والله بالعكس سترت عليها ومدام شافت فيها الخير لاه تظيعها من يدها ربي راح ياجرها قادر تكون نيتها للخير مش للشر كيما حسيتي استغفري مولاك ومتخليش للشيطان ولو ثقبة ابرة باه يخرب بينك وبين ختك
حتى خطيبة ابنك هي الغالطة كون ماقبلتش كون جات تحبو صح واختك ربي يهديها علاه غير هي طفلة ربي يهديهم وانت البراكة في راسك وربي اصبرك اختي صلي وادعيلو بالرحمة والمغفرة
أنا نقول ربي معاك يا أختي ربي يصبرك بصح يا أختي بلاك شافت عروستك ناس ملاح و بنت فاميلية و هذا الوقت راكي عارفة قليل تلقاي بنت ناس و الزواج مكتوب و نصيب أختي ربي قال فلانة زوجة فلان ربي يجبر بخاطرك و يصلح الأحوال 🤲🤲🤲🤲🤲
ربي يرحم وليدك في نهاية لازم تقتنعي بلي كلشي في هذي الدنيا مكتوب ربي و عسى أن تكرهو شيء وهو خير لكم هي اختك سمحيها و الكاظمين الغيض والعافين عن الناس اعد الله لهم مغفرة واجرا كريما
أنا نقوللها لازم تمني القضاء والقدر و تعرفي بلي طفلة ربي كتبها لزوجها دوك شوفي يختي الرسول صلى الله عليه وسلم أمر زيد لي كان كافلو يطلق مرتو وتزوج بيها وقعدت الآية تتلى إلا يوم الدين فما بلك بوليد ختك ختي ختك مدارت لاحرام لا باطل.ايه ياختي وقت الإستعمار يموتو رجل ويخليوهم بولدهم تخلاص لعدة يديها الأقرب لراجلها به يسترها ختي وسعي قلبك وروحي عند ختك وحضنيها وفرحيلها وليدها شوفي فيه وليدك إن شاء الله تشوفي تعليقي
تاع الصح مشي ساهل باش تفقدي واحد عزيز عليك ربي يصبرك و ربي يرحمو ويجعل مثواه الجنة الفردوس الأعلى و يرحم زوجي عز الدين اللهم اجعل قبرهم روضة من رياض الجنة و اجمعنا بيهم في الفردوس الأعلى آمين يارب العالمين والصلاة والسلام على رسول الله صلى الله عليه وسلم
الدنيا مكاتيب ربي راه يمتحن فيك وفي صبرك مافيها والو ربي كاتبلها لولد ختك من الاول وولدك كاتبتلو الموت استغفري وكثري الدعاء والرحمة عليه عساه من اهل الجنة انشاء الله
سلام اختي صفية وسلام خوتاتي أنا اختكم صليحة من العاصمة نطلب منكم طلب تدعولي ربي يرزقني بالذرية الصالحة عندي قريب ستة سنوات زواج ولم ارزق بعد ربي يفرحكم ادعولي فقط شكراً
خطيبة ولدك .ربي كتبها من اللول لولد ختك.ربي الي عالم من اللول.تسامحي مع اختك و كملي حياتك.متزيديش هم على هم وتزيدي تمرضي روحك. ربي الي عالم بالغيب . و الا تأمني بالمكتوب هاذا هو . ربي يرحم ولدك و يسكنه فسيح جناته.
زواج حلال يا الحاجة و راكي انسانة قارية و مؤمنة و تعرفي في شرع ربي سبحانو الموقف لي راكي داياتو غالط عبالي بالي راكي متألمة لفراق ولدك بالصح هذاك هو عمرو ربي يرحمو و يصبرك عليه و يلاقيكم في جنات الفردوس
السلام عليكم ورحمة الله وبركاته اللهم صل وسلم على سيدنا محمد وعلى آله وأصحابه أجمعين أتمنى لكم كل النجاح و التوفيق جزاكم الله خيرا قصة مؤثرة جدا ربي يصبرها ويكون معها قالك دمك هو همك mais ç' est dommage ç' est ça la vie 😦😦😦
Ma soeur pour commencer je me permets de te présenter mes sincères condoléances pour ce qui est de la mort de ton fils Je demande à Dieu le tout puissant de te donner la force pour surmonter ce drame Pour ce qui est de ta sœur il est très vrai qu'elle a commis une erreur en prenant pour belle fille la future fiancée de ton fils Amer A mon avis la fiancée de ton fils connaissait sûrement ton neveu bien avant si elle aimait réellement ton fils elle aurait pu dire non ou du moins essayer de patienter et même par respect à son défunt fiancé amer elle aurait pu demander ton avis Les enfants de maintenant n'en font qu'à leur tête Essaie d'oublier et de continuer à vivre pour ton mari et tes autres enfants Dans l'islam le deuil c'est uniquement trois jours Dans tes Prières demande à Dieu le tout puissant d'accueillir Amer dans son vaste paradis et dans la paix éternelle et de te donner la force pour continuer à vivre pour ceux qui t'aime très bon courage ma soeur que la paix soit avec toi
