نتحدث دائماً عن استغلال المساحات وتصميم المنازل بشكل احترافي حتى على مساحات اراضي صغيره ، واستشهد دائماً بمنزلي على 300 متر ومن احلى مايكون نظراً لتصميمه المتميز
ebtehal _97 ابصم بالعشرة وبالذات انهم في الدولة العربية الوحيدة التي حققت براءات اختراعات متتالية بفضل الله ثم بفضل شبابها حيث وصل عدد ها لأكثر من ستمائة اختراع بحسب مكتب براءات الاختراع الأمريكي التابع لوزارة التجارة الأمريكية والمرتبط بمكتبي الاختراعات الأوروبي والياباني(USPTO)
والله انك بطل وتستحق ما وصلت له والله يزيدك عافيه وسعاده تقريبا هذا التصميم اللي كان مرسوم براسي لاكنك اضفت الكثير لي رغم أني كنت استبعد إنّو المساحه ما تقل عن 600 واحد من اخواني مساحه 900 وماعنده ربع الخدمات والرحابة والابداع اللي بمنزلك باختصار انت معلم وتحيتي لك 👍🏻🙏🏼
يعطيك العافيه. مشاء الله كفيت ووفيت في الشرح وجزاك الله خير. تمنيت لو كانت فيه صور اكثر توضح فكره المخططات على ارض الواقع.مثل السكاي لايت.درج الشغاله والسواق. لمحه بسيطه عن التصميم الداخلي للقزاز. وفكره الشبابيك الداخله على ارض الواقع. فعلا موضوع قيم!!!! وجزيت خيرا !
مخطط جميل من شخص جميل أخلاق الله يبارك لك فيه وشكراً على مشاركتنا هذي الأفكار الطيبة .. حصلت على أرض كبيرة هبة من الدولة وخططتها والحمد لله باقي البناء والبناء غالي متوقع بحدود 5 مليون ريال .. بيتي الحالي أرضه 1200 وهبة كبار الموظفين مشروطة باقي على الشرط 13 سنة .. والحمد لله مريح لكن لازم ابني أكبر لعيالي حتى يتوسعون واحد تزوج وساكن معي والثاني ناوي قريب
mohammed alturki الهندسة والطبابة تحتاج تحديث دائم لمن درسها لانها من العلوم المرتبطة بالتطور في أدواتها وتوجهاتها .. وهذا ما يفعله المهندس القفاري بالإضافة إلى وجود فرقة زملاء بنفس المهنة يتاوصون ويخترعون .
شوفوا الفن الهندسي كيف بداء من نقطة اختيار الارض ذات الواجهة الغربية مع انها غير مفضلة عند الكثير .. ولكنها مفضلة هندسيا للمساحات الصغيرة حتى يستفاد من الاضاءة الطبيعية اكثر .. وتعطي انطباع اكبر في راحة المكان وانشراحه ..وتركيب كاسرات الشمس الالية على الواجهة أو اعتماد التشجير لايكلف كثيرا لصغر الواجهة نسبيا . موفق باشمهندس .. الله يسعدك ..
كنت اظن ان البيت الكبير هو الراحة و الهدف.. لكن واقعا استغلال مساحات البيت هو الراحة و الهدف الواقعي اللي في حاجته الواحد.. شكرا يا استاذ مساعد و عساك عالقوة ان شاء الله.
