مرويات مقعد ابن نوير الشيباني تسجيلات كوربرشوك 

حيهم

الله يرحمه ويغفرالله ذا الشيايب

ونعم النوايره من اطيب طحاطيح عتيبه

سوالفه طيبه ان كان عندك عطنا منهم

بين الجلاوي Bane Algelawe 🙏

كفو و الله يا بني مشيب

تعرف كلش

الله يرحم ابن نوير الشيباني سوالفه حلوه وتونس

يا الله معونتك على ما يرضيك

الله. يغفر له جميع المسلمين

الله يغفرلهم القاتل مسلم والمقتول مسلم والحين الحمدلله على الامن والامان وطاعة الرحمن

اللهم صل وسلم وبارك على محمد وعلى آله وأصحابه أجمعين

الله يرحمه ويغفر له جدي الشيخ بن نوير شيخ من شيوخ الشيباين

ونعم في بني عمنا الشيابين ونعم في قحطان جميع كفو عوانينا و قصرانا و ندنا

والله من الخثاريدز

ونعم نوير الشيباني قول وفعل وكل الشيابين والنعم ومن اطيب ربعنا

والله ونعم الاد مشيب والله من عايل الصخا

كفو يلاد مشيب

الله يرحم اخو هملا ، سطر له في تاريخ المجد صفحات جمع فيها بين الامارة و الحكمة و القوة و النفوذ .

يالمزيني عطنا من تسجلات شيبان وروات حرب لاهنت

يانوم عيني ياربعي الاد مشيب معذبين ال عاطف وقحطان كلهم

يالله تغفرله ابن نوير ويوسع قبره روضة من رياض الجنه

احسنت ونطلب منك الزود

قد مات ناس وما ماتت مكارمهم الله يرحم الكرام عزالله هذا الكرم الصدق اللي وقت الجوع الله لا يغير مابنا من نعم

لاتعني ضعف لقحطان ولا فخر لشيابين جهل وقتل وضروف تحكم ذلك وبعض السالف توخذ بعصبية قبلية

كفوووو بالشيابين وعتيبه عامه الي مرح البهم بمراح الشيخ 😂😂😂😂 اكيد انه يقرب لااخوي مسلط الشيباني😂😂😂😂 والله من حركاته الله يطول عمره 😂😂😂😂

ولا صارو حزامك زحول الشيابين حطيت في مخباك نجد العذيه

ونعم بنوير😂😂😂

ليت اللي عنده سكت

الكلام ببلاش ابوي ابوي قصه عجيبه وعاش معزز

بيض الله وجهك نبي رد راع الحصاه

كفووووووو الأولين عندهم ثقه كبيره في أنفسهم الشايب هذا عد العلوم والتاريخ اللي يعرف وقال إن ابوه كان كريم وعنده أبل وغنم وبقر وبعض الشباب الحين من بعض القبايل لاطري عنده البقر تبرأ منها وتعايبها!!!!! وهي ماهي عيب وفيها الخير مثل غيرها من الحلال

التسجيل. قديم قبل ٢٥ سنه والله يرحمه ويسكنه الجنه إله أكثر من عشر سنين من يوم توفي

من حلبان لعبده خط بيشه ديار الشيابين

😂😂😂😂😂😂

خثاريدزن مصفصفه والله لافيها طعم ولا روح ولا فايده

متى التسجيل عام كم

واجهت ربك الحين هاخل كذابك ينفعك

في التسجيل يقول يوم جبار ويوم جبار عام 1360هجري ويقول صارله 55 سنه يعني التسجيل عام 1415 والله اعلم

المفروض المتواجدين يحترمون سماع الروايه ويمسكون الصمت

واول ضعفك يوم تعلم بذبيحتك امس

علمو سلطان الجلاوي عن فعل بين الجلاوي الشرود

السؤال الذي يطرح نفسه …… قحطان في نجد من العارض الى الوادي فلماذا لم يذهب كوبر شوك الى قحطان في الرين او صبحا او الحصاه او الحرملية اوالخروعية او الجله وتبراك وغيرها ويسجل مع رواتهم وشيبانهم لكي ياخذ العلم من الجميع.

شلون ضايفينه ٥٠ ومافيه سناب في ذاك الوقت !

القصة فيها درس مجاني في اللغة العامية .

