وعلاه يا طموحة مازلتي صغيرة.يا بسم الله.انا كبيرة عليك ب 5سنين و مازلت نشوف روحو صغيرة.بالعكس المراة فالثلاثينات تولي كاملة في عقلها.رزينة و ثقيلة و في كامل انوثتها.ايا جيش الثلاثينات بانو هنا.
الله يبارك ربي يكبرنا على الدين والطاعة وبالنسبة للكبر انا كل مانكبر نحس روحي راني نصغار ههههه والعمر مجرد رقم أحيانا تلقايهم كبار ويبانو أقل مالعمر تاعهم و أحيانا العكس المهم نكونو بصحتنا وبعقلنا هههه هذا مكان صح عيدكم حبيبتي كل عام وانتوما بألف خير ينعاد علينا وعليكم بالصحة و الهنا
حبيبتي هذا المشكل ماشي غير عندك نتي أغلبية الرجال وتقريبا كلهم يخافو من أمهاتهم معناها ضركا لازم نتي تقفزي مع روحك وتخليه يخاف منك حتى نتي خههههخخه قلو مرات نخرجو ونخرجوها معانا ومرات لازم نخرج راسي وراسك عندي حاجات خصوصية ومواضيع بزاف حابة نتناقش فيها معاك ومن حقي تخرجني وتحوس بيا راني مرتك وقدام الناس مارانيش صحبتك ولا تزوجت بيا بالتخبية ههههه ربي يهدي ماخلق والله يصلح احوالكم ان شاء الله صح عيدكم كل عام وانتوما بخير ينعاد عليكم بالصحة و الهنا
سلام حبيبتي انا تاني معيدتش حاجا مشرهاليش جناح تاع دجاج مدخلهاش في دار نورمان هاذي هي دنيا المهم راني في نعمة الحمد الله صحة ولادي ولعزاز عليا راهم بخير😊
😔😔😔عادي حبيبتي هاذي هي الدنيا كل واحد واش كتبلو ان شاء الله يجي نهار ويعوضك ربي وتعودي تشري زوج اضحيات وحدة تصدقيها ووحدة تضحي بيها كل شي يفوت غير الصحة والهنا هذاك هو الصح صح عيدكم كل عام وانتوما بخير
عام سعيد وكل عام وانت بخير لعاقبة لمية سنة ان شاء الله في طاعة الله رانا شرينة الاضحية زوجى محال ميعيد هادى هدية لله ولكن لا يكلف الله نفسا الا وسعها غير الصحة برك
الحمد لله شفتي حبيبتي مانقص منك والو بصح عند ربي راكي ديتي أجر كبير وراجلك راهو فرح وزاد فيه النص ربي يحفظك ويخليك دايمن بنت أصل وفحلة وصح عيدكم كل عام وانتوما بألف خير ينعاد عليكم بالصحة و الهنا
بصحتكم تاكلوهم بصحة والهنى وعيد ميلاد سعيد ولعقوبة لميات سنة ربي يعطيك الصحة وستر ويخليك اوليداتك ولينا والله غير كي نسمعك يطلعلي المورال ليوم راني مقنوطة ربي يفرج 🎉🎉🎉🎉❤❤❤
حبيبة قلبي ان شاء الله دايمن تكوني فرحانة متقنطي روحك على حتى حاجة كل شي يفوت افرحي وفرحي وليداتك معاك نتي هي شمعة الدار تشعلي تضوي الدار ولي فيها تطفاي تظلام الحالة كامل ربي يقدرك ان شاء الله وصح عيدكم مسبقا كل عام وانتوما بخير
والله حبيبتي ياريت ولكن أحيانا يجونا ظروف خارجة عن إرادتنا انا كنت مخبية مبلغ مالي مليح قلت هذاك ونزيد نفتح الحاصلة ويزيد راجلي من عندو ونشرو كبش العيد فجأة جاتنا الرحلة على غفلة حطينا كامل واش عندنا وزدنا تسلفنا مالفوق ربي سبحانو يرزق من يشاء من غير حساب قادر بلا مانخططو وبلا مانديرو حسابات يرزقنا ربي سبحانو ونضحو كيفنا كيف الناس الحمد لله على كل حال ان شاء الله يرزقنا ربي من حيث لا نحتسب ونقدرو نديرو السنة العام الجاي ان شاء الله
@@omthamoha1406 والله كون جيست قريبة ليا غير نمدلك من الخروف تاعي من قبيلة وانا نمد لناس لي مضحاوش. معندنا منديو من الدنيا هادي ربي يهدينا للطريق الصحيح.
