اخصتر كلامي في بعض الكلمات ولكن ستكون جارحة ففضلت اترجمها باسلوب احسن لان ذي افة خطيرة ولازم نعالجها اما بخصوص عملية التكميم تندرج على الكلام لي قولتو لكن فيها تفصيل مره كثير
كلامك سليم ميه بالميه بس انه انا يابعد قلبي ماخصيت السعوديه عرفت بوجه الخصوص تكلمت بشكل عام وفيه اشياء كنت اقدر افصل فيها أكثر بس حبيت يكون كلامي على الأوجه من برا
في ناس ما يغيرون هذا الشيء بنفسهم بحجة الوقت، بسبب العمل و عوامل ثانية و إلخ... و أنا أؤمن إن مافي شخص ما عنده وقت و الإنسان لو حاول و أخد من الوقت إلى يحطه في الجوال و من الوقت إلي يحطه في أشياء غير أساسية في يومه بيلاقي وقت كافي لنفسه، و بخصوص العصائر الطبيعية فسمعت و الله أعلم أنها سيئة للدايت لأن مثلا لو جينا نسوي عصير برتقال حنتاج ٣ برتقالات على الأقل و لما نعصر البرتقال نحن ناخد السكر إلي فيه فكانك أكلت ٣ برتقالات في شربة واحدة و الكوب الواحد يمكن ما يكفيك و تاخد كوب ثاني ينصح بالمشروبات إلي مافيها سكر زي القهوة دون سكر الشاي الأخضر و إلخ... و أكل الفواكه بدون ما تحولها عصير، هذا إلي سمعته ماني بمتخصصة بمجال التغدية
يخوان بقولكم نصيحة دور فيديو رياضة باليوتيوب تحس يناسبك بس نص ساعة بالبيت سكر الباب بعدها تروش بيجيك احساس اسطوري تحس بالحياء لمدة اسبوع اسبوعين تنحف كثيير طبعا لا تنسى تنقص الاكل
@@asa.3h يا اخي افهم كلامي قبل ما تعلق عليه، العصائر الطبيعية عبارة عن فواكه معصورة ، افرض عندك برتقالة متوسطة الحجم فيها ١٤ جرام سكر لو تبي تسوي كاسة عصير برتقال "طبيعي" عالأقل بتحتاج من ٢-٤ برتقالات ف قول بالمتوسط 3.5 بدال ما تاكل برتقالة وحدة وتشبع بتخاذلك قنبلة سكر (49 جرام) هذا لو افترضنا انك معتدل وشربت كاسة وحدة ولا بتحس بأي فرق عموماً. ناهيك عن نقص الفيتامينات والألياف والمعادن الي بيصير يوم تعصر الفاكهة مثلاً عندك الألياف تقل بشكل ملحوظ لما تعصر الفاكهة. لأن الألياف موجودة بشكل رئيسي في اللب والقشرة، وعملية العصر تفصل العصير عن هذي الأجزاء، مما يقلل من كمية الألياف بشكل كبير في العصير مقارنة بتناول الفاكهة كاملة. والمعادن والفيتامينات مثل فيتامين C وبعض الفيتامينات الأخرى قابلة للذوبان في الماء ويمكن أن تُفقد جزئيًا خلال عملية العصر أو التخزين. بالإضافة إلى أن الفيتامينات الحساسة للأكسدة يمكن تتدهور لما تتعرض للهواء خلال عملية العصر. وغيره الكثير من الفروقات.. الأفضل تناول الفاكهة كاملة وليس عصرها للإستفادة منها بشكل ممتاز دون استهلاك كمية سكر كبيرة. وكونه سكر طبيعي ما يعني إنه "صحي" أبداً.
والله كلام كليم والمونتاج ما شاء الله تبارك الله ولا غلطه لكن انصحك انك ماتكثر من المونتاج القوي لأنك راح تتعب نفسك واذا تبي تنشهر حاول انك تجذب الناس بأسلوبك مو (بالمونتاج) وايضا ياخوي والي هي أهم نقطه ( عيون الناس ما ترحم ياحبيب اخوك) واللي ملاحظه بعد انك تنزل كل شهر فمن الواضح انك تتعب مره على المحتوى ماشاءالله ، الله يوفقك وان شاء الله تنشهر اكثر واكثر
انا قيمر و اكل كثير ولا اتحكر كثير ب اكلي اغلبه يا شوفان بس اكثر منه صراحه بس احط قطره عسل معه تفاح برتوين بيض و سلطه بس اكل شوفان ف اليون ٤ مرات و زبادي و صراحه زاد وزني افضل من سمنه خطيره