عام كم كان هذا التسجيل؟؟؟

😂😂😂😂

اشغلونا الي عند الشايب ماخلونا نسمع زين

يالربع ذي صورة جدي محمد بن فاضي ماهي صورة مقعد من يوصلني للرقم صاحب القناة

شيباني خو ابن شايب من قحطان راح معا عتبيه ايام الجوع وجلس معهم معروف عند العوارف شيء هذا

بقاره 🤣✋🏻

كل شي مقبول الله يبيح مننا ومنه بس اللي مالها مطار ثنتين ان ابوه عمره ١٥٠ ويوم جاء لبوه ٤٠ضيف في يوم واحد بعض الكلام حتى لو انه صحيح عدم ذكره افضل لكن نقول الله يرحمه ويرحم ابوه وجده وساير المسلمين أن شاءالله

كويس انك قفلت التعليقات عند صورة الشيخ خالد ابن شليويح انت حربي

اللهم ارحم الملك عبدالعزيز آل سعود واجعله في الفردوس الأعلى من الجنة.واحفظ ذريته وأصلحهم وأدم حكمهم وابسط عدلهم واجمعنا حولهم وألف بين قلوبنا وأصلح ذرياتنا وردنا إليك مردًا جميلًا وأدم علينا نعمة الأمن والسلام والأخوة ووحدة الصف والكلمة للدفاع عن وطننا السعودية.

في الدقيقه 10:50 قال حصاة بن حويل وهذا اسمه الحقيقي وفعلن العتبان وسبيع مايعرفون اللى حصاة بن حويل والحين يسمونه حصاة قحطان

نبقى شوية ترجمة 😅

هذا ابن نوير ابوه كاسبن اباعر الملك عبدالعزيز وفرسان ومعروفين

ويش اقول 😂😂😂

كلي يقول لى يعجبه من لي قالك ان قحطان راحت تكذب كلي شيء مؤرخ في الكتب

سحيتان صلخ ظريطان بالله عليك هذا تاريخ تفتخر فيه😅

انا سمعت عنده بقر حول خمسين. ممكن احد يوضح المعروف ان البدو ماعندهم. بقر. ويكرهونه. خصوصا العتبان البقر يكرهونه. ممكن توضيح

وراه ما ذكر ابو هميد 😅

البدو عندهم اخطاء في الاعمار ، الشايب يقول سنة جبار ( الدهر القوي ) قبل ٥٥ سنة من التسجيل كنت جذع ( يعني ابو ١٥ ) اي ان عمره ٧٠ في التسجيل ولما سألوه اخر شي قال ٩٠ وهذا خطا كبير وغيره اخطاء كثيرة عسى الله يرحمهم ويغفر عنهم

وشلون شيباني عنده بقر

لو نسمح تفكنا من التقطيع

150 ههههههههه

انت يالمزيني عطنا حياتك وطيبك طلعها لنا وش دخلك في حيات الناس ميته له ميه عام مصرح من الدوله تتكلم وتقول كلام ماحصل وتنشر

اللي يستغرب وجود البقر عند البدو ذلك من ضعف الخبرة وعدم معرفة البدوالاصيلين عندهم مدر وابار ونخيل في ديارهم الاصلية لكنهم يرحلون عنها طوال العام خلف الابل وقديغيبون عنها سنوات حيث فيها نخيلهم الذي يأكلون من تمره ويعودون اليها في الصيف وبعضهم يكون لديه فائض مال ويشتري به مدر من اجل زيادة الرفاهية وذلك لايطعن في نسبهم ابدا وكل التحايا والمحبة الصادقة لعوانينا وجيراننا وحلفائنا عتيبة الهيلا انعم واكرم بهم

بس العود ما ذكر من اللى ذبح هذال ابن فهيد

ويلكم علا ردتها من اهل رنيه هههههههه

هل ابن نوير من الفهيدات؟

الدقيقة: ١٥ : محيسن الصخيل السبيعي من سبيع الوديان

الله يعفو عن ذا الشايب ، الدقيقة ٩.٢٠ يقول ان عجلان قال بأخلي الغنم تنزل في مجلس ابن جرمان بين السرحتين ، ويحدا ويقول الشيخ ينزل منزله عجلان شيخ الفهر عن ديرته مطرود القصة موردها على ابن جرمان شيخ آل عاطف ، والحداية على شيخ الفهر ابن شفلوت . تناقض عجيب وكلامٍ عار من الصحه. وهذا دليل أن أغلب الروايات الشعبية يغلب عليها التعصب وعدم المصداقيه . رحم الله الملك عبدالعزيز الذي وحّد هذه البلاد وآخا بين القبائل المتناحره .