انا عندي ناقص بزاف درت تحاليل ولقيتو ناقص ماتقدري ديري والو لازم تشربي فيتامين د انا عطاتولي طبيبة مرة في 15يوم نشربو معا شويا فيتامين ولازم تبقاي في الشمس صباح لازم تضربك أشعة الشمس مباشرة على جسم
سلام اختى أن عندى مشكل مع بية شيخى رآه صيراء الا سماء هوماء يعيدون وانا لا ملفين نعيد معهم ولكن لسنة راهم سكنين فوق وانا تحة 😂ورنا فى مشكل ملقية نروح إليهم ولا منروحش عطينى ريك اختى
ياختى ديرى لى يريحك ماشى لى يريح ناس روحى حتى تكملى صوالحك وشغالاتك ودخلى عليهم غفرى عليهم ربع ساعة وخرجى وإذا تباتى بعثى ولادك مع باباهم يباتو فى دارهم بالعز والشان ماشى بالذل
سلام حبيبتي والله غير كي نشوفو ناس يشتكو من اهلهم ننساو كامل مشاكل أهل الزوج كيما قالت الأخت الباب لي يجيك منو الريح سدو واستريح روحي غافري اهلك وديري الواجب تاعك وتم تم ارفدي ولادك ورجعي لدارك معززة مكرمة الله غالب الناس عادت تفركت ماشي تلم ربي يهدي ماخلق ومتخمميش بزاف حبيبتي الدنيا دوراة كل واحد يشرب من نفس الكاس صح عيدكم كل عام وانتوما بخير
قولو دوك عندك باش تشري لنساء خاوتك ولي واجب عليك صح تصرف عليها تقولي معنديش على حساب واش راكي تقولي هذا إنسان بخيل حتى انت ماتشريلو والو وماتعاونيهش في المصروف هكا باش يحس واش تحسي
سلام حبيبتي صح عيدكم كل عام وانتوما بخير هذا وين قدرت نرجع على التعليق تاعك اسمحيلي بزاف المهم بالنسبة للزوج تاعك نتي راكي فبدايتك زواجك ويقلك راجلك على مولفتيه وولدك على ماربيتيه معناها الزوج تاعك كي يكون غالط ولا يخدم بالوجوه لازم حتى نتي تحرجيه قدام خاوتو صح بلاك تجيك هدرتي ماشي صح بصح كي عاد قدام نسا خاوتو يعرض ويزيد ويزوخ ومرتو مشتاقة حاجة نتي ثاني قدام نسا خاوتو وخاتو احرجيه قلو مافهمتش فيا انا معندكش دراهم وفي نسا الرجالا جيبك يتعمر نتي فذاك النهار كي يعود يقلهم نجيبلكم ونجيبلكم حتى نتي دوموندي وش خصك هو ممكن يكون راهو يكرم فضيافكم وهاذي حاجة مليحة بصح لازم يكون عادل معاك نتي راكي اونسانت وتسخفي منين ذاك ماشي خسارة كي يفرحك دنيا فانية وكل شي يفوت نتي مشكلتك ماشى مع نسا خاوتو علاش خاتو راهم يكبرو بيك ويقيموك كيما هو مكبر بنساهم مشكلتك معاه هو حطيلو حد قبل فوات الأوان وكوني قافزة مع روحك متخليش من ضركا يحڨرك ويحرمك من حقوقك وربي يطلعك على خير ان شاء الله
ياختي المشكل هاذيك ماشي كحولية لوكان راني لقيتلها حل هاذيك سيما يابسة منتشرة فكامل الدار معلاباليش واش خدمو من بعد منحاوهاش تم تم حتى يبست ومقدرتش نحيها و المشكل وماشي غير بلاصة قلت بعد العيد ان شاء الله نريح شويا مالرحلة من بعد نشوفلها حل وشكرا حبيبتي على النصيحة فميزان حساناتك ان شاء الله وصح عيدكم كل عام وانتوما بألف خير ينعاد علينا وعليكم بالصحة و الهنا
سلام حبيبتي تباني راكي مقيوسة بزاف من اهلك بصح والله غير ماشي غير انتي اغلب العائلات هكاك غير تتزوج الطفلة خلاص يقلك راهي عند راجلها وفي دارها ربي يهنيها كي تحب تجي دار باباها مفتوحة فوق هاذي مايديرو حتى حاجة يزوروها غير للضرورة بحكم مايحبوش يكونو ثقال على نسيبهم انا بابا عندو خمس سنين مدخلش داري حتى لهاذي المرة التالية بصح جامي زعفت ولا غاضني الحال المهم تكوني بخير في دارك ومهنية مع راجلك وولادك واهلك كي تتوحشيهم عيطليهم ولا روحي عندهم لازم توسعي خاطر ومتقعديش طلعي وتهبطي تمرضي غير روحك وصح عيدكم مسبقا كل عام وانتوما بخير
ياحبيبتي ماماك تمضغك ومتسرطكش مهما تقلك ومهما تزعفك بصح بينها وبين روحها متبغيش عليك ومهما يصرى تبقى امك بعيد الشر لوكان تموت ولا كاش مايصرالها تقعدي بالقنطة تاعك ربي يطول في عمرها المهم قدام الناس عندك ماماك وتقولي راني رايحة لماما كاين لي راهم مشتاقين يرجع الزمان للور ويشبعو من امهاتهم ربي يصلح الأحوال ويحنن القلوب الدنيا فانية وحنا رانا نديرو كل شي باش يرضا علينا ربي سبحانو ♥️صح عيدكم مسبقا كل عام وانتوما بخير
صراحة والله مافهمتش المطلوب اسكو نديرو فيديوهات صامتة ولا نهدر زوج كلمات ونسكت ولا نهدرلكم غير على الروتين واش درت واش درت ونتوما كامل الله يبارك عليكم ماشي حتى نقلكم انا