بيض الله وجهك يابو سيف أشهد بالله أنك حصان ولد حصان والله لايفرق الدواسر والله يالكم معزه وقدر كبير والله من الجيره والخوه الطيبه ومليون نعم في الدواسر خوياي من أل بريك وغيثات وداعين كلن يقول الزود عندي
ماعليك زود وانتم لكل معزة وغلا وقدركم عندنا كبير،،،. خاويت سبعان من الصملة وال عزة والعوامر والسودة وكلهم يطلقون الوجه ويبردون الكبد ، من غير قصور في الباقين
ونعم وسبعين نعم ببوساق شيخ الشيوخ ونعم بشهران القبيله العريقه وسبعين نعم الدواسر أهل الطيب الفزعات بالقبائل والحاضر الطيبين أهل الطيب الله يبيض وجيهكم جميعا رجل من دياركم عاش معكم رجال وأهلنا وقبائل السعوديه والخليج كلهم حفظكم الله وكل عام وانتم بالف خير وصحه وسلامه
بيض الله وجهك يابو سيف وجه اعيالك واخوانك وربعك ال حميد الرجبان يا الحصان عفيت وعطيت من ثقتك في نفسك وقدرت وجه الشيخ ابوساق وهذا يدل على معدنك الاصيل وأطفيت الفتنه والله يصلح الشان .. ابيض وجه يا مبارك
ونعم يابو سيف والحقيقة ما يستغرب فعلك ذا أنت وافي وأبيض وجه وحنا من متابعينك في برنامجك والله يكتب أجرك تعبت نفسك ووقتك عشان تخدم الناس أهل الإبل في كل ديرة حتى العرب معيدين مع عيالهم وأنت من مكان إلى مكان لخدمة أهل الإبل الله يرحم وآلديك ويجزاك خير الجزاء يالوافي
بيض الله وجه ابوسيف وجزاه الله خير . الصلح والعفو والصفح من أخلاق الانبياء والصالحين وأهل الشيم والقيم ومكارم الاخلاق. وكما قال رسول الله صلى الله عليه وسلم: ومازداد عبد بعفو الا زاده الله عزا) وكان رسول الله لايجزي السيئة بالسيئة لكن يعفو ويصفح.
مبروك ياربعي يغالين ع المخلاص يصبيان الدواسر ولاهي غريبه عليكم هذا وغيرها وبيض الله وجيه الجميع محبكم واخوكم المخلص لمعاليكم يادواسر يحي بن جابر الريثي
بيض الله وجهك يا ابو سيف وبيض الله وجية الحاضرين من الشيوخ ومن جميع الناس والدواسر ويام واحد وربع وحددا وانساب وكلهم له تقدير عند الاخر والله يجمع الشمل ويكتب الاجر
بيض الله وجهك يبو سيف بياض الشحم ووجيه ربعك ووجيه جميع من حضر انت يبو سيف قدرت وجيه الرجّال اللي حضرو وتعنو وهذا من طيب ساسك .. وجمل الله حال ربعنا اللي وصلوكم من صوب نجران وعلى راسهم شيخنا الوافي جعله يسلم هو واللي حضرو معه من قبايله وربعه
بيض الله وجهك يابوسيف خوينا وصاحبنا ومحبتك زادت يوم قبلت جاهية ربعنا وشيخنا ومن معه والله يبيض وجهك عند بني عمك يوم عفيتنت عنهم والله ونعم الى ماله مدى
ونعمممم في الدواسسسسر وربي احبكم واخوياي دواسسسر من المساعره والفصام ومن الخرج انا وعايش حياتي معهم ونعم الاخوه عز الله احبهم ونعم بجميع القبايل ❤️❤️❤️❤️
جزاك الله خير يابوسيف وابشر واستحضر هذا الحديث النبوي. قال رسول الله صلى الله عليه وسلم: مامن رجل يجرح في جسده جراحه ،فيتصدق بها، الا كفر الله عنه مثل ماتصدق) رواه أحمد وصححه الألباني.
بيض الله وجهك ولاهيب غريبه عليك مانعرف عنك الى كل عام غانم وصح الله لسانك على ذا الابيات نقدر ونعطي لو يصير الخطا مليون وصوب القرابه مانبين شجاعتنا نعز الرفيق ونرخص الحال والماعون ولعتزنا منا بنبخل بفزعتنا ونقدر كبير السن لمن هرج ويمون ونعطيه علم الصدق ويشوف جزعتنا
وش خليت وش بقيت للي بعدك ياابو سيف عطيت الحلوف والأيمان والسيارات والمال والسلاح وكفلت بوجهك وتعففت من المنصد كل هذا في دقايق ماأتعبتهم واقفين ولاهي غريبة عليك تقدير الرجال والمشايخ وكلام الشايب اللي لابس العمامة قال الصحيح وأدري أن هدفك أبعد وأسمى من أمور كثيرة وأولها أن يقتدي بك الكثير وبإذن الله يكون لك أجرها وأجر من أتبعها تقبل تحياتي.أخوك بدر القحطاني
بيض الله وجهك. يابو سيف وربعك واخوانك عند بني عمك وفعلك يضرب بها المثل عند القبايل معدنك نضيف وساسك قوي وربعك يحبونك وضربت وسيست قاعده قويه عند الذي مخالفالعوايد والسلوم لام لهل الوفاء والطيب يارجل اعفا من بني عمه سلام تسليم اهل الوادي العريب دواسر بلمواقيف تزين علومه بيض الله وجهك يالغالي الحبيب انشهد انك ترفع الصيت وتجيبه
عزالله ان مبارك بن سيف شيخ في العلوم الوافيه كلها وأقولها عن معرفة تامه بهذا الرجل وبشهادة الكثير من الرجال الصادقين كذلك وموقفه هذا إلجام لبعض ضعوف الروابع إللي نجد لهم أحياناً تعليقات مسيئة نابعه من حسد وغيره على لقاءآته الطيبة المفيدة إللي يجريها مع أهل التجارب والخبره والمعرفه من شيوخ قبائل وغيرهم في جميع المناطق كلمة حق اقولها لله / عبدالله بن سعد بن مارق الواسي العلياني ،
سلامي على الرجال اهل الوجيه السمحه والكلام الطيب اللي يبيض الوجه ولايخلص الرجال من الرجال الاالرجال اللي مواقفهم غانمه الله يكثر من امثالهم قبلو رجال على رجل عظيم وكلامه اعظم
اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ماصنعت أبوء لك بنعمتك علي وأبوء لك بذنبي فاغفرلي فإنه لا يغفر الذنوب إلا أنت
بيض الله وجهك يسفير الإبل اعلومك غانمه مع القبايل كلها ويوم انها جت عند بني عمك وربعك اقتديت بشرف الخلق محمد صلى الله عليه وسلم اذهبو فأنتم الطلاقاء هاذا يدل على مكارم الأخلاق والله يحرم وجهك عن النار