الشايب ذا له عم اسمه مفرج ؟

القصة مكذوبة والحقيقة من معارك الهضب بين الشيابين وقحطان: حصل تنافس بين الشيخين الكبيرين , الشيخ هذال بن فهيد شيخ الشيابين , والشيخ مناحي بن جرمان من شيوخ قحطان , وكان تنافسهم على القسم الجنوبي من منطقة نجد , أتجاه الهضب , وقد قال الشيخ مناحي بن جرمان هذه الابيات: يانجد سامحني ثلاث سنين =مــادام تثلـيـث زفــا مـرعـاه فرد عليه الشيخ هذال بن فهيد: ياراكـب مـن عنـدنـا ثنتـيـن=يـم الجنـوب مناحـيٍ تلقـاه يحرم عليه الحزم والضيرين=والهضب مايشرب برايد ماه فرد عليه الشيخ مناحي بن جرمان: ان كان تطري الحزم والضيرين=دار وخـــام ولابـنــي مــرعــاه ترى الوعد خشم النفود الزين= مـابـيــن صـبـحــا والـحــصــاه

وش خليت ل اخوان نوره😂😂

ياكبرها عندالله كبرااااااه ، من طلقة وحدة هجو قحطااااان ؟؟؟؟؟!!!!!!!! ماتنبلع

انت يالمزيني وينك ابي اقابلك طلع وجهك تجيب قصص وتكذب وتتهم ناس؟ببلباطل وتكلم على جدي عجلان بلكذب ناس ماتو الله يرحمهم جميع

الشيابين يرجعون فى ثقيف وليس فى عتيبه ..

الله يرحمك ياصقر،الجزيرة عبدالعزيز اللي فك ذالمجنن من بعضهم كلنا كنا في غزو وخوف وذبح وجاهليه كل الجزيره العربيه كانت كذا من شمالها الى جنوبها ومن شرقها الى غربها قتل النفس،عندهم مثل شرب الماء

اولاً الله يعز الدولة ثانياً والله انك ياهذا العود كذوب لاحضرت ولا عندك اثبات لاقصايد ولا رواية مكتوبة ومتوارثة صحيح انه كان حرب بين القبائل قبل هذا الحكم الطيب العزيز . وكانت حرب القبائل متداولة بين نصر وفوز . ولذلك استغفر الله وصل وصم واترك الخذاريز بقعا تصوعك

والله الي مالها مطار 90 اباعره و90 بقره يعني الشيابين اهل بقر من مبطي

اول السالفه يقول لقين جراير خيل و وجنائز عرب مذبوحين وماخوذة قال بن هذال ذله غابيه ولا ذله بينه يعني مالنا حيله في بن جرمان القحطاني ثم جاب الله لبن هذال زوجته بنت بن زريبه متخاصمين هو وياها ولا يحاكيها من خمسه شهور وقالت لها يا ولد الشاوي لا تهلكنا ثم حذفها بيد النجر ثم غزا على با ابن جرمان القحطاني وهج بن جرمان جاء بن هذال وقال وين الحرمه يا حرمه قالت هج. هذي مثل قصه عدنان ولينه اول شي ذال من بن جرمان وبعد ماقالت له الحرمه يا ولد الشاوي غزا ودي اصدق بس قويه

والله من الخريييط المتراكم

يااااالله من الكذب عند ذاء البقار والي ينشر له ويجدد له النشر>>القصص ذي ماهي على مستوى ذاء البقاره يزيفون ويحرفون في الروايه لتشفي