اكيد شرح و وسيع ، ماقصرت زدت دورين على البيوت القديمه 😌 بدروم كامل البيت وحديقه ونوافير و سطح كنه دور رابع ، البيوت القديمه بهذي المساحة نتفه ، مجيلس رجال مهجور ومطبخ ومقلط وصاله مضلمه ، والدور الاول غرف صغار تجيب الهم و سطح مغبر فيه اجهزة وسياكل خربانه و قفص حمام او منشر غسيل 😅 .. الله يوفقك استاذ مساعد قد ما تسعدنا وتنورنا ، واتمنى ان مفهوم البناء في السعوديه يتحسن للأفضل على يدين المهندسين السعودين الذوق مثلك ومثل اصحابك (( اهم شي راحة اهل البيت وبعديييين راحة الضيوف و المجالس الكبااار المغبرة الي ما نستخدمها الا في العيد🤪😅))
يعطيك العافية مهندس مساعد على طرحك الجميل من الممكن ان التصميم لم يعجب بعض من الاشخاص ولكن يبقى موضوع البناء يتجدد بمراحل عديده ولان نراه الا عند من احب عمله
الله يوفقك ويعطيك على قد نيتك ينطبيق عليك حديث الرسول صلى الله عليه وسلم او كما قال ( احب لأخيك ماتحب لنفسك) استفدت منك كثيرا . اخوك مهندس لكن في مجال اخر يخص التكنولوجيا ومحاضر. لاتقطعنا من الفديوهات على اليوتيوب ما احب السناب لانه للاسف الرث غلب المفيد ولكن ما اقول الا الله يكثر من امثالك من يثري المجتمع بالفائده الكبيره
ماشاء الله تبارك الله .... فنان و مبدع في هالارض الصغنونه ... بس ليت جيرانك يهدون فللهم و يعطونك تصمم لهم عشان يكون الكل زي فلتك مودرن و الله يبارك لك في حلالك و افكارك و سعة صدرك
حنا ما ذبحنا الا الضيوف... كيف نسوي بيت صغير والا غرف متوسطة الحجم... لكن استغلال المساحات مهم جدا... الان ما يعزم الا لمصلحة الا ما رحم ربي.... شفتهم ناس ع قد حالهم انعزموا... لا والله الا متوظف أو عنده زلط أو واسطة.... الله يجزاك خير يا مساعد.... عيش حياتك بس
عندما ينتهي الجهل تبدأ الحرية فعلا هذي المخططات للي مايجيهم ضيوف هو عندة استراحة العمارية لذلك اختصر البيت ماشاء الله لاقوة الابالله الله يوفقه ويبارك له
ناقص البيت مسبح وماشجر الارتدادات تخطيط نفس اللي ببالي الحمدلله شفته على أرض الواقع افضل السور دار ما دار مايقطعه شي. لكن من القبو للسطح عذاب وتشتت ربما لاني ماجربت.. اتمنى مثل هالتخطيط يتحقق لي في دور واحد 😍 أقسام مستقله قسم نوم قسم نشاط العايله (حوستهم ووناستهم) قسم ضيوف مصابيح وباحه تكون حديقه وسط وجنب المنزل يطل عليها كل البيت فيهامسبح في دور واحد 😍 والقبو جنه اذا اتقن تصميمه لانه دافي شتاء بارد صيف وتتوسع فيه العايله خصوصيه تامه تامه
من كثر ما اتابع هذا الرجل صرت مهتم بالاراضي الصغيرة بارك الله فيه وفيه جهدة وذريته وماله.. السؤال هل ينفع هذا التصميم على ارض على شارع 15 اطوالها 15* عمق 20 اتمنى الافادة
اخي مساعد السلام عليكم ورحمة الله وبركاته لا أعرفك إلا عن طريق اليوتيوب فاسأل الله أن يبارك لك في عمرك ومالك وأهلك، وينفع بك الاسلام والمسلمين. نِعمَ الرجل أنت، فكثّر الله من أمثالك ونفع بك. الفكرة التي دعوت أنت لها هي ما كانت تشغل بالي: لماذا نستنزف اموال ومواد بناء في مساحات مهدرة وغير مستفاد منها مستقبلا؟ ناهيك عم اقتحام الديون بشتى الطرق وفي الأخير تعيش حياتك بطعم الديون لا بطعم الحياة الحقيقي. بل ناقشتها مع الكثير ووجدت عدم القبول، فقلت لكم ما نشأتم عليه ولي ما أصبوا إليه بإذن الله. والسلام عليكم ورحمة الله وبركاته أخوك نايف
الله يسعدك يامهندس مساعد الحقيقة لم اجد شرح للبيوت الريفية بالسعودية و اتمنى تنزل فيديوا شرح لمخطط كروكي لمنزل ريفي مكون من دورين الارضي استقبال والدور الثاني نوم و جلسة خاصة الطول في العرض 17x17 وسلامتك
الوضع مأساوي الارض تحتاج مبلغ لا يقل عن ٦٠٠ الف ريال اذا افترضنا انها ٣٠٠ متر .. واذا حسبنا المسطح تقريباً ٦٠٠ متر .. تحتاج إلى ٩٠٠ الف ريال لبناءه وعندك التكيف لايقل عن ٤٠ الف ريال وعندك المصعد ٦٠ الف ريال وعندك المصمم المعماري ٤٠ الف ريال .. المجموع 1,640,000 من أين ؟؟؟ حتى البنك لن يقرضك هذا المبلغ إلا بشرط أن لا يقل راتبك عن ٢٠ الف ريال وعلى مدة لا تقل عن عشرين سنه هذا اذا افترضنا أن البنك تساعد معك واخذ فائدة ٤٠٠ الف فقط .... كنا في الاول نطمح إلى ٥٠٠ متر ومن ثم قلنا ٤٠٠ متر تكفي والان ٣٠٠ متر ولا نقدر عليها ... الله يفرج علينا وعليكم