والله يا اختي بكيتيني وقلبي راه حاس بيك الله يصبرك ويقويك شدي فالله لكان ماولدك زين مايخيره ربي الله يزوجه من حور العين ويجعله من اهل الجنة يا رب اما عن اختك روحي عندها وتيقني بلي مكتوب السيرة تم من الاول وابنك زوجته احسن من كل أهل الارض وكوني من الصابرين والصابرات باه تلقاي وليدك في الجنة إن شاء الله
ربي يصبرك اختي و يشفيك و وليدك ادعيلو بالرحمة يا ربي يرحموا و بالنسبة لاختك هذا مكتوب ربي وش نقول لاختي هذيك الطفلة كاتبة لهذاك الطفل حكمة ربي الجئي لربي هو يداوي جروحك ربي يصبرك اختي
استغفري ربي وتوبي ليه هدا راه مكتوب واختك راهي من صلت الرحم وربي وصانا على صلت الرحم شدة وتزول ولدك الله يرحمو اترحمي وصدقي عليه هدا هو الشيء راح يشفيك نفسيا تقربي الى الله بالاعمال الصالحة
حبيبتي صاحبة القصة قد تاثرت كثيرا لكن الحياة مستمرة وامهات كثيرات مثلك اجعلي مناجاتك لله ولن يخذلك ابدا فهو السند لكل مهموم اما زواج ارملة ابنك بابن اختك فهي حكمة لا نعلم سببها الا الله هو الذي اذن بذلك فلا نغير ما كتبه الله لا تقاطعي اختك فهي من رحمك وان شاء الله يعوضك بما يريح قلبك
سلام عليكم ربي يرحمو بنك وان شاء الله يكون من اهل الجنة ونتي ربي صبرك وادعيلو بالنسبة لختك روحي ماتقطيع صلة الرحمة وهدا مكتوب ربي بلاك ختك خاطيها بنها هو لتعرف علا طفلة وحب يديها وختك ماقدرتش توقف عقبة في وجه بنها روحي وفرحي معها كما هي كانت فرحانة معاك وتسجي معاك فالعرس وكمات بنك وقفت معاك لاشتا ختك غلطت اتفكري وقفتها معاك وزيد هدي مكاتيب الله واحد مايقدر يبدل وش كاتبلك دوك لفيدك دعاء لبنك وصدقي عليه وكما فوتي اكبر مصيبة وهي موت بنك ان شاء الله تتسامحي نتي وختك وتفرحي بولادك لمزالو وهي واقفة في كتافي ان شاء الله
الله يعطيك الصحة اختي على هاد الحكايات من مجتمع نتاعنا بصح شتا بغي ديري هدي حجة نتاع ربي الله يكون معها هاد الأخت كاين لي يتزوج مرت خوه كي يتوفى روحي عندها هدي أختك صلات الرحم كوني نتي خير منها ودعيله برحمته الواسعة هدي هي دنيا مكان ولو ربي يصبرك عليه 💔💔💔
اختي العزيزة ربي يصبرك والله العظيم قصتك حيتي جرحي من جديد وصدفة قصةولدك واسمو كيماخوياعامر الله يرحمهم . خويا عامرمات شهرين بعد عرسو وكيفكف طاح من الطابق الثالث . اسال الله ان يرحمهم ويجعل قبورهم روض من رياض الجنة ويجعلهم من الشهداء مع النبي محمد صلى الله عليه وسلم وينزل حمته على كل قلب مكسور
أختي الله يصبرك على فراق ابنك و يربط على قلبك.الله يبارك لك في أولادك و بناتك.الله يفرحك بهم و بأولادهم.أختك غلطت لأنها لم تخبرك و لكن الزواج قسمة و نصيب.الله يقويك و اسمحي لها و ادعي لولد أختك بالذرية الصالحة.الحمد لله لله ما أعطى و لله ما أخذ.لا تسمحي للوساوس أن تحرمك من أختك.روحي عندها واجهيها.الموقف صعب لكنك سترتاحين و لا تدعي الحزن ينسيك في زوجك و أولادك و بناتك.الله يجبر بخاطرك و يفرحك.
هاصحا وين راه مشكل كيما تبغي ولدك تبغي ولد أختك وين راه مشكل مراهاش غالطة وتقعدي قاع عام تشوفي فيها نورمال تولي تشوفي في لي كنتي باغيتها لولدك روحي عند أختك راها صلة رحم أختي
حبيتي صح كلامك لكن هي بعد ما فقدت ولدها،مرضت ولات متشوفش غاية وعايشة،غير بالنهدئات والطبيب قاللهم،اي حاجة تفكرها،بيه بعدوها،عليها لدرجة،انهم باعو دارهم بثمن أقل غير باش تنسى،وفي الاخير اختهى بعد عام داتها،عروس على الأقل لوكان خلات اختها،ريحت
انا منيش نشوف انو اختك غلطت ربي يهديك ويصبرك على وليدك نعم روحي عند اختك والله ماغلطت واختك مال الدنيا ومايعوضكش عليها ربي يحنن لقلوب ويهدي النفوس وينزل الحب و المودة والطمأنينة على قلوبنا 🤲🤲🤲😢😢😢
لا حول ولا قوة إلا بالله العلي العظيم ختي الكريمة الاعمار بيد والنهار اللي كتبلنا ربي نروحو فيه مانقدروش نزيدو دقيقة بعدو. اختك غالطة في اختيار خطيبة ولدك المتوفى لابنها ولكن عسى أن تكرهو شيئا ويجعل الله فيه خيرا كثيرا. انت باين عليك انسانة مؤمنة طيبة و صادقة في مشاعرك توكلي على ربيان ديري واش يرضيه .
يا اختي هذا مكتوب .امالا ليتزوج بالاخت تاع مرتو بعد وفاتها واش نقولو عليه . الحي ابقى من الميت و مادام حاجة محللها ربي يعني لازم نتقبلوها صح في الاول تجيها صعيبة بصح مع الوقت تنسى الا النسيان رحمة من عند ربي.