يارجال جاكم اخو نورة وكسر خشومكم ونظفكم من النعرات القبليه الهمجية

صلب

ذابحا امس ذبيحه لضيف وعانهم ياكلون فيها من امس الين اليوم هذا والله المخرف

ونعم بهذال أما انت طقوع وكذوب في سوالفك كلها يظعيف

الله يغفر له للشايب بن نوير وارحمه وكما قيل آفة الأحاديث رواتها. روايات لاتدخل العقل ولا الواقع ولاالتاريخ. يعني مابقى من الضعن الا ذي المرأة. والقصيد شي طبيعي يحرف أو يزود فيه. وبعدين الحمل والضيرين والحزم والهضب ديار المخاريم الدواسر. و الشيخ سيف ال عيسى المخاريم قد شدد منه اخو هملا هذال بن فهيد لانه ارسل الهدوء بعد مانزل الهضب والسلم يرسل الهدوء من ديار عتيبه. قال سيف بن كلاوى المخاريم: لك ثلاث ايام ارجع وأرسل الهدوء من زويليان حد عتيبه مع الدواسر والا حاربناك. فاستجاب له الشيخ هذال. فقال الشيخ سيف قصيده منها: شددت اخو هملا ولانيب غلطان/ يمشي بسلم الزايديه ولي زود @ شرط شرطته رضابه وهو غضبان/ وشروط تمشي على طالب الزود@ ياطول مانرعى ولاحن بجيران/ وكلن طلبنا الصلح حتى(بن عبود)/ نرعى من الجفرة إلى عرق زينان/ بمسلبات شالهن كل بالود@ وياطول مابيتي على جال فغران/ وتلقى مساييره مقابيل وقعود@ يرسخ بنا هضب رسا بين عدوان/ وكلن يبي شربة منه قرهود@ الخ القصيده. _عرق زينان:حول نفوذ الدحي ديرة المساعرة وحزم الدواسر. _الشرط اللي رضا به هذال: لانه مانع عتيبة كلها من اجارة شيخ المخاريم ظافر الهلقمي الملقب ( مشخر الفرسان). لكثرة مغازيه على عتيبه. مع ربعه المخاريم واحيانا مع قحطان لان بينه وبين قحطان نسب معروف. لان خواله من السحمه قحطان. وايضا بن سعيدان من شيوخ ال عاطف قحطان متزوج اخت الهلقمي. فقال الشيخ سيف: ماانت نازل الهضب الا بعد إسقاط جناية الهلقمي. فغضب هذال بشدة. لكن ابنه جهز أصر عليه وقال الهلقمي بيذبح فينا ونذبح فيه خلنا نشرب من ماء الهضب العذب البارد وناكل من لحم الصيد. فاستجاب الشيخ هذال للذلك . _وايضا يدل على ملك الدواسر الحزم آنذاك الشيخ شجاع بن منيف بن قويد ومعه بعض الدواسر أخذ ابل شيخ النفعه شبيب بن حجنه في حزم الدواسر. لانه نزل حزم الدواسر بدون قصير جاه واحد من الدواسر قال منك متقصربه . قال بن حجنه:نازل بحافر وصنعة كافر. يعني بالخيل وبالبندق. راح الدوسري وعلم بعض دواسر الوادي ومنهم الفارس شجاع فغزو بن حجنه وخذوا ابله ولازالت مع احفاده لليوم. وهي مقصود البيت المشهور: ياشبه وضحا مع بن قويد/ شيخ الدواسر هل الوادي@ مع أن الشطر الثاني غير صحيح لان الدواسر مالهم شيخ شمل ولا أمير كافة بعد بن بدران شيخ الدواسر قبل أربعمائة سنة تقريبا . لكن الشاهد انها وضح بن حجنه اللي كسبها شجاع بن قويد منه. _فابيات الشيخ هذال بن فهيد : يحرم عليه الحزم والضيرين/ والهضب مايشرب من برايد ماه@ _له أما حاله اسثنائيه مثل أن المخاريم الدواسر كانوا في عند نخيلهم في الوادي وقت الصرام كما هي عادت قبائل الدواسر في الوادي. أو أنهم مع ابلهم في مراعي نجد. أو غزوات الكسب المعروفه. اذا لاتوجد قصص معارك للشيخ هذال بن فهيد مع القبائل الأخرى في الهضب لانه ماستوطن فيه. ولاتوجد الا هذه القصه اليتيمه التي اشبه بالخرافة مع قحطان. وعلى العكس تماما قصص معارك المخاريم كثيره في الهضب ضد قبائل نجد . مثل ماقال الشاعر الفارس مترك المخاريم: هضب حمينا جنابه بالكريزيه/ وان طاح فيه اجنبي ماحدن شاله@ _او الناس فهموه غلط يمكن قصده أن بيقف في وجه دون أن يمر ويجتاز ديار الهضب في ذهابه إلى تثليث والجنوب خصوصا أن ديار الشيابين ملاصقة لقحطان. مثل قول هذال بن فهيد: نرعى الحمل بمذلق العيدان/ ديرة هديف وبن عبود@ يقول شايب دوسري عندما سأل شايب سبيعي عن ديرة الحمل. قال السبيعي:الحمل اللي نخبره هو حول الحصاة في ديار قحطان. يعني ماهو الحمل اللي في الهضب. _الشاهد أن القصه والقصائد بعيده عن الواقع والصحه وفيها تناقض. وليس من عادة نساء العرب تقبيل الأرجل يمكن تزهمه أو تنخاه. لكن سقوط على الأرض وتقبيل رجل ماسمعنا.

البقار يقول جرمان شرد ويقول عليه الحرمه وآلله أنه كذب الشيخ جرمان شرد وخلا حريمه ابك مادورت غير الشيخ جرمان هاذولا عتيبه كلهم نفس سوالفهم طردناهم ذبحناهم ولا يجيبون للجزيه طاري ولا كلمه وهم طردونا من نجد ب السوالف

كلوووووو كذب

والله الكذب المصلع الله يتجاوز عنه