والله يا اختي عندك الحق انا وحدة ديزابونيت من بزاف قنوات جابوبلي اكتئاب هادو حوايج هادو مواعن هادا قش لدار ولي كان مخليني في قلق دائم واحباط هدوك لي يديرو روتينات وتوريلك بلي في نهار غسلك الكوزينة والدار كمبلي ونطيبت فطور وعشا وزادت حاجة للقهوة .....الخ وهوما هاداك الشغل لي وروهولنا في 20 د يكونو خدموه في يومين ولا 3 وماشي وحدهم بالمعاونة
ميمي لعزيزة انا كنت نصرف ونموت على الشوبينغ وما خبيت حتى دورو حتى نهار عرفتك وشفت كامل فديوهاتك تبدلت كامل عقليتي وهذا اول شهر طبقت نصايحك وتوفقت درت بيت خزين ودخرت مبلغ صغير الحمد لله والفضل يرجع ليك قدرتي تغيري تفكيري نحبك ميمي😘😘❤️
يعطيك الصحة كلامك صواب كلو صحيح خاصة بعد ما جات الكورونا الحياة تبدلت. ربي رجعنا للفطرة. بين لنا بلي الانسان يعيش حياة الوسط وليس الرفاهية ويفكر في دار الاخرة ويخدم ويزرع باش يحصد الجنة. الفردوس الاعلى ما شي البلاطوات الدوغي والديكورات الصاخبة والمشتريات الي ما يرضى علها لا ربي لا النبي. المهم انا كنت مبذرة ووووو بصح كورونا فهمتني ورجعت الى طريق الصحيح توبة من الاسواق توبة من المصاريف الزاءدة. الي حب يستثمر يستثمر في تربية اولادو وفي طاعة ربي.
والله لا كلامك عسل مقطر انا كان فيا بعض السلبيات ملي تكلمتي عليهم هوا حب الاواني ودراهم ماكنتش نديرلهم حساب للاسف حتى صبت روحي في الهاوية ولحمد الله لي فطنت قبل فوات الاوان نحمد ربي صباح وعشية لي تعرفت عليك ربي يعطيك ماتتماناي ياحبيبتي الغالية
ميمي نقتارح عليك ديرينا سلسلة كل مرة موضوع مثلا موضوع الإدخار التوفير كفاش نتصرف في بيتي يكون سلسلة فيديوات مثلا بيت خزين سلسلة وهكذى مجرد اقتراح لأنو هذ المواضيع مهمة بزاف
صح ختي مريم عندك الحق في كل كلمة قلتها انا درت شحيحة مدة عام وليمت تلات ملاين وشريتها عجانة سانتوس مع العلم أن زوجي شهريتو 800الف لكترو مناجي شريتهم كامل غير من التوفير ومزالي غير فريجدار ربي يقدرني ونشريه
يعطيك الصحة اختي.كما تقول ميمي الكرامة نتاعك تروح كى تسلفى و تذلى روحك .اتهلاي فى روحك بدون تبذير و لمى و عمري دارك.اشري سرفيس و كوكوت و بيتران الخ.و ربي يفرحك و يقدرك حنونة
@@ayamaram934 ابداي عمري دارك بالأساسيات فراش باهي، ماعن باهيين ،ريدو شباب ، و من كل حاجه حاجه واحده فقط ..واشري كوشه .ماشينه مش شرط على ضربه كل مره و كيفاه كي تكملي هاذو الحوايج الاساسيه اللي يبينو بلي راكي مرا تع دار اتهلاي في روحك اشري واش خصك و ماتديريش الحيله حتى ربي يباركلك ....
سلام ميمي توحشت كلامك بزاف راني مع لفطور درتيلي حاجة في راسي انا نشري حاجات كي ندخل لدار نندم بلاك ماينفعوني في حتى شيء هذي نصيحة من عندك اندير عليها صحا عواشرك
صح عندك الحق ديريلنا تقسيم شهرية تاع 3ملاين وجدول الاكل الاسبوعي انا ما نبذرش نشري غير واش نحتاج ملابس واش لازم والله كلش غالي سوى حوائج سوى ماكلة والله ربي يكون فالعون
السلام عليكم اختي انا مانشري منخصر ومادرتش التاويل على جال درنا prix de cnep الحمد الله عندي لوكو والدار لكن ماكاس الزيادة نصيحة لكل واحد اووحدة متخلطو ش في السلفيلت الربوية رهي خراب
كاين لي يدخرو ويحرمو ولادهم هاذي تاني ماشي مليح لازم الوسط والله نعرف واحده صح دخر لكن حرمت روحها وولادها لابسه ماتلبسش تسنا غير لي مدلها وتشري الذهب .
