لقد كان حميد مدرسة في حد زاتو وكمان اذا لم تكن وطني و ما بتحب وطنك وعندما تستمع إلي قصائد حميد تعرف كيف حب الوطن وكيف الوطن هو روح الانسان رحمك الله ي كبير
تحيه ليك اخوي ، اتمنى ان تعدل التعليق اللفظ ستكون محاسب عليه وما من اصولك أن تكتب هكذا ، اتمنى تتفهم انتقادي البناء ربنا يهديك ويهدينا ، الجميع متألم ويتغلغل الالم وينحر في جسده ، لكن لا نقول الا انه ربنا يصلح حال البلاد والعباد وأن يجعل لنا رجال شداد يخافون الله في كل شي ...تقبل تحياتي 🌹
2020 حميد ومصطفى سيد أحمد... عقرت حواء السودان أن تلد مثلكم. 💔😓😓.. أداء ولحن فررررريد. من نوعه.. قل ان نسمعه.. من فناني الجيل الحالي.. ربنا يرحمك ويغفر ليكم.. شخصان بقامة. وطن..
الله يرحمك يامصطفي ويرحم القامه حميد بقدر ماقدمتم لهذا الوطن من حب كلمات لن يفهمها الا من عاشر العصر الذهبي كسسره جيل الايباد والتسعينات اتحداكم لو تكونو فاهمين شي انتو ناس القطار دور حديدو والتلاته نسيانات الله يرحمك ياسودان
ابو عبيده كلم الزول الما فاهم دا عليك الله هو الاستماع بالعمر هههههههه وانا والله كنت ف الاساس وم عندي تلفون لكن كنت بشتري زاكر وبمشي السوق لي بتاع الموبايلات وبقول ليه نزل اغاني مصطفي ومحمدالامين وابراهيم عوض و ابو عركي البخيت ونور الجيلاني وديل الفنانين البسمع ليهم من قمته لكن اكتر حاجه بميل لي مصطفي و ودالامين ولمن اشتري الزاكره بختها ف تلفون ابوي وبقعد اسمع وبحي ابوي بلقاني مشغل مصطفي بموت من الضحك فيني بقول لي ي ود هووووي انت ود متين من هسي شايل هموم وبتسمع لي مصطفي وانت يعني هسي فاهم كلامو دا وبقعد يضحك فيني انا الزمن داك كنت في الصف السادس ولا السابع م عارف وكنت حافظ وضاحه و الممشي العريض والحزن النبيل والشجن الاليم والسمحه قالو مرحله وكوني النجمه وابيات من عم عبدالرحيم واخوان ف الانسانيه دلين حافظن وانا في الاساس والوقت دا لسه م كنت عارف اغاني السياسه وبعداك خشينه في محيط مصطفي ولسه عايمين ولسه م وصلنه البر .... وشكرآ اخي لاتحكم بالعمر
ما سمعت حميد قال شنو اخونا احمد عثمان! مشروع مصطفى الفني مفتوح لكل جيل بمعنى الغناء نفسو خليك من فهمو القلت انو جيل التسعينات مافاهمو.ونحن من هذا الجيل الناس تفتح بصيرتها وماتعمم كما الاخوان قالو. والتحيه ليك الاخ احمد وربنا يحفظ الوطن والمواطنين ويرحم الماتو والحيين انه ولي ذلك والقادر عليه. نحسبهم ناس صادقين كانو وقلبهم على البلد ناهيك عن ابداعهم اللامتناهي ربنا يجمعنا بيهم في أعلى عليين
عم عبدالرحيم ــ شليل هههههههههههه والله حالك سبحان الله كانو جزء من حالي ابزمان.... برضو اخوك في سنه خامسه وشهاده عربيه كنت كمان _لكن رجعنا السودان نهائي_كنت بسمع لي ود الامين من خامسه ههه. ومصطفى فيما بعد عرفتو وسمعت ليه رغم انه اغانيه الوقت داك كانت صعبه جداجدا وللان علينا لكن بعد ما كبرنا وسمعنا بي اذن مختلفه عرفناعظمة هؤلاء الفنانين الوطنيين. والتحيه ليك عبدالرحيم وحفظ الله الجميع والسودان من كل سوء وربنا يقلع الحكومة التعبت الناس دي ويبدلنا خيرا منها كله لخير
