مشترياتي من اواني راقية مع الاسعار 👌وين دائرة حصالتي😍بعض النصائح لشراءه سيارة ومنزل🌷🌷 

اسمحيلي اختيي بصح الدار والطوموبيل لوكان مايكونش عندك بهرة تاع دراهم مستحيل الشهرية تاع الدزاير محال تقدري تبني بيها وتزيدي تشري سيارة سيرتو الدار مع لغلى لي رانا فيه الزوالي صعيب عليه يبني

‏‪19:52‬‏ اختي ملاحظة ماتحكيش حياتك للناس عندك محتوى روتين ولا طبخ ماتخرجيش منه ماكالاه تسمعي الغاشي واش شريتي ليك ولبناتك الناس اصناف والعين حق والحسد مرض .

بصحتك المشتريات اختي لوكاان تهدرلنا كيفاش درتي السيارة باش نتحفزو معاك وشكرا مسبقا مشتركة وفية معاك بصح منعلقش

مدابيك قولينا كيفاش درتي دار و طونوبيل انا تان راني ام بنتين و حابة اندير واش درتي

ام امينة سمحلي ماكنتش ندير كومنتار كانت عندي ميمتي ربي يحفضها جات شوي مريضة ربي يشفيها وبغيت نقولك راني شريت شوي قضيان رمضان وبعد نزيد نكمل معاك بيت لخزين ومذابيك تعطينا من خبرتك وتحكينا كفاش درتي سيارة 🚗 الحمد لله سكن قدرني ربي وخلصت في لبيا بفضل لله وبفضل ولديا عاونوني لاني زوجي كان مبذر لكن نهار وقفنا علي دار ستعرف وقالي لزم ندير لدورو حساب فقرر بداية سنة جديدة يعطيني خمس ملاين اذاتقدري تقسميهالي فيها ضوء وماء ومصروف بيت عيد الاضحي وملابس وعندي ثلاث بنيات وحدة 10سنين ووحدة 12سنة ورضيعة عام ونصف تسرب لحظة وايكوش مذابيك تقسمهلي قبل سنة جديدة وجزاكي لله خير جزاء صراحة ماعنديش خبرة مذابيك تعاونني وباغي نكمل معاك بيت خزين وشكرا جزيلا

ايه اختي ياريت نعرفو كيفاه كنتي تقتصدي باه نتعلمو

هايل سرفيس مع ترامز خرجو روعة بصحتك مشتريات تتهني بيهم

سلام ام امينة كراكي توحشتك بزاف مصحتك مشتريات تستاهلي كل خير انسانة طيبة لحمد لله بنياتي كملو لامتحان وتحصلو علي نتائج ممتازة الابتدائي تحصلت علي 9/والمتوسط تحصلت على 16

مشتريات شابة خاصة كوكوط السرفيس تاع القهوة ما عجبونوش les sous tasses C pas pratique

من فضلك وريلي كفاه تتداخري في الحصالة وطريقة الادخار باش حتى ندبري كما نتياونوفر باش نشري اي حاجة نتمناها

ماشاء الله تبارك الرحمن نموت على الاسَود بصحتك المشتريات وتصومي بالصحة والعافية يارب العالمين يهبل

سلام اختي معليش تقوليلي كيفاه حتى قدرتي تلايمي للطوموبيل معليش الطريقة برك الله يحفظك وشحال في الشهر تحطي في الشقاقة

متتبعة جديدة بصحتك المشتريات اختي روعة ماشاءالله مع الهناء ان شاءالله

اختي من فضلكم قولينا على الكيكوطة اذا جربتيها هي احسن او ماركة seb والسعر تاعها

شكرا اختي وزادك الله من فضله ورزقك انت وكل محتاج

الي يدير قاع هدا المشتريات. دار و لوطو و الهاتف لبنات يكون يخلص شكارة. اما الإشهار مستحيل يدير كلشي. انسان راه حاصل في قوت عيشه. و الله يزيدكم

وي ديرينا فيديو كيفاه درتي دار و طمبيل

انا عجبني السارفيس نتاع القهوة وسومتو مليحة بصحتك ولي قالو ماشي مليح ربي يهديهم

بصحتك لماعن كل سى شريتيه شباب ذوقك يعجبني بزاف

Msahteq et bonne continuation hbiba

بصحتك تستعمليهم بالصحة ولهنا

ما شاء الله تستعملهم بالصحة ولهنا❤

تحياتي ليكي حبيبتي بصحطك رآني نيتعمل فيهم لكوكوت هي ضراعي وعيني عشرت عمري❤❤❤❤❤

بصحتك اختي والله لكحل احسن من لبيض

اول مرة نشوف قناتك اختي ربي يمتعك هايلين ولعقوبا لينا ❤

واشريتي هايل خاصة سارفيس في زوج روعة بصحة❤❤❤❤❤

اول مرة نشوف قناتك اختي ربي يمتعك كلش هايل

عجبوني المشتريات بصحتك ولكن عندي مشكل في فهم الاسعار للعلم انا مغتربة ولكن تقدري اتقولي ما افهمتش بصحتكم