@@Julia41000 غسلي كيما حبيتي انت حرة ولكن علاش تدخلو قنوات اقتصاد وتهاجموهم هي تتكلم على دخل ضعيف وحتى متوسط والله تلعبيها غير شويا فايقة تلقي روحك بالديون وسمحلي لي
@@amanijilan214 الحمد الله ياختي والله عايشة خير من بزاف ناس ولله الحمد، وحاسنا عون المساكين وحاشا نعايرهم انا قصدي في الاقتصاد انو المراة مالازمش تهمل روحها تعيش حياتها كامل وهي تقتاصد و تنسا عمرها الله جميل يحب الجمال مشي على جال الاقتصاد نعيش كامل حياتي انا كي الطلابة،ماساعية شوية ريحة نديرها على عمري ولا تحفيفا من وقت للوقت .....والفاهم يفهم
خير الامور اوسطها البسي لزوجك وتزيني صح بالشي لي تقدري عليه ولكن هي تتكلم على النساء وشريان القفاطن تاع لعراس والحفافات لي تروح في نهارها والقفطان مرة في العام تلبسيه ،وعلى كل يوم حجاب وموكسا هك فهمتها قالت ما تفسدوش وقليلو الشري بغير فائدة وكل واحد يمشي على مقدورو ما نهمل روحي ما نفسد
بارك الله فيك أنا روحي في لماعن ودراهمي كامل ريحين فيهم وحاولت نتوقف عنها لكن ما قدرتش غير اشهر كورونا هههه توقفت على الشراء ورجعت ان شاء الله نحاول بارك الله فيك
سلام ختي ميمي يعطيك الصحة والله كلامك صواب كي يلحق رمضان تصيبي النساء عند الحوانت تقولي هدو ماكانش عندهم فاش يكلو والله غير يخلعوني ربي يهدينا وربي يعمر حجرك عاجلا غير اجل امين يارب
شكرا على الموضوع الرائع والله غيرصح كلامك في الصميم ربي يوفقك تستاهلي كل خير قناتك هادفة وأصلي ولا تهتمي لتعليقات السلبية فاغلبية الشعب من الطبقة المتوسطة والله هو المستعان ونتي ربي يجازيك على كل ما تقدميه ،❤️❤️
صدقيني يا اختي ميمي اناعندي 19 سنة زواج ما شريتش سرفيس تاع رمضان عندي واحد السرفيس شريتو في بداية زواجي و كل ما يجي رمضان نجبدو و من بعد رمضان نخليه لرمضان الجاي و هكا
و الله يا ميمي كلامك ما يتشبعش لانو صواب انابنتي لكبيرة اشركتها معايا في إعداد مخطط للعام الجديد اذا كنا حيين و قلتلها يا بنتي تعلمي ديري التأويل و الورقة و الستيلو يكونو رفقائك
حبيبتي ميمي يعطيك الصحة على هده النصائح القيمة ربي يعطيك ما تتمناي ويحفضك 💖💖💖ارجوكي قوليلي كفاه نوفر وانا راجلي يخدم في لفاج ...يخلص بالنهار وكل مرة كفاه على حساب السيارات لي يغسلهم وكي طيح شتاء ميخدمش..عندي 3 اطفال البنت 15 وأخرى 12سنة وطفل 5سنوات انصحيني كفاه ندير الله يسترك حببتي الغالية
جزاك الله خيرا اختي على الافكار و النصائح لي تقدميها لينا ولي نحسها نابعة من قلب اخت تحب لينا كل الخير. ياريت كن لقيت لي ينصحني بها من قبل و لكن معليش الحمد لله لي فقت و تداركت شويا. ربي يحفظك اختي و يعطيك كل ما تتمنى.
سلام ميمي ختي والله كرهتيني فالشرية ووليت نحب نخبي.الامثلة الي راك تهدري عليهم واللله شفتهم في حياتي في الاقارب.الي دار التاويل لولادو والي خرج تقاعد ماصاب والو دراهمو راحو غير ماكلة. سمعت راجل كان يخدم في فرنسا هو وخوه وكانو لزوج يبعثو دراهم لنساهم الاولى تخبي والثانية تاكل وتلبس هي وولادها وبعد 5سنين رجعو الخاوا الاول صاب باش يبني ويشري طوموبيل والثاني والو قالها مدرتيها ذهب مخبيتيهم قناطر كليتيهم دلاع ولحيتك تتقاطر.
بارك الله فيك اختي الكريمة ان شاءالله يعطيك الصحة والعافية حنونتي علي كلامك الجميل كله مفيد جدا التوفير ليس على المحتاج حتى رجال الأعمال و الإدارة يعمل مزمية و التوفير وعروض باش تنجح الشركات كل شيء بتدبير و التوفير في هذا الحياة وشكرا لكي
مساء الخير يا اختي العزيزة 👍🏼👍🏾👍🏽👍👍🏼👍👍👍👍 كلامك هو الصح الكرش ما تقرش كليتي وللا واحد ما شافك لبستي وللا راكي عريانة ويعطيك الف صحة وعافية 👍 وبارك الله فيك على هذا الفيديو الرائع القيم والمشجع والمحفز شكراً عزيزتي 💞💐💐💐💐💐💐💐💐💐💐💐💐