حميد وططططن .. لك الرحمه و المغفره هي .. أقيفن .. نورة فيكن نورة نقاحة الجروف .. نورة حلابة اللبيني .. للصغيرين والضيوف نورة ساعة الحر يولع .. تنقلب نسمة وتطوف تدي للجيعان لقيمة وتدي للعطشان جغيمة والمخلي الحال مصنقر .. في تقاة الليل تندقر .. تدي لي باكر بسيمة تكسي للماشين عرايا وفوقا إنقطع هديما ما عرفتن نورة إنتن .. قولن إنتن شن عرفتن نورة بت الواطة أخيتي .. نورة اخت كل الغلابة نورة حاحاية الشقاوة .. نورة هداية الضهابة الاراضي الياما أدت .. نورة بقت من ترابا وماشي في الأعماق سحابا مشتهنها .. والله جابا للجنوب طبلاً يهدهد .. لي مشاعر ناس تعابة وللشمال طنبور يسكت .. دمعة الميتين كآبة ما عرفتن نورة إنتن .. قولن إنتن شن عرفتن نورة عايز تقرأ قالت فوقا حيطة الدنيا مالت ختت الكراس وشالت منجلاً صالتبو جالت لامن إنجرحتبو شالت للتراب فوق إيدا كالت ومرة يوم في الدونكا لدغت جاء الفقير بالليل حواها ويوم ملاها الهم قطايع .. جاء البصير بالنار كواها ونورة ما قدرت تمانع .. تقنع الناس المعاها ومرة شافت في رؤاها طيرة تاكل في جناها حيطة تنمغى وتفلع .. في قفا الزول البناها في جنينة سيدي سمعت .. تمرة تصقع للوراها الأرض لابد ترجع للتعب فوقا ورعاها شافت النيل موجو لاها الخليقة بقت إلاها الشمس طبقت ضحاها نار عقاب إنساب مكسر .. فوق تكليات متاهة وضو من الله .. رهاب مكتف في وتيد الليل معاها بين حضر بلدا وخلاها فسرت للناس رؤاها وقالوا جنت ومو براها ونورة زادت فوق شقاها وصدت الأيام تخش تبني لي عصفورة عش في السواقي تشوف عزاها لما شوقا يسوي .. وش تسقي تزرع تسعى تصنع للنهار في الليل تخش عرفت الشقا والشقاوة إلا ما عرفت تغش شايلة طولة البال من الله .. ومن أراضينا الإثارة وماشي تكدح طول نهارا وترجى لما الليل يفلل .. تسرق ألمي عشان خدارا عشان صغارا ولما ترجع لي ديارا تنزف أحلام الفقارى من عويناتا الحيارى لي غبار الحال تقش فوقو للآمال ترش نورة تقعد صاحي تحلم .. بي بيوت بي نور ودش وبالمحبة تشق دروبا .. ولي قلوب الكل تخش نورة تحلم بي وجود ما مشت بينو القيود أفضل أفضل بي كتير .. بي وطن من غير حدود نورة تحلم بي عوالم زي رؤى الأطفال حوالم لا درادر .. لا عساكر .. لا مظاليم لا مظالم نورة تحلم .. ولما تحلم نورة ترجف ولما ترجف نورة تحلم .. ولما ريح الواقع المر .. لي عشيش أحلاما ينسف نورة تنزف ولما تنزف بالا يهتف .. يوم حا تنصف يوم حاتنصف وتبدأ تحلم .. ولما تحلم نورة ترجف ولما ترجف نورة تحلم صاحي تحلم.. وصاح بتحلم. محمد الحسن سالم حميد ...
ابو السيد ود بلدي احيك والله انت افضل فنان في الكون كلو ا ي ابو السيد غيرك م في اي فنان والله ي ود بلدي احاي تحيه خاص لي ودسلفاب تحيه خاص لي اسرتة مصطفي سيد احمد انا من ود سلفاب والشاعر حميد تحيه خاص
أصلي لمن ادور اجيك بجيك لا بتعجزني المسافه ولا بقيف بيناتنا عارض الله عليكم ياخ والله ألف رحمه ونور تنزل عليكم أنتم لاتوصفكم الكلمات حميد ومصطفي قامه حقيقيه
ثلاثه فناين عمالقه الفن السوداني الحوت ونادر خضر مصطفي سيد احمد هؤلاء لاياتي السودان مثلهم اصوات بمعني الكلمة ربنا يرحمهم ويغفر لهم ويسكنهم فسيح جناته مع الصديقين والشهداء
يا وطن عز الشدائد م عارف الواحد اوصفك كيف او اقول شنو لك الرحمة والمغفرة بس اتكد انو وارك جو روجال جابو عقك وحق القلابة اه ي ابو سامر وحميد ظاهرة لن ولم تتكرر
حميد رسل رساله وقال لملمو غنا مصطفي الجميل ده ونوره دي واحده من مئات الاشياء . هذه الرساله يجب ان ننفذها ونتبادل نوادر مصطفي سيد احمد.. مصطفي وحميد الغنا رحل برحيلكم الف رحمه ونور تنزل عليكم
سقط اليوم فرع كبير من فروع شجرة المبدعين السودانيين .. نسأل الله له الرحمة والمغفرة بقدر ما قدم للوطن ولشعبه بكلماته القوية المؤثرة وشعره الرصين المتميز .. اللهم أجرنا في مصيبتنا وأخلف لنا منها خيراً ..
سبحان الله العظيم كل اغاني مصطفي بتحكي عن الواقع الان في السودان يعني الزول دا من استلمو الكيزان الدولة عرف الناس ديل خوازيق و الرحمة و المغفرة ليهم مصطفي و حميد