ذوقك ما شاء الله لا كلاص بصحتك لحبيبة

الله يبعد عنك وعنا كل شر الانسلن الناجح في بيته ليس فقط بالادخار والتقشف بل يجب ان يتقن عدة مهام سواء الزوجة او الزوج كي يستغنى عن المهنيين الختلفين وهكذا يوفر هذه المصاريف الزايدة

Win chriti le service à café ?.merci

نقتصدوااا😊

بصحتك هايلين

لاكوكوت عندي منها روعة سورتو مع رمضان كبيرة لشوربة وصغيرة لطاجين اقتصاد سورتو الوقت مع تربية وخدمة

بصحتك المشتريات بصح شريتي الككوط غالية أنا شريتها 15اي مليون وخمسمية من قسنطينة متتبعة من قسنطينة.

Le noir tres chic

انا خرجت تقاعد بدل ما ايكرموني عقبوني عجب 😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂

وشن هذاتكسر للآيفون قولي تلفون وخلاص

ربي يبارك

وراهم الاسعار

بصحتك سيدتي كل مشترايتك جميلة و شابين عجبني سرفيس نحب اللون الأسود و هذوك الكيسان تع 6 حتى انا نويت نشريهم أن شاء الله للقازوز خاصة في رمضان يجو شابين فوق طاولة الإفطار و على الادخار مذابيك تقوليلنا و الله رني كارية و نخمم كيفاش نكسب دار تعي نحبو نستفادو منك❤

تاني مقلقة من يديك

مع كل احتراماتي و بدون تجريح بصح السارفيس تع القهوة ماشي شباب و الله كاين ما خير منو بهاد السومة بصح اذا عجبك بصحتك

بصحتك المشتريات تتهناي بيهم أن شاء الله

Svp kaskas ta3 la cocotte est-ce que yefouar t3am mlih

شدي يديك يقلقوا في الفيديو

تي، اسمحيلي على واش ؤاكي، تحكي، ياختي، اسمحيلي انتي ؤاكي، تهدري، على كي يكونو الزوجين في، زوج، خدامين، ولاباي، انتاعهم، تمون برديدة قادرة باش يقدرو ياكلو ويشربو، ويخلصو الماء، والكهرباء، والقاز، ومصؤوف رمضان، مايجي يخلاص حتى يلحق، مصروف العيد، يخلاص العيد، الصغير يلحق الكبير يخلاص، الكبير تلحق الدخلة انتاع ليكول والغلا والكوا، الناس كاين، الي ماصابوش، واش، ياكلو، والراجل يمون خدام، ولاباي، قليلة، والله، ما، تكفي حتى ماكلا عاديا وتصبيه خدام وولادو محرومين من، كل الاشياء الكبيرة، همالا ماتجوش تتمسخرو بالناس الفقيرة الجيعانة الي كرشها، ماتشبعهاش، وانتي، تهدري على سيارتك، انتي، وزوجك وكيفاش تبدليهم اسمحيلي هاذا، الكلام وجهيه، للي كيما انتي خدامة ومرفهة ولا باس، عيها، ماشي الناس راهي، تتعذب كيفاش تقسم، شهرية وحدة انتاع، الزوج ولي هيا، زةج ملاين ونص، وعندو ربعااطفال، ولا خمسا، تتمسخري، وتضري، الرماد في عيون، الناس ولا كيما، قالك الي يدو فالنار ماشي كيما الي يدو، فالماء انتوما، عندكم فاءض من، المال، تتبنجو بيه، وتفواجيو كيما، تحبو وتزيدو تخبو، واحنى، القليل مسكين، يقضي بالكريدي غير الضروري، فقط وكي يلحق، ؤاص الشهر يعطيهم، لمول الحانوت ويلا مرضلو، واحد مولادو مايلقاش باه يديه، للطبيب، والناس كامل تسالو خاطرش، مالقاش، باش يخلص التريسيتس، وانتي جاي، تتمسخري بينا، مستحيل الفقير يقدر يدير حصالة في خضمكل، هاذ، الضروف، والسمحولي ؤاني، مقلقة من واش ؤاه صاير فالناس مساكن، واحد ماحاس بيهم غير ربي الي خلقهم

يا ختي هدرتك معمرة فوخ وزوخ