الله يعطيك العافيه يا مهندسنا القدير رضى الناس غاية لا تدرك فيه مشاكل تجي بسبب طبيعة الشخص نفسه ومنها: ١.فيه شخص يحب عنصر المفاجئة تحصله يأثث البيت كامل بما فيه المطبخ بعدين يجيب عائلته ويبدأ نسف الجبهه من المدخل للمطبخ ويتهاوشون ويتحطم ويمكن توصل للطلاق مستقبلا بسبب تراكمات النسف. ٢. وفيه شخص يبغى يوصل فكره لزوجته واقاربه انه يعرف الزين وهذا النوع تحصله يشتغل بخفيه وما أحد يدري الا وهو مخلص التعديلات أو التأثيث وبعدين يفاجئهم ويتم نسف الجبهه ، طبعا هذا النوع قليل أنه يتأثر من النسف لأنه حاط في باله أن النسف ارحم من ان زوجته او احد اقاربه يقوله الاقتراح او الفكره اللي كان ناوي يسويها اصلن. ٣. فيه شخص عنيد إذا قلت له اقتراح أو فكره وكان ناوي يسويها اصلن خلاص يلغي الفكره تماما حتى لو يهد البيت اهم شي ما ينفذها عشان ما يقال انها فكرة فلان او يجي يذكره فيها (وهذا النوع أخطرهم انتبه تنسفه حتى لو مزح يمكن يذبحك). وفيه مشاكل تجي من الأخرين (اقارب او اصدقاء) وهم نفسهم اللي ذكرهم مهندسنا ابو محمد لكن ودي اضيف نوع (المحطمين او السلبيين او مكسرين المجاديف) هو السبب في عزوف كثير من الشباب عن تملك بيت جاهز أو بناء شخصي هذا النوع هو: اللي يحسب نفسه هو الوحيد اللي فاهم وباقي الناس دبش اذا اشتريت بيت قال ليش اشتريت في هذا الحي دمار وبعدين انلعب عليك غالي فيه ارخص واكبر وازين واستثماري بعد فيه ٣ شقق. واذا جاء عليه الدور راح يدور في اغلى الاحياء وهنا تأتيه الصدمه من حيث لا يحتسب يحصل الأسعار غاليه مره ما يقدر عليها بعدين يبدأ يتنازل طال عمره ويروح للأحياء الأقل ثم الأقل ثم يتعدى حيك اللي كان يعيب فيه ولا تقطر كبده يتمنى يسكن فيه لكن خايف منك انك تضحك عليه وبعدين يبدأ بتأليف القصص تبرير لموقفه ومن اثار الصدمه يقول والله انعرض علي شراكه بمشروع ومتردد اشتري بيت ولا ادخل شريك بالمشروع .... والمشروع إذا نجح إن شاء الله بشتري قصر مو بيت . وبعد هذي القصه راح يختفي الأدمي هذا من حياتك وتعيش أنت في سعاده تامه.
كلام جميل. والله انا صممت لي مخطط خرافي من افكاري وطلع تصميم خرافي وديته عند المهندس استغرب قال ولا غلطة. الحمدلله فيلا مودرن على قدي. بس طلعت بالاخير شي رائع الحمدلله. رغم الانتقادات.
هههههههه والله صادق یا مهندس وأنا أعاني من هذا الشئ ، وهذا ما حصل معي جلست انا واولادي وجالسین نخطط ویجیک من اصحابک صاروخ سکوت تحطیم وتعلمت بأن لا أستشیر احد فی بيتي فانا وعائلتي من يسكن بهذا البیت وسبحان الله کلا له فکره وله تخطيط
الله يسعدك كلام جميل جدا من مهندس جميل ومبدع استفدت منك ومن المهندس مساعد القفاري الشي الكثير في تصميم بيتي ووفقت بمهندس مبدع البى كل احتياجاتي وابدع في التصميم الله يكثر من امثالكم ويكتب اجرك تحياتي
اللي يقهر أكثر اذا كان المالك ميسور الحال ويقدر يغير .. لكن مايجيه صويحبه ويطلع المعماري اللي عنده الا بعد مايخلص العظم .. او يبدأ في التشطيبات ... هذا ودك تقطه مع الدريشة .. 😂
كلامك والله صحيح مية بالمية يا اخي يقهرني مرات لما تبني بيتك وانت فرحان فيه ومستانس عاجبك مليون بالميه ويجيك واحد قاعد يقول لك بس يعني لو انك ....... المفروض المفروض قبل لاتعطي رايك شوف صاحبك او اي شخص مدى تعلق في هذا الشيء قبل لا تسبب له احباط طلبت اخوي تركي الصوة الصوة تكفى
والله انى سمعنا اسواء الانتقادات وكلام زي السم ومن اقرب الناس لنا بس الواحد يحمد الله ويسكت صعب صعب جدا انك ترضى جميع اذواق الناس ارضا الناس غايه لاتدرك بس اهم شئ انو الواحد يرضي ربه ثم نفسه فى النهايه انا للي بسكن فى البيت مو الناس
الله يحفظك و يرعاك كلامك مثل الطيب لأنك طيب علما اني اعاني من. تصميم بيتي الان بسبب نظام مجلس مقلط صاله و خلافه ما حسيت الا انه التصميم لا يتناسب جدا مع الأحوال المتغيره لكن وضعت فكرة التغيير الي بيت أجمل و يحسسك انك في بيت ما يفرض رأي إجباري عليك خلاصة القوك انا الله لك بصيرتك فيما انت فيه
اسأل الله أن يجزاك خير الجزاء مهندس تركي والله انكم تقدمون نصائح من الذهب انا معجب بتصميمك في الإسكان وتم شراء التصميم ايكيو٢ وبإذن الله تعالى بعد التنفيذ بصورلك دعواتك الله يجزاك الجنه يابو محمد