@@مطبخيومملكتي اللحوم المتبلة ما تفوتش شهر وانا عندي معلومة حبيت نقوليها للاخوات اللحوم المجمدة ما يجبدوهاش ويحطوها فوق البوطاجي ويخلوها ذوب وتسخن واطلق الما راح تفقد كمية كبيرة من الفائدة ديالها يا اما يحطوها تذوب فالثلاجة يا اما للقدرة ديرك
صباح الخير انا تاني من تبسة و عايشة في الجزائر العاصمة عند ي 16سنة ومتتبعة وفية وبفضل ام الطاهر درت بيت الخزين نشكرها بزاف ربي يعطيها صحتها وخليلها راجلها اولادها والله تستاهلي كل خير ،هيا هيا التبسيات بانو هنا نشجعو ام الطاهروالله تستاهل
مرحبا بلي جا وجاب تبالي نفوت الناير معاك😍😍 تستهلكيهم بالصحة😋😋 والاخت نقولها الدجاج خير من الداند وبنين عليه وزيد الداند كل ما يطول في الكونجيلاتور يزيد يدير الريحة
ربي يجعل ايامك كلها حلوة يا مولات القلب الزين تستاهلي كل خير حنا من لي نعقل على روحنا نيرو ومازلت ودرك خرجتنا وحد الفئة تعيف تخلي الواح يحس بالغثيان كلش حرموه المولد حرام والناير حرام و تحضيرات رمضان حرام والحرام تاع الصح غافلين عليه بناتهم لابسين الخلاعة والضفار ما نحكوش عليهم الحواجب مرسومين بالتاتو والبنات حطو المناقش في حواجبهم ولساناتهم الرجال رجعو مخنثين هذو كلش ما شافوهش
بسم الله مشاء الله ينتكلو بالصحة والهنا يا ام طاهر انا تاني ام طاهر القلوب عند بعضها يدخل علينا بخير وعلى خير هذا العام انشاء الله غير الصحة ويخلينا ويباركلينا في اولادنا وشوية دراهم. برك هههههههه❤❤❤
بصحتك توصليه بالصحة ان شاء الله شوفي انا تشري الناير بأكمله الا شيكولة نسقسي أولادي كل واحد شا باغي ياكل نشريهم زوج طوابل للواحد يستغلوهم و يشبعوهم احنا بكرى في دارنا جامي خرجنا بلا ناير كان بويا عنده حانَوت مع واحد شركة اقسم بالله قاع لي يبقى في الحانوت يجيبها نكلو و نصدقو شهيا ليلة 12 ما ناخروه ما نقدموه شوفي لموالف ينير في صغره ينير لولاده انا كان ولدي عنده 7 أشهر صغير ما ياكل و كان زوجي يشري كانت 6000 دج تشري لك ناير شباب سمحيلي طولت عليك
ما طولتي ما والي ههههه لو كان غير كملتي حتى انا ما نقدرش نقطعها كل عام نيرولهم لو كان انا نقول لا زوجي ما يقبلش مع انو في دارهم يعني دار شيخي مايديرو الناير ما يعرفوه كي تزوجت وليت نديره في داري ودرك خلاص تعودو عليه كر يقرب يحسبوله بالدقيقة والثانية وميمتي كانت ديره في 12ما تقدمه ما تاخره ومازالت في عادتها اما انا قلت مادام راهم فاكونس بغيت نديرهلهم باش يتمتعو غاية ههههه راني رديتلك التطويلة🤣🤣
على سلامتك يا زينة والله توحشتك يا أختي الكريمة الله يحفظك ويخليك ويعطيك الف عافيه وصحة كنت مع فرحت النقاط تاع وليد وبناتي ربي يفرح كل وحدى بولادها 🎉🎉❤❤
نبغوك حتى حنا ونتمنولك الخير بصحتك المشتريات انا مازال ماشريتش الناير بصح حتى انا درتله نصيب من المال من لي نعقل على روحي نيرو ومام ولادي توالفو ربي يطرح البركة ويحفظهم من كل شر🤲❤❤❤
هههه ماهوش جديد اصلا قليل وين نلبس الذهب من عند ربي ما عندي حاجة فيه هههه ديجا كرهوني فيه العباد صراتلي قصة من ثم كرهته قليل وين نلبسه نحس النار شاعلة فيه
خطرة بويا نسا الحبالي ما طلعهش من الحانوت نعقل كانت النو قاويا اقسم بالله هود جابنا 6 كيلو و الا أكثر مين كانت ليام زينة و كان كل خير و خوالي لباس بيهم و ما ينيروش قضية تاع ولف احنا كبار و نبغوه
أربي كاش وحدة تفهمني في هاد العيد تاع يناير والله ما عندي حتى معلومة عليه نعرف عيد الفطر وعيد الأضحى وراس العام كانت الناس تحتفل بيه بصح درك والحمدلله راح هاد الإحتفال في مهب الريح يعني أقلية ليحتافلو بيه ودرك في السنوات الأخيرة زاد خلق يناير هادا فهموني برك يناير هدا واااش، وهل هو عيد لزم المسلمين يحتافلو بيه وأنا لا خبر؟والله إن سؤالي جدي حابة نعرف واش هو يناير ونتمنى نلقى كاش وحدة تجاوبني والله رآني ما فاهمافيها وااالو وشكراً المعلومة مسبقاً
حتى انا من عنابة عمرنا ما احتفلنا بيه هذا يناير لا الوالدين ولا حتى الجدود ولا حتى الجيران و هاد العوام الاخيرة من عهد بوتفليقة ولينا نسمعو بيه ياااسر اختي انا مانعرفش قصته وما نحتفلش بيه رغم اني دورك ساكنة في باتنة والكل يحتفل بيه غير انا😊 خليني مع العيد الكبير واعيد الأضحى وبس
بصحتك المشتريات حنا نبغوك ونتمنولك الخير وشكرا على كل النصائح اما اللحوم نفظل الدجاج والداند ريحته مزفرة وديجا غالي على الدجاج وحتى انا نشري شعال من دجاجة كيما قلتي نستفاد منه خير